مسابقة يوميات العيد مع خرفانكم

ads
دليل المواقع السعودية	انشأ رابط لصفحاتك	اعلانات المبوبة	نشر بلس	اختصار واتساب

25-11-2010, 10:30 PM

المشاركة 2



رد: مسابقة يوميات العيد مع خرفانكم

آبو فارس

اقتباس المشاركة الأصلية كتبت بواسطة ابو فارس

بسم الله الرحمن الرحيم

السلام عليكم ورحمة الله وبركاته

هلا شخباركم؟؟

اليوم ببداء يومي

اول شي سويته قمت من النوم الساعه 5:30 الصبح زينا اغراضنا ختلي دش

بعدين لبست رحنا انا والأهل صلينا صلاةالعيد

بعدين رحنا الأستراحه وصلنا الساعه7:20 انا والاهل ذبحنا الضحايا

وهذي الصور ماخذها من قوقل مثال يعني

بعدين خلصنا الضحايا

قطعنا الكبده وصلحنا الفطوور

وهذي الصور من قوقل

بسم الله تفضلوو افطروو

وهذا خبز تميس اشتهيته

الحمد الله خلصنا غسلنا

بعدين زينا الضحايا كيسناها

وحملنا عفشنا والأكياس وطلعنا من الاستراحه الساعه 11:15وصلنا البيت تروشت

جلست على لابتوب شوي ونمت الساعه 2:00 الظهر وقمت الساعه 7:00 العشاء عاد لازم نسلم على الخوال وعمان ورجعنا

جلست مع الاهل الين الساعه 10:00 تعشينا رز ولحم سفن وببسي

خلصنا من العشاء

جلست الين الساعه 2:00 فليل ونمت

وخلص يومي

ان شاء الله اعجبكم

عظَمة عَقلكْ تخلقُ لك الْحسادْ ، وعظَمة قلبكْ تخلقُ لك الأصدقاءْ .. وعظـَـمة ثرائك تخلقُ لك الْمنافقونْ

..إنّ لله وإنّ إليه راجعون ..

اللّهم أغفر " لأم عبدالعزيز " واسكنها جنات الفردوس الأعلى

واعفو عنها وتغمدها برحمتك ياأرحم الراحمين..

25-11-2010, 10:36 PM

المشاركة 3



رد: مسابقة يوميات العيد مع خرفانكم

sweet

اقتباس المشاركة الأصلية كتبت بواسطة sweet

『.♥.』 صبــــــاحـــ الــخــــيــــــر 『.♥.』

اولـ شي ينعاد عليكمـ العيد بالصحهـ

هـ السنهـ كانـ عيدنا بـ البحر

طبعا الكلـ كانـ مواصلـ

و الساعهـ 6 و شوي كانتـ صلاة العيد

وبعدها بدينا نحضر اغراضنا لـ الطلعهـ

انا كانـ علي القهوهـ

و طبعا بابا و عمي راحوا يضحوا

على الساعهـ 9 و نصـ كنا بـ الطريقـ

شوينا الكبدهـ و افطرنا بسـ ما مداني اصور >>> الجوعـ كافر

و هنا كنتـ اتمشى عـ البحر و شفتـ

و هذي صورهـ ثانيه للبحر ..♥

غدانا >>>حياكمـ

هنا كانـ باقي شوي عـ المغربـ

لقطهـ لـ الشمسـ و هي تغيبـ

و اخيرا صورهـ للقمر ..

هذا كانـ يومي بالعيد انـ شاء الله يعجبكمـ

عظَمة عَقلكْ تخلقُ لك الْحسادْ ، وعظَمة قلبكْ تخلقُ لك الأصدقاءْ .. وعظـَـمة ثرائك تخلقُ لك الْمنافقونْ

..إنّ لله وإنّ إليه راجعون ..

اللّهم أغفر " لأم عبدالعزيز " واسكنها جنات الفردوس الأعلى

واعفو عنها وتغمدها برحمتك ياأرحم الراحمين..

