|
راعي نيميل .. أد الدنيا .. !!
فيني جرح وبالحيل حساس ومن بعض ناس فيني صدمه :confused: وعشان يخف الجرح وأسلي الاحساس دايم عندي حكمه : اضحك لـ "راعي النيميل" .. ويضحك لك ;) لازم أضحك بيني وبين نفسي .. حتى لو أسولف عليكم :o صاحبي راعي النيميل الله يصلحه :D ويسعده قبل مده .. وحنا طالعين من الدوام .. زي كل مره لازم يسولف عليّ ويأخرني شوي :( لدرجة إني مشبهه بالحريم ;) << بيجيك صحن على جبهتك الحين :110: أقوله انت مثل بعض الحريم .. ما تزين سوالفهم وتكثر الا اذا بغوا يطلعون من عند ناس يوقفون ساعه عند الباب عشان يقولون مع السلامه :hh: << المشكله يعيدون نفس السوالف اللي قالوها وهم يتقهوون :gun2: المهم قالي : أبشرك .. صار معي أفالون! قلت : ما شاء الله تبارك الله .. الله يعطيك خيرها ويكفيك شرها بشر بس عسى ما اشتريتها غاليه .. والا ماخذها تقسيط قال : لا .. ما دفعت ولا ريال .. هديه من المدام! أنا انبهرت :110: .. ولأني أعرف إن حرمته جلده بنت جلود :p .. زي أهلها لو تشوفه يموت ما عطته مويه .. خل عاد تعطيه أفالون :o قلت : أجل أبو المدام مات وهي ورثت؟! :العيار: طنقر :mad: .. وقال : فال الله ولا فالك .. بسم الله على خالي << يا حنين انت :sm7: قلت : طيب يا حلو .. يالله افتح الأفالون خل نشوفها .. وركبنا معك شوي << تبطي عظم ويكع ذيتس الضحتسه وهو يستهزي .. ويقول : انتم يالقراوى وش عرفكم أصلا في التقنيه ومستجداتها! قلت : انحش .. تقنيه والا مهني كح كح .. وحطيتنا قراوى يابو خلاقين! وش تقنيته الله ياخذ عقل العدو اللي تحتسي عنها؟! ويدخل يده في جيبه اليمين .. على بالي بيطلع مفتاح سيارته اللوح .. طلع جهاز آيفون :110: قلت : وش ذا؟ ما قلتلك عطني أكلم؟ :p .. وين مفتاح السياره؟! ويستمر ضاحتساً .. حاتسياً :122: : يا نايم محد جاب طاري سيارات .. قايلك من جنبها انت والتقنيه ما تعرف فيها شي هذا جوال أفالون :D عاد .. أنا دوروني ما تلقوني وقتها .. طق فيني عرق :gun2: مع خنقة ضحتس عيا يطلع من تريقته علي وهو درج أصلا قلت : هذا الحين يقاله أفالون يا كمخه؟! الا ما ودك أشمع ذا الافالون اللي تقول .. في جبهتك لين تطبع فيها تفاحة أبل وتصير تسنك متسوي بين عيونك :العيار: .. عشان تعرف ان اسمه آيفون مب أفالون؟! بكل برود رد : يا رجال وسع صدرك .. ترى الدعوى تشابه أسماء! :( يا ناس وش أسوي به؟! صح يرفع ضغطي .. بس يوسع صدري حتى وهو غايب الله يسعده :D خلاص .. أبشركم استانست .. والجرح مدري وين راح :157: :bye: |
سنه .. مرت .. !!
