قديم 10-04-2012, 01:03 AM
المشاركة 35

 

  • غير متواجد
رد: مودڪ ڪيف آليووم .. بـ قصيده ••
على ذاك الطريق اللي يسمونه غرام أحباب وطت رجلي على دربه ولا أدري وش نوى فيني
تبعته لآخر دروبه .. ألين أن القمر قد غاب تعب قلبي ، ولا تعبت مسافاتٍ توديني
لقيت الليلة الجردا : هدب ظل وسما واعشاب بعد ذاك الظلام اللي يتوهني عناويني
صدفتك معجبه فيني وياليت .. الغرام : اعجاب وتراك انتي الهنوف اللي هقيتك تستحقيني
عطيتك عشق من قلبي .. وسلمت لغلاك رقاب وغيرك يحترق قلبه ولا يقدر يحاكيني
أنا قبلك صدفت عيون لكن ويش جاب لجاب؟ ترى كل العيون اللي لقتني ما تكفيني
رماني حظي العاثر عليك وجيت لك طلاب ولا أنتي اللي عشقتيني ولا انتي اللي عتقتيني
تعالي واعتقي ذاك الخفوق المولع المرتاب مهب لاجلي ، عشان الله يجازيك ويجازيني
تعدي في سما عشقي ولو عشقي خراب أصحاب وصوني بالهوى نفسك قبل لا انتي تصونيني
وشيليني على متنك : خفوقٍ باريٍ منصاب ومن فوق الغرام العذب .. شيليني وحطيني



آيه فِي كِتآبِ الله تسكب فِي قَلب المؤمن الثقِه بالله والطمع في عظيم بِره وفضله ؛
تأمل قول إبرآهيم عن ربه ( إنه كآن بي حفيا ) أي: كثير الحفآوه بي ، والإكرآم لي ،
سأدعوه وسيستجب دعائي ، ومن آراد أن يعلم مقآمه عند ربه ، فلينظر مقام ربه عنده .


ماهو شرف يوم أني ابدع قصيدة=ماهو شرف املك دروع وسايم
كل الشرف في نظرتي صوت اشيدة=اتلو بها قران رب العظايم

مآتشرفني ( ثلاث القاب ) في الدنيآ ! . . ولا ودي بـــها
قاطع صلاة .. وعآصيٍ أمه وبوه ( الوالدين ) .. وحق بنآت
وأسأل الله .. الغنى والعآفية .. والستر .. هو يدري بــها
وأسأل الله .. التقى .. والخير .. والانصـاف .. وبالله الثبآت


كل ما خط من كلمآت الشاعر
/
\
/
ياسر بن محمد القحطآني
’,
( إمبرآطور الشعــر )



التوقيع الأول : الملكة أم عبدالرحمن سلمت أناملك
التوقيع الثاني : الأميرة أغلى حبيبه سلمت أناملك

ترقبوآ لقاء العمالقه ( إمبراطور الشعر && شيهآنة أبوي ) عما قريب دويتوآ





قديم 10-04-2012, 04:38 PM
المشاركة 36
الجفووول
عضو يفوق الوصف
  • غير متواجد
رد: مودڪ ڪيف آليووم .. بـ قصيده ••
آأنــا لا قلت لي شلــونك وأنا ضايـــق أقــول بخيـــر
مـــدامك سائــــل عنــــي أكيــــد إن ضيقتـي راحــــت

أنـا من كثـــر ما أحبك أشوفك فـي عيــوني غيــــــر
تضيـــق النفس من غيـــرك ولامـــن شفتك إرتاحـــت

أحبــك كثـــر ماتطـــــري في بــالي وتشغل التفكير
كثـــر ما أشيــــلك بعينــي ونـــاس منهـا طـــــاحت

أحبـــك كثــر ما أدمــح خطــــاك إن خانــك التعبيــر
كثـــر ماخـــــــــانت الرفقـــه بكتـــم أسرارها وباحت

