لامن زهمت القاف ادور مجاري=يامن يجاريني ويصدر قصيده
ياعاشقين الحب عشق الحباري=لهل القنص والطير يبغى هديده
هدو الطيور الصارمه في قراري=ابغى السمينه لالفتني مفيده
شفت المدن من عقب شوف الصحاري= وايقنت بن الكل يراود وديده
فيما يسمى بالسلوك الحضاري=يبغى البوادي تحتميه وتجيده
وشفت الفخر قوّس يمين ويساري=حدوه بقواسه بسطر الجريده
وشفت الزنود اللي تعيق المواري=زنود تشعم والحقيقه نقيده
مارامها عز(ن) ولا هي تباري=كل الخشوم اللي تسمى وليده
وشفت الفتيله تنوقد بالمزاري=فعيون موقدها تراها عقيده
رامت على ليل(ن) لفاه بغداري=ونار القصايد من شبوبه وقيده
اصحى يانايم لاتصيد العواري=اعرف وش اللي تستفيد وتصيده
والقاف خله مثل حد الشباري=لاتنجرف خل المقاضب جويده
ماقلتها ناقد وحاقد وزاري=اقولها نوماس ضد النقيده
لوهي على كيفي تسارعت شاري=نقو الثنى واهديته للي يريده
عمري ابيعه للثنى والضواري=وارواحنا تفدى الرجال السديده
وياعاشقين الحب عشق الحباري=لهل القنص والطير يبغي الفريده
ابغى نتيجه تنجلي في قراري=تبري سهام القاف وتصبح وكيده