| ads | ||||
|---|---|---|---|---|
| دليل المواقع السعودية | انشأ رابط لصفحاتك | اعلانات المبوبة | نشر بلس | اختصار واتساب |
الملاحظات
أهلا وسهلا بك إلى منتديات الأماكن.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.
كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
|
|
|
المشاركات 314 |
+التقييم 0.05 |
تاريخ التسجيل Jun 2006 |
الاقامة |
نظام التشغيل |
رقم العضوية 2433 |
03-07-2006, 09:08 PM
المشاركة
1
03-07-2006, 09:08 PM
المشاركة
1
مذكراتـ .. جامعي .. ولكن
مذكـــراتــ / (:d) القرص المحلي / جهاز الكمبيوتر / نجيب العجيب
طبعاً حبيت اطرح هذي القصة بناء على طلب أختي المصرقعة .. الله يرضى عليها ..والان في صدد التحضير للمسلسل الي راح تكونين انتي من ضمن احد الابطال .. وراح يكون كثير من الاعضاء مشاركين يا بطولة او تمثيل .. كل واحد وشطارته بالتمثيل <-=-=-= جالس يدرس وضع كل واحد عشان يرتب الادوار
وبس عطوني اشوية وقت لانه طويل ..
كلمة الاعضاء : الادارة المراقيبن والمرقبات المشرفين والمشرفات الاعضاء .. كلنا واحد ولا فيه فرق.
يقولون من طلب العلا سهر الليالي ويقولون من جدّ وجد ومن زرع حصد وأقول طلّ ما عليكم من ذا الحكي اللي مآخوذ خيره....تبون تعرفون قصتي طيب سمّوا بالله واسمعوا ولا تضحكون ولا تتريقون.... اتفقنا.....
قدّر الله علي وتخرجت من الثانوية بنسبة 98.77% علمي طبعا وش رايكم نسبة تفتح النفس بس قبل كل شي قولوا ماشاء الله ...المهم تو اسمي طالع في الجرايد لأول مرة في حياتي ولا تلفونات المهنئين والمباركين من الصباح الى صلاة المغرب ..ومن بعد صلاة العشاء الا واسمع هواش بين أمي وأبوي قلت يا ولد بس هذي عيون الناس ما امداني انجح واجيب نسبة الا ويصكوننا بعين وانزل ابي اشوف وش السالفة والقى أبوي يقول جوية وأمي ترد عليه طب بشري ..أبوي يقول طيار عسكري ,,,يا ما كان نفسي اصير طيار عسكري ..وأمي ترد عليه لا قلت طبيب يعني طبيب زي ولد خاله ولا تبي يقولون ولد فاطمة احسن من ولد نهلة (اسم أمي نهلة ) ويرد عليها أبوي مو على كيفك طيّار يعني طيّار وأمي تقول لا طبيب يعني طبيب ساعتها أنا تدخلت ...وسألتهم ممكن اعرف يا شباب من أنتم تحكون عنه لو سمحتوا ...وجاوبوني بصوت واحد عنك يالدعلة قلت لهم عفوا يا وائل وأنتي يا نهلة بس أنا ما ابي لا طيران عسكري ولا أبي طب بشري ..ابي كلية الحاسب الآلي ويثاغون في وجهي وش تبي بالحاسب تبي تجلس طول عمرك مقابل هالكمبيوتر قلت لهم أجل تبون اجلس أطالع في خشش البشر ( خشش =جمع خشه أي فم )ولا بطونهم ولا سيقانهم ولا تبون أجلس بيني وبين الأرض حول 5000 متر وحروب وطلق صواريخ أنا فاضي لكم ..وما دريت الا هم يهبون فيني وأبوي يقول لي معصي وأمي تقول لي بتدخل طب غصب عنك وشوي وصلت الى استخدام ادوات العنف زبيرية أبوي وأمي ارسلت لي على الطاير فيونكتها ..المهم أنا قلت ساعتها العطة يا بطة وانحشت الى غرفتي ...وفي غرفتي بديت أفكر وشلون اتخلص من ورطة الطيران والطب أنا أبي حاسب وش أسوي وش ما أسوي أخيرا طرت لي فكرة أنحشت الى محل نظارات وأروح للباكستاني اللي هناك و أتفق معه انه يسوي لي نظارات خرطي أي كلام ويكتب لي مقاس نظر دمار مرة وبالفعل رحت لبيتنا وانا علي نظاراتي ...ورحت اعلم ابوي...
أنا: يبه ودي أصارحك بشي بصراحة أمي ما عندها سالفة أجل تقول طب وين وش تبي أمي,, أصلا الطب للبنات هم الي يمشون وينجحون الواحدة أذا دخلت على الدكتور على طول يصكها بنجاح اما التماسيح فلهم الله ...وبيني وبينك انا من زمان و ودي أدخل الجوية بس شوفة عينك كنت أحاول أخبي عنك الصدمة ان شوفي شجر يعني يالله يالله أشوف اللي قدامي وماراح يقبلوني على كذا .:::
أبوي:يا عبدالعزيز قل غيرها تكفى يعني أنا أفشل في الفحص الطبي وأنت بعد بس لا لا يمكن والله لا أسوي لك عملية ليزكس (ترقيع النظر بالليزر ) مهما تكلف
أنا : لا يبه ويرحم والديك وش ليزكسه أصلا أنا عندي انحراف في البصر بعد وأزيدك من الشعر بيت شوية موية بيضا وموية ورد بعد في عيني اليسرى ويقول الدكتور بعد في موية خضرا مدري ايش عندهم و شكل عدسة عيني اليمنى متشققة والله يا وبيي اني من ساعة ما دريت وأني مثل اللي مفقوعة مرارته ..وقام أبوي مثل بيتر يوم اقفت عنه هايدي وراحت فرانكفورت قام يبتسي ويقول يعني ما راح تدخل الكلية الجوية وأنا أطبطب عليه كأنه ولدي بس للأسف أمي كانت مارة من حولنا ولقطتني وقالت J الحمدلله يا وليدي أخيرا اقتنعت هذا النظر المناسب لطلبة الطب وبالفعل سجلت في كلية الطب البشري في جامعة الملك سعود ...
وعزمّت أيام التسجيل أني أخربها بأقصى ما عندي وفي اختبار القبول خربتها قمت أحل أي كلام وقلت في نفسي بارجع لأهلي سقطت في الأختبار ..وخلاص ما بقى لي الا الحاسب مير مالي في الطيب نصيب لقيت اسمي ثاني اسم في قائمة اللي نجحوا في اختبار القبول (يلعن ابو الحظ الردي ) وفي يوم المقابلات جيت متأخر ساعة قلت بس بيقولون هذا ما ينفع مير تحس أنهم يدوروني دوارة ..توني أجلس وأشوف الشباب ينوحون اللي يقول ان اللي قابلوه قالوا له أنت دلوعة واللي يقول قال له الدكتور نسبتك خراط واللي يقول له الدكتور رح الآداب اصرف لك يوم هوايتك القراية ...قلت لنفسي بس يا ولد ادخل عند الدكتور اللي بيقابلك وخربها معه ..وأدخل على اللجنة وأشوف دكتورين كل واحد منهم مكشر وأقول في نفسي يا مهنا جاك ما تمنى ..سئلني الدكتور الأول : كم نسبتك
أنا: مالك دخل ماني قايل لك أمي تقول لا تعلم أحد علشان الناس لا يحسدونك
الدكتور الثاني: اها المهم يا عبدالعزيز ليه تبي تدخل الطب
أنا: يا أخي أمي تبيني أدخل الطب ولا بيني وبينك مابي كليتكم من زينها
الدكتور الاول: طيب يعني لا سمح الله لو رفضناك ولا قبلناك في الكلية وش بتسوي ؟؟
أنا: الساعة المباركة يعني اللي خلقكم ما خلق غيركم جامعة الملك فهد ظفرها برئبتكوا
الدكتور الثاني: يا عبدالعزيز لو يجيك مريض يقول لك ما أبي دكتور سعودي يكشف على ولدي وش بتسوي له؟؟
أنا: بافتح له الباب وأقول اطلع برا و على فكرة أنا مثلك بعد ما أرضى أن دكتور سعودي يكشف علي من هالعلم اللي في روسهم
الدكتور الأول : طيب آخر سؤال هل أنت مستعد لأنك تتستلم مناوبات في الليل في المستشفى وتسهر على راحة المرضى ؟؟
أنا : لا طبعا شرهتك على اللي بيجلس في المستشفى بعد الساعة 12 الظهر أنا الزم ما علي التوقيع وبس والوجه من الوجه أبيض ...وما وعيت الا هم يقولون لي تفضل انتهت المقابلة طبعا المنطقي والواقعي أنهم بيرفضوني ولا راح يقبلوني في المقابلة الشخصية بس و أنا جاي أشوف النتايج هالمرة مو ثاني اسم الا أول اسم في قائمة المقبولين في الكلية ..( يلعن أبو القهر ) و خلصت كورس الانجليزي بتفوق ودخلت دورة العلوم الصحية ..في أولها كنت مضيع ومطنش علّ وعسى ما أدخل الطب بس للأسف كنت أجيب الدرجات العليا ساعتها قررت ارضى بالنصيب واذاكر ووقتها بدت الدحدرة ومن خسف لي خسف الى ان صار الحدث الجلل كنت في معمل البايولوجي وكنت وقتها بديت اتحمس وأحب الطب وذاك اليوم بنشرح ضفدع والمعيد الهندي يقول لنا نيكست يير يو ويل دو ثيس ان هيومان بوديز ...وأنا متحمس وأقول بس قبضنا الصفدع ولا عليك وتوهم يسلموني الضفدع وهو يتراقص قدام عيني وتوني اخنقه بالمخدّر وادعس السكينة في رقبته الا وحينئذا (حلوة حينئذا ) ينطفي الكهرب علي ..تخدرت قبل الضفدع وطحت على الأرض وشوي شوي قاموا الشباب اللي معي والمعيد يصحوني بكلونيا وعصير المهم قمت وخلاني المعيد بس اتفرج على زملائي ..مير ماش ما صملت توني أشوف قلب الضفدع بيد أحد الطلاب مدري وشلون جاني أحساس اني ضفدع وأن ذاك الولد بيشرحني وووو دب في الأرض مرة ثانية خبطت بس هالمرة ما صحيت الا في أسعاف مستشفى الملك خالد الجامعي ..وبعد ساعتين ففي قسم الأمراض النفسية يوم الأستشاري سمع قصتي قال لي يا عبدالعزيز نصيحتي لك اترك الطب اللي دروخت على ضفدع وش بتسوي وأنت سنتين بتقابل وتشرح آوادم على العموم هذي نصيحتي لك ....وبالفعل سمعت كلامه وفصلت من الجامعة بعد ما أقنعت أمي أني مو كفو طب وجلست شهر صايع وجت أجازة الصيف ورحت أقدم من جديد في جامعة الملك فهد للبترول والمعادن أبي كلية الحاسب الآلي ...
