جتنا رساله غاليه من غلا النون=فيها معاني تعطي الفكر حيره
من غالياً قدره عزيزاً ومركون=جوا معاليق الحشاء نستديره
نديبه ابن العم وافي ومصيون=صان الوصيه والوصيه نذيره
ونرد له تسليمته عد مايكون=ورداً طلع ذعذع علينا عبيره
يااعضاءنا شوفو بدر ليه مضغون=ماعاش من يضغن وجيه السفيره
بالله ياللي صوب داره تمرون=هذي حروف الوايلي من ضميره
تكفون ودوها تكفون تكفون=ماينغبن غالي وحنا نجيره
وبدرنا غالي ولايمكن يهون =جعل المهونه في عدوه تجيره
يابدر وسع خاطرك هون بالهون=اقهر به العذال لاتستشيره
ولاتستمع في هرج قولة يضنون=ياكم ظنن زها نجوم الظهيره
من ظن بالخيره لعله له يكون =ومن ظن بالسيه يذوق المريره
ترا الشمالي خاطره ياسع الكون =لاتنكسر سبة عقولاً خشيره
وترا الشمالي مطلبه هيض شجون=وشجون قلبي من قصيده ضريره
ون عانقك حاقد او جاك ملسون=يبشر بملقى واحداً سد بيره
يالشمري حنا يمينك وبالعون=يفداك ابن وايل وجالك ذخيره
مانفعله لجلك جميله مدفون=مانحسب ارباح الجميل وخسيره
جتك الرساله زاهيه ضمن مضمون=وياكم معنا خافي نال الشفيره
ويالله ياعالم خفيات وظنون=تحفظ لنا بدر البدور وتديره