أحيانا الواحد .. يجيه اتصالات ما لأمينها داعي .. وهذا اللي صار لي اليوم

جاي من الدوام وصليت العصر واللي علي بالخير <<بالخير والا ابوبكر سالم كح كح << منت بعيد عن جو الرياض>> وتوني أتزين بأنوم وأريح لي ساعه ساعتين قبل المغرب .. وحاط الجوال على الصامت

إلا يوم بدت تبرق وترعد في شاشة الجوال .. يعني جايني اتصال .. وألمح الشاشه لينه رقم <<أكيد رقم أجل بتشوف خشه في الجوال لا سمح الله يعني

قصدي رقم غريب .. موب مخزّن عندي .. وعادة ما أرد إلا على اللي أعرفهم .. غير تسذا أطنش .. إلا إذا مرسلين رساله يقولون غيرنا الرقم والا نكلم من جوال ثاني

لأن متعود .. حظي دايم موب ذاك الزود مع اللي يتصلون عليّ غلطانين .. يا تمساح يقول هذا رقم الخطابه أم ......... وإلا سحليه تسأل هذا رقم أم ............ اللي تعالج

ما عمر أحد غلط مره .. وقال لقد فزت برحلتن مجانيه بدون قطه إلى أي متسان يحبه قلبك .. وإلا قالوا تعال خذ سيارتك <<اي هين>> اللي فزت بها في سحب مدري وين .. على كثر ما اشخمط في ذا الكوبونات في كل عاير فيه مسابقه وهي تسذب

ما لكم بطول السالفه << وشو عقبه بعد ما مسكت بنا خط خدمه عن المكالمه الأصليه


المهم .. ويجي الاتصال مره ثانيه .. قلت يا ولد ليش ما ترد ذا المره عشان تريح عمرك .. الغرفه مظلّمه وعشان تزين النومه لا يقعد يولع ذا الجوال كل شوي ويخرب عليك النوم .. لأني ما أواطن أي لمبه والا ستاره مفتوحه وأنا نايم حتى لو في ليل <<ياخي وش رايك تصورك لنا وانت نايم نشوفك؟ ما بقى الا هي

قمت <<وين رحت؟ >> رديت .. قلت أيوه نعم .. إلا ذاك الصوت .. وش خقه .. ووش نعومه .. ووش حنان

الا يوم زعقت .. هوتي هورمه هق جوال !!

من الروعه .. سميت بالرحمن الرحيم على قلبي .. واستقعدت .. وقلت : نعم؟!

قالت بصوت أعلى : انتي مين سورأه سورأه هوتي هورمه هق جوال !!

لحوووول .. من وين طلعت لنا ذي .. قلت : ايس كلام؟! << على باله يتفاهم معها الحين>> انتي اللي مين؟!

زعلت هي وقفّلت الخط .. قلت أزين قصرتها من أولها

إلا تدق ثانيه .. وأرد .. خلاص تعكنن الجو .. وطلعت في راسي <<من هي؟>> الا أتفاهم معها وش تبي

قلت من تبغين يا خاله .. هو أنا قلت خاله .. يوم برطمت وقامت تزبد وترطن شي عرفته وشي مر داعس مدري وشو

قالت .. انتي ليه ما هوتي هورمه هق جوال هادا؟! .. سورأه سورأه
وعرفت من كثر ما كانت ترددها إنها تقصد .. ليش ما تحط الحرمه راعية ذا الجوال بسرعه على الخط وتخليها ترد .. يعني ناد راعيته

قلت هادا جوال هق أنا <<تأثر بسرعه>> ما فيه هورمه

يوم تكرنت زود .. وقامت تراطن وتهاوشني .. انتي كربانه <<وين مكينه؟! >> انا كلمي هورمه انتي كلميني .. يعني أنا أبغى أكلم حرمه وتطلع لي انت << يا هووووه يا لغه

ومن كثر مراطنها .. عرفت إنها حجّه (الحجّه .. بفتح الحاء والعض بالأسنان على الجيم .. يعني تكرونيه)

تهي تهي .. آخر حياتي أكلم حجه في جوال

حسيت وهي تحتسي .. إني طايح في وحده باسطه على رصيف تبيع فصفص ولوز .. والقيرو (علاج خخخخ) يحيط بالبسطه من جميع الاتجاهات
عشان محد يشتريه منها فتحط الحره فيه وتاكله وتوزع السعابيل بشكل دائري حول البسطه عشان لو مرت البلديه ما يتجرأون يطبون على البسطه ويشيلونها خخخخخخخخخخ

في الاخير يوم طلّعت اللي في خاطرها وحطت حرتها فيني وهي الغلطانه صفقت بالخط بوجهي بعد ما قالت اخر شي .. كربانه ملئونه

تهي تهي .. يعني كذا اتهزأ في جوالي من هجّه .. قصدي حجّه .. لا وتلعّن بعد

ليت من يعرف متسانها .. تسان أتعاون مع الجوازات وأبلغ عنها


عاد الله لا يوريكم .. أي نومه ضبطت في ذا العصريه وأي كوابيس .. لا عادها الله من مكالمه


فنصيحه لحد منكم يرد على رقم ما يعرفه .. والا حظكم نصيبكم