وصلت الشرقية وقدمت مع المخاليق وكنت ثقل وكلي عزيمة وأرادة أني أدخل كلية الحاسب الآلي وبالفعل وفقني الله بعد مقابلات مدري وش صار فيها اللي يقول لي لو قبلناك تدري أنك بتعيش في جحيم ..رديت عليها النار بوجودك جنة يا دكتور وكن ردي ما أعجبه والثاني يقول لي ترى ماعندنا استهتار ولا لعب مو بين المحاضرات تنقز للبحرين ترانا عارفينكم يالطلاب مرابطين هناك...قلت أبشرك طال عمرك جوازي في الرياض عند أمي قافلة عليه يعني مسألة البحرين اغسل يدك منها ...المهم بعد كل هالمرمطة قبلوني وبديت دراسة سنة الاعداد ( ما تلاحظون عمري كله بيروح على سنوات الاعداد المهم ما علينا ) وبالفعل درجاتي كانت حلوة والاحلى من هذا كله لغتي الانجليزية كانت رهيبة مرة ...المهم تعرفت على شاب من اهل الشرقية اسمه جاسم طيب وحبوب ووقت الشدة تلقاه المهم صار جاسم أعز أصدقائي ...وفي يوم جاني جاسم وهو فاك كشرته من الفرحة يعني متشقق وقال لي طلبتك قلت له جاك وش تبي بس
جاسم: زواج أخوي الاسبوع الجاي ولازم تشرفنا طلبتك يا بو سعود
أنا: والله ودي بس يا اخي ما أحب العروس يعني لو تعذرني باكون شاكر لك
جاسم : افا ما هقيتها منك يا بو سعود تكسفني يعني مو قد المقام الله يسامحك
أنا : لا لا وش دعوى الا سيدي وتاج راسي خلاص لعيونك أنت باحضر واذا تبي اساعد ولا فزعة أنا جاهز كم عندي من جاسم
جاسم: تسلم حبيبي كل شي خالص بس الخميس الجاي الزواج في فندق الهوليدي ان في البحرين زين
أنا : افا في البحرين والله يا جاسم مدري وش اقول لك بس قسما بالله قسما بالله الله لا يوفقني أن جوازي في الرياض عند أمي قافلة عليه خايفة أني اروح واختخت للبحرين تعرف هالحريم
جاسم: أبدا لا يمكن واذا على جواز أنا اوديك بنفسي وعلى سيارتي للرياض تاخذ جوازك وترجع ما عندك عذر بعدها ... وبالفعل رحت أنا و جاسم للرياض وخذيت جوازي من أمي بعد ماحلفت لها أني ما اطب البحرين الا يوم العرس وبس وجا يوم الزواج ومن العصر وأنا وعلى جسر الملك فهد لأول مرة وبالفعل دخلت البحرين ومن الفضيحة البحرين وهي البحرين اضيع فيها جلست ساعتين على ما دليت فندق الهوليدي ان المهم وصلت للزواج ودخلت قاعة الاحتفالات وشفت صديقي جاسم وتعشينا المهم يوم طلعت من قاعة الاحتفالات لعب ابليس في راسي وقال متى ثاني مرة بتقدر تطب البحرين خذ لك لفة شوي في المرقص اللي تحت و شوف الناس اللي في الباي باي .,وبالفعل توني ماد دمجتي ( الدمجة = الراس ) الا وأشوف كذا واحد مشبه عليهم من اعضاء هيئة التدريس في الجامعة وواحد اعرفه زين منهم اسمه الدكتور بولس يدرس انجليزي في سنة الاعداد مير مستر بولس كان وقتها مقلع بقوة بهالكاس يتراقص وجنبه البنت الروسية وانا من الروعة شصبت ( شصب = يعني تلوحت صرت زي اللوح ما اتحرك ) وما دريت الا مستر بولس يتراقص ويتحرك في المرقص لين شفته صار قبالي مابيني وبينه الا ربع مليمتر والمصيبة أنه يعرفني زين واني واحد من الطلاب المتفوقين عنده ..بس علشان ظروفه واقلاعه طنش ...المهم يوم خلصت حالة التشصيب اللي كانت عندي واطمر باسرع ما عندي من المرقص ومن الفندق ومن البحرين كلها وطول الطريق اقول في نفسي عسا ما يذكرني بس مستر بولس ويتقعد لي ومرة اقول في نفسي بالعكس بيصير يخاف مني لاني شفته في وضع مشين ..المهم جا يوم السبت ورحت للجامعة وكني ما شفت شي ولا قابلت أحد ..بس صار اللي ماكان على بالي ,, انتشر في الجامعة خبر ان الدكتور مستر بولس طينها يوم الخميس فوق العادة ( طلع بولس يرابط في المراقص ) ويقال ان صور له انتشرت في الجامعة وهو يعرض بكاسه ( يعرض من العرضة والعرضة رقصة نجدية بالسيف ) واسمع الطلاب يوزعون فيما بينهم عنوان موقع منزلة فيه صور مستر بولس وهو معه المخزي ..ووصل الخبر لأدارة الجامعة اللي ما قصرت وتعاملت مع الموضوع بكل صرامة ...ترقية للدكتور بولس ومكافئة شهر وتكذيب للخبر بس هذا ما كان كافي ..تسلط علي مستر بولس لانه يتوقع اني أنا اللي صورته ونشرت صورته وأبي اشوه سمعته ... وبعد ما كنت احسن طالب عنده في الانجليزي رسبني وخسف بي الأرض رحت له في مكتبة وترجيته وقمت أحلف له وأقول سوير ان ماي جود سينس أي سين يو أي فورجيت ايفريثينق بس الرجال ما طاع يصدق بس مو كذا الا شكله علم كل اعضاء هيئة التدريس عني واستقسطوني لانهم يرون أني اتجسس على سرية الدكاترة ..حسبي الله ونعم الوكيل حتى السلم ما سلمت منه,, رسبوني في السلم وبقية مواد الاعداد ولاني رسبت في سنة الأعداد حينئذا قضبوني ملفي وقالوا لي توكل على الله ساعتها الدنيا اسودت في وجهي ..وضاقت بس الوسيعة وين أروح ووش أسوي قدمت على آرامكو قال اقلب وجهك رحت للعسكرية قالوا مش خشمك حتى معهد الآتصالات رفضوني ساعتها صرت أفكر بجدية أني اشتغل بشهادة الثانوي لو سيكورتي بس شغلة والسلام لين أتصل علي ولد عم أبوي واحد ماشاء الله عليه ولد نعمة ومقتدر وسمع بقصتي ونصحني أروح أمريكا وادرس على حساب السفارة السعودية اذا رحت هناك ..هو طبعا يتكلم بسهالة لانه مرسل ولده هناك يدرس هندسة على حسابه بس يقول لي أن زملاء ولده سعوديين جوا يدرسون أول سنة على حسابهم بعدين صاروا على حساب السفارة بشرط يجيبون معدل فوق 4.5 من خمسة ..قمت أحوسبها براسي وادربيها لين اقتنعت وبالفعل قمت الف و احوس في الانترنت لين لقيت عروض جيدة من بعض الجامعات ..لين وصلت للجامعة اللي ابيها وكانت في ولاية ميتشاجن وعندها.
طبعاً حبيت اطرح هذي القصة بناء على طلب أختي المصرقعة .. الله يرضى عليها ..والان في صدد التحضير للمسلسل الي راح تكونين انتي من ضمن احد الابطال .. وراح يكون كثير من الاعضاء مشاركين يا بطولة او تمثيل .. كل واحد وشطارته بالتمثيل <-=-=-= جالس يدرس وضع كل واحد عشان يرتب الادوار
وبس عطوني اشوية وقت لانه طويل ..
كلمة الاعضاء : الادارة المراقيبن والمرقبات المشرفين والمشرفات الاعضاء .. كلنا واحد ولا فيه فرق.
يقولون من طلب العلا سهر الليالي ويقولون من جدّ وجد ومن زرع حصد وأقول طلّ ما عليكم من ذا الحكي اللي مآخوذ خيره....تبون تعرفون قصتي طيب سمّوا بالله واسمعوا ولا تضحكون ولا تتريقون.... اتفقنا.....
قدّر الله علي وتخرجت من الثانوية بنسبة 98.77% علمي طبعا وش رايكم نسبة تفتح النفس بس قبل كل شي قولوا ماشاء الله ...المهم تو اسمي طالع في الجرايد لأول مرة في حياتي ولا تلفونات المهنئين والمباركين من الصباح الى صلاة المغرب ..ومن بعد صلاة العشاء الا واسمع هواش بين أمي وأبوي قلت يا ولد بس هذي عيون الناس ما امداني انجح واجيب نسبة الا ويصكوننا بعين وانزل ابي اشوف وش السالفة والقى أبوي يقول جوية وأمي ترد عليه طب بشري ..أبوي يقول طيار عسكري ,,,يا ما كان نفسي اصير طيار عسكري ..وأمي ترد عليه لا قلت طبيب يعني طبيب زي ولد خاله ولا تبي يقولون ولد فاطمة احسن من ولد نهلة (اسم أمي نهلة ) ويرد عليها أبوي مو على كيفك طيّار يعني طيّار وأمي تقول لا طبيب يعني طبيب ساعتها أنا تدخلت ...وسألتهم ممكن اعرف يا شباب من أنتم تحكون عنه لو سمحتوا ...وجاوبوني بصوت واحد عنك يالدعلة قلت لهم عفوا يا وائل وأنتي يا نهلة بس أنا ما ابي لا طيران عسكري ولا أبي طب بشري ..ابي كلية الحاسب الآلي ويثاغون في وجهي وش تبي بالحاسب تبي تجلس طول عمرك مقابل هالكمبيوتر قلت لهم أجل تبون اجلس أطالع في خشش البشر ( خشش =جمع خشه أي فم )ولا بطونهم ولا سيقانهم ولا تبون أجلس بيني وبين الأرض حول 5000 متر وحروب وطلق صواريخ أنا فاضي لكم ..وما دريت الا هم يهبون فيني وأبوي يقول لي معصي وأمي تقول لي بتدخل طب غصب عنك وشوي وصلت الى استخدام ادوات العنف زبيرية أبوي وأمي ارسلت لي على الطاير فيونكتها ..المهم أنا قلت ساعتها العطة يا بطة وانحشت الى غرفتي ...وفي غرفتي بديت أفكر وشلون اتخلص من ورطة الطيران والطب أنا أبي حاسب وش أسوي وش ما أسوي أخيرا طرت لي فكرة أنحشت الى محل نظارات وأروح للباكستاني اللي هناك و أتفق معه انه يسوي لي نظارات خرطي أي كلام ويكتب لي مقاس نظر دمار مرة وبالفعل رحت لبيتنا وانا علي نظاراتي ...ورحت اعلم ابوي...
أنا: يبه ودي أصارحك بشي بصراحة أمي ما عندها سالفة أجل تقول طب وين وش تبي أمي,, أصلا الطب للبنات هم الي يمشون وينجحون الواحدة أذا دخلت على الدكتور على طول يصكها بنجاح اما التماسيح فلهم الله ...وبيني وبينك انا من زمان و ودي أدخل الجوية بس شوفة عينك كنت أحاول أخبي عنك الصدمة ان شوفي شجر يعني يالله يالله أشوف اللي قدامي وماراح يقبلوني على كذا .:::
أبوي:يا عبدالعزيز قل غيرها تكفى يعني أنا أفشل في الفحص الطبي وأنت بعد بس لا لا يمكن والله لا أسوي لك عملية ليزكس (ترقيع النظر بالليزر ) مهما تكلف
أنا : لا يبه ويرحم والديك وش ليزكسه أصلا أنا عندي انحراف في البصر بعد وأزيدك من الشعر بيت شوية موية بيضا وموية ورد بعد في عيني اليسرى ويقول الدكتور بعد في موية خضرا مدري ايش عندهم و شكل عدسة عيني اليمنى متشققة والله يا وبيي اني من ساعة ما دريت وأني مثل اللي مفقوعة مرارته ..وقام أبوي مثل بيتر يوم اقفت عنه هايدي وراحت فرانكفورت قام يبتسي ويقول يعني ما راح تدخل الكلية الجوية وأنا أطبطب عليه كأنه ولدي بس للأسف أمي كانت مارة من حولنا ولقطتني وقالت J الحمدلله يا وليدي أخيرا اقتنعت هذا النظر المناسب لطلبة الطب وبالفعل سجلت في كلية الطب البشري في جامعة الملك سعود ...
