كنت احسب انك وافيّن فالمحبّه=غرتني الطيبه وكثر الشكاوي
لاماهقيت إن الجفا منك صبّه=ولاماهقيت إنك قريب الهقاوي
اول معي في كل وقتن تهبّه=والنظره النظره تسر الشقاوي
والشوق ناره كل ساعه تشبّه=ماتنطفي ناره .. زناد الهواوي
واليوم اشوفك بالوصل ماتحبّه=صدقت بـ.اوهامك ولنتّه امداوي
صدقتها..والقول عندي تكبّه=وش دنيتك دام العقل فيك غاوي
اتصدق الاقوال واثرك مهبّه=مع ريحها تمشي سريع الخطاوي
خلاص ابرحل..بالوصل باتنبّه=ذيب الغدر مايامنه كل شاوي
وختامها ماقول فيك المسبّه=اقول أحبك ( ياقريب الهقاوي )