|
ممتن لقلوبكم .. !!
قلوب ما أجملها .. وأرواح ما أطيبها .. أسعد بقربها وأخوتها كرم يفيض منكم .. إخواني وأخواتي .. ويغمرني لتأتي كلماتكم .. مبهجة لي ومحفزة تبعث في نفسي الارتياح نحو ما أجتهد في تقديمه كونه يروق لذائقتكم العذبة الراقية كل الامتنان لكم أيها الأنقياء .. فبدون دعمكم .. ليس للتواجد .. والطرح معنى !! http://www.al-amakn.net/vb/uploaded/127_1266779815.jpg عاد هالمره بعضكم توهيقات الله يهديكم .. وين الأسامي؟! ;) << ناشب :052: أخي/ أختي (أبو/أم) ضحكه جنان :D / الله يديم الضحكه بقلبك .. ويوسع صدرك بالعافيه .. تكفي هالضحكه الجميله اللي وصلت لآخر المنتدى :157: !! أخي / أختي اللي وده يصادق راعي النيميل / الغياب عنكم يخلي الشوق لكم أكثر من الأول .. عشان يفقدكم الواحد ويرجع :akn55: بعدين راعي النيميل يقول وشلون أضيفهـ/ا والاسم اوب مكتوب في المعروض؟! :o أختي أم عبدالرحمن / ويسعدني أن تجد كلماتي صداها لديكِ وأمثالك .. وتلقى الإعجاب الألم .. لا يتوقف في هذه الحياة والدموع .. قد يكون فيها شيء من الارتياح .. لتخفيف بعض ما بداخل النفس من هم وألم وقد تخفف وطأته ولو مؤقتاً .. ولكنها لا تغسله أزال الله الألم والحزن من قبلك والجميع .. وعوضك ساعات الهم بفرح وسعادة :) أختي مدري مين :D / ويسعدتس ربي إن شا الله .. ويعيد لتس الضحكه والفرحه بقلبتس الدنيا وأهلها ما تستاهل تعيشين مقتوله زي ما قلتي وأنا أخوتس .. أحيانا نتألم عشان نتعلم دايم خلي ثقتس بالله كبيره وراح يعوضتس خير بإذنه تعالى .. خليتس متفاءله :) أختي جنائن / وأوقاتس بأسعد ما تتمنين يا وافيه .. يكفيني منتس هالطله البهيه لزاوية أخوتس .. بعد هالمده الطويله والتوقف اللي في محله طبعا :157: وما راح أقول كان غياب .. لأنتس دايما بقلوب اخوانتس وأخواتس ربي يكتب لتس الخير بكل درب .. ويسعدتس بحياتس الجديده .. ويكفيتس شر كل حاسد :) << رح جب موية صحه ودر بها ع المنتدى :052: أخي / أختي ^_^ << يحسب هذا الاسم :D الشرف لي بمثل هالطله الراقيه .. ربي يسعد هالقلب ويوفقه :) الله لا يحرمني من قلوبكم الطيبه .. ولا يحرمكم السعاده |
ألوووووووو .. مين هنااااااك؟!
