قديم 08-02-2013, 02:38 PM
المشاركة 18

  • غير متواجد
رد: ديوانية القصيد للشعر والشعراء
.


اللـــــي تركنـــــي

اللي تركني وأنا في عز غربـــــالي
بعد الشدايد وش اللـــــي ذكره فيني؟!
يبغى زمانه يعـــــوود ويرجع الغالي؟
وشلـــــون يرجع بعد ماطاح من عيني؟
لا الوقت وقته ولا له شي في بالي
أنا نسيتـــــه مثل ماكان ناسيني
يامـــــا تمنيت نظره منه في حالي
يامـــــا تمنيت صوته لو يناديني
قولو لـــــه إني ما احبه كثر ترحالي

أو ***لا**

حرام يتضـــــايق والا يبكيني
قولو له إني أحبـــــه بس من تالي
إن راح والا رجع مـــــا عاد يعنيني



.................................................. ..... الشاعر / فهد المساعد

.

قديم 08-02-2013, 02:44 PM
المشاركة 19

  • غير متواجد
رد: ديوانية القصيد للشعر والشعراء
.


الــبـارحـــة

البارحة ربي كتب لي ومريت ..
..دربٍ عليه بروق الأحباب لاحت

جيت المكان اللي جمعنا وخفيت ..
.. وقامت جروحي للجوارح وصاحت

ياليتني في لفة الدرب زليت ..
.. كان العيون من الدموع استباحت

التم غيم الدمع من يوم لفيت ..
.. وورقا القصيد لشوفة الغيم ناحت

وضحكت ماأبغي الناس تدري يبالفيت ..
.. لكنها غصبٍ على العين ساحت

حارت دموعي في عيوني وصديت ..
.. وأرمشت مابيها تبين .. وطاحت

وعقبه برق في العين براق .. واسقيت ..
.. خدي ووناتي بصدري تلاحت

وأنا أحسب إني في فراقه تشافيت ..
.. وان عبرتي من مدخل الزاد زاحت

اللي يحسب إني على البعد سجيت ..
.. والا ان عيوني للرقاد استباحت

ياليتني من قبل لا أحبه اقفيت ..
.. والا ان دروبي عن دروبه تناحت

أهون علي من البكا والتناهيت ..
.. وأشلا من سدودٍ على الناس باحت

عرفت كيف الحي يفرق عن الميت ..
.. وعرفت قيمة نعمتي يوم راحت

قولوله اني عقب بعده تدانيت ..
.. ورجلي عن دروب المعافين شاحت

البعد نار وطاعة العذل كبريت ..
.. يقصر على بعده .. ترى الكبد فاحت



.................................................. ..............
الشاعر / بن فطيس



.

قديم 09-02-2013, 09:04 PM
المشاركة 20

 

  • غير متواجد
رد: ديوانية القصيد للشعر والشعراء
فرحت لـك .. وأنـا معاليقـي حطـام
والصدر .. مـن مـا فيـه بيّـح كنينـه

فرحة يتيم .. ليلـة العيـد مـا نـام !
خـالاتـه , وخـوالـه .. مواعديـنـه

مواعدينـه بشـت .. وشمـاغ بـسّـام
ويلّعبونـه .. فـي مـلاهـي المديـنـه

مانـام .. واحـلامـه تـحّـراه قــدام
كنه يطـول أحلامـه بـ( راحتينـه ) !

صبحه تجّلا نـوره بـ/ عيـد الاسـلام
وقبـل يـروح المسـجـد : ملّبسيـنـه

جده مـا بيـن العيـن والجيـم والـلام
خلّـيـه يافـلانـه .. ولا تأخريـنـه !