25-11-2010, 10:39 PM

المشاركة 4



رد: مسابقة يوميات العيد مع خرفانكم

جووود

اقتباس المشاركة الأصلية كتبت بواسطة جووود

السلام عليكم

كل عام و انتم بخير

شكرا الخلود للطرح و شكرا لجين للفكرة

أنا يوم العيد قمت على صوت أمي تقلي

كانت امي وقتها تجهز الخيز

غسلت وجهي و بعدين باركت لأفراد عائلتي بعيدهم و بعدين جهزت الفطور

و بعد ما خلصت شغل البيت .. رحت اودع الخروف

لمحت في عيونه كلام .. و تخيلت انه كان يقول

بصراحة أشفقت عليه

اجا أخي من دار جيراننا يحمل بيده سكين يخوف

كان معه أخي الثاني و أبي فساعدوه و ذبح الخاروف

على فكرة أنا بخاف من السكينه و من الدم و من الخروف لما يكون مذبوح ههههههههه

فسرقت حالي و جلست عالنت

و دخلت عالاماكن

حتى قطتي المسكينة خافت من الخروف

و هو بيتصرع فارتمت على مذعورة

انتزع أخي الراس و الرجلين

و بعدين انتزع الجلد

و بعدين علقوه

و بعدها نادتني أمي

أنا جهزت الطاولة و حطيت عليها العصير و الليمون و الهريسة

lو بدأ أبي يشوي اللحم

و بدينا ناكل

أنا أحب الكبدة كثير

بس ما احب الشحوم

بعدين أمي حملت رأس الخروف و رجليه

و راحت تشويهم حتى تزيل الشعر من عليهم

و بعدين سلمت الجلد لجارتنا

.. هي مغرمة بجمع الجلوس

كانت تحطله ملح و تعرضه للشمس حتى يجف

في الاثناء خسلت أنا مصارين الخروف

و بعدين جبت الخضار و التوابل و الارز و الزيت و الطماطم و الفلفل ...

اضفت الكبده و الرئة مسلوقة في الماء و مقطعة لشرائح صغيرة و قطع لحم

و خلطت المكونات حتى أتحصل على حشو لأكلة دايما نعملها يوم العيد اسمها "العصبان"

و هذا هو الشكل النهائي

و بعدين أنا رحت نظفت البيت و بخرته

و أمي راحت تجهز العشاء الي هو العصبان

و هذا شكله النهائي

أما بابا فانشغل بتقطيع لحم الخروف و وضعه في اكياس صغيرة و بعدين حطه في الثلاجة

و بعدين غيرت ملابسي و نمت على طول لأني كنت تعبانه

و بس خلاص

كل سنه و انتم طيبين

(( على فكرة انا ما انتبهت للموضوع من الاول ..بس حاولت أقلد بالصور يوم العيد الي قضيته))

جوووود[

عظَمة عَقلكْ تخلقُ لك الْحسادْ ، وعظَمة قلبكْ تخلقُ لك الأصدقاءْ .. وعظـَـمة ثرائك تخلقُ لك الْمنافقونْ

..إنّ لله وإنّ إليه راجعون ..

اللّهم أغفر " لأم عبدالعزيز " واسكنها جنات الفردوس الأعلى

واعفو عنها وتغمدها برحمتك ياأرحم الراحمين..

25-11-2010, 10:43 PM

المشاركة 5



رد: مسابقة يوميات العيد مع خرفانكم

الورده الخجوله + عيون طفله
اذا فزتوا = الزيادة راح تنقسم بينكم

اقتباس المشاركة الأصلية كتبت بواسطة الورده الخجوله.)

أول شي كل عام وانتوا بخير وصحه وسلآمه ..
ينعادعلينا وعليكم بالخير والصحه يارب
بصراحه موضوع عجبني فافكرت واجد وقمت اتقلب في الفراش يمين شمال >>ماصارت
وقلت لازم اسدح قصتي القميله لاحلى واطلق واضخم واطخم اعضاء
واشارك معاهم <<قولي قاااف :d

وبآختصآر لاني عارفتكم عندكم اشغال سثيره
7
7
صحيت أنا وعيون طفله الساعه 6 الصبح في امان الله واذابهالثلاثي الظريف يسرح ويمرح في حوشنآ حر طليق! :d

هم صح مستانسين الحين بس بعد نص ساعه سوف يبكون<<ياللهووول
وواحد من الحبايب لعبنا في حسبته كشخناه وزيناه من الفضاوه