قصة على خفيف ;) http://www.al-amakn.net/vb/uploaded/127_1266964154.jpg كان يا ماكان .. في مرتن من المرارير :p .. ذات صباح <<غير اللي تغني :o>> وبدون تميس وفول :8b48593a21:.. وفي لحظة كرف .. فيه شابه <<موب على ضو :p >> متزوجه وعندها ولد .. ربة منزل يعني .. وقاعده تشتغل وتحورف في بيتها .. وفجعتن :D <<يعني فجأه << ما تشوف إنك مسكت خط سماجه :052: الا ويدق التلفون .. وتروح تركض بسرعة أمها وأبوها :f5218a5b37:.. يعني أقوى شي .. وتلقط السماعه ترد .. إلا سمعت صوت ارتاحت له على طول .. كان صوت حرمه كبيره بالسن :oo9: قالت المتصلة : " وشلونتس يا بنتي؟ .. ووشلون يومتس؟! " قالت : " آااه يا أمي !! :09: .. ولدي عجزت أعطيه أكل ما وده ياكل .. والغساله خربت .. وما قدرت أطلع من البيت أجيب أغراض محتاجتها .. وتو زلقت بغيت أطيح وألتوت رجلي .. وحدي بس أدور وأرتب في ذا البيت وفوق هذا كله لازال البيت حوسه .. تعبت .. والليله بعد بيجينا أخو زوجي يتعشى عندنا هو وعياله !! " قالت لها الحرمه المتصله : " الحين يا حبيبتي هدي أعصابتس .. واجلسي ارتاحي وغمضي عيونتس لين أجي .. كلها نص ساعه وأكون عندتس وراح أجيب الأغراض مع السواق .. وأنظف لتس البيت .. وأأكل ولدتس .. وأطبخ لكم العشاء .. ولا يهمتس بعد راح نجيب الفني اللي دايم يصلح فلاجاتنا :p وغسالاتنا عشان يصلح غسالتكم . وبصراحه عاد .. أنا راح أتصل على محمد في المكتب أخليه يجي بدري ويساعدنا لو مره !! " استغربت راعية البيت وقالت : " محمد؟! .. وش انت يا محمد ذا اللي بتنادينه؟! :110: " قالت العجوز : " بسم الله عليتس يا بنيتي .. وش فيتس مضيعه؟! .. محمد زوجتس .. نسيتيه من كثر الشغل؟!! ههههههههههههه " ردت البنت : " بس زوجي موب اسمه محمد .. بعدين هو هنا نايم ما داوم :confused: !! " العجوز : " الرقم هذا موب ........... 4 ؟! :016: .. رقم تلفون محمد الـ .........؟! " قالت البنت : " لا موب هو !! .. الظاهر انتس غلطانه في الرقم يا خاله !! :( " << بدري؟ وسكتت شوي تفكر .. ورجعت قالت : " على كذا أفهم إنتس ما راح تجين؟! :09: " << تبي أي أحد يفزع معها باللي هي به خخخخخخخخخخ ^ ^ ^ الاستنتاج مدري التساعول <<التساؤل ;)>> هو كالاتي : سين / هو صدز إن الحريم إذا سمعوا قرقعة تلفون نسوا أنفسهم وردوا ومسكوا خط بالوضع اللي هم فيه؟ وإنهم بس شكايات؟! << على وزن دفايات :D << برااااااا :052: جين :D / إذا تسان اللي بترد زي ذي .. عز الله إنها فاهيه بدرجة منتازه .. مع مرتبة الكرف .. وبتكع كل شي على طول !! لا تزعلن أيتها الأخوات وردن على التلفونات عادي حتى لو نايمات :01001: << أكيد .. أجل بيشاورونك :o اللي تسدحتوا هنا شوي .. مشكورين وإليكم عني بهذه الروز :D :soso: |
السعادة ..!!
لم نولد سعداء ولكننا .. نملك القدرة على صنع السعادة إذاً .. فليـُسعِد كل منا الآخر .. حتى لو بإبتسامة .. !! :) :) :) أسعد الله قلوبكم :050: |
مدير ممرور .. !!
