|
همسة أخرى .. !!
الحرف أعلاه .. نصفه حقيقة .. ونصفه مزاح لا يخرج عن مشاكساتي .. لكِ ;) ولكن .. لإكمال نصف الحقيقة .. بحقيقة أخرى خذي هذه الكلمات .. مني .. لكِ أيضاً حتى وإن إفتقدتيني .. ذات يوم .. لا تلجأي إلى البكاء .. أبداً لأن .. دمعة واحدة .. تذرفها عيناكِ ما هي إلا .. يوم آخر .. ينقص من حياتي .. !! |
هذيان خاص .. !!
للمشاعر تأثير على الحالة المزاجية .. بقوة لا تقاوم .. !! http://www.al-amakn.net/vb/uploaded/127_1258812322.jpg حبيبي .. ما تمنيت فـ يوم أجرحك شلون جا لك قلب تجرحني؟! حبيبي .. كانها الغيره بتذبحك فأنا الزعل منك يذبحني حبيبي .. إذا عليّ أنا مسامحك ولو قلبي بجرحه ما يسامحني !! هذيان خاص لا أحلل لطشه :( السبت 4 ذو الحجة 1430 |
كلمات معبرة .. !!
كلمات .. هكذا قرأتها : there`s only one side I try to let show my feelings inside the others don`t know وهكذا .. ترجمتها .. كما أحسستها : جانب واحد فقط أحاول إظهاره ومشاعري بداخلي يجهلها الآخرون ..!! don` think about it guys :01001: |
معايده لقلوبكم .. !!
يالله إنك تحيي من طل .. هنا .. وتمقـّل :D والله كان ودي أعايد كل أهل الأماكن .. من أهلها وزوارها :oo9: لكن تعبت وأنا أسدح التهنئه في ذا البروفايلات .. أحد فيه .. وأحد غايب .. وأحد ملفه مغلق للتقبيل :p فبعد تعب وتعيب <<وش ذي؟ :052:>> بسبب كثرة تهنيقة الاتصال والمنتدى .. قلت أسدحها هنا .. واللي يشرفني بطلة خشته هنا :oo9: ..يلقف البطاقه بكبرها :122: وطبعا لازم جملتي المعهوده .. بعد الزحمه وأكل اللحمه :8b48593a21: لكل من توقف هنا .. من قلب أخ يحبك في الله http://www.al-amakn.net/vb/uploaded/127_1259671420.jpg ملأ الله قلبك حمدا وكتب لك في قلوب العباد ودا وأمدك من فضله في الرزق مدا ولا يسلط عليك من أهل السوء أحدا وجعله عيداً مباركاً تدوم نفحاته عليك وكل عزيز لديك ما دمت أبدا كل عام وأنتم بخير .. وعساكم من عواده :) |
غيااااااب ... !!
يا ذا المسا .. والغياب يالله عسى .. أعرف أسباب وين الأحباب .. عن عيوني؟! والا مع نور الصباح يمكن يجيني خبر ويمكن أنسى السهر ويمكن تخف الجراح ويمكن ويمكن ويمكن ويمكن يخف القهر من غيابهم .. ومن جنوني !! هذيان خاص ذات وعكة افتقاد :( |
وفاءكم لا يجارى .. !!
وتستمر قلوبكم الصافية .. في احتضان قلب أخيكم بكل أخوة جميلة .. وصفاء أرواح لا تعرف الزيف تأتون بكل كرم .. وبلا دعوات مسبقة أو استجداء وأزداد شرفاً بقدومكم وكلماتكم لا أجد ما يفيكم حقكم .. سوى قلب يحبكم في الله .. ويبادلكم الوفاء بإمتنان http://www.al-amakn.net/vb/uploaded/127_1259882802.jpg أختي راعية البسطه :157: ويسعد قلبتس وين ما رحتي يا غاليه بكل اللي تتمنينه في الحياه .. ويوفقتس بأمور دنياتسإلا وش أخبار السوق؟ :D << يقالك تسأل عن أسهم الحين :o أختي * الـــورديه * تسلمين يا غاليه ويسعدتس ربي إن شا الله دنيا وآخرهإذا كان فيه إبداع فهو شرف التواجد بين ناس راقين أعتز بأخوتهم مثلتس وشرواتس من أهل الأماكن الطيبين ومتابعتس تسعد أخوتس بدون شك .. عشان يزيد المنابط والمناقز بينكم :D أختي الفــرس ويعافيتس ربي من كل شر يا غاليه .. بالعكس كلماتس وسام على صدر أخوتسوالإبداع منكم وفيكم .. وأنتم الحافز الأول .. لا عدمتكم أختي شيزون ويسعدتس ربي بعد يا شمعة الأماكن ويحقق لتس أمانيتس .. ولا ننحرم منتس وجهودتس الجباره للأماكن وأهلهاألف شكر يا غاليه على النقاط والتقييم .. وصدقيني وجودتس وشرواتس وكلماتكم عند أخوتس أجمل تقييم :) ربي يوفقتس أخوي عابر وبوجهك الخير يا غالي .. ويعيده علينا وعليكم بالخير والمسرات .. دايم تسعدني بهالطله الراقيه .. وتغمرني بكرم أخلاقك وأخوتك .. لا عدمت هالطخمه ;)الله يوفقك ويسعدك دنيا وآخره المعذره .. خانتني الكلمات في التعبير عن امتناني لأشخاصكم على كرمكم الفيّاض واللي يهونها إنكم عارفين قدركم عند أخوكم :D .. الله لا يحرمني من هالقلوب الطيبه لقلوبكم أجمل الود :qlb: .. ولأرواحكم أعطر الورد :rose: |
ورقة .. ليست باردة !!