حسيت ان وده ينتقم منا
وأنتهت الساعات القليله وجاء وقت العنف
طبعا الله يسلمكم و يسمنكم اول يوم الرعب العالمي للخرفان:d
وجاكم الوالد رافع الأكمام والاخوه الكرام متحمسين بالصوت العالي <<جيبووووا السكاكين والسواطير<<ويح قلبي ماذا دهاهم
وهذآ راس خروفنا آلله يرحمه

وسلخوهــــــم

أدري ان الصوره تحوم سبودكم بس ماعليه هذه طلبيه لجين :d
وهذه صوره الدفعه الاولى من اللحم

وكان في تلك اللحظه عيونا أحولت من كثر اللحم<<
تصدقون اني حلمت فيه<<طبعا عقب ماخلصنا المهمه :d

كان ودي أصور لكم الفطور(( السبده والحميسه والمرقه البدويه)) <<عاد من عشاقها
بس انشغلنا>>من السنااعه يالبينا
بس لا تخافون سبدتنا مثل سبدتكم واكلنا مثل اكلكم مابوه شي جديد :d
في ذاك الوقت لو تشوفون اشكالنا ترحمونـا ارهاق وتعب
وتخبرون خدمتنا طارة بالطياره من شهرين يعني اكرفي يابنيه >>الله يعين
بس يااننا فطسنا ضحك انا وعيون طفله كاننا من زمان ماضحكنا :d
والمشكله ان اخواني الكبار مواصلين ولاحد نام منهم>>محد جابرهم
وتشوفونهم واصله الدنيا لحد خشومهم اللي يحاكيهم كف >>جادين مايلعبون :d
عاد يوم خلصوا من الذبح والهلاك دخلوا جوا الفله >>حاقه غريبه
وكانهم مصاصين دماء:d
واحد منهم {{خالد}} ياهو كشخه حيل ومن كشخته لابس قميص جديد وصروال وفنيله توه فاكها من قراطيسها >>ياحليله وحتى عند الخرفان متكشخ :d
وزود كذا كلش ابيض وكانه طاب في مغطس دم بس جاي شكله مره تحفه
ويوم كلن دخل وتسدحوا وتبطحوا ماناقص الا الاكل
وقدمنا لهم الفطور واعوانه الساعه 9وربع تقريبآ واللي كان متواجد في السفره اخواني 7اولاد >>مشككه :d
والوالده والوالد اطال اللع بعمرهم وماناقص من اخواني الا واحد في مكه مع الحجاج طبعآ مع الدوره العسكريه
اما احنا البنات مااكلنا معهم كل وحده تقول شيلوني من الهلاك
عاد يوم خلصوا الاهل من الفطور كان عند اخوي عبدالله استلام وراح لدوامه والبقيه اللي يوزع لحم للجيران والاقارب واللي يغسل الملحق عقب الذبايح >>والله فعلوا اجر فينا :d
والوالد طقها نومه الله يحرسه وقبل ماينام مجمعنا كلنا مسوي اجتماع ارتعنا قلنا عسى ماشر
شوي الا قال لنا اللي يمر عند سور الغرفه بقطع رجوله >>وحس بالي عندك سالفه
اما انا والوالده حكينا المطبخ ونغسل القدور والعفسه
وعيون طفله واختي الصغير كل وحده دورت لها شغله
يوم جت الساعه 12الظهر ماصدقنا على الله ان خلصنا من البيت وقروشته وكل وحده تصارخ من الفرحه ونركض اللي يسبق الاوله للغرفه هو الفايز >>بدوا يخرفون:d
توني بدخل للغرفه قبلهم والكل وراي وماسكه المفتاح بقفله ابي اقهرهم شوي واحرق اعصابهم
