من حرقت الماضي ومن نهج سلطان=من كيفي يا محمـد وفنـي ولونـي
ببدع لك ابيات الشعر كيـف ولـوان=واذكر عواذيل الشعـر لـو نسونـي
ما عاد صبري ينوزن فـوق ميـزان=كبر احتمالـي والعـواذل طرونـي
الهم صاحبني على طـول الازمـان=ولا عادنـي بتحمـل الهـم دونــي
شعرن كتبتـه قلـت مافيـه الأوزان=ودمعات عيني انزلـت مـن عيونـي
قلت الشعر يا مكسر القلـب عنـوان=احساس شاعر مع كمـال الشجونـي
قال الشعر مـا يكتبـه غيـر فنـان=مير أنت غافي هايمن فـي جنونـي
للشعـر شاعـر وللمعاجيـن فـران=وافهـم تـرا للشعـر دايـم فنونـي
ادري وربـي بـن للشعـر ميـدان=وحتى الشعر والوزن هم يعشقونـي
اقولها لك يـا خـو ريـان وبلسـان=لا من نويت ابعـد تراهـم دعونـي
خلني اخوض الحرب والكل فرسـان=وما همني لـو صوبـوا واذبحونـي
صدقني بن التجربـه خيـر برهـان=ويمكن ابرهن لـك وهـم يصدقونـي
خلني اجرب شوف مانـي بخسـران=وخـل العـواذل بالفعـل يهدمونـي
من صابني صبته ولو كـان غلطـان=بعـد انكسـاري صحبتـي شيدونـي
منسى بداياتي ولو كنت أنـا انسـان=أنسى ولكن منسـى يـوم ارجمونـي
كلنـا بدينـا وهـذا كافـي وبرهـان=يا محمـد ارفـق خلهـم ينصحونـي
ماعنت أنا حاجات عمـري بالأعيـان=وحاجات عمري ادري ما قد بغونـي
لكن خذ المعلومة من راعـي الشـان=بصبر على ما قد حصـل وابتلونـي
وباصر أنا اكتب للشعر دوم من شان=كسر العلاقة بين خـوف وضنونـي
ولحذف رواس الخلق من فوق الامتان=ولحذف رواسي راسي من عالمتوني
لو اجمعوا بينـي أنـا كنـت منهـان=من خلـق ربـي يومهـم يطعنونـي
لا ادمر المنشا واخرب بـه اوطـان=وافتن مثل مـا قـد همـوا افتنونـي
بحفظ كراماتي مـن اول والـى الان=وبعلـن بصوتـي علهـم يسمعونـي
بنـي كريـم ارد الاحسـان بحسـان=وان ما سعوا لي فالحيا ومكرمونـي
وبخلص كتاباتي وأنا ادعيـك منـان=ارزقني هم مـا عمرهـم يرزقونـي
والعاذل اللي كان ولازال مـا كـان=ينهش بلحمـي والجهـر يظلمونـي
وشلون أنا اقوى عالبعد يوم ونسيـان=ومعاد يشفـي علتـي لـو نسونـي
يا محمـد افهـم ربنـا رب رحمـان=قول الله اللي وحـده يكـون عونـي

وسلامتكم يالغالين

من كلماتي اخوكم

ياسر القحطاني

الموضوع الأصلي: ؟×عــواذيــل الشــعــر×؟ || الكاتب: امبراطور الشعر || المصدر: منتديات الأماكن

المصدر: منتديات الأماكن