باب المعالي يالمريدين ونى=فيهم رعى جال ٍ وفيهم تضاريس
وفيهم على بابه تحرا المعنّى=ماتمتطيه اهل القلوب الدنافيس
واسوقها ون سقتها لاتعنى=ارفع رفيعه..في حلولك مداييس

الاماكن قالت ابصدر ٍ رحوب=مرحبا حييتي ياذووق الكلام
في وجودك شمسها مامن غروب=شعشت..وانتي لها اغلى مرام
والوسام اللي رسى بصدر امحبوب=دوم ٍ ابصدرك يرومه عام وعام

انا في قلبي ساطي الفين لاهوب=سبّة وليف ٍ سج عني ولا يلام
لكن لو تبغين قلب ٍ به اشبوب=خوذي حنانه واسترديه لاضام
حنا عطينا دون منّه ولاعوب=ومنهو عطا مال العطيّه سوام

يالله يامعطي وياغافر اذنوب=تعطي ضماير ماتهنيها الايام
العمر يجري والعمر وقت محسوب=وانا اتمنى طول عمري بالاحلام
والمشكله ماهي مهبات ٍ اتنوب=المشكله في طيرها دوم حوام

قصدك مسيّر واخر العلم مقلوب=لاني مسيّر حر في دنيته حام
ويرجي من الله كل قلب ٍ متعوب=ينجيه من كل المتاعب والازحام
وعسى اللي ابصدرك مايكون مسلوب=ويبقى ضماد الجرح لاحل قدام

المعذره ياقبيلي في تأخرنا=اوقاتنا ماتميلنا على الراحه
لاجينا نبدي علوم ٍ ماتريحنا=وش حيلت النفس لاجتني مجتاحه
نكتب وننظم خوافينا وتبعدنا=والضيق حاصر وعند الله مفتاحه