وعزمّت أيام التسجيل أني أخربها بأقصى ما عندي وفي اختبار القبول خربتها قمت أحل أي كلام وقلت في نفسي بارجع لأهلي سقطت في الأختبار ..وخلاص ما بقى لي الا الحاسب مير مالي في الطيب نصيب لقيت اسمي ثاني اسم في قائمة اللي نجحوا في اختبار القبول (يلعن ابو الحظ الردي ) وفي يوم المقابلات جيت متأخر ساعة قلت بس بيقولون هذا ما ينفع مير تحس أنهم يدوروني دوارة ..توني أجلس وأشوف الشباب ينوحون اللي يقول ان اللي قابلوه قالوا له أنت دلوعة واللي يقول قال له الدكتور نسبتك خراط واللي يقول له الدكتور رح الآداب اصرف لك يوم هوايتك القراية ...قلت لنفسي بس يا ولد ادخل عند الدكتور اللي بيقابلك وخربها معه ..وأدخل على اللجنة وأشوف دكتورين كل واحد منهم مكشر وأقول في نفسي يا مهنا جاك ما تمنى ..سئلني الدكتور الأول : كم نسبتك
أنا: مالك دخل ماني قايل لك أمي تقول لا تعلم أحد علشان الناس لا يحسدونك
الدكتور الثاني: اها المهم يا عبدالعزيز ليه تبي تدخل الطب
أنا: يا أخي أمي تبيني أدخل الطب ولا بيني وبينك مابي كليتكم من زينها
الدكتور الاول: طيب يعني لا سمح الله لو رفضناك ولا قبلناك في الكلية وش بتسوي ؟؟
أنا: الساعة المباركة يعني اللي خلقكم ما خلق غيركم جامعة الملك فهد ظفرها برئبتكوا
الدكتور الثاني: يا عبدالعزيز لو يجيك مريض يقول لك ما أبي دكتور سعودي يكشف على ولدي وش بتسوي له؟؟
أنا: بافتح له الباب وأقول اطلع برا و على فكرة أنا مثلك بعد ما أرضى أن دكتور سعودي يكشف علي من هالعلم اللي في روسهم
الدكتور الأول : طيب آخر سؤال هل أنت مستعد لأنك تتستلم مناوبات في الليل في المستشفى وتسهر على راحة المرضى ؟؟
أنا : لا طبعا شرهتك على اللي بيجلس في المستشفى بعد الساعة 12 الظهر أنا الزم ما علي التوقيع وبس والوجه من الوجه أبيض ...وما وعيت الا هم يقولون لي تفضل انتهت المقابلة طبعا المنطقي والواقعي أنهم بيرفضوني ولا راح يقبلوني في المقابلة الشخصية بس و أنا جاي أشوف النتايج هالمرة مو ثاني اسم الا أول اسم في قائمة المقبولين في الكلية ..( يلعن أبو القهر ) و خلصت كورس الانجليزي بتفوق ودخلت دورة العلوم الصحية ..في أولها كنت مضيع ومطنش علّ وعسى ما أدخل الطب بس للأسف كنت أجيب الدرجات العليا ساعتها قررت ارضى بالنصيب واذاكر ووقتها بدت الدحدرة ومن خسف لي خسف الى ان صار الحدث الجلل كنت في معمل البايولوجي وكنت وقتها بديت اتحمس وأحب الطب وذاك اليوم بنشرح ضفدع والمعيد الهندي يقول لنا نيكست يير يو ويل دو ثيس ان هيومان بوديز ...وأنا متحمس وأقول بس قبضنا الصفدع ولا عليك وتوهم يسلموني الضفدع وهو يتراقص قدام عيني وتوني اخنقه بالمخدّر وادعس السكينة في رقبته الا وحينئذا (حلوة حينئذا ) ينطفي الكهرب علي ..تخدرت قبل الضفدع وطحت على الأرض وشوي شوي قاموا الشباب اللي معي والمعيد يصحوني بكلونيا وعصير المهم قمت وخلاني المعيد بس اتفرج على زملائي ..مير ماش ما صملت توني أشوف قلب الضفدع بيد أحد الطلاب مدري وشلون جاني أحساس اني ضفدع وأن ذاك الولد بيشرحني وووو دب في الأرض مرة ثانية خبطت بس هالمرة ما صحيت الا في أسعاف مستشفى الملك خالد الجامعي ..وبعد ساعتين ففي قسم الأمراض النفسية يوم الأستشاري سمع قصتي قال لي يا عبدالعزيز نصيحتي لك اترك الطب اللي دروخت على ضفدع وش بتسوي وأنت سنتين بتقابل وتشرح آوادم على العموم هذي نصيحتي لك ....وبالفعل سمعت كلامه وفصلت من الجامعة بعد ما أقنعت أمي أني مو كفو طب وجلست شهر صايع وجت أجازة الصيف ورحت أقدم من جديد في جامعة الملك فهد للبترول والمعادن أبي كلية الحاسب الآلي ...
وصلت الشرقية وقدمت مع المخاليق وكنت ثقل وكلي عزيمة وأرادة أني أدخل كلية الحاسب الآلي وبالفعل وفقني الله بعد مقابلات مدري وش صار فيها اللي يقول لي لو قبلناك تدري أنك بتعيش في جحيم ..رديت عليها النار بوجودك جنة يا دكتور وكن ردي ما أعجبه والثاني يقول لي ترى ماعندنا استهتار ولا لعب مو بين المحاضرات تنقز للبحرين ترانا عارفينكم يالطلاب مرابطين هناك...قلت أبشرك طال عمرك جوازي في الرياض عند أمي قافلة عليه يعني مسألة البحرين اغسل يدك منها ...المهم بعد كل هالمرمطة قبلوني وبديت دراسة سنة الاعداد ( ما تلاحظون عمري كله بيروح على سنوات الاعداد المهم ما علينا ) وبالفعل درجاتي كانت حلوة والاحلى من هذا كله لغتي الانجليزية كانت رهيبة مرة ...المهم تعرفت على شاب من اهل الشرقية اسمه جاسم طيب وحبوب ووقت الشدة تلقاه المهم صار جاسم أعز أصدقائي ...وفي يوم جاني جاسم وهو فاك كشرته من الفرحة يعني متشقق وقال لي طلبتك قلت له جاك وش تبي بس
جاسم: زواج أخوي الاسبوع الجاي ولازم تشرفنا طلبتك يا بو سعود
أنا: والله ودي بس يا اخي ما أحب العروس يعني لو تعذرني باكون شاكر لك
جاسم : افا ما هقيتها منك يا بو سعود تكسفني يعني مو قد المقام الله يسامحك
أنا : لا لا وش دعوى الا سيدي وتاج راسي خلاص لعيونك أنت باحضر واذا تبي اساعد ولا فزعة أنا جاهز كم عندي من جاسم
جاسم: تسلم حبيبي كل شي خالص بس الخميس الجاي الزواج في فندق الهوليدي ان في البحرين زين
أنا : افا في البحرين والله يا جاسم مدري وش اقول لك بس قسما بالله قسما بالله الله لا يوفقني أن جوازي في الرياض عند أمي قافلة عليه خايفة أني اروح واختخت للبحرين تعرف هالحريم
جاسم: أبدا لا يمكن واذا على جواز أنا اوديك بنفسي وعلى سيارتي للرياض تاخذ جوازك وترجع ما عندك عذر بعدها ... وبالفعل رحت أنا و جاسم للرياض وخذيت جوازي من أمي بعد ماحلفت لها أني ما اطب البحرين الا يوم العرس وبس وجا يوم الزواج ومن العصر وأنا وعلى جسر الملك فهد لأول مرة وبالفعل دخلت البحرين ومن الفضيحة البحرين وهي البحرين اضيع فيها جلست ساعتين على ما دليت فندق الهوليدي ان المهم وصلت للزواج ودخلت قاعة الاحتفالات وشفت صديقي جاسم وتعشينا المهم يوم طلعت من قاعة الاحتفالات لعب ابليس في راسي وقال متى ثاني مرة بتقدر تطب البحرين خذ لك لفة شوي في المرقص اللي تحت و شوف الناس اللي في الباي باي .,وبالفعل توني ماد دمجتي ( الدمجة = الراس ) الا وأشوف كذا واحد مشبه عليهم من اعضاء هيئة التدريس في الجامعة وواحد اعرفه زين منهم اسمه الدكتور بولس يدرس انجليزي في سنة الاعداد مير مستر بولس كان وقتها مقلع بقوة بهالكاس يتراقص وجنبه البنت الروسية وانا من الروعة شصبت ( شصب = يعني تلوحت صرت زي اللوح ما اتحرك ) وما دريت الا مستر بولس يتراقص ويتحرك في المرقص لين شفته صار قبالي مابيني وبينه الا ربع مليمتر والمصيبة أنه يعرفني زين واني واحد من الطلاب المتفوقين عنده ..بس علشان ظروفه واقلاعه طنش ...المهم يوم خلصت حالة التشصيب اللي كانت عندي واطمر باسرع ما عندي من المرقص ومن الفندق ومن البحرين كلها وطول الطريق اقول في نفسي عسا ما يذكرني بس مستر بولس ويتقعد لي ومرة اقول في نفسي بالعكس بيصير يخاف مني لاني شفته في وضع مشين ..المهم جا يوم السبت ورحت للجامعة وكني ما شفت شي ولا قابلت أحد ..بس صار اللي ماكان على بالي ,, انتشر في الجامعة خبر ان الدكتور مستر بولس طينها يوم الخميس فوق العادة ( طلع بولس يرابط في المراقص ) ويقال ان صور له انتشرت في الجامعة وهو يعرض بكاسه ( يعرض من العرضة والعرضة رقصة نجدية بالسيف ) واسمع الطلاب يوزعون فيما بينهم عنوان موقع منزلة فيه صور مستر بولس وهو معه المخزي ..ووصل الخبر لأدارة الجامعة اللي ما قصرت وتعاملت مع الموضوع بكل صرامة ...ترقية للدكتور بولس ومكافئة شهر وتكذيب للخبر بس هذا ما كان كافي ..تسلط علي مستر بولس لانه يتوقع اني أنا اللي صورته ونشرت صورته وأبي اشوه سمعته ... وبعد ما كنت احسن طالب عنده في الانجليزي رسبني وخسف بي الأرض رحت له في مكتبة وترجيته وقمت أحلف له وأقول سوير ان ماي جود سينس أي سين يو أي فورجيت ايفريثينق بس الرجال ما طاع يصدق بس مو كذا الا شكله علم كل اعضاء هيئة التدريس عني واستقسطوني لانهم يرون أني اتجسس على سرية الدكاترة ..حسبي الله ونعم الوكيل حتى السلم ما سلمت منه,, رسبوني في السلم وبقية مواد الاعداد ولاني رسبت في سنة الأعداد حينئذا قضبوني ملفي وقالوا لي توكل على الله ساعتها الدنيا اسودت في وجهي ..وضاقت بس الوسيعة وين أروح ووش أسوي قدمت على آرامكو قال اقلب وجهك رحت للعسكرية قالوا مش خشمك حتى معهد الآتصالات رفضوني ساعتها صرت أفكر بجدية أني اشتغل بشهادة الثانوي لو سيكورتي بس شغلة والسلام لين أتصل علي ولد عم أبوي واحد ماشاء الله عليه ولد نعمة ومقتدر وسمع بقصتي ونصحني أروح أمريكا وادرس على حساب السفارة السعودية اذا رحت هناك ..هو طبعا يتكلم بسهالة لانه مرسل ولده هناك يدرس هندسة على حسابه بس يقول لي أن زملاء ولده سعوديين جوا يدرسون أول سنة على حسابهم بعدين صاروا على حساب السفارة بشرط يجيبون معدل فوق 4.5 من خمسة ..قمت أحوسبها براسي وادربيها لين اقتنعت وبالفعل قمت الف و احوس في الانترنت لين لقيت عروض جيدة من بعض الجامعات ..لين وصلت للجامعة اللي ابيها وكانت في ولاية ميتشاجن وعندها.