أحبــك كثــر صقــار تولــــع فــــــي محبـــة طيـــر
كثـــر ما دلة الطيب بريـــــحة هيلها فـــــــــــــاحت

أحبـك كثــر ما أحـس بشعور إنـــي عليك أغيـــــر
كثـر ما أزيح هالغيــره عن أفكـاري ولا إنــــــزاحت

أحبــــك كثـــر مالك داخلــي حــــــب وغلا وتقديـــر
كثــر ماغبت عــن عينــــــي ودمــوع مفارقك ساحـت

تصـــدق من عرفتك صـــــرت أحبــك وأكره التغييـر
وأنــا اللي كنت أعشق كل نجمه فـي السمـــــا لاحــت

تأكـــد كـــل ماتسأل عن أحــــوالي بأكون بخيـــــر
مدامـــك سائــل عنـــــــي أكيـــد إن ضيقتي راحـــت



ل آلشآعر / ثآمر شبيبْ


قديم 10-04-2012, 05:45 PM
المشاركة 37
ғคђค๔
عضو أمتعنا وجوده
  • غير متواجد
رد: مودڪ ڪيف آليووم .. بـ قصيده ••
لاصار ذل النفس في قلب يغليك
يقطعك ياقلب ٍ هواك وشريتك .

. اضحك حبيبي دام وقتك مسليك
بكره تموت من القهر لا نسيتك .

قديم 10-04-2012, 10:30 PM
المشاركة 38
منى ،
عضو يفوق الوصف
  • غير متواجد
رد: مودڪ ڪيف آليووم .. بـ قصيده ••
المسا اللي ملاه الشوق ما اسمه مسا
يمكن اسمه عمري اللي ضاع فيك
و الا اسمه الف ضحكه تحتريك
و الا اسمه قلب عاشق دايم يسمي عليك

بسمتك من هو قراها
و ضحتك من هو كتبها
ما تعرف من السوالف عشقها و الا عتبها

و انت غايب كنت حاضر في النواظر
في سوالف هالغرام و هالخواطر
ياللي دايم فيني حاضر ما تغيب
ما تكفي يا حبيبي لين قلت انك حبيب

قديم 11-04-2012, 12:51 AM
المشاركة 39

 

  • غير متواجد
رد: مودڪ ڪيف آليووم .. بـ قصيده ••
ياقو قلبك على الصّده ويا صُبرك وياوسع صدري على صدك ويا صُبري
وياطول عمرك بذاكرتي وياكُبرك وياشيب عيني بشيّب عاد ذا كُبري
والله لون حمل صبري فوقك..ان تبرك والله ولو تعتذر منت بعلى خبري
ان ما جبرك الغلا ما اقدر على جبرك ياللي على ارض الوفا ما شبرك بشبري
تزعل وترجع وتلقاني على خبرك وانا انكسر لك واجيك ادوّر لجبري
طيفك وذكراك طيلة غيبتك سبرك وشوقي لشوفتك طيلة غيبتك سبري
امحق وليف ومحبه والا اقول ابرك حسبي عليك اعشقك وانت اتحفر قبري

قديم 11-04-2012, 12:55 AM
المشاركة 40

 