الايرن الجرس البيت >>ام الشقاء
الكل يبس من الصدمه ونسمع امي واهي تزعق يابناات شوفوا من عند الباب
عيون طفله حلفت انها ماتفتح الباب وانا حلفت قلت ليه هي احسن مني
ونسمع صراخ امي تقول ترى برووح افتح الباب >>تهدد :d
راحت اختي بدور أصغر وحده تفتح الباب الاتشوف عالم حريم وبزران
جت تركض لامي وشوي وتصيح تقول والله ماعلي منهم والله لانوم امي تقول لبدور وش فيك قولي يابنت
وانا وعيون طفله موقفين جنب امي
الا نسمع حرمه تنحنح تقول يااهل البيت في احد
عاد امي وجهه كانه مكبوب عليها مويه بارده وعيون طفله انحاشت للغرفه تبي تفتك منهم
مالقاها الا انا وامي واحنا عارفين ان وقت عيد الكل بيسير علينا بس جتنا فهاوه ونسينا من قوة ابذل الجهد
واشكالنا ماتساعد على السلام والعيد كله يبي النوم والفرااش
قلطناهم >>بس ماقلتي لنا منو :d
طال عمركم عماتي وبناتهم وبزرانهم الصغار جايين وهم متحمسين والكل متكشخ
وحنا نناظرهم شوي ويغماء علينا وانا انقهرت قلت وش القهر عيون طفله في الغرفه مرتاح هوانا منصقعه هنيا
قلت لوحده من بنات عمتي تبين .............>>الا هي عيون
وانا ابي اوهقه قالت وينها قلت روحي شوفيها في الغرفه قالت لي طيب تعالي وصليني لها>>خايفه تضيع هي وجهه:d
قلت طيب تعالي معاي انا وقفت وهي تطق الباب
الا والاخت عيون طفله تقول روحي انقلعي مسويه انك نشميه وتحبين عمتك وعيالها خليهم ينفعونك
الا البنت تسمع وانا كرهت يومي ماعرفت وش اقول
قمت اصرف البنت وابي اسلك لها الوضع
وسحبتها لعند الصاله الخارجيه توها بتتكلم الا الحمدالله اسمع صوت اخواني جوا >>فكوا ازمه
بس الحمدالله انتهت السالفه على خير وماصدقت على الله ورحت مسرعه للعيون طفله >>ناويه ع طقاق
وقلت لها السالفه في الظهريه طقاق انا وياها >>بس والله الحق معها كله مني :d
وطلعوا عماتي منا الساعه 2 الظهر وعيوننا مايله يسارويمين ويوم طلعت ماصدقنا على الله
صح انها غاليه وعزيزه بس مووقته الله يهديها
الموهم الكل خمد للمرقده الى الساعه 8العشا >>ام النوم مشاءالله :d
عقبها الكل راح تنزين ماخلصنا الا الساعه 10 ونص وكل شوي اخوي عبدالرحمن داخل علينا اخلصوا علينا
ترى مااني فاضي لكم >>قلق مايترك الواحد يتكشخ عدل
عاد طلعنا للبيت جدتي وسلمنا عليها وكان جميع خالاتي موجودين وخوالي
طولنا عندهم وتعشينا وطلعنا للبيتنا الساعه 2 ورجع يومنا مثل أي يوم >>هع :d
واتمنى انكم استمتعتووا معنا واهم شي اننا ما ثقلنا عليكم
وقبل ماانسى جهد عيون طفله معاي >>عشان ماتزعل علينا
ونفس ماقالت 2في واحد
وبتنظار تعليقاتكم ..