المصدر: منتديات الأماكن
l`;vhjJ >> [hlud
03-07-2006, 09:22 PM
المشاركة
2
خذيت من الوالد الله يحفظه خمسين ألف ريال ( أربعين الف قيمة الدراسة أول سنة والباقي أرتب بها أموري) وحسب ما عرفت أني اذا حولت على حساب السفارة السعودية بتصير تكاليف الدراسة على حسابهم يعني بيرجعون لي الاربعين الف وبيدفعون لي مكافئة شهرية صحيح مو للكشخة بس يالله يالله تمشي الحال ..رحت للجامعة الأمريكية قابلوني ..صدق كانت مقابلة سنعة واحد جالس قدامي ومحترمني مو همّه انه يرفع ضغطي ..و دفعت الرسوم و مالقيت سكن رخيص علشان كذا قررت اسكن في السكن الجامعي الى ان السفارة السعودية ترجع لي فلوسي ... يعني قلت لنفسي شهر في السكن ما يضرش ...وبعد هذا كله رحت للمسئولة عن الشئون الطلابية وسئلتها كيف أنظم أموري على حساب السفارة السعودية ..وبيّض الله وجهها طلعت أمريكية سنافية وسئلتها عن فلوسي قصدي تكاليف الرسوم الاربعين الف من من باستلمها وفهمتني أن السفارة السعودية هي المفروض اللي ترجعها لي لانهم كجامعة مالهم دخل في وش يصير بيني وبين السفارة ...رحت لحجرتي في السكن ومعي كتبي وأنا من أول يوم عازم على التفوق بس اللي ماكان على بالي أنهم بيحطون في السكن معي واحد خبل بمعنى الكلمة ... تبون تعرفون وش سوى فيني .....أول ليلة جا تعرفت عليه اسمه مارك من كاليفورنيا خلصنا التعارف جت الساعة 10 قلت له أنا بارقد هو كنّ ما جاز له الحكي ويطلع الاستريو حقه ويشغل الاستريو على أعلى حسه وقام يتراقص ... قمت وقلت له يسكر المسجل علشان أرقد ولا باضطر اعلم ادارة السكن عنه ..هو طبعا ولا همّه في الاخير قلبت كني قطو أقول له بليز بليز ليت مي سليب أيام تايرد بليز وكنّ قلبه حنّ علي ويسكر الاستريو,, طبعا أنا فرحت بس صارت المفاجأة طنطنطنططااا ما شفت لكم ابو الشباب الا قالع كل هدومه قدامي صار ربي كما خلقتني ساعتها عظامي بدت تتنافض حسبت أنه ناوي على شي وقمت كنّي قطوة محجورة من قبل عيال النسيم ..واي يو دو ذي س وات ار يو جوينق تو دو ويث مي ليستن ترى بيهايند مي فاميلي واللهي ذي كام تو يو اند كيل يو لايك ذيس طخخخ طخخخ طبعا هو ما عبرني وطمر على فراشة يبي يرقد بيني وبينكم من الروعة ما قويت أغفي ولا أسكر عيوني طول الوقت كنت أراقبه من تحت الكنبل وكل ما تحرك هو على فراشة ولا انقلب يطيح قلبي من الروعة لين جا الصبح الثاني ورحت للمحاضرات وعيوني حمر من السهر والتعب ..بس المشكلة مع مارك مو هنا المشكلة أنه بعد اسبوع جت الساعة 11 في الليل وأنا جالس في حجرتي كنّي عجزة تنتظر ولدها ( اللي هو مارك ) ومادريت الا أنا في سابع نومه وأنا في غلقة النوم ( يعني وسط النوم ) وما اسمع الا أصوات من ذيك حقت الليول والتفت واصحى والقى اخينا في الله لا مو اخينا في الله الا اخونا في ابليس هو ومعه بنت فوق بعض .وأصوات وصراخ وأول ما شفتهم قمت من الروعة ويوم شافتني اللي معه كنّي ما جزت لها ..وما دريت الا مارك يصرخ بوجهي ويقول: هي وات يو لوكينج فور باك تو يور سليبنج اند جيت فك ,,,,,,أنا وقتها قلت ما بعد هذا قعود,, ومن ثاني يوم الصبح رحت لمسئولة الشئون الطلابية وفهمتها أني شاب مسلم ولازم أجيب درجات عالية علشان السفارة تتحمل تكاليف دراستي وأن مارك مبهذلني وحاينس حوس وطلبت منها اذا تقدر تخليني مع طالب سعودي ولا خليجي وبالفعل لقت لي واحد كويتي جاي للدراسات العليا وعلى كلامه ماارح يطول كلها أسبوع او أسبوعين لانه بعد ينتظر الفلوس من سفارة ديرته المسيكين متحسر وحالته حالة متزوج وجاي يسوي دراسات عليا وقالوا له في ديرته أبد كل شي بيكون مرتب هناك وبتقضي أجمل أيام عمرك ...المهم المسكين اسمه غانم وصرت أنا وغانم في غرفة واحدة في السكن وانتظمنا ولله الحمد في كل شي الدراسة والسكن بس المشكلة الوحيدة مع سفاراتنا اللي ولا أقول لكم,,,,,,, بعيونكم شوفوا وش صار بينننا وبينهم واحكموا بنفسكم.
بعد أسبوعين من الدراسة رحت للشئون الطلابية وكلمت المسئولة وسئلتها أذا أي خطاب وصل من السفارة قالت لي للأسف نو سألتها وش يمكن أسوي ردت علي يمكن الخطاب ما وصل لهم يعني لازم اكلمهم بالتليفون وبالفعل كلمت السفارة تررررن تررررن ترررن
::: السلام عليكم ورحمة الله وبركاته مرحبا بكم في السفارة السعودية في واشنطن الرجاء أدخال التحويلة أو الصفر للمساعدة ...الرجاء الانتظار ....هلا مرحبا السفارة السعودية من معي ؟
أنا: هلا وعليكم السلام ورحمة الله وبركاته أنا اسمي عبدالعزيز طالب سعودي في أمريكا وحولت جميع أوراقي عليكم علشان أكون ضمن بعثة السفارة السعودية بس الى الآن ما وصلني أي رد
الموظف: طيب وش أسوي لك يا اخي هالاشياء تآخذ وقت
أنا: وشلون يعني لي أسبوعين والله وكل أوراقي كاملة وسليمة يا أخوي عجلوا علي الله يسلمكم تراني محتاج للفلوس بقوة
الموظف: صدق أنك توك جديد على أمريكا أجل أسبوعين وتبي الرد يا أخوي يالله يالله هالاسبوعين مسافة البريد يعني باقي لك وقت ثانيا يوم ما معك فلوس وش يجيبك أمريكا تبلشنا وتبلش نفسك.
أنا : أقول يالحبيب ترانا في أمريكا يعني البريد أذا خذ له يومين يعتبرونه أبطا ويعتذرون للمرسل له ما احنا في الرياض اللي الرسالة علشان توصل جدة تجلس أسبوع ما شحنوها ويومين سفر وأسبوع في جدة ما حطوها في الصناديق ..ثانيا أنا مرسلها لكم عن طريق الدي اتش ال يعني توصيل ممتاز وسريع الله يسلمك. دافع عليه عشرة دولارات
الموظف: يا أخوي بصراحة أنا مسئول سنترال ومناوب بعد واللي أعرفه ان الملحق الثقافي عنده أجازة يمكن تستمر لشهر يقضيها في أوروبا والملحقية الثقافية عندهم اجتماع مع الطلبة في ديترويت وما ادري بصراحة متى يرجعون ..يعني بالعربي كلمنا بعد أسبوع ..طووط طووط طووط .....
ولأني شاب مثالي وصبور ما لقيت دبرة الا أني اتصل على أهلي في الرياض واقول لهم علشان يرسلون لي أي مبلغ مالي وبصراحة الله يخليهم لي ويحفظهم ما قصروا معي أرسلوا لي 5000 ريال سعودي ..يا حياتي وش تسوي ال 5000 ريال بس اهي شي والسلام أما غانم صديقي فالمسكين قطع قلبي السكرتيرة في سفارتهم هندية لا انجليزي نافع معها ولا عربي تفهمه ولا هندي حتى وكل ما قال لها الجامعة تبي منه الفلوس وفلوس التأمين وهو ما معه يدفع ترطن عليه وفي الأخير تقول له وايت وايت .وهو عاد خلقه كل اللي معه 4000 دولار وخطاب من السفارة والجامعة منذرينه اذا تم شهر وما دفع الرسوم بيكرشونه والولد حالته تصعب على الكافر يبي يدفع مصاريف الجامعة ويستأجر شقة ويجيب زوجته وأولاده بس ما عندك أحد...المهم صرنا أنا وغانم حالتنا تصعب على الكافر اقصى درجات التقشف نتعشى خبز حاف ولولا الله ثم شاب أماراتي اسمه جمعة يدرس على حساب الحكومة حقتهم ( تعلموا ياللي بالي بالكم شوفوا الدول السنعة وشتسوي بمواطنيها ) صراحة تمنيت أكون أماراتي مثله كل راس شهر شيكه يوصله على طول في حسابه في البنك وكل الرسوم مدفوعة قبل ما يطب امريكا والتذاكر عنده منها دفتر وغير هذا وهذا لو يتصل على سفارته بأي وقت يعطونه الحل على طول ..المهم جمعة ما قصر معنا كان يعشينا ويسهرنا معه بالشقة وألحّ علينا الا نجي نسكن عنده وبالفعل رحنا نسكن عنده وصراحة الولد ما قصر ورايته بيضا وما ادري لولا الله ثم هو كان يمكن أنا وغانم صافين على أحد الرصفة مع الهوم ليس ...وزي ما أقول دائما ما علينا يا حبيبي من العذال ما علينا ..بعد أسبوعين كلمت السفارة ولله الحمد والمنّة لقيت أحد من الملحقية الثقافية وتكلمت معه
أنا : يا طويل العمر أنا ارسلت لكم أوراقي وهي كاملة وودي أكون على حساب السفارة مادري وصلتكم ولا لا
الموظف: أي نعم أبشرك وصلتنا أنت اللي تدرس حاسب في ميتشاجن صح ولا لا
أنا: ايه نعم طال عمرك الله يبشرك بالخير يا طويل العمر مدري بس متى راح ترسلون لي الفلوس تراني والله حالتي صعبة ولولا الله ثم شاب أماراتي طيب ولا كان حالي اعلم به الله الحقوا علي يا طويل العمر
الموظف: أولا يا عبدالعزيز لسا الوقت طويل راح نرسل أوراقك الى وزارة التعليم العالي في الرياض وبعدين لازم يوافقون ويعتمدونها ثم بعدين يرسلونها لنا ومعها الموافقة المعتمدة ثم نعتمدها ونرسلها من جديد الى وزارة الخارجية بالرياض ثم مرة ثانية يعتمدونها ويوافقون عليها ويرسلونها لنا ثم بعد كذا نرسلها لهم من جديد علشان يعتمدون لك ميزانية وبعدها ترسل أوراقك الى وزارة المالية وبعدها وزارة المالية ترسل لنا الفلوس حقت دراستك
أنا :يؤ يؤ كم بتاخذ ذيك طال عمرك سنة ولا سنتين ولا قرن يا طويل العمر هذا نظام معروف وفي كذا الف طالب سعودي نفس الشي يعني حالهم زي حالي ولا في ناس وناس
الموظف: والله مالك شغل بالناس وناس هذا شي ثانيا يا أخوي من غاصبك تجي تدرس وهنا وأذا ودك خلّ دراستك على حسابك وعلى قولة المثل اللي يبي الدحّ ما يقول أحّ
أنا: طيب طال عمرك يعني خلّ الرسوم لين المعاملة الطويلة العريضة على الأقل أرسلوا لي مكافئة شهرية الف دولار على الأقل أعيش بها والله حالتي تصعب على الكافر ومهما كنت فأنا سعودي يعني الرحمة زينة
الموظف: لا والله بالمرة ماتبي سيارة كورفيت لحظة لحظة عندنا سيارة كورفيت حمراء كشف ياليت تتنازل وتقبل بها لين تختار السيارة اللي تعجبك وعلى الألف وشوله جاي على نفسك ماتبي بطاقة فيزا مفتوحة الاعتماد يا أخوي لو كل سعودي بيجي هنا بنعطيه اللي يبي كان واشنطن كلها سعوديين,, الحيين وحنا مستلعنين معهم ونص أهل واشنطن يحكون عربي أحسن مني ومنك من كثر ربعك....على العموم رقم معاملتك عندنا 25874 وترى هذا رقم تسلسلي يعني علشان تعرف الشغل اللي عندنا واللي يسلمك لا عاد تزعجنا تابع معاملتك بقسم الوارد والصادر يالله تشاو طووط طووط.....ساعتها ادركت أني كلت 17 تبن ورجعت للجامعة وأنا مدنق راسي في الأرض واسحب رجل وارفع رجل لييين وااااااء طاااع (موتر صدمني ) وينزل لي شاب دلوع معه بنية شقرا حمرا ويقول لي: هي ار يو اوكيه ..ام سوري فور وش اسمها وش اسمها وش معنى يصدم ايه ام سوري فور هيتنج يو باي ماي كار
أنا : افا الأخ سعودي لا ياخوي ما فيني الا العافية بس الله يهداك ما احنا في شارع العليا العام ولا شارع التحلية احنا هنا في أمريكا ثانيا يلعن شكلك من وين دبرت هالقطعة الحمرا اللي معاك