تراقبـه بـ/ عيونهـا .. حـب وهيـام
وعيونهـا .. ممّـا تكـنّـه / حزيـنـه

"يعرض لها الماضي مثل عرض الافلام "
لـ.. ماضـي ابـوه وغـلاه وحنيـنـه

يرجيه لـ( سنين القسـا ) درع وحـزام
وجنـب علـى صكـات بقعـا يعينـه

ابـو ثـلاث أعـوام .. والا 4 أعـوام
يغار منـه البـدر .. مـن كثـر زينـه

صلّى وجاء وأمر الله اللي قضـى تـآم
ماهـوب داري عنـه .. زينـه وشينـه

بشتـه عليـه .. مهنـدم خيـر هنـدام
واللـي بـ/ عمـره .. كلهـم محترينـه

يوم اطلعـوا للشـارع انقسمـوا أقسـام
وأهـم مـافـي القـصـه ؟ ملّعبيـنـه

تداعـب رموشـه .. ذعاذيـع الانسـام
ويابردهـا .. يـوم آيبـسـت شفّتيـنـه

وعلى تـراب الأرض بأصبعـه رسّـام
أمـا رسـم لـه طيـر .. والا سفينـه

العيد طعمه كـان فـي الشـارع العّـام
ماهـوب عـن رغبـاتـه .. مقيديـنـه

رجـع ولكـن فرحتـه ضايعـه ( دام :
كل مشـى ) وأخـذ ولـده بـ/ يمينـه

صاروا خواله في نظـر عينـه اصنـام
آحيـوا بـ.. داخلـه الجـروح الدفينـه

ولا عنده الا أمـه ونـاب القهـر سّـام
جاهـا يبـي منهـا اليـديـن الأميـنـه

شعوره اللـي حـس بـه مثـل الإلهـام
وأول سؤال في بالـه : أبـوي وينـه ؟

سؤال : لكـن كـان مثـل النبـا الهّـام
لازال باقـي فـي المسامـع .. رنينـه

جته تعـدي , ماهـو تخّطـي بالاقـدام
وشالتـه بيديهـا .. وحـبّـت جبيـنـه

أبوك : جاء البارح وقبـل الفجـر قـام
وشرى لـك ألعـاب , وهدايـا ثمينـه

تراه حبّك وأنت غـارق فـي الاحـلام
وراح لـ.. دوامه , والشغـل مرسلينـه

لحظه .. وهو بيـن الحقايـق والأوهـام
والدمـع الازرق حايـر فـ.. مقلتيـنـه

يمّـه : تـرى مانمـت والعالـم نـيـام
ماجـاء .. ولا لمسـت يدينـي / يدينـه

دام رقمـه معـك مـن بيـن الارقـام
بـ.. أكلمـه , يـوم إنـك تكلميـنـه !

طاحت ما كن آلها من الصدمـه عظـام
ولاعـاد فيهـا صبـر .. ولا سكيـنـه

قالـت بـدون شعـور وإدراك وإلمـام
أبـوك ! فـي تـراب القبـر دافنيـنـه

العام مات .. ومـتّ مـن موتـه العـام
وكنـي بعـد مامـات عنـي سجيـنـه

أبـوك جنـدي للوطـن ضـد الإجـرام
عـطـاك عـمـره دون داره وديـنـه

تفجّـرت مـن تحـت رجلينـه ألـغـام
ولاعاد لـي بعـده حصـون حصينـه

بكّت .. وطاح الدمـع مـن حـر الآلآم
وبكى وطاح الكـون مـن مـوق عينـه

كـل عذلهـا .. بيـن عاتـب ولــوّام
تصّبـري .. خلـي ضلوعـك متيـنـه

ماهو صحيح ان الضروره لهـا احكـام
اكبـر خطـاء يـوم إنــك تعلميـنـه

بـكـره تنسّـيـه الليـالـي والايــام
هو فيـه أحـد ينسـى حـدا والدينـه ؟

طير السعـد فـي عالمـه مابعـد حـام
والله يعـلـم وش تـخـبـي سنـيـنـه

أنـا كـذا ! ساكـت وصابـر ومنضـام
لكـن كـان الفـرق بيـنـي وبيـنـه :

الدمـع لـ.. عيـون الأرامـل والايتـام
ودمـع الرجـل ذل وهـوان وغبيـنـه

للشاعر المبدع / محمد بن فطيس

وجودنا يغني عن التوقيع
قديم 10-02-2013, 12:45 AM
المشاركة 21

  • غير متواجد
رد: ديوانية القصيد للشعر والشعراء
.