هذي قصه واقعيه : مدير مدرسه ابتدائيه ممرور .. يعني حمقي .. عصبي << اختاروا الإجابه المناسبه :2c12405be8: المهم في طابور الصباح .. والمدرسين يفتشون الطلاب لقوا مع واحد من الطلاب .. أشرطة مسجل << قبل السي ديات :122: قالوا للمدير : هذا مسكناه معه أشرطه ! قال المدير : وقفوه على جنب لحاله برا الطابور :045: وينط مدرس يعرف إن المدير من جنبها ويطرطع بسرعه .. ويقوله : لا .. والأشرطه اللي لقيناها معه أشرطة مزعل فرحان << اسم فنان شعبي :0190: قال المدير : بعد ؟! .. طلعوه وقفوه .. خلوه يصف مع خويه !! :p<< يحسب مزعل طالب عندهم :D لحد يكح :22: |
من العمق .. شكراً !!
http://www.al-amakn.net/vb/uploaded/127_11268162210.jpg أختي الغالية بصيص الأمل / وكل الابتهاج يتملكني حين يجد ما أطرحه القبول منكمالروعة لا تكتمل إلا بحضوركِ يا طيّبة الروح .. وكلماتكِ وسام أعتز به كثيراً أسبغ الله عليكِ من نعمه .. كما تسبغين السعد دائماً على سعد :) .. بأخوّتكِ ودعمك الدائم أخوي مدري أختي لا تعيدها :D / الله يحلي أيامك/تس :p .. ويرحمكم اللهخلاص ما راح أعيدها .. بس هالمره طلعت ضحكه والا كحه؟! ;) الله يسعد هالقلب أياً كان راعيه .. على تشريفي ومدونتي بالحضور والتعليق :157: غزير الود .. وعبير الورد .. يغمركم :rose: |
في غيابك .. !!
http://www.al-amakn.net/vb/uploaded/127_01268162210.jpg في غيابك .. أغمض عيناي لأرى بهاء مُحيّاك وابتسامتك المشرقة بإشراقة قلب حنون يسكن قفصك أغمض عيناي .. لأراك لأكون معك لتتأجج المشاعر وتستجد في أعماقي ولأحبك بجنون كما كانت البداية وبلا نهاية أغمض عيناي .. وأملي أن أفتحهما وأجدك قد عدتِ إلى سُكناك .. إلى حضني .. يا وطن روحي !! |
الجمال الداخلي .. !!
حين تفكر في كل الألم .. الذي تعانيه أنظر إلى المرآة .. وتأمّل ملامحك جيداً تجاهل التعابير التي تكتسي محيّاك لحظتها وتعمّق .. حتى تصل إلى داخلك وسترى .. كم أنت جميلاً من الداخل .. !! أبعد الله الآلام عن أفئدتكم .. وكست وجوهكم الابتسامات :) |
أخوتكم ومحبتكم هي المكسب .. (1) !!
يالله حي قماعة الربع :D بما إن الدعوى صارت تقليد في تقليد :confused: بنغيّر اليوم ونبتعد عن التقييمات اللي صارت موضه :110: والأساليب اللي صارت استنساخ .. وفوضه << بس عشان يغنيها ;) قبل شهر ونص تقريبا رجعت .. بعد غياب لفتره المهم .. دايما ما يفقدك يالواحد إلا الناس اللي تحبك في الله .. وتحس بأخوتهم بدون ما تشوفهم :oo9: اثنين من حبايب قلبي في هالمنتدى .. لبى قلوبهم أول ما دخلت استقبلوني بمشاعرهم الأخويه .. برسايل خاصه كان لها أثر كبير في نفسي ويعلم الله حجم السعاده اللي كنت فيها وقتها