أصحاب لكن في زمن مابه أصحاب=نحب بعض وحبنا حب ثاني
أحباب لو فكرت ماهم لك أحباب=وضع الصداقة صار ماله معاني
سراب يانظرات ضحكات الأعجاب=يغيب فيها الصدق والشوق فاني
أغراب يمكن وضعنا مثل الأغراب=صار الضمير الحي منه يعاني
عذاب ياوقت قسو فيه الاقراب=مال المحبه فيه قدر ومكاني
كل شي غامض ماعرفنا له أسباب=كل شي ضايع ماله اية مواني
مدري خطا مدري مشاريه وعتاب=مدري ألم مدري هموم وتفاني
مدري جفا مدري مواعيد وغياب=بس الصحيح الوقت ماله أماني
بين الحقيقه والوهم تشوف الاتعاب=يصعب عليك تعرف هذا الزماني
درس الحياة التجربة مالها كتاب=وهذي تجارب قلب أصبح يعاني

الموضوع الأصلي: الصحيح الوقت ماله أمــــــاني || الكاتب: عازفة اوتار الحزن || المصدر: منتديات الأماكن

المصدر: منتديات الأماكن