اسمع اقوال المعنـّى يالذليل=اسمع الموجز ولاتبدي لي ليش
اترك اقوال البشر من قال وقيل=واعرف ان الوافي للوافي يعيش
ماعطينا لجل نرضى بالهزيل=ولانتمنى فالمجاعه كل عيش
ان بغينا مابغينا الا الجزيل=ولالنا بالهيس والقلب الغشيش
نمشي بسلم الاصاله النبيل=من تردى يسلك الدرب الوحيش
ماعلينا وش كسب له من حصيل=وما علينا هو حلاله او لطيش
همنا فعل الاصاله دون ميل=تايهين بسلمها من دون طيش
نعرف اصناف العواذل والخليل=ونحكم القلب المعذب والخريش
لاعشقنا نعطي فالعشق الدليل=وافيه واركانها ماهي طشيش
جيلن وفى واخر وفابه القليل=راحت ارموز الوفيه كالهشيش
كم اصيله همها روح الاصيل=والكديشه فالها كسب الكديش
روح ناسن اهزعت للمستحيل=في رداها ماتهش ولاتنيش
هالرساله صادرا بقلب ٍ عليل=شاف عالم تخلط السم ابجريش
راضيه في حكمها مامن بديل=جاهل اطباعه وطبعه مايعيش
الحقيقه قلتها ومابي اطيل=والوكاد الوافي للوافي يعيش