  • غير متواجد
رد: مودڪ ڪيف آليووم .. بـ قصيده ••
عقبال ياماخذ فؤادي مية عام ضيعتني منك وانا ما اهتديتك
لا ..ما نسيتك كيف بانساك ما دام ذكرى الفراق تهزني لو نسيتك
حبك قدر وانا على دين الاسلام مكتوب في وجه الجبين ورضيتك
لك في الضمير الود والحشمه اتوام ولي في ضميرك مثل ما انا بغيتك
ولك منزلٍ في نايف القلب وخيام وذود الغلا ترعاه ولا شكيتك
يفطر عليك القلب وان فارقك صام والله لونك شوك سدره كليتك
القلب طيرٍ لادعي للهوى حام والا انت وكره من كثر ماهويتك
كن العيون من النظر عقبك ايتام وكني ماريت الا انت من يوم ريتك
وكنك معي وانا فقدتك من اعوام مع الخيال القاك كني لقيتك
من صعب وصلك ما تهنيتك احلام وان جابتك فزيت شوق ومحيتك
يعني وصالك صعب واهدافي اوهام يعني زرعتك للقدر ماجنيتك
صبرك يقولون العرب كل الايام يوم عليك ويوم لاجاك جيتك
ويا قلب ياللي ورثك اجروح وآلام بليتني ماهو بانا اللي بليتك
ولعتني من عادني في الهوى خام واسرفت بي وانا خطامك عطيتك
طعتك وزبدة طاعتك هم وهيام مالله كتب لي واستخرت وعصيتك
لوللقلوب اسواق بايع وسوام لاابدلك وان جيتني ماشريتك
والا انت ياللي جيش عينيك مقدام لا اقنعت منك والرجا مارجيتك
كني سجين بين..افراج ..واعدام وكنك سجن وانا بنفسي بنيتك
تنبيك عن حالي محاصيل الالهام وتخبرك نظراتي نهار التقيتك
عقب الوصال اللي على عين من لام قدهو يكفيني عن الوصل صيتك
وقدني الى مريت بالشارع العام لديت من ما في الضمير ودعيتك
ادري ان صوتي ماقطع عشرة اقدام وادري بي اعود الى من نصيتك
ياشينها يامحنيٍ راس الابهام ماقدر على شوفك وانا عند بيتك
الاعمار ما تضمن وانا اخاف الاحكام ارثيك خاف اودعك ما رثيتك

قديم 12-04-2012, 01:17 AM
المشاركة 41

 

  • غير متواجد
رد: مودڪ ڪيف آليووم .. بـ قصيده ••
اللّه يعزّر فيك . والله يقـبلك أن كان عرفك .. للضياع .. أقتادني
من يومني صغير أعشقك وأتأملك حتّى تفرعنبي غلاك ... وسادني
كـبرت أحبّك بس صرت أتخيّلك غبي .. تعلّمني غلا .. وأجـادني
من أوّلا اشوفك وعشق ادللك وأأحب خيط العذر لامن ... قادني
والحين لامنّي ولهـت وجيتلك قام ايتصيّدني .. الحزن .. وأصطادني
فالشّارع اللي هيبته هيبة ملك اللي تهجّا خطوتي .... وأعتادني
من تحت شبّاكك وودّي أسألك.. يغلا من أغليته غلاك .. أش فادني؟
لو أدري أن مستقبلي .. مستقبلك..! ماكان نقّصني .. الغياب .. وزادني
هنا وبس .. ولا تضايق .. وأزعلك بقفي فمان غيابك .. وماعادني
لا اقفيت عن عينك رجعت وقلت لك تكفى ليا قفّيت عنّك نـادني
من حشمتك لو أوصلك ما أوصلك ياخي بثور من العذاب .. وهادني
أحساسي أنّي ذنب فعيون أهلك أحساسي بـ الاحساس ذا ... أبادني

قديم 12-04-2012, 10:48 AM
المشاركة 42
منى ،
عضو يفوق الوصف
  • غير متواجد
رد: مودڪ ڪيف آليووم .. بـ قصيده ••
صعب اجبر عيوني تنام
في ليله وانتي زعلانه
واذا مرت علي ايام
اجيك بروح ولهانه

معي حب وبقايا احلام
وباقه ورد خجلانه
خجول الورد ماينلام
لانك اجمل انسانه

عسى الله لايجيب خصام
لجل حبنا وعلى شانه
وكل مامر فينا عام
هوانا تورق اغصانه

انا شوقي يزيد هيام
كثر ماروحي عشقانه
وانا من راسي للاقدام
مشاعر حب عطشانه

قديم 13-04-2012, 02:45 AM
المشاركة 43
الجفووول
عضو يفوق الوصف
  • غير متواجد
رد: مودڪ ڪيف آليووم .. بـ قصيده ••
نوّخ ذلول الليل و اوقد لنا النار
في صدري همومٍ كثير و سوالف