عَوّضوك بْغيابي


عَوّضوك ْبغيابي لا تقول انّي َوحَشْتك= لا تجاملْ دخيلك في شعور يْعَنيني
بَسّ يكفي كفايه لا تمادى عَرَفْتك =خَاين الحب مَا له في فوادي حَنيني
إنت ياللي بعيني حِلْم عمري رسَمْتك =وكيف تجرح خفوق يعشقك من سنيني
أحسبه زاد حبّي في غيابي وْحسَبْتك =ما تجاهَلْ وِدَادٍ كان بينك وْبيني
كَم سَهَرت الليالي وكم ليله سَهَرْتك =وكم ليله خَيَالك نام في وسط عيني
وكم قل لي دخيلك كم ليل اْنتظَرتك =كم قل لي تِفَضّل، كم صَدّك يجيني
كنت تجري بْدَمّي لا نزَفْته نزَفْتك = كنت ساكن خيالي، داخلي مِحتويني
من كتَبْ الحروف الأبجديّه كتبتك = "لامَه" إن كان تبغي أوَّلْ الحرف "سيني"


.................................................. ............الشيخ .. الشاعر / فزاع آل مكتوم


.




عظَمة عَقلكْ تخلقُ لك الْحسادْ ، وعظَمة قلبكْ تخلقُ لك الأصدقاءْ .. وعظـَـمة ثرائك تخلقُ لك الْمنافقونْ


..إنّ لله وإنّ إليه راجعون ..

اللّهم أغفر " لأم عبدالعزيز " واسكنها جنات الفردوس الأعلى

واعفو عنها وتغمدها برحمتك ياأرحم الراحمين..
قديم 12-02-2013, 04:47 PM
المشاركة 22

  • غير متواجد
رد: ديوانية القصيد للشعر والشعراء
.



يامن غرامك ،، غير كل المحبين
ياسيد .. الأحساس .. والملح .. والذوق
اشتاق لك شوق; .. يهز الشرايين
ياسارق ; (غفوة )منامي من الموق
حبك .. زرعته وسط قلبي من سنين
يسقيه شرياني وتنبض به .. عروق
عذّب خفوقي واسهر افراقك .. العين
اشتاق لك / واحن / واخاف / واتوق
كلي على بعضي لحبك .. براهين
يامن محلّك بين الاضلاع .. مرموق
مهما اشوف من البنات .. المزايين
ماغيرك اللي في سما ..خافقي فوق
خذيت قلبي دين،، ياجاحد الدين
متى ترده لي .. وتحن وتروق
حالي بعد فرقاك .. ياقرة العين
حال الجريح اللي به الدم .. مدفوق
وبين الحزن والحب والشعر والبين
عجزت اعبر عن مدى .. قمة الشوق
اشتاق لأهل دبي .. واشتاق للعين
شوق ; يخلي صاحي العقل .. مطفوق
لو ينشكى حبك على .. king برلين
كان اجتمعنا .. لو غدى الطاق مطبوق
غبت وغيابك .. تشتكيه الشرايين
وماعاد فيّ احساس وضلوع وعروق
واللي بقوله بيت قلته من .. سنين:
وكملّت لعيونك به اليوم .. طاروق
إقسم قسم .. باللي خلقني من الطين
ماشاقني غيرك من الناس ..مخلوق


.................................................. ..الشاعر / عبدالرحمن بن عمير


.




عظَمة عَقلكْ تخلقُ لك الْحسادْ ، وعظَمة قلبكْ تخلقُ لك الأصدقاءْ .. وعظـَـمة ثرائك تخلقُ لك الْمنافقونْ


..إنّ لله وإنّ إليه راجعون ..