الولد: مو شغلك خل البنت بروحها تراها تبعي ثانيا ياخوي تبي تتفلسف علينا تراك غلطان لو أنك رافع راسك وشايف دربك ما كان صار اللي صار بس وش اقول تركنا لكم الرياض لحقتونا في جدة تركنا لكم السعودية بكبرها طمرتوا لنا في أمريكا يلعن أبو شكلكم
أنا : الشكوى لله مضيقيين عليكم في الدنيا عسا الله يفرجها لكم في الاخرة يا خوي لاتكون الرياض حلال ابوك ولا بيل كلينتون يصير خالك يوم حتى أمريكا ماتبينا نطبها ثانيا أنت اللي مسرع في الطريق وأنت داخل الحرم الجامعي وبعدين عيب عليك احنا كسعوديين لازم نكون في الغربة يد واحدة يعني يدنا بيد بعض مو ايدينا على ظهور بني حمر شقر
الولد: اقول بلا فلسفة ياربيه وش ذا الحظ اللي رماني فيك على العموم أنا ما ودي المشكلة تكبر أنا مسامحك
بعد أسبوعين من الدراسة رحت للشئون الطلابية وكلمت المسئولة وسئلتها أذا أي خطاب وصل من السفارة قالت لي للأسف نو سألتها وش يمكن أسوي ردت علي يمكن الخطاب ما وصل لهم يعني لازم اكلمهم بالتليفون وبالفعل كلمت السفارة تررررن تررررن ترررن
::: السلام عليكم ورحمة الله وبركاته مرحبا بكم في السفارة السعودية في واشنطن الرجاء أدخال التحويلة أو الصفر للمساعدة ...الرجاء الانتظار ....هلا مرحبا السفارة السعودية من معي ؟
أنا: هلا وعليكم السلام ورحمة الله وبركاته أنا اسمي عبدالعزيز طالب سعودي في أمريكا وحولت جميع أوراقي عليكم علشان أكون ضمن بعثة السفارة السعودية بس الى الآن ما وصلني أي رد
الموظف: طيب وش أسوي لك يا اخي هالاشياء تآخذ وقت
أنا: وشلون يعني لي أسبوعين والله وكل أوراقي كاملة وسليمة يا أخوي عجلوا علي الله يسلمكم تراني محتاج للفلوس بقوة
الموظف: صدق أنك توك جديد على أمريكا أجل أسبوعين وتبي الرد يا أخوي يالله يالله هالاسبوعين مسافة البريد يعني باقي لك وقت ثانيا يوم ما معك فلوس وش يجيبك أمريكا تبلشنا وتبلش نفسك.
أنا : أقول يالحبيب ترانا في أمريكا يعني البريد أذا خذ له يومين يعتبرونه أبطا ويعتذرون للمرسل له ما احنا في الرياض اللي الرسالة علشان توصل جدة تجلس أسبوع ما شحنوها ويومين سفر وأسبوع في جدة ما حطوها في الصناديق ..ثانيا أنا مرسلها لكم عن طريق الدي اتش ال يعني توصيل ممتاز وسريع الله يسلمك. دافع عليه عشرة دولارات
الموظف: يا أخوي بصراحة أنا مسئول سنترال ومناوب بعد واللي أعرفه ان الملحق الثقافي عنده أجازة يمكن تستمر لشهر يقضيها في أوروبا والملحقية الثقافية عندهم اجتماع مع الطلبة في ديترويت وما ادري بصراحة متى يرجعون ..يعني بالعربي كلمنا بعد أسبوع ..طووط طووط طووط .....
ولأني شاب مثالي وصبور ما لقيت دبرة الا أني اتصل على أهلي في الرياض واقول لهم علشان يرسلون لي أي مبلغ مالي وبصراحة الله يخليهم لي ويحفظهم ما قصروا معي أرسلوا لي 5000 ريال سعودي ..يا حياتي وش تسوي ال 5000 ريال بس اهي شي والسلام أما غانم صديقي فالمسكين قطع قلبي السكرتيرة في سفارتهم هندية لا انجليزي نافع معها ولا عربي تفهمه ولا هندي حتى وكل ما قال لها الجامعة تبي منه الفلوس وفلوس التأمين وهو ما معه يدفع ترطن عليه وفي الأخير تقول له وايت وايت .وهو عاد خلقه كل اللي معه 4000 دولار وخطاب من السفارة والجامعة منذرينه اذا تم شهر وما دفع الرسوم بيكرشونه والولد حالته تصعب على الكافر يبي يدفع مصاريف الجامعة ويستأجر شقة ويجيب زوجته وأولاده بس ما عندك أحد...المهم صرنا أنا وغانم حالتنا تصعب على الكافر اقصى درجات التقشف نتعشى خبز حاف ولولا الله ثم شاب أماراتي اسمه جمعة يدرس على حساب الحكومة حقتهم ( تعلموا ياللي بالي بالكم شوفوا الدول السنعة وشتسوي بمواطنيها ) صراحة تمنيت أكون أماراتي مثله كل راس شهر شيكه يوصله على طول في حسابه في البنك وكل الرسوم مدفوعة قبل ما يطب امريكا والتذاكر عنده منها دفتر وغير هذا وهذا لو يتصل على سفارته بأي وقت يعطونه الحل على طول ..المهم جمعة ما قصر معنا كان يعشينا ويسهرنا معه بالشقة وألحّ علينا الا نجي نسكن عنده وبالفعل رحنا نسكن عنده وصراحة الولد ما قصر ورايته بيضا وما ادري لولا الله ثم هو كان يمكن أنا وغانم صافين على أحد الرصفة مع الهوم ليس ...وزي ما أقول دائما ما علينا يا حبيبي من العذال ما علينا ..بعد أسبوعين كلمت السفارة ولله الحمد والمنّة لقيت أحد من الملحقية الثقافية وتكلمت معه
أنا : يا طويل العمر أنا ارسلت لكم أوراقي وهي كاملة وودي أكون على حساب السفارة مادري وصلتكم ولا لا
الموظف: أي نعم أبشرك وصلتنا أنت اللي تدرس حاسب في ميتشاجن صح ولا لا
أنا: ايه نعم طال عمرك الله يبشرك بالخير يا طويل العمر مدري بس متى راح ترسلون لي الفلوس تراني والله حالتي صعبة ولولا الله ثم شاب أماراتي طيب ولا كان حالي اعلم به الله الحقوا علي يا طويل العمر
الموظف: أولا يا عبدالعزيز لسا الوقت طويل راح نرسل أوراقك الى وزارة التعليم العالي في الرياض وبعدين لازم يوافقون ويعتمدونها ثم بعدين يرسلونها لنا ومعها الموافقة المعتمدة ثم نعتمدها ونرسلها من جديد الى وزارة الخارجية بالرياض ثم مرة ثانية يعتمدونها ويوافقون عليها ويرسلونها لنا ثم بعد كذا نرسلها لهم من جديد علشان يعتمدون لك ميزانية وبعدها ترسل أوراقك الى وزارة المالية وبعدها وزارة المالية ترسل لنا الفلوس حقت دراستك
أنا :يؤ يؤ كم بتاخذ ذيك طال عمرك سنة ولا سنتين ولا قرن يا طويل العمر هذا نظام معروف وفي كذا الف طالب سعودي نفس الشي يعني حالهم زي حالي ولا في ناس وناس
الموظف: والله مالك شغل بالناس وناس هذا شي ثانيا يا أخوي من غاصبك تجي تدرس وهنا وأذا ودك خلّ دراستك على حسابك وعلى قولة المثل اللي يبي الدحّ ما يقول أحّ
أنا: طيب طال عمرك يعني خلّ الرسوم لين المعاملة الطويلة العريضة على الأقل أرسلوا لي مكافئة شهرية الف دولار على الأقل أعيش بها والله حالتي تصعب على الكافر ومهما كنت فأنا سعودي يعني الرحمة زينة
الموظف: لا والله بالمرة ماتبي سيارة كورفيت لحظة لحظة عندنا سيارة كورفيت حمراء كشف ياليت تتنازل وتقبل بها لين تختار السيارة اللي تعجبك وعلى الألف وشوله جاي على نفسك ماتبي بطاقة فيزا مفتوحة الاعتماد يا أخوي لو كل سعودي بيجي هنا بنعطيه اللي يبي كان واشنطن كلها سعوديين,, الحيين وحنا مستلعنين معهم ونص أهل واشنطن يحكون عربي أحسن مني ومنك من كثر ربعك....على العموم رقم معاملتك عندنا 25874 وترى هذا رقم تسلسلي يعني علشان تعرف الشغل اللي عندنا واللي يسلمك لا عاد تزعجنا تابع معاملتك بقسم الوارد والصادر يالله تشاو طووط طووط.....ساعتها ادركت أني كلت 17 تبن ورجعت للجامعة وأنا مدنق راسي في الأرض واسحب رجل وارفع رجل لييين وااااااء طاااع (موتر صدمني ) وينزل لي شاب دلوع معه بنية شقرا حمرا ويقول لي: هي ار يو اوكيه ..ام سوري فور وش اسمها وش اسمها وش معنى يصدم ايه ام سوري فور هيتنج يو باي ماي كار
أنا : افا الأخ سعودي لا ياخوي ما فيني الا العافية بس الله يهداك ما احنا في شارع العليا العام ولا شارع التحلية احنا هنا في أمريكا ثانيا يلعن شكلك من وين دبرت هالقطعة الحمرا اللي معاك
الولد: مو شغلك خل البنت بروحها تراها تبعي ثانيا ياخوي تبي تتفلسف علينا تراك غلطان لو أنك رافع راسك وشايف دربك ما كان صار اللي صار بس وش اقول تركنا لكم الرياض لحقتونا في جدة تركنا لكم السعودية بكبرها طمرتوا لنا في أمريكا يلعن أبو شكلكم
أنا : الشكوى لله مضيقيين عليكم في الدنيا عسا الله يفرجها لكم في الاخرة يا خوي لاتكون الرياض حلال ابوك ولا بيل كلينتون يصير خالك يوم حتى أمريكا ماتبينا نطبها ثانيا أنت اللي مسرع في الطريق وأنت داخل الحرم الجامعي وبعدين عيب عليك احنا كسعوديين لازم نكون في الغربة يد واحدة يعني يدنا بيد بعض مو ايدينا على ظهور بني حمر شقر
الولد: اقول بلا فلسفة ياربيه وش ذا الحظ اللي رماني فيك على العموم أنا ما ودي المشكلة تكبر أنا مسامحك
03-07-2006, 09:24 PM
المشاركة
3
أنا: لا تكفى وش مسامحني تكفا والله مدري وين أودي جميلك يا طويل العمر ولا على بالك احنا في الرياض بيجي النقيب سعيد وتقول له انا ولد فلان ويحط الغلط كله علي لا يا بابا اصحى احنا هنا في بلد الحرية وعلى فكرة عناد فيك كنت ناوي اتنازل لك بس عناد فيك ما راح اتنازل وباطلب الشرطة وباصير اتلوى ,, وبالفعل جت الشرطة ودتنا للقسم ( صدق قروي في أمريكا واسميه قسم عفوا عفوا اقصد مركز الشرطة) المهم واحنا هناك صادوا أن الولد ماعنده تأمين على سيارته وبيني وبينكم اللي يصيدونه هناك وماعلى سيارته تأمين يا ويله يا سواد ليله ...بس صار اللي مو على البال طلع خوينا الموبايل ودقّ على للأسف دقّ على السفارة السعودية وعلى طول ضغط تحويلة رقم 111 وطلب واحد اسمه أبو عبدالرحمن وقال له التالي : أبو عبدالرحمن كيفك عساك بخير ... والله الوالد يسلم عليك ... لو سمحت يا بو عبدالرحمن صارت لي مشكلة بسيطة سويت حادث بالسيارة وأنا ما سويت لها انشورانس وناشبين لي في مركز الشرطة وماني عارف وش اسوي لهم ايه و بالمرة بعد في واحد بوهته سعودي وحكيه بعد ناشب لي الاعمى مدنق راسه وهو يمشي في البهو الجامعي . وهو يحكي وأنا اكركر بصوت عالي واقول يا حليله أمووت يالسفارة بشويش لا يجيك السفير الحين بالديشارب حقه علشانك وووعععع انطر يا حمار ...وتوني ما كملت كلامي الا و ألقي آلة الفاكس حقت مركز الشرطة تون ون وورقة وش طولها ووش عرضها تطلع ..و يقوم الشرطي يقرا الفاكس ويطلع الفاكس من السفارة السعودية بواشنطن يقولون فيه ان المواطن صاحب السيارة (يعني البزر اللي صدمني ) من رعاياهم وأن السيارة تابعة لهم وأنهم هم اللي استأجروها له و أذا في أي مسئولية فهي بالتالي على السفارة ...وما مرت ربع ساعة الا محامي جاي للمركز مرسلينه السفارة علشان يطلع المحروس وبالفعل طلعوا المحروس في غمضة عين أما أنا فما كنّي سعودي الا والله كنّي ابن ستين كلب ما أحد عبرني لو ما شرطي جزاه الله خير رماني في أسعاف أحد المستشفيات وجلست هناك ساعتين ربطوني بالشاش لين صرت كني مومياء ...ورجعت للجامعة .....بيني وبينكم كل هذا ما ثناني وواصلت دراستي وكنت ولله الحمد ماشي ومتفوق في دراستي ..المهم بعد ست شهور استدعوني في الشئوون الطلابية وقالوا لي أن السفارة السعودية وافقت أني اصير طالب على حسابهم ...بشرط ما ينقص معدلي عن 4.5 من خمسة وقلت موافق وقلت للمسئولة وين قروشي اللي دفعتها لكم أجل ...
