الناس جمعه والحبايب جميعا=في ليلة الجمعه وانا ماتونست
خلي ذبحني ياعرب مايطيعا=لارحت له قفا ولاجان رحبت
ياصاحبي عليت حال المنيعا=كل ماشفالي جرح جيتن ولطّمت
لايافهد ظاقت علي الوسيعا= عقب الشمال وجو رفحا تغربت
عزالله إني مانويت القطيعا =حدتني الدنيا على قاسي الوقت
حكم القدر مجبور حكمه اطيعا= ولاشك لولا الرزق ماكان شرقت
مار البلا ياخوك واكبر فجيعا= فرقا الوليف اللي له القلب سلمت
من عقب ماني منعمن في ربيعا= اليوم قيظه داهم القلب وامحلت
أقفى وخلى الروح شقيا وجيعا= تشكي ظلام الليل في عالم الصمت
كذا بدون اسباب فرقى سريعا= ماقال لي ارجوك او لو تكرمت
من صدمة الموقف وقو الشنيعا=غصبن علي هليت دمعي ودنقت
حاولت أهدي من دموعي نبيعا=وكن الدموع تعاندن لاتذكرت
ليت الجفا ينفاه شرع الشريعا= أو ليتني ماكنت ولا تكونت
ياشين أنا ماني بشين تبيعا= من علمك للصد متى تعلمت
لايافهد والحال ماهي شجيعا= وش حيلتي يالذيب ولحبه ادمنت
تكفى وانا ادري يالفهد تستطيعا=جاهي وجاهك علها ترجع البنت
وداعتك لاجات عقب القطيعا=تنشد عن احوالي او كيف انا صرت
قله بأن الهم اصبح طبيعا=وحالي عقب فرقاه ازفت من الزفت

الموضوع الأصلي: دمعت شجاع,,,, || الكاتب: بدر عليان || المصدر: منتديات الأماكن

المصدر: منتديات الأماكن