تدري وش اللي يحز بخاطرك مرّه؟=شوفة عشير فهم لك غلطه وراحي
وانته مثل من تقفى مرمس الجرّه=ويسوقك اللي بقلبك مالقى ماحي
من ضيق صدرك تفك الجيب وتزره=ماراق جوّك ولا صدرك بمرتاحي
الجو بارد وتونس في الصدر حرّه=ولو بالصدر غوري ٍ امداه قد فاحي
الشوق جمره ونسناس آهتك كرّه=وفوق الشرايين مركابه ولا طاحي
بوخه على صافي الوجنات وتثرّه=في محجر عيونك وتخفيه لا ساحي
متذكر ن مامضى والعين مستره=واليوم بدّد زمانك كل الافراحي
هذا هو اللي يرج الفكر ويفرّه=وذكرى الليال الجميله كنها ارماحي
ياقشر حظي ويا شرّي وياشرّه=موج ٍ خطف درتي لو كنت سباحي