قالت لي : خير عسا ما شر وش قروشه يا دلعادي منك لسفارتك تصلحون هم المفروش اللي يرجعونها لك
أنا : قلت طيب ما أرسلوا لي شيك لو بألف دولار اللي يرسلونه للباقين قالت لي هذا بعد مدري عنه اتصل على سفارتك واسئلهم.....وبالفعل اتصلت بالسفارة وكلمت الملحق الثقافي وقالوا لي توكل على الله موضوعك طلع من يدنا رح كلم المسئول عن الشئون المالية و من النذاله سكر السماعة في وجهي ياليته حولني للمسئول عن الشئون المالية الا يبيني اتصل مرة ثانية واتصلت مرة ثانية وطلبت المسئول عن الشئون المالية ..وكلمته وصار ما يلي
المسئول: مرحبا أخوي خير وش بغيت
أنا: هلا لو سمحت يا أخوي أنا اسمي عبدالعزيز وأدرس في احدى الجامعات وارسلت لكم أوراقي علشان أكون على حساب السفارة
المسئول: يا اخوي اخلص بتقص لي قصة حياتك وش عندك
أنا: ياخوي وافقت السفارة أني ادرس على حسابها بس مدري متى بترسلون لي الفلوس اللي دفعتها للجامعة غير المكافئات المالية حقتي
المسئول : هييي على هونك متى وصلتك الموافقة ...وكم لك من سنة
أنا: من اسبوع بس طال عمرك وهذي أول سنة والله يخليك لعين ترجيك
المسئول: اها قلت لي أولا المكافئات المالية اللي لك تبدا بعد شهر من الموافقة ..هذا شي ثانيا الرسوم الدراسية لأول سنة غالبا ما راح نعوضك عنها لأننا ما نعرف شي عن معدلك وهل هو فوق 4,5 ولا لا فأذا نجحت هالسنة انشالله ترسل لنا شهادتك ومعدلك علشان السنة الجاية وبغيت أقول لك شي أول مكافأة لك لازم تجينا في واشنطن تستلمها شخصيا علشان نتأكد أنه أنت مو واحد منتحل شخصيتك وبعدين نرسلها لك على العنوان اللي تبي
أنا: بس طال عمرك يعني الله أعلم بالحال أني ساعات أجرة الباص ما تتوفر لي وأخذها مشي من وين باقطع مشوار من ميتشاجن لواشنطن يعني كنها بين الرياض وجدة مرتين وأنت ادرى الله يسلمك يعني ياليت بمعرفتك أنك من عندك تدبرها وأنت ابوها
المسئول: أقول يا متخلف شغل منفوحة والدوائر الحكومية اللي تخبرها في الرياض أنساه يا شاطر احنا كلمتنا واحدة ما تتغير مهما يكون
أنا: أجل ما تتغير ولا على ناس وناس ...يا طويل العمر طيب من وين أجيب قيمة التذكرة والله ماعندي ومحتاج للفلوس مرة
المسئول: تفهم عربي ولا لا الحكي ضايع معك تشاو .... طوووط طووووط المهم انسدت الدنيا في وجهي لفيت ورحت وجيت ومالقيت الا السنافي جمعة خذيت منه قيمة التذكرة لواشنطن وفوقها خمسين دولا للمعيشة ..والله لا يوريكم رحت لواشنطن وما لقيت لي سكن يضفني الا هوستايل ( الهوستايل غرفة كبيرة فيها حوالي 20 سرير لا تخافون مو سجن بس غالبا للطفارى واللي ما عندهم قروش ) ورحت بنفسي للسفارة وكلي تفائل وابتهاج وانصى الشارع الفخم اللي فيه معظم أهم شخصيات واشنطن و عند الواتر بلدينج اللي عندها السفارة وارقى للدور الخامس اللي فيه الملحقية الثقافية وبعد نص ساعة تفتيش كني في المطار دخلت وسلمت عليهم وكلمت واحد فيهم وتوني أقول انا طالب ويكرشني ويقول وش اسوي لك يعني تبيني أسمع لك قلت له لا طال عمرك بس وين نقدر نستلم الفلوس ...ويقول مو هنا رح السفارة يالله رح هناك ...وبالفعل رحت للسفارة وتوني أكلم السيكورتي ويسئلني اذا عندي موعد قلت له لا قال اجل ما اقدر اخليك تدخل لان اليوم في ضيف كبير طال عمره وأعلا الله من شأنه وممنوع احد يدخل الا اللي عندهم مواعيد وقمت اترجا السيكورتي بلا أبوك يا عقاب السيكورتي من الزنوج الامريكين وخويه السعودي داخل في الرزة يبي يحضر حفل العشا على شرف سموه ورجعت للهوستايل حقي اللي حتى تلفزيون ما فيه وانخمدت من الساعة 8 وثاني يوم الصباح نصيت السفارة وكان سموه الله يسلمه راقد ودخلت السفارة ومن دباشتي جايب تقرير من جامعتي أن معدلي فوق 4.7 وكل أوراقي وجوازي وكل شي ...وانصى المسئول اللي كلمته على التليفون ...ووريت أوراقي ويقوم يناظر أوراقي ويتمقل في شهادة معدلي ثم يرميها على الأرض ويقول لي وش أنا قايل لك بالتليفون بعد سنة وش يضمن لنا يمكن تسقط أما فلوسك حقت هالشهر فهذا شيكك و بلا كثرة حكي ويطلع الشيك 800 دولار قلت له بس 800 دولار ويضحكون اللي في المكتب ويقولون لا طال عمرك المليون في الطريق بس اصبر شوي... احمد ربك بس و انثبر واترك عنوانك اللي تبي نرسله لك عليه ..وبالفعل خذيت الشيك و كلت تبن ..ورجعت لديرتي وسددت لجمعة السلف حقه وبديت اعرف طعم الحياة لين جا الشهر الثاني وموعد وصول الشيك حان بس مافي شي ...واتصل على السفارة آآآه يا قلبي تبون تعرفون وش صار يوم كلمت السفارة وسئلتهم عن الشيك.
أنا: طال عمركم لي شيك المفروض انه يوصل أول الشهر واليوم 7 من الشهر ولا وصلني شي
الموظف: لحظة اشيك اعرف من احولك له صراحة مدري من المفروض تراجعه في هالسالفة
أنا : طيب طال عمرك ..وفاصل موسيقي لمدة نص ساعة انتظار وبعدين يطلع لي موظف ثاني
المسئول : هلا أخوي وش مشكلتك
أنا: هلا طال عمرك أنا طالب على حساب السفارة وموعد شيكي حان من اسبوع ولا بعد وصل شيكي الى الآن
المسئول: لاحوول هالسنترال أثول وش دخلني أنا هنا المكتب الخاص بالملحق العسكري لحظة شوي ولا كلم مرة ثانية يالله تشاو ...طووط طووط ...وأدق مرة ثانية على السفارة وفي المحاولة الأخرى حولوني الى المسئول الصدقي عن شيكات المبعتثين ويكلمني
المسئول: هلا أخوي وش مشكلتك
أنا : والله طال عمرك شيكي حان وقته من أسبوع بس ما وصل الى الان يا ترى يا هل ترى ماهو السبب
المسئول كتبت عنوانك كويس ومتأكد منه ولا زي بقية عريبيا اللي هنا مايعرفون يكتبون زي الناس
أنا: لا والله كتبته صح حتى الحساب في البنك حطيته ما بقيت شي,, الا طال عمرك أنتم مرسلينه عن طريق الدي اتش ال ولا الفيديكس علشان اتابع الطرد معهم
المسئول: والله متفائل أنت ووجهك مابقى الا كل شيك نرسله عن طريق الدي اتش ال كان ميزانية السفارة ما راح تكفي أما عن نرسل الشيك للبنك فمش خشمك بقوة ما صرنا نشتغل عند أبوك وانثبر واقضب أرضك لين يوصلك الشيك واذا مر شهر ولا وصلك الشيك فأكتب خطاب للسفارة وتعال بنفسك وسلمه لنا علشان نصدر لك شيك ثاني بدل فاقد وكلمة ثانية مابي أذا فهمت بركة وأذا ما فهمت في الطقاق ...طووط طووط وبالفعل انثبرت في محلي لين وصلني الشيك يوم اربعطعش في الشهر ومشيت الحال وكملت السنة على هالوضع وأبشركم ما أرسلوا لي التذاكر بس لقيت سعودي ابن حلال تعرفت عليه في أحد المطاعم جاي مع أبوه للعلاج ويوم توفى أبوه عطاني تذكرته أرجع بها لآهلي في الصيف ..المهم قبل ما أسافر أرسلت تقريري للسفارة وفيه معدلي اللي كان 4.8 من خمسة وكنت وقتها الثاني على الكلية ...وجلست في الرياض شهر ونص ..ورجعت لأمريكا قبل الدراسة باسبوعين علشان أشوف وش سوت لي السفارة ...بس للأسف لا حياة لمن تنادي ..وعلشان ما أطول عليكم يوم اتصلت على السفارة قالوا لي أن معاملتي وافقوا عليها وبيرسلونها لوزارة التعليم العالي في الرياض مرفقة بمعدلي الجامعي ثم اذا وافقت وزارة التعليم العالي بيرسلونها من جديد لواشنطن وبعدين ترسلها السفارة لوزارة الخارجية لاعتمادها وهي مرفقة بمعدلي الجامعي وموافقة وزارة التعليم العالي ...ثم اذا وافقت وزارة الخارجية بيرسلونها مرة أخرى الى واشنطن وبعدين ترسلها السفارة الى وزارة المالية مرفقه بمعدلي الجامعي وموافقة وزارة التعليم العالي وموافقة وزارة الخارجية واذا وافقت وزارة المالية راح ترسلها الى واشنطن ومعها اعتماد مالي بتكاليف الدراسة ..البلاا عقب اللفة الطويلة هالحكي كله عن تكاليف السنة الدراسية الثانية أما السنة الماضية فيبيلها نفس أطول لانها لازم تلف نفس ذيك اللفة بس زيادة على ذاك تروح لقسم المستحقات المالية ومراجعة الأرشيف وبعدين تمر على قسم المستحقات اللتي لاحظوا التي وحطوا تحتها الف خط اللتي انتهت فترتها ولم يقم مستحقوها بصرف مستحقاتهم ...اللي داخ يروح يجيب بنادول وياخذ حبة قبل ما نكمل ......المهم جلست انتظر لين ترسل السفارة المصاريف لكليتي علشان اقدر ادرس ..الله وكيلكم جلست شهرين ونصف وأنا كل يوم عند الشئون الطلابية اخذ لي دش تهزيء ومتى بتدفع المصاريف وافهمهم ان السفارة بتدفع التكاليف بس المسالة بتاخذ وقت و مسئولة الشئون الطلابية في الجامعة حكت عربي من كثر ما شاب راسها منّي وكثر ما تسألني متى السفارة بتدفع التكاليف واخر شي طقتها في وجهي لي مهلة اسبوع اذا ما اندفعت المصاريف راح يطردوني ...ساعتها تسلفت فلوس من صديقي جمعة وطمرت لواشنطن ...واللي خذيته منهم ان المعاملة توها ما خلصت وهم مستعجلينها بس التأخير جاي من الرياض وما بيدهم شي ..ترجييتهم لو الفين دولار ولا خطاب رسمي للجامعة يبلغونهم فيه كل التفاصيل علشان اسكت بها الجامعة مير ما عندك أحد ..وأهلي على قدهم ولا بيدهم شي ولو باعوا عفش البيت التحويل من الرياض لأمريكا على الأقل بياخذ اسبوع ...ساعتها رجعت الى ميتشاجن وفي نيتي اجمع أغراضي وعفشي وارجع لديرتي اصرف واشتغل سيكورتي بشهادة الثانوي الى أن حصلت المعجزة ....