هنا .. عنوان آخر للجمال جمال الشعور الأخوي الصادق .. بأعذب الأمنيات http://www.al-amakn.net/vb/t81943.html حروف هناك لامست الفؤاد .. فجاء التفاعل تلقائياً دون ترتيب وهكذا .. أتى الحرف خجولاً : سنه .. مرت عشناها .. وما نسيناها بين قلوب .. وقلوب بين كاره .. ومحبوب قلوب مرتنا وعن جونا غابت مدري خسرتنا والا خسرناها وقلوب عرفتنا وظنوننا خابت لما جفتنا وقلنا كسبناها سنه .. مرت وياما قلوب خدعتنا وياما قلوب جرحتنا ولاااا تابت سنه .. مرت ومن كل القلوب كثيييير قلوب .. صافحتنا وبكل أخوّه شاركتنا وحبها ثابت وهذي اللي كسبناها وسنه .. مرت شكراً من الأعماق .. أختي اغلى حبيبه أدام الله الأخوة فيه بين الجميع .. وحفظكم بحفظه |
قصتها .. باختصار .. !!
http://www.al-amakn.net/vb/uploaded/127_01323126602.jpg كانت .. تبحث عني .. في كل لحظة تفتقد اللهو وكم استوغلت .. بقدرتها الفائقة .. في عمق الفؤاد حتى لا يشعر بغيرها .. أنيساً يخفف وطأة الأوجاع فيه وما أن وجدت .. ما يلهيها .. ويملأ حيزها انكفأت إلى .. حيث كانت .. قبلي ربما .. هي .. استعادت وعيها .. بعد انقلاب وضعها أما أنا .. باقٍ .. قبلها وبعدها أهجو قلبي .. على استحضار حسن النوايا !! |
على ضفاف الذائقة .. !!
مما أعجبني / حبٍ يشيّب وصاحبه ما بعد شاب وحبٍ يشِيب وصاحبه في شـبابه وحبٍ يغيب وصاحبه ما بعد غاب وحبٍ يدوم وصاحبه في غــيـابه وحبٍ يـذوّب خافــقٍ ما بعـد ذاب وحبٍ يـداوي صاحبه من عــذابه وحبٍ بلا معنى وحبٍ بلا اسباب يبدا غريب .. وينتهي في غرابه أقنعني جداً ;) |
إليهم .. من الأعماق .. !!
ليس من كلمات تفي هذه الأرواح الشبيهة بالمزن المغدقة على شخصي المتواضع .. بجميل ودها .. ودعمها حسبي أنهم .. يتسامحون معي .. وتقصيري معهم فما أجملهم http://www.al-amakn.net/vb/uploaded/127_01323801632.jpg الفراشة الزرقاء .. أم كشه قطن :D/ النور نورتس أختي الزرقوانيه .. وتسلمين وما يامر عليتس عدوبس خلي عنتس الزحلقه .. وتعالي علمينا .. منذو مبطي ما شفنا لتس لقطات جديده وانتي تردحين :157: << وش تلمح له؟ :052: شفافه .. نهر الحرف وضفافه :)/ شكرا أختي .. شهاده أعتز فيها .. وابشري إن شا الله أستمر << ما صدق أحد يمدحه :pسامية الروح والحرف :) .. سمووو الروح/ أتمنى أن أكون بحجم وسامك المتمثل في تلك المعادلة << الأخت مسويه انشتاين مثلا! :oجميلة الأغصان :) .. بيسان/ وصباحتس وكل أوقاتس خير وسعاده أختي .. ربي يسلم عمرتس ويقويتسراقية القلم والروح :) .. راقية بقلمي/ لك ما أردتِ أختي .. دون استئذان .. فالشرف لحرفي أن يحوز على مساحة في متصفحكِ المضيء بنزف روحكِ ويراعكوالسعادة تغمرني أن ينال حرفي بعضاً من إعجاب أمثالك .. ويرضي شيئاً من الذائقة .. وسأبتهج دائماً بقربك وتجولك في الحمى .. فلا تحرمي أخيك هذه البهجة :) الرائع ;) .. امبراطور الشعر/ أحبك الله الذي أحبتتني فيه .. وشرف لي