ألا ياحب داريته ألا يا أجمل الأيام=ألا ياعالمن ثاني سكن قلبي ولا ملّه
ألا يافرحتي لاضقت ألا ياأصعب الأحلام=ألا ياقلب كلّه حب فداك القلب لك كلّه
ألا ياعين لو تدمع تغيّر ملّت الإسلام=ترى مالخد يستحمل دموعك يوم تنثرله
ألا يامن غدا شربي فداك الكون لو تنضام=لك الله تبطي الدنيا تفرّق خل عن خلّه
ألا يامركبن سافر ولا به غير انا قدّام=عساها تبطي الرحله نموت إقبيل نوصلّه
تطمّن دام في قلبي نحت الحب فوق اعلام=أنا مابي سوا قلبك وهاك القلب وإفطنلّه
أبيك إتحط في بالك إذا في يوم من أيام=قعدت وشفتني غايب صلاة الميت بي صلّه
أنا وأقسم برب البيت عهد مسبوق بالأقسام=أموت ومابعد خنتك وأبي حبّي تطمّنله