السلام عليكم ورحمة الله وبركاته

طرح رائع وجميل حكومه سايبه

وبالفعل جا في وقته

في دا الزمن اللي الواحد فيه مو عارف الصادق من الكداب

أنا بالنسبة ليا بإذن الله راح أنزل تلاتة مواضيع تعتبر تكملة لموضوعك هدا

واحد موضوع قريته وأعجبت فيه اللي هوا عن طرق لتنسى من تحب

وموضوعين من كتاباتي عن الحب الحقيقي

أما من وجهة نظري في موضوعك

فمافي أسهل من الرجل

والبنت الواعية هيا اللي تهزم الحب ما تخلي الحب يهزمها

والبنت الواعية اللي تعرف كيف تحب ومين تحب ومين اللي يستاهل تحبه

أنا ما راح أجي زي اللي سبقوني وأقول إنه مافي حب ومافي كلام

لأنه الحب ... شيء جميل ... وصفة طيبة يتميز به كل ذي لب، وصاحب عقل، ومزاج مستقيم

فالطبيعة البشرية تحب الجميل من الأشياء ... تحب ما يميل إليه النفس وتكره ماتعفه النفس

كل علاقة بين الأشياء في الحياة هي عبارة عن حب

لكن بدرجات مختلفة ... وبأشكال مختلفة

إنت لما تحب تشرب قهوة الصباح ... فإنت تحب ...

لما تحب تصحى بدري... فإنت تحب ...

لما تحب عملك ... فإنت تحب ...

ماراح أكمل وأشرح اش هوا الحب

لكن حدخل في موضوعك على طول ... اللي هوا عن نسيان الفتاة لمن تحب

ماراح أقول تقدر وأبسط المسألة زي ما قالت أختي الفاضلة عنوود

لأنه مستحيل يكون شيء عادي

لأنه أي إنسان عزيز وغالي علينا شوف كيف نتعذب لو غاب عن الدنيا ( الله لا يفقدكم غالي )

أو لو مرض وتعب

فما بالك باللي حبيناه وأعطيناه كل عمرنا

لكن ما أقول غير إننا قصرنا معاه ولا قدرنا نعبر عن حبنا ولا نوضح قد ايش هوا

وألا ما كان تركنا ...

الله سبحانه وتعالى يقول ( وخلق الإنسان ضعيفاً )

في تفسير الجلالين معنى هذه الآية أن الرجل ضعيف أمام الشهوات

وبالأخص أمام المراة

يعني مافي رجل صعب في الدنيا

لو من جد عرفت كيف تحبه وخلته يحبها

والله ماراح يتخلى عنها

ياشيخ لو كان أكبر معقد والله لا يجي يخطبها وهوا يضحك

لو متزوج أربعة لا يطلق وحدة وياخدها هدا لو ما طلق الأربعة

فالغلطة الكبيرة حتكون هنا عالبنت ( جنت على نفسها براقش )

يمكن جد البقر واحد ... لكن برضه أصابع يدنا مو وحدة

لو دا كان كداب ولعاب ... في ألف غيره صادقين ووفين

ومن ناحية الزواج

فأنا أفضل لو البنت كانت تحب ... وتركت حبيبها

وجا الزوج المنتظر

ما تتزوج غير لو كانت مهيئة نفسها للزواج

ومهيئة قلبها عشان يجي زوجها ويتربع عليه لوحده

مو عشان يجي ويحاول يدخل نفسه في المكان البسيط اللي تركه حبيبها من قلبها لما هجرها

ومافي شيء مستحيل ... طالما الإرادة موجودة

طبعا هيا مستحيل تنساه نهائيا قبل الزواج

لكن بعد الزواج لو كان زوجها عسل وأحسن من حبيبها

راح تنساه وتضحك على نفسها إنها ماتصورت إنها حتنساه

لكن لو زوجها

فما أقول لها غير الصبر والصبر والصبر

وحاولي واجتهدي الين ما تخلي زوجك

وأكرر وأعيد مافي أسهل من الرجل

لكن فين الشاطرة اللي تعرف من فين تدخل قلبه

ومن فين تخليه يعشقها ولا يتخلى عنها

وإذا على تنسى وما تنسى ... مافي أحد ما ينسى

لأنه بشر ... إنسان ...

وأعظم نعمة ربي وهبها لكل خلقه ولا حرم أحد منها النسيان

ومن كلمة النسيان سمي الإنسان إنسان

حكومه سايبه ... رجعتك للمنتدى ما شاء الله تبارك الله قوووية

وإلى الامام ... موضوع جيد ورائع

واعذرني عالإطالة

تحياتي

... غ ...

شمالي ...

استمتعت أنا أيضا بقراءة ردك

ومشكور على الإطراء يالغالي

بس على فكرة

ليس كل ما يلمع ذهباً