سولف عليّ امرار و اسولف امرار
انا على صوت المحبين والف

يمكن تهزّ القلب و تشوف ما صار
جرحٍ تحت ضلعين هالصدر صالف

انسى الكبار و خلنا الليله صغار
تامر عليّ و اقول لك ما يخالف

تحت النجوم اللي بها ليل سمّار
تعد جيلٍ من ورى جيل سالف

الله كم شافت من عيون زوار
تخاوي الطرقي و هي ما توالف

باحساس خذلي من سنين التعب ثار
دامك تقول انك على الصدق حالف

قديم 13-04-2012, 07:50 PM
المشاركة 44

 

  • غير متواجد
رد: مودڪ ڪيف آليووم .. بـ قصيده ••

أخايل في الأفق سرب الأماني وانتظـر بشـراك
................... والملم هالمسا وأشعل من أعواد السهر صبحـك

انا اللي من تذكرتك عرفت أني عجزت " أنساك"
....................... وانا اللي لو تناسيتـك تذكـر خافقـي رمحـك

على شرفة غيابك جيت أبفتـح نافـذة ذكـراك
................... لقيت الصبر متلحف خطـاك ومفتـرش جرحـك

أنا اللي ما عرفت من الكلام إلا حروف أهـواك
................... وانا اللي ما عرفت من الحزن إلا عـزا فرحـك

وانا اللي يوم قررت أنتهيك احترت كيف أبـداك
................ تخيرت البكى لجلك ، لأني ما عرفت أضحـك !!

أنقّب عن مآثر دمعتي فـي حسرتـي واللقـاك
............... واهيم بوسط صحراء الزعل ما لاح لي صلحـك

سقيت أزهار حلمي في غيابك وأثّمرت أشـواك
................. زرعتك سنبلة فرحي وأكل طير الحـزن قمحـك

أنا مالي وطن إلا أعيـش العمـر فـي منفـاك
..................... وأنا مالي بزاد العمـر لا منـه نقـص ملحـك

تضيع ف بحر أوهامك حياتي والقـدر مرسـاك
.............. واناجي وحدتي واشكي حبيبي : ( مسّني قرحك )

وأطيح أبكي على كتف الزمن وأقول كيف أنساك
.................. وتبقى نافذة ياسي تواعـد بالأمـل صبحـك !!


قديم 13-04-2012, 08:56 PM
المشاركة 45
الجفووول
عضو يفوق الوصف
  • غير متواجد
رد: مودڪ ڪيف آليووم .. بـ قصيده ••
استكثرك وقتي علي وغدابك
عادة زماني كل ما طاب هوّن

ليت الذي ودّاك يازين جابك
تشوف عقبك كيف الايام سوّن

شرق مشيت وغرب وقتي مشى بك
والقلب ماله لايم فيك لو ون

عقب الهنا بك ذاق لوعة عذابك
تــلونت دنيــــاه .. ولا تـلون

طويتني طي الورق في كتابك
حتى معاليق الحشا لك تطون

اشتقت لايام الهوى في جنابك
يوم الشموع بليل الاحباب ضوّن

واشتقت اقول لهاتفك مرحبا بك
وأشتقت لغيوم الصحاري تكوّن

عوّد ترى داعي الهوى عند بابك
وارو القلوب اللي بعد ما تروّن

غنيت لك عمري ولا جا جوابك
وأسمي مع مجنون ليلي تدوّن




الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

الانتقال السريع

Bookmark and Share

RSS RSS 2.0 XML MAP HTML


الساعة الآن 02:24 PM.