عظَمة عَقلكْ تخلقُ لك الْحسادْ ، وعظَمة قلبكْ تخلقُ لك الأصدقاءْ .. وعظـَـمة ثرائك تخلقُ لك الْمنافقونْ

..إنّ لله وإنّ إليه راجعون ..

اللّهم أغفر " لأم عبدالعزيز " واسكنها جنات الفردوس الأعلى

واعفو عنها وتغمدها برحمتك ياأرحم الراحمين..

25-11-2010, 10:50 PM

المشاركة 6



رد: مسابقة يوميات العيد مع خرفانكم

سنا

اقتباس المشاركة الأصلية كتبت بواسطة سنـ الفضه ـا

انا جيتكم في طلعتنا ... للبــر

طلعنا الساعه 6 الصباح .. الى خارج المنطقه..

وكل العده معنا ناويين ع طبخ كبسه ع الجمر..

طبعا لا حد يدقق اخوي علاوي طالع من الشباك وانا اصورهم

انا كنت مع اخوي

واهلي بسياره الكبيره

المهم وصلنا

طبعا حنا قريبين من البدوان يالبــى قلوبهم

وجاونا ضيووف !

وهذي بنت اخوي لولو عينها ع تيووس

باقي الصور عائليه .. امممممممم ابي تقيم مالي دعووه

عظَمة عَقلكْ تخلقُ لك الْحسادْ ، وعظَمة قلبكْ تخلقُ لك الأصدقاءْ .. وعظـَـمة ثرائك تخلقُ لك الْمنافقونْ

..إنّ لله وإنّ إليه راجعون ..

اللّهم أغفر " لأم عبدالعزيز " واسكنها جنات الفردوس الأعلى

واعفو عنها وتغمدها برحمتك ياأرحم الراحمين..

25-11-2010, 10:52 PM

المشاركة 7



رد: مسابقة يوميات العيد مع خرفانكم

الروز

مسسسآآء ../ صبــآح

الأعيييآآد ..
مسآكم أطهر من صبآح العييد ..
صبآحكم آنقى من فرحة الآطفآل بآلعييد ..|

ليلة آلعيد أتآكدنآ أنو كل شيء كويس للصبـآح ..~
طبعآ أخوي هلكني ألبس آلشمآغ الأصفر آو الأبيض ..أي ثوب ألبس ..
هذآ أحلى أو هذآ ..

صحيت مآمآ وآحنآ نتنآقش وبدينآ نلبس ونكشخ .. صلينآ العييد بالمصلى
ورجعنآ آلبيت .. بدو أخوآني يجون وهم وزوجآتهم ..
آتصلت على الست وجدآن آلاآ آلقيهآ نآيمه .< رآحت عليهآ نومه :/

ودي آلقهوووهـ ..~

8

خآلتي مآتشرب في فجآن زي كدآ تقول تحس أنهآ تشرب شـآهي : )

8
ترآهآ 500 بس فكه .. < أوت

مشينآ كلنآ سوآ لبيت ستي .. دآيم آلجمعه تكون عندهآ ..

الكل رآح آلمزرعه للذبح وآحنآ جلسنآ بالبيت .. نص ساعه وكل خآلآتي
وحريم خوآلي أجتمعوآ .. وجو جآرتنآ وبنآتهم ولعب وبآللين < جمع بلونآت < أوت

* صوره لهم وهم في بيتهم .. ( مآشآء آلله )

< ترآ مآ حطيت صور آلدم أكتفيت بتنتين أو تلات اللى قدر يصورهم خآلو
ههه خآلي الكبير أستقعدلو يقطع ومدري آيش ..

بعدهآ أفطرنآ ودآ الفطور ..

من عمآيل يد خآلتو أم عبدالرحمن ووحده من عمآيل مآمآ ..

رحنآ لـ بيت ستي أم بآبآ .. عآيدنآهآ ورحنآ لـ جآرتنآ
بحكم أنهآ مآتطلع من آلبيت وعآدينآهآ ..

ورجعنآ للبيت نرح شوي واللى نآم وجآء وقت آلغدآء ..~

لآبد من وجبآت خفيفه .. : )

< خآلتو قآلت خلوها بعد الغدآء بس آحنآ هجمنآ < مفيش صببر
محدش يقآآآوم
< وبعدين لآتدفوآ ترآ خفيفه بعد مآ أكلنآهآ آكلنآ لحم ..~

للآسف مآفيش صور آلجوع كـآفر هع < آبد دآيخه أبي آنـآآآم

بعد آلغدآء رجعنآ البيت أنا وأخوي أما الباقي جلسوا في بيت ستي ..
سحبتهآ نومه صحيت على آلمغرب .. وألقي مكآلمآت لم يرد عليهآ بالهبل
من مآمآ وخآلآآتي .. كنت موآعده خآلآآتي نروح لخآلتو أم فيصل
.. بس النوم ومآيسوي ..
جآء أخويآ أبو مؤيد سلم علينآ وأخد شنآطو وسـآفر ..
ورجعنآ لبيت ستي ..

ومآشآء آلله آلحريم دآخلين خآرجين وآنآ مآلي خلق ..~
جلست شويآت بعدين رحت لبيت خآلة مآمآ ( زوجة جدي التانيه )

وبس أنتهى يومي على خيير ..
* معليش جآية بالوقت البدل ضآيع سووري أد في أغلآآط أملآآئيه ..~

و

عسسىَ عيدكِ [ ف ر ح ] يَ فرحةِ آلدنيآ ومآفيهآ !