استدعتني مسئولة الشئون الطلابية في الجامعة واتصلت علي كذا مرة بس أنا اطنش بيني وبينكم مالي وجه اقابلها دامي مطرود مطرود أنطرد سكاتي بس دون فشيلة ...بس هي كلمة غانم صديقي وقالت له لازم أنا أقابلها ضروري ولا اشيل هم التكاليف ...وتو غانم يوصل كلامها لي الا أطير من الفرحة واقوم أحبحب في الجواز الأخضر وأغني سارعي للمجد والعلياء ...وأقول والله سفارتنا على غثاثتها الا أنهم ما يقصرون مع عيالهم ...واطمر لمقابلة مسئولة الشئون الطلابية واسمها راشيل
أنا: هاي راشيل تيل مي دو يو ريسيف ذا موني فروم اور امباسي هاه وين ذات هبند
راشيل: نو ابدول ازيز ذا ينويفرسيتي كونسلت ديسايد تو جيف يو فري ميشون تو فينيش يور ستدي هير اند بوست جرادويت ستدي اون اس مور ثان ذات يو ويل رسيف900 دولار فروم اس ايفري مونث بت يو هاف تو جيت مور ثان 4.5 ايفري يير .......
وللأسف يا سادة مثل ما شفتم هذي نهايتي .ديرتي تخلت عني والغرب احتضنوني مجلس أدارة الجامعة قرر يوهبني بعثة دراسية مجانية على حساب الجامعة الى ان أتم دراستي الجامعية وفوق هذا كله دراساتي العليا وبيعطوني مكافأة شهرية 900 دولار ....وبعد ما تخرجت وكنت الأول على الجامعة لقيت مندوب من السفارة السعودية ومعه خوي له من واس (وكالة الأنباء السعودية ) يصوروني علشان ينشرون صوري في الجرايد السعودية وما قصرت السفارة في الأخير اهدوا لي درع تذكاري بزعمهم أني بيضت وجه السعودية في الخارج ..المشكلة أنهم نسوا أني بيضت وجه الجامعة الأمريكية ومجلس ادارتها اللي عطوني الثقة ولولا الله ثم هم كان أنا سيكورتي الان في الرياض في احدى المجمعات التجارية ...هذي يا سادة يا كرام بعض ما يعانية الشباب السعودي والخليجي اللي يروحون للخارج ويدرسون على حسابهم ..واللي كثير منهم مالقى الفرص اللي يحلم فيها في ارضه بس المؤلم ان البحث عن فرص أفضل أصبح ممنوعا على العامة و حكر على الخاصة ...
في النهاية أقول أرجو الا تغضب هذه الصفحة أية شخص أو جهة لانها في البداية والنهاية قصة خيالية و ليست موجهة الى شخص بعينه او جهة بعينها انما هي سرد لمواجع كثير من اشقائنا في الخارج اللذين يسعون للحصول على اعلى الشهادات العلمية بهدف أفادة بلادهم من خبراتهم ودراساتهم متحملين بذالك عناء السفر والغربة .......
هذه القصة بما فيها من واقع وخيال ... تعود لواحد من الناس
قالت لي : خير عسا ما شر وش قروشه يا دلعادي منك لسفارتك تصلحون هم المفروش اللي يرجعونها لك
أنا : قلت طيب ما أرسلوا لي شيك لو بألف دولار اللي يرسلونه للباقين قالت لي هذا بعد مدري عنه اتصل على سفارتك واسئلهم.....وبالفعل اتصلت بالسفارة وكلمت الملحق الثقافي وقالوا لي توكل على الله موضوعك طلع من يدنا رح كلم المسئول عن الشئون المالية و من النذاله سكر السماعة في وجهي ياليته حولني للمسئول عن الشئون المالية الا يبيني اتصل مرة ثانية واتصلت مرة ثانية وطلبت المسئول عن الشئون المالية ..وكلمته وصار ما يلي
المسئول: مرحبا أخوي خير وش بغيت
أنا: هلا لو سمحت يا أخوي أنا اسمي عبدالعزيز وأدرس في احدى الجامعات وارسلت لكم أوراقي علشان أكون على حساب السفارة
المسئول: يا اخوي اخلص بتقص لي قصة حياتك وش عندك
أنا: ياخوي وافقت السفارة أني ادرس على حسابها بس مدري متى بترسلون لي الفلوس اللي دفعتها للجامعة غير المكافئات المالية حقتي
المسئول : هييي على هونك متى وصلتك الموافقة ...وكم لك من سنة
أنا: من اسبوع بس طال عمرك وهذي أول سنة والله يخليك لعين ترجيك
المسئول: اها قلت لي أولا المكافئات المالية اللي لك تبدا بعد شهر من الموافقة ..هذا شي ثانيا الرسوم الدراسية لأول سنة غالبا ما راح نعوضك عنها لأننا ما نعرف شي عن معدلك وهل هو فوق 4,5 ولا لا فأذا نجحت هالسنة انشالله ترسل لنا شهادتك ومعدلك علشان السنة الجاية وبغيت أقول لك شي أول مكافأة لك لازم تجينا في واشنطن تستلمها شخصيا علشان نتأكد أنه أنت مو واحد منتحل شخصيتك وبعدين نرسلها لك على العنوان اللي تبي
أنا: بس طال عمرك يعني الله أعلم بالحال أني ساعات أجرة الباص ما تتوفر لي وأخذها مشي من وين باقطع مشوار من ميتشاجن لواشنطن يعني كنها بين الرياض وجدة مرتين وأنت ادرى الله يسلمك يعني ياليت بمعرفتك أنك من عندك تدبرها وأنت ابوها
المسئول: أقول يا متخلف شغل منفوحة والدوائر الحكومية اللي تخبرها في الرياض أنساه يا شاطر احنا كلمتنا واحدة ما تتغير مهما يكون
أنا: أجل ما تتغير ولا على ناس وناس ...يا طويل العمر طيب من وين أجيب قيمة التذكرة والله ماعندي ومحتاج للفلوس مرة
المسئول: تفهم عربي ولا لا الحكي ضايع معك تشاو .... طوووط طووووط المهم انسدت الدنيا في وجهي لفيت ورحت وجيت ومالقيت الا السنافي جمعة خذيت منه قيمة التذكرة لواشنطن وفوقها خمسين دولا للمعيشة ..والله لا يوريكم رحت لواشنطن وما لقيت لي سكن يضفني الا هوستايل ( الهوستايل غرفة كبيرة فيها حوالي 20 سرير لا تخافون مو سجن بس غالبا للطفارى واللي ما عندهم قروش ) ورحت بنفسي للسفارة وكلي تفائل وابتهاج وانصى الشارع الفخم اللي فيه معظم أهم شخصيات واشنطن و عند الواتر بلدينج اللي عندها السفارة وارقى للدور الخامس اللي فيه الملحقية الثقافية وبعد نص ساعة تفتيش كني في المطار دخلت وسلمت عليهم وكلمت واحد فيهم وتوني أقول انا طالب ويكرشني ويقول وش اسوي لك يعني تبيني أسمع لك قلت له لا طال عمرك بس وين نقدر نستلم الفلوس ...ويقول مو هنا رح السفارة يالله رح هناك ...وبالفعل رحت للسفارة وتوني أكلم السيكورتي ويسئلني اذا عندي موعد قلت له لا قال اجل ما اقدر اخليك تدخل لان اليوم في ضيف كبير طال عمره وأعلا الله من شأنه وممنوع احد يدخل الا اللي عندهم مواعيد وقمت اترجا السيكورتي بلا أبوك يا عقاب السيكورتي من الزنوج الامريكين وخويه السعودي داخل في الرزة يبي يحضر حفل العشا على شرف سموه ورجعت للهوستايل حقي اللي حتى تلفزيون ما فيه وانخمدت من الساعة 8 وثاني يوم الصباح نصيت السفارة وكان سموه الله يسلمه راقد ودخلت السفارة ومن دباشتي جايب تقرير من جامعتي أن معدلي فوق 4.7 وكل أوراقي وجوازي وكل شي ...وانصى المسئول اللي كلمته على التليفون ...ووريت أوراقي ويقوم يناظر أوراقي ويتمقل في شهادة معدلي ثم يرميها على الأرض ويقول لي وش أنا قايل لك بالتليفون بعد سنة وش يضمن لنا يمكن تسقط أما فلوسك حقت هالشهر فهذا شيكك و بلا كثرة حكي ويطلع الشيك 800 دولار قلت له بس 800 دولار ويضحكون اللي في المكتب ويقولون لا طال عمرك المليون في الطريق بس اصبر شوي... احمد ربك بس و انثبر واترك عنوانك اللي تبي نرسله لك عليه ..وبالفعل خذيت الشيك و كلت تبن ..ورجعت لديرتي وسددت لجمعة السلف حقه وبديت اعرف طعم الحياة لين جا الشهر الثاني وموعد وصول الشيك حان بس مافي شي ...واتصل على السفارة آآآه يا قلبي تبون تعرفون وش صار يوم كلمت السفارة وسئلتهم عن الشيك.
