تسلم ياقحطاني على خط يمناك=كفيت مع وفيت والحرف صايب
وانثى بدلع طفله عسى لاعدمناك=تمدح بني وايل ترا المدح طايب
وابو اسيل يقول ياراكو اش جاك=واقول ابكتب جايب الزين جايب
يالحر قنعك الحويطي وانا افداك=ياجعلي افداه وترا الراس شايب

جالك مردي زود الزين خصله=جاريت ابن قحطان والكيف وداني
دام البقا والكيف ما ارويك من حثله=برويك لو تبغى على عدة اوزاني
الله يكون بعون قلبك ولجله=بنثر هماليل الشعر وسط نيراني
الحب قطع قلب عنتر وعبله=عساني مدخل وسط قلبك عساني
واصبر عليه مودع افكار خبله=واذكر زمان فات والعود جيزاني
واعزف شراره والتقاسيم كتله=جعل الذي يزعلك في هم واحزاني

والنعم في اصلكم وجيت ابا هلّه=رد ٍ على بيت مذكور ٍ تعداني
من طيب فعلك تنيل الجزل وتفلّه=من روس قوم ٍ لها الطالات عنواني
لاياقحطاني وليّك يمحي العلّه=لاتشتكي للخلايق قاصي وداني
اللي في قلبك انا اشهد ايزلّه=لوحملك يلوسعك في طول الازماني
يالله ياقادر ٍتمحي لنا الزلّه=تمحي هموم العزيز من آل قحطاني
يالله انا طالبك عفوك وتمهلّه =واللي في قلبي انا ابديته على الساني