هذا الحب الأخوي منك يا طيب :)لكن .. صدقني أخي ياسر .. ليس للتحدي مكان في قاموسي .. فقناعتي الشخصية .. أن كل منا يحمل أوراقاً مرسومة عليها مشاعره .. يغلف بها وروداً معطرة برحيق الأخوة .. فينثرها للجميع .. لعل من يستحق منهم .. يكون في الموعد ويلتقط هديته الخاصة للأسف .. أن الورود التي حازت على إعجابك ووسامك .. كانت نهايتها المنفى :confused: ولا ضير في ذلك .. فستبقى الروح مزهرة .. وستتناثر الورود رغم نفيها .. فمن يقابلون الود بالود لازالوا أحياء ;) بنيتي التسبيره أم النوم :D .. الفراشة النائمة/ وليش لا وأنا باباتس .. خل الغيره تشتغل عادي .. دامها بهالشكل وبتطلع تصاميم حلوه يالله شدي حيلتس .. بس لا ينقطع :oوهي تعتبر غيرة حميده << تختلف عن حميده هانم :p ابشري بالمزيد .. اطمعي على كيفتس ولا يهمتس يا غاليه :) الأنيق .. وسيـ بضحكتي ــم/ الإبداع لا يأتي بدون وهج حضوركم .. وجميل الإطراء والتشجيع منكم :)فرج مرزوق .. الشهير بالمانشستراوي :D/ أسبوع ما شرب؟! :110: .. حشا هذا بعير مب واحد متذوق حروف :pيا غالي .. حكمتي الخاصة .. تموت الأماني وما تموت القلوب .. وإذا أنا أعزف على الوتر .. يالله سلّك صوتك وسمعنا موالك :122: << هذا حدكم جلسه شعبيه واحد إيقاع .. والثاني ربابه :p << حاسوا أم السمفونيه :052: بس لا تسوي فيها الأخو القعده :d1133cc6fc: .. لا تحدنا نطلب برنت لسجلك المدني :akn55: << بيطلع جدهم :081: المستحيلة كالأماني :) .. أنثى المحالــ/ ما أبهى حضوركِ وما أرقى شعوركِ يا طيّبة .. فهلاّ قبلتِ من أخيكِ باقات الامتنان :soso: .. على نقاء ممتد من الروح إلى الحرف؟! .. ولا تفيك طيبة القلب :).. nore / أنتم مصدر الإبداع والملهمين للبحث عن الطريق المؤدية إليه .. شهادتكِ أختي .. ذات معنى كبير عنديشكراً من الأعماق نبع الكرماء .. جووود/ الجمال تضفيه فخامة الحضور .. كقدومكِ يا كريمة :)وشعور الأرواح بأحاسيس بعضها البعض .. يفرضه تشابه أعماقها .. فيكون الطريق إليها سهلاً ولن أكون أقل من الأماكن وأهلها فخراً .. بتواجدي بينكم :oo9: نبع العطاء المتدفق .. الخلـود/ الرقي .. أنتِ أحد منابعه .. فشكراً على هذا الوسام .. يا رفيعة المقامومهما طاوعتني حروفي .. تبقى الشهادة فيكِ مجروحة .. أختي الغالية :ba3a27f267: لأرواحكم عميق الود .. وعبير الورد :148: |
يمقن غبار .. يمقن لا !!
كح كح .. وش ذا الكتمه :40: من زماااااااااان عن ذا القرنه .. مدري المتكى :p بس شي حلو .. وبسط .. طبعا بدون هز وسط ;) إن الواحد ترك شي يستاهل متابعة الناس الذويقه لا عدمت المتابعين حتى اللي يلطشون منورين الدكه :D والله يسامحهم يالله عاد بروح .. أخربط مدري أشخبط |
غياب .. !!
ذات همس .. قلت لها : أخاف أن يأتي غداً .. فترحلين ! قالت : لا تخف ! .. لن يتغير أي شيء .. وسأبقى بقربك ! جاء الغد .. فـ غابت .. كـ "شمس الأمس" !! :confused: |
عادت .. !!