أنا: طال عمركم لي شيك المفروض انه يوصل أول الشهر واليوم 7 من الشهر ولا وصلني شي
الموظف: لحظة اشيك اعرف من احولك له صراحة مدري من المفروض تراجعه في هالسالفة
أنا : طيب طال عمرك ..وفاصل موسيقي لمدة نص ساعة انتظار وبعدين يطلع لي موظف ثاني
المسئول : هلا أخوي وش مشكلتك
أنا: هلا طال عمرك أنا طالب على حساب السفارة وموعد شيكي حان من اسبوع ولا بعد وصل شيكي الى الآن
المسئول: لاحوول هالسنترال أثول وش دخلني أنا هنا المكتب الخاص بالملحق العسكري لحظة شوي ولا كلم مرة ثانية يالله تشاو ...طووط طووط ...وأدق مرة ثانية على السفارة وفي المحاولة الأخرى حولوني الى المسئول الصدقي عن شيكات المبعتثين ويكلمني
المسئول: هلا أخوي وش مشكلتك
أنا : والله طال عمرك شيكي حان وقته من أسبوع بس ما وصل الى الان يا ترى يا هل ترى ماهو السبب
المسئول كتبت عنوانك كويس ومتأكد منه ولا زي بقية عريبيا اللي هنا مايعرفون يكتبون زي الناس
أنا: لا والله كتبته صح حتى الحساب في البنك حطيته ما بقيت شي,, الا طال عمرك أنتم مرسلينه عن طريق الدي اتش ال ولا الفيديكس علشان اتابع الطرد معهم
المسئول: والله متفائل أنت ووجهك مابقى الا كل شيك نرسله عن طريق الدي اتش ال كان ميزانية السفارة ما راح تكفي أما عن نرسل الشيك للبنك فمش خشمك بقوة ما صرنا نشتغل عند أبوك وانثبر واقضب أرضك لين يوصلك الشيك واذا مر شهر ولا وصلك الشيك فأكتب خطاب للسفارة وتعال بنفسك وسلمه لنا علشان نصدر لك شيك ثاني بدل فاقد وكلمة ثانية مابي أذا فهمت بركة وأذا ما فهمت في الطقاق ...طووط طووط وبالفعل انثبرت في محلي لين وصلني الشيك يوم اربعطعش في الشهر ومشيت الحال وكملت السنة على هالوضع وأبشركم ما أرسلوا لي التذاكر بس لقيت سعودي ابن حلال تعرفت عليه في أحد المطاعم جاي مع أبوه للعلاج ويوم توفى أبوه عطاني تذكرته أرجع بها لآهلي في الصيف ..المهم قبل ما أسافر أرسلت تقريري للسفارة وفيه معدلي اللي كان 4.8 من خمسة وكنت وقتها الثاني على الكلية ...وجلست في الرياض شهر ونص ..ورجعت لأمريكا قبل الدراسة باسبوعين علشان أشوف وش سوت لي السفارة ...بس للأسف لا حياة لمن تنادي ..وعلشان ما أطول عليكم يوم اتصلت على السفارة قالوا لي أن معاملتي وافقوا عليها وبيرسلونها لوزارة التعليم العالي في الرياض مرفقة بمعدلي الجامعي ثم اذا وافقت وزارة التعليم العالي بيرسلونها من جديد لواشنطن وبعدين ترسلها السفارة لوزارة الخارجية لاعتمادها وهي مرفقة بمعدلي الجامعي وموافقة وزارة التعليم العالي ...ثم اذا وافقت وزارة الخارجية بيرسلونها مرة أخرى الى واشنطن وبعدين ترسلها السفارة الى وزارة المالية مرفقه بمعدلي الجامعي وموافقة وزارة التعليم العالي وموافقة وزارة الخارجية واذا وافقت وزارة المالية راح ترسلها الى واشنطن ومعها اعتماد مالي بتكاليف الدراسة ..البلاا عقب اللفة الطويلة هالحكي كله عن تكاليف السنة الدراسية الثانية أما السنة الماضية فيبيلها نفس أطول لانها لازم تلف نفس ذيك اللفة بس زيادة على ذاك تروح لقسم المستحقات المالية ومراجعة الأرشيف وبعدين تمر على قسم المستحقات اللتي لاحظوا التي وحطوا تحتها الف خط اللتي انتهت فترتها ولم يقم مستحقوها بصرف مستحقاتهم ...اللي داخ يروح يجيب بنادول وياخذ حبة قبل ما نكمل ......المهم جلست انتظر لين ترسل السفارة المصاريف لكليتي علشان اقدر ادرس ..الله وكيلكم جلست شهرين ونصف وأنا كل يوم عند الشئون الطلابية اخذ لي دش تهزيء ومتى بتدفع المصاريف وافهمهم ان السفارة بتدفع التكاليف بس المسالة بتاخذ وقت و مسئولة الشئون الطلابية في الجامعة حكت عربي من كثر ما شاب راسها منّي وكثر ما تسألني متى السفارة بتدفع التكاليف واخر شي طقتها في وجهي لي مهلة اسبوع اذا ما اندفعت المصاريف راح يطردوني ...ساعتها تسلفت فلوس من صديقي جمعة وطمرت لواشنطن ...واللي خذيته منهم ان المعاملة توها ما خلصت وهم مستعجلينها بس التأخير جاي من الرياض وما بيدهم شي ..ترجييتهم لو الفين دولار ولا خطاب رسمي للجامعة يبلغونهم فيه كل التفاصيل علشان اسكت بها الجامعة مير ما عندك أحد ..وأهلي على قدهم ولا بيدهم شي ولو باعوا عفش البيت التحويل من الرياض لأمريكا على الأقل بياخذ اسبوع ...ساعتها رجعت الى ميتشاجن وفي نيتي اجمع أغراضي وعفشي وارجع لديرتي اصرف واشتغل سيكورتي بشهادة الثانوي الى أن حصلت المعجزة ....
استدعتني مسئولة الشئون الطلابية في الجامعة واتصلت علي كذا مرة بس أنا اطنش بيني وبينكم مالي وجه اقابلها دامي مطرود مطرود أنطرد سكاتي بس دون فشيلة ...بس هي كلمة غانم صديقي وقالت له لازم أنا أقابلها ضروري ولا اشيل هم التكاليف ...وتو غانم يوصل كلامها لي الا أطير من الفرحة واقوم أحبحب في الجواز الأخضر وأغني سارعي للمجد والعلياء ...وأقول والله سفارتنا على غثاثتها الا أنهم ما يقصرون مع عيالهم ...واطمر لمقابلة مسئولة الشئون الطلابية واسمها راشيل
أنا: هاي راشيل تيل مي دو يو ريسيف ذا موني فروم اور امباسي هاه وين ذات هبند
راشيل: نو ابدول ازيز ذا ينويفرسيتي كونسلت ديسايد تو جيف يو فري ميشون تو فينيش يور ستدي هير اند بوست جرادويت ستدي اون اس مور ثان ذات يو ويل رسيف900 دولار فروم اس ايفري مونث بت يو هاف تو جيت مور ثان 4.5 ايفري يير .......
وللأسف يا سادة مثل ما شفتم هذي نهايتي .ديرتي تخلت عني والغرب احتضنوني مجلس أدارة الجامعة قرر يوهبني بعثة دراسية مجانية على حساب الجامعة الى ان أتم دراستي الجامعية وفوق هذا كله دراساتي العليا وبيعطوني مكافأة شهرية 900 دولار ....وبعد ما تخرجت وكنت الأول على الجامعة لقيت مندوب من السفارة السعودية ومعه خوي له من واس (وكالة الأنباء السعودية ) يصوروني علشان ينشرون صوري في الجرايد السعودية وما قصرت السفارة في الأخير اهدوا لي درع تذكاري بزعمهم أني بيضت وجه السعودية في الخارج ..المشكلة أنهم نسوا أني بيضت وجه الجامعة الأمريكية ومجلس ادارتها اللي عطوني الثقة ولولا الله ثم هم كان أنا سيكورتي الان في الرياض في احدى المجمعات التجارية ...هذي يا سادة يا كرام بعض ما يعانية الشباب السعودي والخليجي اللي يروحون للخارج ويدرسون على حسابهم ..واللي كثير منهم مالقى الفرص اللي يحلم فيها في ارضه بس المؤلم ان البحث عن فرص أفضل أصبح ممنوعا على العامة و حكر على الخاصة ...
في النهاية أقول أرجو الا تغضب هذه الصفحة أية شخص أو جهة لانها في البداية والنهاية قصة خيالية و ليست موجهة الى شخص بعينه او جهة بعينها انما هي سرد لمواجع كثير من اشقائنا في الخارج اللذين يسعون للحصول على اعلى الشهادات العلمية بهدف أفادة بلادهم من خبراتهم ودراساتهم متحملين بذالك عناء السفر والغربة .......
هذه القصة بما فيها من واقع وخيال ... تعود لواحد من الناس
03-07-2006, 10:45 PM
المشاركة
4
لعنبوا دارك ذا موضوع ولا عقد قرض :3yar:
صراحه موضوع يبيله رواقه ولازم اطفي النت واحط الاب توب قدامي وانسدح على بطني ويالله بعد
لي عوده ان شالله
صراحه موضوع يبيله رواقه ولازم اطفي النت واحط الاب توب قدامي وانسدح على بطني ويالله بعد
لي عوده ان شالله
موضوع راح يفيدكم كثير .. اطعزوا فيذا
[ ليس المهم أن تضع الف موضوع ... المهم أن تضع موضوع يشارك فيه ألف عضو ]
[عند طرحك اي موضوع .. تابعه اولـ(ن) بأول ]
[.. تأكـد من القسم المناسب لموضوعكـ ..]
[ لا تنسى كتابة كلمة منقول أو بقلمي]
[ارضاء الناس غايتـ(ن) لاتدركـ ]
[ ليس المهم أن تضع الف موضوع ... المهم أن تضع موضوع يشارك فيه ألف عضو ]
[عند طرحك اي موضوع .. تابعه اولـ(ن) بأول ]
[.. تأكـد من القسم المناسب لموضوعكـ ..]
[ لا تنسى كتابة كلمة منقول أو بقلمي]
[ارضاء الناس غايتـ(ن) لاتدركـ ]
●{ "گل دربـ (ن) مـﻋ̃گ ﻣﺷ̶ﻳﺗھٓ ﺑ ﺎﻟﻓرح ː ﻋ̃ﻁ̲رھٓ " [ ﻳﻓۋح ]
04-07-2006, 02:07 AM
المشاركة
5
04-07-2006, 03:54 AM
المشاركة
6
04-07-2006, 04:00 AM
المشاركة
7
كل الحزن مرورك على مواضيعي تعطيها رونق وحيوية اكثر
كل الود لك على ما تسطيره بردودك الابداعية والتشجيعية ..
وبإنتظار عودتك وتكملة باقي القصة ...بس بقولك مجرد اقتراح ان تكمليها بالدوام .. نوع من التسلية والتغيير ... <-=-= بدل طق الحنج والحش في فلانة وعلانة ( الحنج = شي له دخل بالفم يعني جزء من اجراء الفك او هو بعينه)<-=-=- يقاله شرح ان فهمتي شي منها
كل الود لك على ما تسطيره بردودك الابداعية والتشجيعية ..
وبإنتظار عودتك وتكملة باقي القصة ...بس بقولك مجرد اقتراح ان تكمليها بالدوام .. نوع من التسلية والتغيير ...
<-=-= بدل طق الحنج والحش في فلانة وعلانة ( الحنج = شي له دخل بالفم يعني جزء من اجراء الفك او هو بعينه)<-=-=- يقاله شرح ان فهمتي شي منها
05-07-2006, 12:09 AM
المشاركة
8
يبيلها جلسه نجيب انتظرني
05-07-2006, 04:39 AM
المشاركة
9
05-07-2006, 09:53 PM
المشاركة
11
05-07-2006, 10:07 PM
المشاركة
12
05-07-2006, 10:10 PM
المشاركة
13
08-07-2006, 05:24 PM
المشاركة
15
الساعة الآن 05:57 PM.