قال الذي ينظم جزيلات الأشعار = يجبر عويق القاف لاصار مكسور
مثايلن هاضت مثل طش الأمطار = تصعب على اللي ركّب القاف مجبور
ردّن على راكو وطلقين الأشبار = جديد ماهو حفظ من بندر سرور
الذيب ذيبن لو لجى داخل الغار = إليا هجم في هجعت الناس مخبور
والحر حر وماكره فوق الأوكار = مايجتمع بومن وحرّن على طور
سلام للأعضاء مشرف وزوّار = منّي عداد المال بحساب منصور
وبعد السلام إنبيك عن كل ماصار = موجز عن اللي شفت لو كان محظور
شهرين ياراكو وأنا أخوك محتار = بين الظروف وبين مايخفي السور
تلعب بي الدنيا بطيشات الأفكار = ظاع الأمل بالنار وأمسيت مقهور
أجزع مثل حرّن تنهّض ولاطار = تلولست رجليه بالشبك مغدور
وخلاف ذا مشغول في كثر الأسفار = من ضيقتن بالبال مضالها دور
أقول أبنسى وأطفي النار بالنار = لكن عجست أنساك ياقبلة الحور

الموضوع الأصلي: رد على راكــو ,,, || الكاتب: بدر عليان || المصدر: منتديات الأماكن

المصدر: منتديات الأماكن