إذا تابع الابوين كل مرحله وبدؤووا بحفظ ابنائهم من صغرهم القرااان فصدقني ماراح يتعبوووا في تربيتهم لأنه القراان راح يكوون ربااهم احسن تربيه .. وعلمهم كيف يجتنبوا الخطأ وكيف يسووا الصح
ومن ناحيه كل مرحله فلازم نعلمهم في الصغر يعني نشد عليهم شويه عشاان راح يكوون الاسااس وبعدينن نخليهم اصدقاااء وانا ما اقصد بكلمة نشد يني نضرب لإني ما اعترف بالضرب ولأني احس انه الأبوين إذا حبو يضربوا فلازم يمشوووا على دا النظاام على طوول يعني مو يضربو بعديين مرررررررره يلينو لأنه الأطفال ساعتها راح يحسووا انه الأبوين انشغلوا عن تربيتهم فوقتها راح يسووا إلي ما بدالهم



وانا انصح الأبوين انهم يعلمو اطفالهم(البنات) من صغرهم انهم يجتنبوا الأولاد وانه إلي في التمسليات والاأفلام كله غلط في غلط وهذه مو معتقداتنا وتقاليدنا اكيد بيقوولوا ياماما أتغير الزمن....زماننا غير زمانكم
بس لمن تصادقوا اطفالكم راح يقلدوكم في كل شيء وراح تكونوا القدوه لهم
... وعلى قولتك سحاب ليس المرء يولد عالماً
وانا ما اقوول دا الكلام من عندي من مواضيع وكتب قرئتها في دا المجال
وانا صراااحه انه الواحد منا يقراء مو عشانه عشاان اطفاله إلي راح يجيبه في المستقبل إذا ماتعبنالهم راح نتعب لمين ... فالنصيحه النصيحه ولا تنسى إنه دعوه ولد صالح لك عند مماتك مفيده لك وركز على ((( صالح )))
اما من ناحية الخطووط الحمراء فدي النقطه اسيبها ليك يالسحاب لأني ماعندي شيء اقووله فيها....



حياتنا اصبحت في الحضيض بسبب هذه الافلام وعلى قولتك محد سار همه غير انه يلعب في عرض الغيير نسيوو انه بيجيهم يووم و إلي سوووه في بنات الناس راح يسيرر في أخواتهم
حتى الواحد ابتعد عن الزواج على قولتهم ليه اتزووج وانا كل إلي ابغااه بيجيني وأنه فين ألاقي الشريفه وإمكن ما تعجبني ....إلخ من طلبات
وهوا لو ناظر نفسه بالمرايه إمكن المرايه تنكسر من خشته .. وليه يدور على الشريفه وهوا نذل ومافيه ريحت الشرف ..
وكثرت الافلام والمقاطع تدل على وساخة الشعب وانا ما اتمنى في يوم احد يجييب سيرت شعبنا في شيء ...



انتظر عودتك بفارغ الصبر


ومشكوووووور اخوي السحاب على المشاركه الحلوه

لك كل إحترامي وتقديري

لا عدمناك أخوي

وشكرا