اللّهم أغفر " لأم عبدالعزيز " واسكنها جنات الفردوس الأعلى

واعفو عنها وتغمدها برحمتك ياأرحم الراحمين..
قديم 13-02-2013, 01:14 PM
المشاركة 23

 

  • غير متواجد
رد: ديوانية القصيد للشعر والشعراء







الشاعر سعيد بن مانع



فراق ؟ بسم الله الرحمن من ذكره
تكفى دخيلك لا عاد تجيب ذا الطاري

فوقتني يوم قلته من حلا السكره
ضيعتها سكرتي ياسكرة أنظاري

يا أمس عمري ويا يومي ويا بكره
فراقك اصعب علي من يوم مقباري

اشتاق لك وانت قدامي على فكره
يعني تصّور بغيباتك وش أخباري ..!!

ملامح السعد قبل أعرفك منكّره
واستوضحت يوم شفتك يابعد داري

أبواب قلبي على من جاه منسكره
وأعذاري انك هنا .. يامسمن اعذاري

ياعين حرٍ نداوي معتلي وكره
ياجملةٍ ما تعب تكرارها القاري

يزين فيك البحر والقاف والفكره
لولاك ماشفت حيٍ يطرق أشعاري

جاورت روحي .. وقلبي صرت محتكره
والقلب قلبك وخذ راحتك ياجاري

سلمتك رشا الهوى والدلو والبكره
وانا لك البير وأغرف كامل اسراري

وان كانك تسوق لي من الغلا بكره ؟
قد سقت لك من صميم الخافق أبكاري

سويت فيني جميل أعجز على شكره
علمتني ان الليالي متعة الساري

وعلمتني كيف أحب وكيف ما أكره
وان التفائل يلبس حظي العاري

إلا بقا شي ياغالي : على فكره !
ترى حياتي بدونك مالها طآري

قديم 14-02-2013, 05:02 PM
المشاركة 24

  • غير متواجد
رد: ديوانية القصيد للشعر والشعراء
.


عاجز


شيٍ طبيعـي نختلـف ونتفـارق
اللي غريب إنّـا بيـوم اجتمعنـا
أغراب لو ذابت جميـع الفـوارق
يا للأسف ورى الشعـور اندفعنـا
تطيح شمس وغصن الأيـام وارق
وتموت كلمة شوق وتعيش معنـى
ما لاح بعيونـي للآمـال بـارق
نتبع سراب ضـاع منـا وضعنـا
البعد راحتنـا لـو البعـد حـارق
بعد المواصل بالجـراح اقتنعنـا
ما تسعف الغرقان صيحات غارق
عاجز وعاجز كيف بس اجتمعنا


.................................................. ........
الأمير ..الشاعر / سعد آل سعود


.




عظَمة عَقلكْ تخلقُ لك الْحسادْ ، وعظَمة قلبكْ تخلقُ لك الأصدقاءْ .. وعظـَـمة ثرائك تخلقُ لك الْمنافقونْ


..إنّ لله وإنّ إليه راجعون ..

اللّهم أغفر " لأم عبدالعزيز " واسكنها جنات الفردوس الأعلى

واعفو عنها وتغمدها برحمتك ياأرحم الراحمين..
قديم 16-02-2013, 04:28 AM
المشاركة 25

  • غير متواجد
رد: ديوانية القصيد للشعر والشعراء
.