عظَمة عَقلكْ تخلقُ لك الْحسادْ ، وعظَمة قلبكْ تخلقُ لك الأصدقاءْ .. وعظـَـمة ثرائك تخلقُ لك الْمنافقونْ

..إنّ لله وإنّ إليه راجعون ..

اللّهم أغفر " لأم عبدالعزيز " واسكنها جنات الفردوس الأعلى

واعفو عنها وتغمدها برحمتك ياأرحم الراحمين..

25-11-2010, 11:00 PM

المشاركة 8



رد: مسابقة يوميات العيد مع خرفانكم

همس الورد

اقتباس المشاركة الأصلية كتبت بواسطة همس الورد

صباح الخيرات والليرات والمسرات ..

وكل عام وانتم ب خير و صحة وسلامة يارب ..

والله يعيده عليناا وعليكم سنوات عديدة ومجيدة وسعيدة ومفيده ..

أدري متأخرهـ .. بس خبركم عيد الاضحى = عيد الشغل

ما يمدي الواحد يحك راسه < طيب اخلصي !

احم .. طبعاا ليلة العيد انوواع الحوسه ..

وفيه ضيوف لازم نستقبلهم ونوفر لهم كل سبل الراحه ..

هذولا هم ..

بتووع اخواني ..

وهالاطخماني بتاعناا ..

مطنقر مو راضي يتصور .. صادّ ب وجهه ع الجدار ..

قلت له يا ابن الحلال تعوذ من ابليس وعطناا نظره ولو جبر خاطر ..

اعضاء البوابه يحترون طلّتك البهيه .. وكلهاا كم ساعه وتودع خلناا نذكرك بالخير ..

وتكرّم وتواضع ورز الفيس قال يلا هه خلصيناا ..

نمت 4 الفجر و في تمام الساعه السادسة صبااحاا تم الاستيقاظ ..

كان الجو غائم جزئياا ..

العائله الكريمة بعضهم راح يصلي صلاة العيد .. والبعض الاخر مازال نائماا .. وما فيه الا انا واخوي اخر العنقود ندربي روسناا بالبيت ..

يا نار شبّي من ضلوعي حطبكي <

تقهويناا .. وحلّيناا ..

فنجال وعلوم رجال < !!

و جاء بقية الشعب من صلاة العيد .. واستقبلناهم بحفاوة وترحاب .. واخذناهم بالاحضان .. وحبّة راس من هناا .. وعيدية من هناا .. << اهم شيء

وحانت ساعة الصفر

( صوت دقات قلب )

انتقل إلى رحمه الله ..

كان طيّب وابن حلال < !!

زووووووم

وأطعوها حتت حتت ..

وطبخوووهاا ..

وأكلووهاا ..

لبسنا و كشخنا و عايدناا و ذبحناا و اكلناا و شبعناا و وزعناا وصليناا ووصارت السسسسااعه 1 الظهر = خلص العيد ..

يعني نوووووووووووووووم الى اجل غير مسمى ..

نمنا ونمنا ونمنا و صحيناا وصحصحناا وقمناا وتقهويناا وحليّناا < احد لاحقك ؟!

شوفو بس كيفني انا رومنسيه وارسم قلوب ودنياا !

لا يغركم الشكل .. ترا بطني وجعتني بعدهاا

عظَمة عَقلكْ تخلقُ لك الْحسادْ ، وعظَمة قلبكْ تخلقُ لك الأصدقاءْ .. وعظـَـمة ثرائك تخلقُ لك الْمنافقونْ

..إنّ لله وإنّ إليه راجعون ..

اللّهم أغفر " لأم عبدالعزيز " واسكنها جنات الفردوس الأعلى

واعفو عنها وتغمدها برحمتك ياأرحم الراحمين..

