يانايف إليا جيت ناسن يعزّون=قل هالقصيده من بدر مستعيره
سلم على جوري وضحكه وشيزون=واللندني مع برق وأيضآ أميره
خص أم فهد والحر واللي يمرّون=مع فيض والمهره تراها عسيره
والعشق لاتنساه في حزة العون=اللي ليا دجّيت رحت أستشيره
شمالي لياصرت ضايق ومغبون=لو اطلبه يمناه جابه كسيره
وكلاس وافي وأعظم الناس يدرون=إنه كسى بالطيب شبه الجزيره
والعازفه منساه وأظل ممنون=للعازفه طول الحياة القصيره
وقل للبريئه يالبريئه تمونون=على القصايد قلّها والكثيره
أذكر خيال الروح والحوت يمشون=بصاف النوايا والنوايا حقيره
ويانايف ليا شفت تأنيث شيطون=دق التحيّه والكبيره كبيره
وسلام يالعيّار ياأحمر اللون=يامن سيوفه بالملاقى شطيره
وقل للذي غرّوه ناسن يموتون=بفراقنا,, [من خان] زاد إتعميره
صدّقتهم ياحيف فيما يقولون=وخليتني بالدرب رجلي كسيره
لكن يجيلك يوم وتشوف وشلون=بذوّقك طعم القسى ياصغيره
والله لذلّك ذل يانكسة الكون=وآطى برجلي عزّتك [ياختيره]
وسلام للأعضاء صاحي ومجنون=إعداد غيمن عمّنا في غديره
ويالله يامن له عبيده يصلون=ياعالمن شر الخلايق وخيره
تشفي عليلن بات يالله مطعون=وتجبر كسيرن علته من عشيره
تمّت وأبي منكم لشخصي تحلّون=أنا تعبت من العنا والمسيره

الموضوع الأصلي: من خان لجلك يخونك || الكاتب: نـايف الشمري || المصدر: منتديات الأماكن

المصدر: منتديات الأماكن