السلام عليكم ورحمه الله وبركاته

على حد علمي برُقي ذائقتكم يا أعضاء الأماكن نقلت لكم هذه القصيدة الجميله



التي راقت لي كثيراً وأتمنى أن تحوز على أستحسانكم .




وهذه القصيدة لشاعر /عبدالرحمن بن غزاي العتيبي




مل قلبً كل ما يقبل على الصيفيـــــــــه *** طار مثل الحر الأشقر وأسدل الجنحاني

قام يكفخ من بحر جده إلى الــــــشرقيه *** ومن تبوك إلى العطيف إلى خليج عماني

ما يــــوقع ليــن أداوم وأدخـــــــــل الكليه *** وأخذ الجـــدول من المـــرشد ولد زهراني

منــــــــوته بنت الرجال اللي نــهار الهيه *** يفــــعلون إذا تـــساوى العــج والـــدخاني

بنـــــــــت شيخ دون ربعه عند كل أدعيه *** فالصـــغيرة والــــكبيرة فـــارس الـــميداني

مافي قلبه للعدى رحمه ولا ماويــــــــــه *** يــــشهد الــله ثــم خــلقه كــلهم من داني

مثـــل ضـــلع ما تهزه رميه الـــــهــــنديه *** ولا يحـــركه الـــهوى لـــو كــان مــهما كاني

عـــون من حــد زمـــانه وإنــعثــــر جبريه *** وبيت عــــز تســــتضل بـــعــزه الـــعربـــاني

والـــعمد قـــدام بـــيتـه روســــها محنيه *** مـــايعــلق غيـــر حــيل الــضان والقــعداني

وجـــدهـــا شيخ تــــدرق سده الــرجليه *** يوم طعنات الهوى القنا والجيش والفرساني

أتـــــــشرف في نــــسبهم ويتشرف فيه *** والــــــشـــــــرف لــله رب كــــون الأكـــوانــــي

عينـــــــها عــــين أشقر طار له قــمــريه *** وفـــــكو سبــــوقه وطـــار مــن الوكر عجعلاني

والهدب ريـــش النعام اذا انتفض عصريه *** وحـــاجبً كـــنه هـــلال أثـــنين من شعباني

والــــخشم سلة سيوف بالذهب مطله *** فــــي يمــــين أمـــير نـــجد ابو فهد سلماني

وخدها برق سرى من عدن إلى سوريه *** كـــــل ما يـــبرق تشـــوف طريف من نجراني

وإن تبـــــسم عن ثـــمان صافيه مجليه *** كالــــبرد لامـــن ســـقط من عـــالي الامزاني

والــــكلام يــــذوب بــين حبالها الصوتيه *** يسكر الـــصاحي ويـــصحى مــنه الــسكراني

والشـــفايف مـــثل لـون الوردة الجوريه *** والنـــــهد تــــفاح صـــــيف جــــاي مـن لبناني

ريقها مــثل الــعسل وأحلا منه طعميه *** وريحــــها كـــنه عبــير الـــمسك والـــريحــاني

عنقها عنق المها اللي داخل المحميه *** مــــا يـــشوف ألا الــسماء والارض والـغدراني

والــعـــواتق خــد وضـحى بأول المنقيه *** فـــإبل ابن غـــازي ســـعد ومــــطنخ العضياني

والـــــصدر كـــنه مـــولـــع لــمبه غازيه *** قـــــوته مــــليون شمــــعه يـــجهــر الأعيـــاني

والجدايل ذيل شقرى للـــمــلك مهديه *** بنت أصـــيل جــــابــها فـــنجـــال بــن سلطاني

والـــخصــر قـــوس مسدد حربيه مبريه *** خــصر وضـــحى اللي عشقها نمر ابن عدواني

وسطها غصن تغذى بين شمس وفيه *** ويـــتمايـــل ويتـــثنـــى عــــودهـــا الـــريـــانــي

والــــردوف أصـــطب جــيب نازل القديه *** لـــكــزس آخـــر مـــا ورد مـــن دولــة الـــياباني

وباقي الأطراف مثل الـــقطــنه الــطبيه *** كــــف وذراع وقـــدم مـــدموجــة الســـيقــاني

لاأقبلت صحت بأعلى الصوت يالله حيه*** وقـــمــت أصــفق لـــه وأغـــني لاح يـاليــحاني

أحذف الغـــتره عـــليها وأفـهق اــطاقيه*** وأذكـــر الـــله وأطـــلب إنـــه يخــزي الـشيطاني

وجـــات تــلعب مـــثل المــهرة المقفيه*** بالــطبـول وشـــعشــعت للــــحرب والأكـــوانـــي

كلــــها ثــــقل وعـــقل موزون وسنافيه*** ومــــالــكه كــل الجــمال الـــيوسف الـــفتــــاني

بالــــصفــات وبالـــوصــائف كنها حوريه*** وتفهم اللـــي فــي عيـــونـي قـبل نطق لساني

لاتقـــولــون إن وصــــفـك مالــقـينا زيه*** فيــــه حــــوريــه فــوق الارض وفــيه حـور جـناني

وغير هذا الوصف كله بالحيا مــكسـيه*** ما تـــكلــم فــي شـــرفــها فــلان وألا فـــــلانــــي

بالأدب والعلم تفرق عن هاذيك وذيــه*** وبالــــثــقــافـــه والــــنــظـافـــه وصــف غـير وثـاني

من يبشرني بها يأهل الـوجيه الحيه *** يـــطــلب اللــي يطـــلبه مــن غـــالي الأثـــمـاني

نـــظرتــي فـوق الثريـا ما أنظر لرجليه *** والـــــــهــــزل مـــا أبــــغــاه لــو أنــه يـجي مجاني

لو أبي من مش حالك جبتها في شويه***كــــــم وكـــــم مـــن واحــد بــيـن الــعـرب ناداني

مشكـــله قـــلــبي عـيوف وعفته جـديه***مــــايعـــشق ألا عقــود اللــؤلــؤ والـــمــرجـــاني

ماأتـــــمنـــى بـــنــت جـبان وردي وعيه***ولا أتـــمــنى بنت الأهـــــزل بــــارد الـــــــذرعاني

والله إني حــافـظ عن جــد جـدي وصـيه***وعـــن بـــنات الخـــايــبـيـن أبــوي قــــد وصـــاني

نحمد الله ماكسبـــنا الأولـــه عــاريـــــه***وارثــــيــن الـــطـــيـب والأمـــجـــاد عــن جــــداني

وبـــاقــي عــلوم كثــيرة بالصدر مخفيه***تــنتــظــرني كــان ربـــي عــــزنـــي وأحـــيانـــــي

المشاعر صادقه والــشـعر لـه وزنــيـــه***أبـــــدع الأبـــيــات وأصـــخــر عـــاصــي الـقـيـفاني











وســـــــلامتكم