بكلماتهم اللي أشبه بالورود المنثوره عليّ طبعا .. غير هالاثنين كثير الله يسعد الجميع ويديم المحبه والأخوه في الله بين الكل لكن أنا ضحيت بهالثنين وخصوصيتهم .. وجبت العيد فيهم وبحط رسايلهم هنا من الميانه طبعا << اي هين صرّف وجهز العصابه قبل الفلقه :052: أخوي الغالي مجنون نظراتك .. الجنون فيه مختلف .. كله رقي وطيب ووفاء :122: أول ما دخلت أرسل هالرساله اقتباس:
وعليكم السلام ورحمة الله وبركاته المهلي ما يولي .. الله يرفع قدرك ويغليك عنده وعند خلقه وانتم بعد والله لكم وحشه أهم شي عساك سميت بالله وما ارتعت يوم شفت المتواجدين وافي وأنا أخوك .. وراعي واجب ما تقصر لا هنت على السؤال .. ورسالتك أسعدتني وربي الله يسعدك ويوفقنا وياكم في الدارين ودي واحترامي وخلال رعصي للرساله عشان أدفها له .. كانت رسالته هذي في الطريدز : اقتباس:
هههههههههههههههههه عادي ولا يهمك تصير في أحسن الكيبوردات أبد الشر ما يجيك .. خبرك بسوي مباراة اعتزال وما بعد لقيت شركه ترعى المهرجان فشكلي راح أسويه في الحاره أرخص وأوفر وأقرب خبرك ظروف عمل وانشغال .. وتشبع مدري ملل كلها متجمعه بعدين العالم صارت تزعل من الصراحه قلنا نريحهم شوي لكن نقول ان شا الله اخر الغيبات الله لا يهينك يا غالي على السؤال والاهتمام .. من طيب ذاتك لا عدمتك يحفظك ربي ويرعاك طبعا .. هو ربي يسعده تحمس مع الفكره وكان رده : اقتباس:
ههههههههههههههههههه أما عاد قصدي ما تقصر ياخي أنا قايلك أبغى شركه ترعى المباراة .. موب أتعاقد مع بوفيه يجيب لي ترامس عصير خخخخخخخ شوي تخرب علي اللاعبين وتجيب شكشوكه ومقلقل ويوفقك يا رب ان شا الله إبشر .. بحاول أكتب وأحط أشياء تعجبكم إن شا الله ويسعدني متابعة مثلك وشرواك .. لا خلا ولا عدم بحفظ الرحمن ^ ^ ^ أخوي الغالي مجنون نظراتك .. أخجلت أخوك باهتمامك وسؤالك يا وافي والمعذره إذا كان يضايقك إني هليت السبحه هنا :D بس لا تخاف .. فيه واحد جاي بعدك يحبه قلبك :157: يمكن يهوّن عليك شوي إذا شفت قصة حياته :p القادم .. أخو ثاني .. الجميع يكن له التقدير والاحترام من رقيه وتعامله لكنهم ما يعرفون جانب حلو فيه .. ما طلعه إلا سعد الرجه هع سي يا ليتر .. أليقيتر :p << بدون محد يسأله ترى معناه تمساح بس أتيكيك :D |
أبو دحيّم هنا ..!!
http://www.al-amakn.net/vb/uploaded/127_01268601599.jpg هلا والله أخوي أبو دحيّم دوم الضحكه بقلبك يا غالي إن شا اللهخخخخخخخخخ لا تقردن .. الدور عليك .. انت جاي في الطريدز التقييم الحقيقي اللي أشوفه أنا بالنسبه لي هو إعجابكم .. ودعمكم يسعدك ربي أخوي أبو دحيمّ .. ولا يرحمنا تواجدك الراقي ;) |
أخوّتكم ومحبتكم هي المكسب .. (2) .. !!
