اسال احساس القصايد عن غلاك وعن مكانك=تلتقي في كل حرف(ن) من قصيدي فيك بيت
ما تخيلت اني اسهر كل ليلي بس عشانك=اسهر الليل الطويل اتخيلك واقول ليت
ليت قلبي لا نطق بسمك غلا ينطق لسانك=حرف من اسمي يقوله بالغلط واقول جيت
جيت لك بالشعر خاطب رقتك وارضى بيانك=جيت لك بالشوق واللهفه وفي حبك وفيت
الوفاء طعم الرضى والحب يحتاج لحنانك=والهوى صدق وعطاء وانا عطيتك ثم عطيت
قد عطيتك قلب مخلص اعترف ما يوم خانك=واعترف اني غرقت وهمت فيك وما نجيت
ما نجيت من الهوى يالغاليه والقلب صانك=ولا كتبت الشعر في غيرك ولانا له رجيت
جيت لك بيدي قيود الخوف طامع في امانك=امنيني عن حياتي واعترف لك وش جنيت
الجنايه كيف اقول وكيف اصيح اسأل زمانك=اسال الماضي ودمعاتي وليه انا لفيت
الجريمه كبر حجم الكون حبي في جنانك=اعترافي بالهوى من شوق قلبي لو دريت
كان ما ترضين عشقي اشهري بيدك سنانك=واطعني قلبي بسهمك ثم قولي ما عنيت
بس لا تنسي عطيتيني في البسمه امانك=جيت وانا بالهوى عاشق وقلبي فيك ميت

الموضوع الأصلي: تراتيل عاشق || الكاتب: الســsaiــيف || المصدر: منتديات الأماكن

المصدر: منتديات الأماكن