آاه .. نسيت .. نسيت أنها عادت !! عادت .. ولم يعد ذاك الحب كما كان فهناك من أصبح ( حاجزاً ) في الزمان .. والمكان وتحول الشوق والحنين والأشجان إلى .. فقد وأنين وأحزان نعم عادت .. ولكنها لم تعد .. كما كانت فها نحن .. شيئاً فشيئاً .. تأخذنا الريح في اتجاهات لا تلتقي لنصبح ماضياً .. لتمحو أثراً رسمناه في ملاحم العشق لتكتبنا من حكايا " كان يا ما كان " علاقة حب مجنونة .. ظننا أنها سادت .. ولكنها بادت بفعل حاجزٍ عن ألف حاجز .. أو لإنعدام ذلك الحافز هنيئاً لك يا "حاجز" فها أنت تتفوق في تحييدنا وسرقة أحدنا من الآخر وقتل الحافز لا تذهبوا بعيداً .. فحديثي عن حافز .. يخصني .. كان ينعش القلوب وليس حافزكم .. الذي تنشد قربه الجيوب :confused: |
يا هم تكفى ابعد .. تصميمي !!
قد تحرقنا الآه من هم .. لدرجة أن نتوسل للهم بمغادرة أسوار القلب شيء من هذا .. هنا http://www.al-amakn.net/vb/t83113.html :confused: |
الحرمه .. والجريده .. !!
أحيانا تجيك كاستات .. قووويه التشبيه فيها يمكن يجيب العيد :09: .. مثل هذا : محاولة التفاهم مع الأنثى .. وهي تبكي تشبه .. تقليبك .. لـ أوراق الجريدة .. وسط العاصفة :confused: فقط .. احتضنها .. وسوف تهدأ :110: على تسذا .. الواحد يجوّد ذا الجريده ويتعنقط فيها زين أريح له :77b249c392: << ويالله السلامه :061: روح رياضيه بليز :052: |
راعي النيميل .. و .. الاصطب ..!!
استكمالا لبعض سوالف صاحبنا راعي النيميل .. وسالفة الأفالون اللي فوق جاني بعدها .. سألني : على طاري الآيفون .. عندك اصطب؟! قلت : وش اصطبه .. شايفني التشليح والا محل قطع غيار؟! :mad: كمل باستهتار : ياخي انت لين متى نعلمك التقنيه ودهاليزها ياخي واصطب عشان أقدر أكسّتك وتكسّتني! وتطير عيوني زود .. وأقعد أفكر .. أكسّتك وتكسّتكني!! :confused: لا يكون يبي سلف .. ومن باب الدلع والتميلح مسوي فيها أبو شكيب يقول أكستك وهو قصده أقسطك وتقسطني :c1bad6df50: لأني أعرفه راعي سلفيات وأقساط قلت .. وخر عني ما أسلف ناس تجحد مثلك وشرواك طالعني بعين .. قال : أنا آخر عمري أجيك أتسلف منك؟! قلت : اقعد يالنسخه السعوديه من ستيف جوبز :p قال : اقصد واصطب حق الايفون ترسلي حركات وأرسل لك قلت عمى يعمي قلبك .. شكل ستيف جوبز ما جته الجلطه الا يوم درى انك شاري من أجهزته :77b249c392: قصدك واتس أب يا لوح :035: قال : كلها حول بعض يا رجال .. المهم عندك شي يوسع الصدر دزه لي وأقوم أرسله مقطع استهبال مغبر من اليوتيوب مصور عام 2007 اللوح مات من الضحك يقول يخرب بيت التقنيه اللي تسذا << أول مره يشوفه :a3753dfb43: |
ذاك البيت .. !!
أحياناً .. تقودنا خطانا .. دون اختيار نحو أماكن أهميتها لدينا .. صنعها بعض ممن يسكنونها .. وذكراهم نسير .. وكأن جاذبية الأرض .. تحولت إلى تلك المساكن .. فجذبتنا ولا أدري أيضاً .. ما السر في ارتباط عصر الخميس بكثير من قصائد شعراء وأصوات مغنين! << أكيد عشان العالم فاضين ذا الحزه هذا ما حدث لي عصر الخميس 8/4/1433هـ وجدت نفسي هناك .. حيث سكنى من لهم بالقلب مكان .. وذكرى فـ شخبطت : مريـت ذاك البـيت .. أدور أحـبابي وبدون ماأشعر بي وقـفت أنا دونـه مدري خذاني الشوق أو باقي عتابي أو ان الفقد متعبني والرغبه مجنونه وسبرت أنا الشبّاك والقلـب مرتابي مشتاق أشوف اللي شاقتني عيونه ورجعت خايب أمل وخطّيت بكتابي "يا حظهم نـاسٍ حوله يشوفـونه" يخصني .. ولا حلل الله اللاطشون |
كلماتكم .. كالورود .. !!