سألتها



ســـــألـــــتــــــهــــــا ..
لـيــة الـبـحـر سـاكــن عـيـونــك ؟!
جــاوبــتــنــي .. لـــلـــغـــرق
ســـــألـــــتــــــهــــــا ..
لـيـه الـسـواد الـلـي فـــي عـيـونـك ؟!
جــاوبــتــنــي .. لـــــــــلأرق
ســـــألـــــتــــــهــــــا ..
لـــــيـــــه الـــــخـــــدود ؟
قـــــالـــــت .. عـــــبـــــق
ســـــألـــــتــــــهــــــا ..
هـي رقـتـك مـثـل النسـايـم والــورود ؟!
قـالـتــلــي .. لا .. يــمــكـــن أرق
ســـــألـــــتــــــهــــــا ..
عن حسنها كنّه يقول : ما للشعـر فينـي حـدود؟!
قــــالـــــت .. صــــــــــدق
ســـــألـــــتــــــهــــــا ..
يــا اغـلـى الأنــام .. وشـهـو الـغـرام ؟!
قالتلي .. انك ماتنام .. وأوهام .. وتنتظر شمس اللقا
ومـاتــجــي شـــمـــس الــلــقــا
مشوار مايعرف وصول .. ولحظة بها كل الفصـول
وقلـب واحـد يحتـرق .. وبـعـض الـصـدق
وقــتٍ عصـيـب يتبـعـه وقــتٍ عصـيـب
ولــيـــل يـتــعــدى الـصــبــاح ..
وجـــراح تــدمــى لــــو تـطـيــب
وفـــــــــي الأخـــــيـــــر ..
خــــل عــــن خــــل افــتـــرق
فــي الأخـيـر .. كــل النهـايـات الـفـراق
مـــافـــيـــه فــــــــــرص ..
مافيه نهايات بلقـا .. إلا فـي خيـالات القصـص
ســـــألـــــتــــــهــــــا ..
وشــــهـــــو الـــــوفـــــا ؟!
قــــالـــــت .. كــــفـــــى ..
الـنــور مــــن ضــيــي اخـتـفــى
والـلـيـل فــــي عـيـونــي غــفــى
اتـــــرك كـثــيــر الأسـئــلــة ..
اســـأل عــــن عـيـونــي وكــفــى
اسألنـي .. ليـه البـحـر سـاكـن عيـونـك ..
لـيـه الـسـواد الـلــي فـــي عـيـونـك
ســـــألـــــتــــــهــــــا ..
جـاوبـتـنـي .. لـلـغــرق .. لــــلأرق
سألتها عن حسنها كنه يقول : ما للشعر فيني حدود ؟!
قــــالـــــت .. صــــــــــدق



.................................................. ..........الآمير.. الشاعر /عبد الرحمن بن مساعد


.




عظَمة عَقلكْ تخلقُ لك الْحسادْ ، وعظَمة قلبكْ تخلقُ لك الأصدقاءْ .. وعظـَـمة ثرائك تخلقُ لك الْمنافقونْ


..إنّ لله وإنّ إليه راجعون ..

اللّهم أغفر " لأم عبدالعزيز " واسكنها جنات الفردوس الأعلى

واعفو عنها وتغمدها برحمتك ياأرحم الراحمين..
قديم 17-02-2013, 11:46 PM
المشاركة 26

  • غير متواجد
رد: ديوانية القصيد للشعر والشعراء
.

لـــــــوعـــــة العـــاشـــــــق


إلا مزوحٍ عند صافـي الجبينـي
و اشوف و جهه لى غلبني يزيني
و انادمه في لحظة أحلى سنينـي
ترخص له الدنيا و ما كان فينـي
أونس حرارة لاهبه فـي كنينـي
و كن العمر ياقف بليـا ظنينـي
و الليل يجلد بالسهر موق عيني
و يحزن صديق العمر مما يجيني
و إلا عيوني مـا تبيّـن حنينـي
على عذاب الحب ربـي يعينـي



.................................................. ...الأمير الشاعر /خالد الفيصل

.




عظَمة عَقلكْ تخلقُ لك الْحسادْ ، وعظَمة قلبكْ تخلقُ لك الأصدقاءْ .. وعظـَـمة ثرائك تخلقُ لك الْمنافقونْ


..إنّ لله وإنّ إليه راجعون ..