26-11-2010, 12:08 AM

المشاركة 9



رد: مسابقة يوميات العيد مع خرفانكم

تم التصويت

وجودنا يغني عن التوقيع

26-11-2010, 12:30 AM

المشاركة 10

ام الحارث

عضو تألق بحضوره



رد: مسابقة يوميات العيد مع خرفانكم

تم التصويت

اصبر على المقسوم لوكان حرمان .... يمكن يصير بتالي الوقت خيره

26-11-2010, 12:33 AM

المشاركة 11

ρŕίηςέşş•●≈ღ



رد: مسابقة يوميات العيد مع خرفانكم

تم التصويت

عَروسْ الآماكن رَبيّبة النّور وبآسِقة الطلعْ |"شيزون

26-11-2010, 12:57 AM

المشاركة 12

čяażȳ ♥ ǥɨʁʟ

عضو عذب التواجد



رد: مسابقة يوميات العيد مع خرفانكم

تم التصويت

26-11-2010, 01:03 AM

المشاركة 13

ضيئ القمر

عضو ابدعنا بحروفه



رد: مسابقة يوميات العيد مع خرفانكم

تم التصوييييييييت

26-11-2010, 01:41 AM

المشاركة 14

ارجوان

عضو يفوق الوصف



رد: مسابقة يوميات العيد مع خرفانكم

تم التصوويت

لـ الفرحِ عدة وجوه أحدُها .. وجهُ أمّي

26-11-2010, 01:55 AM

المشاركة 15

ورد البراري

❀ الفـيــروزيـــة ..



رد: مسابقة يوميات العيد مع خرفانكم

تم التصويت

"وما توفيقي إلا بالله عليه توكلت وإليه أنيب"

في علم النفس يُقال :-

* عندما ترى شخص يأكل بشكل غير طبيعي فاعلم انه متوتر
* عندما ترى شخص لا يبكي فاعلم أنه ضعيف
* عندما ترى شخص ينام كثيرًا ، أكثر ممن نصف يومه فاعلم انه مجروح
* عندما ترى شخص يضحك كثيرًا وعلى أسبآب شبه تافهة فاعلم أنه حزين
* عندما ترى شخص يتذكرك ويسأل عنك رغم انشغاله فاعلم أنه صادق
* عندما ترى شخص يبتسم بشكل متكرر فاعلم انه مقهور
* عندما ترى شخص لم يعد يهتم بأحد فاعلم أنه خذل من الكثير

مغلق

صفحة 1 من 4
1
2
3
4

« (( مسابقه يوميات العيد مع خرفانكم..)) | تصويت على وقت مسابقة من سبق لبق »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: مسابقة يوميات العيد مع خرفانكم

الموضوع	كاتب الموضوع	المنتدى	مشاركات	آخر مشاركة
آحياءْ سننْ الرسولْ عليه الصلاة والسلامْ (تجديدْ آلموضوعْ )	\| ▐الخلــود ▐\|	●{منْتدَى نْفحآتْ روٌحــآنيِهـ إسْلاميّة ~	41	19-09-2012 08:37 AM
(( مسابقه يوميات العيد مع خرفانكم..))	\| ▐الخلــود ▐\|	彡● فعاليات المنتدى ( خاص بالمسابقات )	92	24-11-2010 05:01 PM

يمنع منعاً باتاً مخالفة قوانين المنتدي وان اي مخالفه تحصل سوف يتم التعامل معه بدون تهاون لحفظ انتظام واستمرار المنتدي
إن مشرفي ومدراء منتدي الاماكن بالرغم من محاولتهم المستمرة لمنع جميع المخالفات إلا أنه ليس بوسعهم إستعراض جميع المشاركات المدرجة ولا يتحمل المنتدى أي مسؤولية قانونية عن محتوى تلك المشاركات .
المنتدي غير مسئول عن أي اتفاق تجاري أو تعاوني بين الأعضاء فعلى كل شخص تحمل مسئولية نفسه إتجاه مايقوم به من بيع وشراء وإتفاق وأعطاء معلومات موقعه.

ملتقى الاماكن

الاماكن كلها مشتاقة !

« (( مسابقه يوميات العيد مع خرفانكم..)) | تصويت على وقت مسابقة من سبق لبق »

مشاهدة نتائج الإستطلاع: آجمل يوميآت " العيد " برآيك
آبو فارس	10	16.13%
sweet	2	3.23%
جووود	4	6.45%
الورده الخجوله	10	16.13%
سنـ الفضه ـا	4	6.45%
ץAlrose-Ŝk	19	30.65%
همس الورد	13	20.97%
المصوتون: 62. أنت لم تصوت في هذا الإستطلاع