تتناثر كلماتكم كـ ورود تنشر عطراً عبقه لا يفارق أركان المكان بـ عبيرٍ يفوح شذاه .. ويسكن الوجدان معانيكم الجميلة .. ببهاء حضوركم .. ونقاء شعوركم تمثلها .. أحرفكم النابعة من قلوبكم الطيبة فتمنحني شيء من فرح .. وأكثر http://www.al-amakn.net/vb/uploaded/127_01330978555.jpg مخمليـة المشاعــر/ آامين أختي .. وشكراً لجنابكِ على هذه اللفتة .. وجعل لكِ نصيباً من دعواتك الطيبةهمس المشآعر/ ويطول عمرتس ويسعدتس أختي .. الروعه في حضوركم لا عدمتكمالحياة/ بدون ما تحلفين مصدقتس ياخوتس :D .. ربي يسلمتس من كل شر وشهاده أعتز فيها من مثلتس وشرواتسمن ناحية الأخ فهو مو واثق وبس .. إلا مالي يده << وين ياكل رز! :p>> ويتكلم وهو نافخ صدره بعد الله يديم الضحكه بقلبتس ويبعد عنتس الحزن خيالك (أبو دحيّم :D)/ ويسعد قلبك يا غالي .. أهم شي إنك استانست ;)( عشق )/ علي الملازيم معاد تتعودينها وتحلفين مرتن ثانيه :52ab63c3e4: .. صادزه بدون شي وأنا أخوتس .. الرقي بمثل حضورتس لا عدمناتسههههههههههه أما أختس صارت أطلق من رفيدزي .. أجل تفاحه معروشه؟! :D شكلنا بنخطبه لأختس .. خلهم يأسسون دوله ثانيه بلغه مختلفه .. شرط إن يطلعون عيالهم طرمان على شقلبة الكلمات اللي عندهم :09: امبراطور الشعر/ لا عاد شف وأنا أخوك تقول حبيبي حته وحده أضيع بالحيل أنا :o .. ارفق عليّ ترى ما أحب أحد يتغزل بي قدام خلق الله :Dوبدون زعل يابو محمد .. لك حق تشره إني مقصر معك ومع غيرك .. لكن مثلك وشرواك يعذرون الشيبان << عساها تنفع ذا القردنه ;) بنتي التسبيره أم النوم (الفراشة النائمة)/ آمين علينا وعليكم يا رب ويحقق أماني الجميع .. والروعه ما تكتمل إلا بمثل هالطلات التلقائيه الجميلهالله يبعد عنتس الضيق انتي بعد .. ويوسع صدرتس بالعافيه .. ولا تخافين غيمه وتروح .. نفس العواصف إذا مرت :) ههههههههههه هين راعي النيميل ما يحس أصلاً .. وجيبة العيد عنده تعتبر وجبه يوميه .. عادي :confused: بس حتى لو طلع له قاموس .. لازم نبعدتس عنه .. ما يكفي النوم لنا تسمن سنه نصحي فيتس .. وتبغين تكملينها تتعلمين لغه ثانيه :p ارجوان/ يعافي قلبتس وروحتس أختي .. وكل سنه وانتي بخير وتزقحين .. ويخلي لتس ربي كل غواليتسجووود/ وحفظك ربي من كل شر أختي .. السخاء مصدره نبع الكرماء .. وهذا ديدن أمثالكِ يا طيبة .. لذا وسامكِ لأخيكِ ذو قيمة ومعنىمن ناحية مفردة ( انتسفت ) :D فهي عامية بحتة .. هي من "الانكفات" أي الدخول بشكل سريع وعشوائي في شيء ما أو مكان .. وفي منطقة نجد وبعض مناطق البادية تتحول الكاف في النطق إلى "تسا" فصارت انكفت=انتسفت << لو ما شرحت لها أحسن شكلك قلبت راسها :p شـ ج ــن (أخت عزيّز الدب :D)/ ويسعد قلبتس وروحتس وأنا أخوتس .. ويديم الضحكه ويوسع صدرتس بالعافيهولا يهمتس .. ابشري راح اتواجد قد ما أقدر .. بس تحملي الحش :157: لأرواحكم النقية :ba3a27f267: |
تقدير تستحقونه ولا تفيكم الكلمات .. !!