اللّهم أغفر " لأم عبدالعزيز " واسكنها جنات الفردوس الأعلى

واعفو عنها وتغمدها برحمتك ياأرحم الراحمين..
قديم 22-02-2013, 12:33 PM
المشاركة 27

 

  • غير متواجد
رد: ديوانية القصيد للشعر والشعراء







الأم

الشاعر : حامد زيد



قصيدتي زاد بعيوني جمالها
واخذت أنقي بالمعاني جزالها
واكتب معانيها من الشوق والغلا
لأمي وأنا اصغر شاعر ٍمن عيالها
كتبتها في غربتي يوم رحلتي
لما طرالي بالسفر ماطرالها
امي وانا بوصف لها زود حبها
وان ماحكيت لها قصيدي حكالها
امي لها بالقلب والجوف منزله
مكانة ماكل محبوب نالها
اقرب من ظلالي وانا وسط غربتي
وانا تراي اقرب لها من ظلالها
ماشافت اعيوني من الناس غيرها
ولا خلق رب الخلايق مثالها
اغلا بشر في جملة الناس كلهم
واكرم من ايدين المزون وهمالها
اتبع رضاها ورتجي زود قربها
واللي طلبته من حياتي وصالها
الصدق مرساها والاشواق بحرها
والعطف واحساس الغلا راس مالها
اهيم فيها وابتسم يوم قلبها
يسأل وانا قلبي يجاوب سؤالها
وان اطلبتني شي فزيت مندفع
اموت أنا واحمل تعبها بدالها
واصبر على الدنيا والاحزان والتعب
واحمل على متني فطاحل جبالها
واسهر اعذب راحة القلب بالشقا
واعيش اعاني بس يرتاح بالها
تربية ابوي اللي على الطيب بذكرة
اللي وهبني الحياه ومجالها
نور لي ادروبي وانا طفل مبتدي
حتى تركني واحد من رجالها
الوالدين اولى بالاحسان لجلهم
وأولى بتكريم النفوس وعدلها
اقولها وانا على الله متكل
والله عليم بقدرتي واحتمالها
ياكلمة اغلى من الناس كلهم
ياشمس بقلبي بعيد زوالها
يافرحة تملي لي الكون باكمله
ياشجرة تكبر ويكبر ظلالها
تضحك لي الدنيا ليا شفت زولها
مثل السما تزها بطلة هلالها
والبعد عنها ياهل العرف ماقدره
لاشك ناري زايدة بشتعالها
ماعيش ببلاد ولاهيب بأرضاها
ولابي عيوني كان ماهي قبالها
أرض ٍ تدوس امي بالاقدام رملها
اموت فيها واندفن في رمالها

قديم 23-02-2013, 08:44 AM
المشاركة 28

 

  • غير متواجد
رد: ديوانية القصيد للشعر والشعراء
لوعتي فيك

لـوعـتي فـيك لـوعه مـالها مـن مـثيل
جـدد الـوقت جـرحي بـين يـوم ولـيله
اه يــاحـظ جــدلـي لـــو بــشـي قـلـيـل
مـاخـبرتك كـريـم مـيـر مـافـيك حـيـله
حـملي الـلي اشـيله فـوق مـتني ثقيل
كـل مـاجيت احـطه عـارضتني جميله
لـيـتـها عـــن هــوانـا تـنـتحي لـلـبديل
كـود حـالك حـبيبي يـمي يطلق سبيله
من غلاك افتخر بك واعمل المستحيل
لــو اعـاند حـياتي خـل يـعشق خـليله
مـاعـرفـت الـمـذله لا ولا انــت ذلـيـل
عـزت الـنفس فـينا يـاحبيبي حـصيله
سـالت دمـوع عـينك وانا دمعي يسيل
حـزني الـلي غـلبني والـليالي طـويله
وقـتـي الـلي طـلبته مـن واثـره بـخيل


الشاعر خالد عبدالرحمن

وجودنا يغني عن التوقيع
قديم 23-02-2013, 05:29 PM
المشاركة 29

  • غير متواجد
رد: ديوانية القصيد للشعر والشعراء
.


