ماأظنك يالغلا لإبليس سمّـاع = ولاتبيع المشاعر وإنت شاريها..
إن قسى قلبك علي وإنت ملتاع = قسوتك يالغلا يوم ماأبيها..
دامت خطاوينا سوا كيف نرتاع؟ = وسكة هـوانا طلبتك لاتخليها..
تترك عيونٍ ترسمك حلو الأطباع = رسمتلك عينك وشفني وأنا فيها..
لاتجرح اللي قلبه اليوم جـزّاع = يبكي عشانك وعينه لك يبكيها..
إن كنت مخطي لاتجازيني بسـاع = ادمح خطاي وبالهجر لاتسويها..
أنا العنود اللي لك اليوم مرباع = ماهقوتي يالغلا صرت ناسيها..
شفني سفينه والسفينه بلا شراع =وإنت البحر والموج وأقرب موانيها..
دنياك شفها كلها دروب ٍ وسـاع = وهذي مشـاعرنا عجزنـا نخبيهـا

الموضوع الأصلي: ليـــه يالغــلى؟!؟ || الكاتب: عنود || المصدر: منتديات الأماكن

المصدر: منتديات الأماكن