طبعا زي ما شفتوا فوق .. الحبيب الثاني هو أخوي خيالك .. أبو دحيّم .. زي ما أحب أسميه ;) الله يسعده .. أرسل رساله .. خلتني أنسدح من الضحتس تخيلت شكله وأنا متفاعل مع القصه .. تعالوا نشوف إيه اللي حصل .. عشان نزيع :p << موب عاقل شبيه زكيه زكريا :8b48593a21: اقتباس:
عاد أنا .. ما أدري وقتها أواسيه وإلا أكمل ضحك على شكله وهو ممزوع وخوياه كاعينها ضحك عليه وهم اللي موهقينه ويمدحونه لين نسى نفسه :D المهم رديت بهالرد : ههههههههههههههههههههه هلا وغلا أخوي أبو دحيّم ما تشوفش وحش .. وما تفقد غالي يا رب أبد الغيبه خلاص .. أخوك بدوا يرجمونه الجمهور .. وشكل مباراة الاعتزال قربت بنعطي الفرصه للمواهب الشابه :01001: أخوي مجنون نظراتك متزهلن يرعى المباراة .. مسوي فيها شركة الاتصالات واخرتها يقول بجيب لك ترامس عصير :8b48593a21: قايله يكثر من سندوتشات القلابه والشكشوكه دام ذي رعايته خخخخخ ويالله انت شد حيلك وجب هدية في المباراة .. جب شي ينفع موب تجيب درع والا طقم أقلام :p ذا الهدايا ما تأكل عيش :D معليش والله .. اني ضحكت غصب على موقفك في البدايه .. مع إني متعاطفن معك وحاس بمعاناتك :D يالله .. والله تنرحم على ذا الموقف .. يا شينها إذا الواحد جنبه بكاشين وصدق كلامهم :09: لا والله ذا الملعب ما أعرفه .. خلاص من تركت الكوره تركت الدوران على الملاعب وطلعت ملاعبن ما هنا مثلها أول .. وإلا أول ما به دوري سداسيات خماسيات فريق كامل ان شا الله باب واحد إلا نشارك فيه .. وتلقى صورنا بكل متسان تسن الواحد يقدم على وظايف موب يشارك بدوريات أجل منتب عاقل مسوي أخطبوط .. وقالبها شقلبه وتعفط على ذا العوارض وتعنقط :157: ودي أشوف شكلك .. على ذا الحركات .. شكلك أكثر شي تمشخ مدافعينك وتلكمهم :o من كثر ما تطلع للكور بدون توقيت :p << ما وده يقول الشوف شجر سلامة إبهامك والله .. يعني أفهم إنك ما عاد تعرف تبصم مؤقتاً :D ما لك إلا ذا اللي مزعك بالكوره .. تروح له بموية صحه يحط لك فيها من سعابيله .. قصدي يقرا لك فيها والا تاخذ غساله عشان تطيب بسرعه انتبه تتعبث مره ثانيه .. ومعليش احتمال كبير أحش فيك انت ولعبك في مدونتي :dtj: من الميانه طبعا :oo9: والله أنا بعد مشتاق لكم بالحيل .. لكن ربك يعدلها مشكور يا وافي على السؤال وعلى هالرساله الحلوه اللي أسعدتني وربي الله يسعدك ويوفقنا وياك خالص ودي واحترامي طبعا شكله انبسط من الحش والمدح في نفس الوقت :157: .. فما تاب وأرسل يقول : اقتباس:
صح ما رديت عليك بعدها عشان ما أعكر مزاجك وانت خاش جو شطحات ;) بس بأكعها الحين .. تصدق أول ما شفت صورتك الرمزيه انت وذا الصقر .. قلت أكيد على ذا اللطمه شكلك راعي مقناص وطيور وحركات لكن ماش .. خليتني أراجع حساباتي :D .. من يوم قلت بتستاجر طقاقه وجبت طاري الخبز والتميس عرفت إنك وحده من ثنتين يا سواق جمس طقاقات انت ولطمتك :p يا راعي فان توصيل معلمات وكل صبح تمر مخبز تميس وفوال عشان الخط :o ههههههههههههههههه لا وتقول تلعب كوره وما قدرت تلحق اللي مزعك يوم انحاش :110: عشان تسذا مسكوك حارس :157: << لياقته دمار :D هههههههههههههههه أما الفيفا طالبينك تلعب معهم .. لا ومعيي بعد؟! :dtj: على بالك الفيفا فريق حواري .. ترى ذولي اللي يكدون على اللاعبين ويستقدمونهم .. يعني هم الكفلاء :p << وين شغالات؟ :052: الله يسعدك ويوفقك يا غالي .. والأماكن دايما متوهجه بأهلها ومثلك وشرواك وألف شكر يا غالي على السؤال والاهتمام وهالحب الأخوي النقي تجاه أخوك :) ربي لا يحرمني منكم وأخوتكم الطيبه :oo9: |
كلن على همه سرى .. !!