http://www.al-amakn.net/vb/uploaded/127_01333667709.jpg تسوى عيوني/ لا شكر على واجب أختي .. اعلمي أيضاً أن دفء الحب الأخوي في الله .. ينعش الفؤاد عندما تقع المقلتين على كلماتكم الطيبة .. كل عام وأنتِ بألف خير وأسعد ما تكونين إن شاء الله :)اغلى حبيبه/ ولا حرمني الله شرف أخوتكِ وأمثالك من الطيبين .. ويبقى الجمال بصمة لا تظهر إلا بحضوركم :)راقية بقلمي/ حرفي هو الذي أصيب بالبكم أختي الكريمة .. من لباقة وأناقة .. وجداول رقي تنهمر من مفردتك الفاخرة .. ممتن وأكثر يا راقية :)شفافه/ من ناحية يستهبل يستهبل .. ويحب يبهر الأشياء لزوم النكهه .. بس أشياء تجي منه طبيعيه وحلوه رغم الإحساس بالدلاخه اللي يصيب الواحد وهو يسمعه يسولف :09:لا تخافين زي ما يضحك علي .. ما أخلي حقي يروح لازم أهزأه عشان انبسط :D .. وأكيد أختي .. لازم نحاول النسيان ولو مؤقتاً وبأي موقف ما ننحرمش منش .. ويديم الضحكه ويوسع صدرتس بالعافيه & نهر الأملـ &/ آمين .. ويخليتس ربي لعينٍ ترجيتس .. ودوم الضحكه بقلبتس إن شا اللههو صراحه وش حليله بقوه وسوالفه تهبل بالعاقل .. وتحلي الئعده زي ما يقولون الحياة/ ومحد تفقع وجهه بسبب إجاباته بالعضو المدلل :p << تحسف إنه درعمشكل ما قراها وفهمها الا انتي .. بس أشوى طلعنا بأحد استانس :157: .. مب حسافه عليتس لا عدمتس وأنا أخوتس العطشان/ عتيّقه لا يغرك اسمها .. عليها زحمه مب طبيعيه وصعب تلقى فيها لو قرنة للإيجار .. إن لقى الواحد عربيه يدفها زين :oلا شكر على واجب يا غالي .. تسم أبو عبادي عندنا الخـلود/ الذوق انتم أهله وعنوانه أختي أم فهد :) .. شهاده أعتز فيها يا غاليهمابقى لي قلب/ ويسعد قلبتس ويوسع صدرتس بالعافيه أختي .. الساعه اللي ما به أكبر منها انتس ضحكتي وانبسطتيhttp://www.al-amakn.net/vb/uploaded/127_11333667709.jpg شــ ج ـن/ آمين وياتس الله يجزاتس خير .. ويبعد الهم عن قلبتس وكل مسلمههههههههههههه خنفشاريه حتتن وحده! .. الا وش يعني الخنفشاريه؟! .. لا تكون هذي العياره الثانيه لعزيّز الدب؟! :p .. اشرحيها وأنا أخوتس تراني رجال على قدي << وين بتفصل ثوب :052:>> ما أعرف كلمات أجنبيه الحالمه/ شكلتس رعصتي تقييم وانحاش الحتسي أو ما أمداتس ع الكيبورد :Dأهم شي المشاهَد .. وشوفة معرفتس لحالها تقييم وتشريف لا عدمناتس أختي صمت الحنين/ امتناني أختي .. وسام يزين صدر الحرف والمتصفح .. ويبهجني :)جووود/ لا شكر على واجبِ تحتمه أحقيتكم وقيمتكم كهامات شامخة أختي .. بل أنا من تغمره السعادة بالتواجد حيث الرقي والفخامة حضوراً وطرحاً .. كوني دائماً بهذه الروح المتوهجة .. وبألف خير :)أنثى من جنح الخيال/ آمين وياتس أختي ويجزاتس ربي كل الخير على الدعوات الطيبه .. شهاده أعتز فيها .. لا حرمني الله حضورتس وأمثالتس :)برق ينبع/ وأجمل منه طلتك البهيه أخوي مشاري .. لا عدمناك وحضورك الراقي :)المانشستراوي/ هيّا شف لك حل يا فرج .. يعني انت ما تخلي عنك حركات الجراديه :( .. لازم تدخل وتنادي الواحد بعيارة ولد جيرانكم :110:بس تعال وش فيك علقت في أقل هههههههههههه .. شكل مثبت السرعه عندك مب مضبوط خخخخخخ وش اللي أمر كل أسبوع .. والله لو إنكم في مزرعه :p ياخي أصلا أنا دايم أمر وما تشوفوني .. شكلكم تدخلون ذا المنتدى وتطق الفهاوه أطنابها على دمجة كل واحد معاد يدري عن اللي رايح واللي جاي :052: كثر منها رقم سجلك ثلاث تسعات .. منتب عاقل يا راس الحربه ;) .. أنا رقم سجلي ثلاث ستات :157: << قديم راعي اللوحات :o راقية بقلمي/ وتعطش الروح لمعانقة عبيركم المفعم بروح الأخوة والرقي .. ولا تجد للوصل سبيلاً .. وتبقى تقتات على ما تعج به الذاكرة من مواقف وكلمات مصدرها أنتم .. كي تستمد الصبر في الغيابشكراً من الأعماق أختي ولا تفيك .. على هذا الإغراق ببذخ .. وحتماً بدونكم ؛ معادلة الإبهار منقوصة :) لـ ج ــين/ وما تفقدين غالي انتي بعد .. والنور نوركم أختيربي يسعد قلبتس ويعطيتس على قد نيتس .. غمرتيني بكرمتس في الإطراء والتقدير .. لا عدمتس يا طيبه :) ريم الماس/ اووووه موضي راعية الديرم :2b: فيذااا؟! :110: << شام ريحة معمول من مسافة كيلو :09:الله يسلمتس من كل شر .. ويبعد الآه عن قلبتس وكل مسلم أما طمبق طبمق؟! أبوك يالحماس :p .. على ذا الطمبقه تخيلتس داخله تركضين وانتي راتسبتن على سعفه على بالتس خيل :o << شوي بتدرعم في طشت والا زدر :052: بعدين البسطه ما تحتاج دلاّل ينبح صوته ع الفاضي .. كل مقاضيتس لو حاولتي تبيعينها حراج والا جملة ما جابت خمسة أريل .. كلها طواقي زري على شلقة بيزه مع ديرم يابس وتسمن خط بلده سترتش قالبن لونها :090: شرط لو تلفين ذا الأصناف في بقشه وتخبطين بها دمجة آدمي مات :p على فكره ترى توهم فاتحين سوق في المنتدى تكاكينه فاضيه للحين .. بإمكانتس تبسطين في أطرف عاير على رصيف المدخل :122: << عشان الماره يحوسون أبو مرير بسطتها :8b48593a21: أرواحكم الجميلة قبل كلماتكم تستحق الكثير من التقدير .. ولتعذروا أخيكم على التقصير :) |
رسالتها .. !!
أرسلت تقول .. أنها رأت حلماً عكس واقعنا إنها لا تعلم .. كم يقتلني هذا الحلم في يقظتي كما يفعل في منامي !! :confused: |
| الساعة الآن 07:01 AM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.