يبكي الصوت


يبكي الصوت و النظرات تشكي
و المعاني ولو صاحت حبيسه

يصمت الليل و التنهيد يحكي
و المعاليق في قلبي يبيسه

يا حبيبه سألت الليل انا عنك
و كل نجم فقد مثلي أنيسه

هل دمعي و قام الليل يبكي
و القمر نشّ من فرقى جليسه

ويل من شالته موجة بحرك
ليتني ما نزلت الشط أقيسه

لو لمستي البحير بأطراف يدك
من حلالك غدا طعمه مريسه

للهوى حس اذا لامس زهرك
ينعش القلب اذا جاني حسيسه


........................................ الأمير .. الشاعر / خالد الفيصل



.

قديم 24-02-2013, 01:31 PM
المشاركة 30

  • غير متواجد
رد: ديوانية القصيد للشعر والشعراء
.


في شاعر المليون

في شاعر المليون للشعر مضمار ..
.. والسابقة في الشوط تظهر بيدها

امضمرين أبكار الأفكار شعّار ..
.. وكلن يحضّربكرته في وعدها

واللي تردت لا يدور لها أعذار ..
.. معذورة ما دام قد ذا جهدها

واللي تعوص وتضرب الحاجز يسار ..
.. تشلّ ف الدنة وترجع بلدها

وأنا ذلولي بنت صوغان الأشعار ..
.. من حبها عندي تفحم وحدها

إن جاره الله من تصاريف الأقدار ..
.. جاتك وجاك الجيش كله بعدها

الله عليها من مقاريد الأنظار ..
.. وصلت تحست ما غشاها زبدها

وتلقوفها بالعلم رمز وإشعار ..
.. وصفق لها منهو بعينه شهدها

ومن روبها أول ما تنصخ تمطار ..
.. ياللي تزعفرها من الطاس زدها

شبهت بالهجن الأصيلات الأشعار ..
.. وقصيدتي تراث أهلنا مددها

أعتزبه وأقبله إجلال وإكبار ..
.. واحة شرف يا سعد منهو وردها

أغلبنا في موجب الضيف والجار ..
.. يحلب لبنها قبل يذبح ولدها

وتراثنا من دونه نبيع الأعمار ..
.. وبأفعالنا روس المعالي صعدها

واليوم ضاق الجو من كثر الأقمار ..
.. تبث حقد لي لحقده رفدها

غزا الشعر قبل أمس غازين الأفكار ..
.. قومن على الساحة دفعها حقدها

تلفقوا ثم جاؤوا من كل الأقطار ..
.. هذا يصبحها والآخر هجدها

هذا يحرف في الأسف سر وإجهار ..
.. وهذاك يذبح موهبة في مهدها

وقفوا علم للشعر في وقت الأسحار ..
.. غاروا على الساحة وعروا جسدها

وصاحت بعد ما شافت سترها طار ..
.. ووقّف ولد زايد محمد ساعدها

قال أبشري بالستر وبردة الثار ..
.. وأضفى عليها سترها ما نشدها

واستل سيف في المواجيب بتار ..
.. واطلب وردن في العلا من فقدها

على خطى زايد خطاويه ما بار ..
.. والحاجة اللي في خياله وجدها

أغنى العرب من شوف أكاديمي ستار ..
.. ومن شوف أمر من السخافات وأدهى

شفت الشعر بستان وأبوابه أزهار ..
.. وقطفت ما يسقي المشاعر شهدها

قطفتها من ديرة تنبت أحرار ..
.. من دار بو مشعل ذراي وسندها



.................................................. ..............الشاعر / محمد بن فطيس

.




الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

الانتقال السريع

Bookmark and Share

RSS RSS 2.0 XML MAP HTML


الساعة الآن 08:00 AM.