كلن على همه سرى .. وأنا على همي سريت ;) ذا الثنين اللي فوق فديت طخمة خششهم خشتن خشه :oo9: عشانهم مفهين مع الكوره وسوالفها يحسبوني يوم قلت قرب الاعتزال .. إني أقصد اعتزال لعب الكوره هذي منتهين منها منذو مبطي قبل يبدون يزرعون الملاعب :p اللي قصدته والله .. وكانت ولا زالت فكره قائمه .. ولا عندها نيه تقعد :confused: هو .. اعتزال الكتابه والمنتدى اللي تسبب في تأخر التوقف وبقائي لحد الآن هو يشهد الله .. طلب ناس يعزون علي كثير ولهم تقديرهم عندي وفيت لهم بالوعد في الرجوع .. لكن شكلي ما راح أقدر أستمر في وفاي وأبقى بس أخلص إلتزاماتي سواء مع أخوي الغالي العطشان في موضوع بالصراحة أحلى مع سعد .. اللي شرفني بوضعي بدايه له وبعض مواضيعي اللي تراكمت فيها الردود وواجب عليّ أعطي اللي شرفوني بالمشاركه فيها حقهم من التقدير ساعتها تكون الفكره استوت وجاهزه للأكل :( أدري قرار غير محبب للنفس بالتأكيد لكن النفسيه وأسباب كثيره يمكن تفرض هالشي الله يسهل الأمور للجميع :) |
حالة انزعاج .. !!
هدوء مزعج .. يخيّم على سكناهم في الفؤاد غابوا وتركوا ضجيج .. الآهات .. والضحكات صدىً يتردد في ردهات الأحشاء فـ تنهار القوى .. من الذكريات !! حالة انزعاج اللحظة لـ سعد :confused: http://www.al-amakn.net/vb/uploaded/127_1238960884.gif ™ تشاوو .. يرحمكم الله |
من الحياة .. !!
يقال .. أن الحياة تمنحنا .. ثلاثة أشياء : الدموع .. والابتسامات .. والذكريات الدموع .. نكفكفها .. نمسحها .. فتجف الابتسامات .. ترتسم .. نشعر بها .. فتختفي لكن الذكريات .. تسكننا .. تبقى معنا طول العمر .. !! |
شيء من الغبار .. !!
مبطين عن الغبار .. صح؟! ;) حوطي أول مره يركب طياره تسددت إذنيه من نقص الضغط الجوي نادى المضيفه .. وقال : إذنيّ تسددت .. وراسي بدا يوش .. معاد أسمع شي !! :09: راحت المضيفه وجابت له علك .. وقالتله : هذا راح يساعدك شوي ويفك إذنيك المهم راحت .. وبعد شوي رجعت تسأله : هاه .. كيف إذنيك الحين؟! قالها : تمااااااام :122: .. تسنها خفت شوي .. بس عجزت أطلع العلك :110: << الذكي سد إذنيه بالعلك بدل ما يمضغه :p ^ ^ ^ شوفوا ترى عادي اللي بيكح منكم ويقول غبار .. لأني داري إنها تفحيط :D بس قلت مونكن :p يمر من هنا ناس ضايقه صدورهم .. وتعجبهم ويكحون :052: بعدين هي وقفت عليّ أنا وغباري؟! :( لنا أسبوع والجو غبار يعني ما فرقت :akn55: << ماودك تكتب قصه ثانيه :o يسعدكم ربي |
الحب .. !!
الحب .. سيد المشاعر .. بل كل شيء فيها فالحب يسودني .. ويسود قلوباً أخرى .. !! |
| الساعة الآن 10:59 PM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.