http://www.al-amakn.net/vb/uploaded/127_1260365328.jpg مر الخريف .. كفصل من عام .. وجزء من عمر .. نعيشه مر بالذكريات .. من كتاب الحياة ذكريات أوراقها مقروءة في ملامحنا .. حزناً وفرحاً إن رويناها .. لن يصفها سردنا .. ولن يطويها برد فصل أتى وها قد دخل الشتاء .. تسبقه قشعريرة الذكرى .. المستقرة في جسدي وأعود وأبحث بين أوراقي المبعثرة .. وليس أوراق الخريف الذي انقضى أنشد دفئاً بين حروفي المغرمة .. كلما افتقد قلبي دفء حضن قلباً أحبه أقرأها .. أحتضنها .. منتشياً بعبق الذكريات .. وبحرارة الآهات فربما .. أستطيع بداخلي أن .. ألملم الشتات !! ورقة خاصة لا أحلل لطش محتواها الأماكن الأربعاء 22 ذو الحجة 1430 |
شكراً .. من الأعماق !!
في الغياب .. فقط هناك من يفتقدك .. وهناك من يفرح لغيابك تناقض .. نعم لكنها طبيعة قلوب البشر .. بعضها يحب في الله .. وبعضها يكره من لا شيء من لا يشكر الناس .. لا يشكر الله شكراً .. لكل من إفتقد سعد .. وأخص بالذكر من تفضلوا بالسؤال : أختي الغالية .. بصيص الأمل بنتي الكبيرة .. أم النوم :D أختي الغالية .. أم عبدالرحمن أخي الغالي .. كحيلان11 أخوي القعده :dtj: .. المانشستراوي لقلوبكم .. خالص الود الأخوي والمحبة في الله .. والتقدير دمتم بألف خير |
الثقة أنواع .. !!
فيه واحد مرسل لحبيبته يقول : حبيبتي .. إن كنتِ تشعرين بدوار أصاب رأسك وأحسست بالخمول والوهن وأنكِ هادئة وصامتة على غير المعتاد فأعتقد أن المشكلة واضحة جداً .. [ لديكِ نقص حاد في "فيتاميني أنا" :) ] كثر منها .. وبقووووه :( أم الثقه اللي ميب في محلها يا شيخ :D شكل ذا التعب جايها من خشتك :09: الا ما ودك تجرب تضف يمكنها تطيب صدز؟ :052: |
العناق .. !!
http://www.al-amakn.net/vb/uploaded/127_1264533768.jpg هناك شعور عجيب في العناق .. حتى وإن كان ضمة بسيطة فهو .. دفء للقلب تعبير عن الحب وأحياناً .. يكون شعور بالعودة إلى .. وطن .. يتمثل في حضن !! في العناق .. لهفة .. وفرحة بالقرب .. من قلب لوعة .. وتشبث .. ورعب رعب من الخسارة .. وخوف من الفراق !! |
شفني .. !!
http://www.al-amakn.net/vb/uploaded/127_1264799771.jpg شفني أجاهدني في وحشة غياب تعبت أنا مني .. ويا شين وقـتي شفني قتلني الوله وصدة أحبـاب كلي قهر مني .. ومفعول صمتي حرفي العابث ولا حلل الله اللاطشون :( |
راعي النيميل من جديد .. !!
خل الزعل .. وإضحك .. وإقتل الهم الثقيل .. !! بالضحكة المستمدة من مواقفنا .. قد نعالج شيء من الألم .. ولو مؤقتاً !! & ^ ^ ^ ^ & من زمان ما جبت سوالف خوينا (راعي النيميل) ;) صاحبنا وش حليله هالأيام .. هو طبعا وش حليله من الأول بس الحين بزياده :157: طاح مؤخراً في التقنيه وعالم الكنبوتر .. زي ما يسميه :p .. واشترى له جهاز .. لالتوب .. زي ما يسميه برضو خخخخخخخ :D المهم .. بدينا نريّشه .. ونقول أحلى يا حركات .. صرت تسنك مدير وانت مشخص بشنطة ذا المحمول .. وانت داخل للدوام وطالع منه .. ما عاد تحاتسي أحد ولا شي .. عطنا وجه ياخوي !! عاد هو من اللكاعه اللي فيه يقول : لو سمحتوا لحد يتكلم معي الا يكون شخص عميق في التنكلوجيا :confused: حنا طرطعنا طبعا :( وقلنا : انت الحين احتس زين بعدين فكر تصير مغرور .. عكست أبو الكلمات يالشين :110: وترى عميق تنقال عن البحر والا أي برتسة مويه بتطب فيها محيفره :o .. موب على التكنولوجيا عارفين قصدك شخص متعمق في التقنيه :p .. لكن بنفس الوقت عارفين إنك من جنبها من قبل يصير عندك لابتوب بس عساه ينفعك .. وتطور نفسك وتعتزل الفهاوه خخخخخخخ :akn55: فقلنا لازم نردها له .. ونهبل به :157: بعد ما درينا إنه طاح في المسن .. وأزعجنا يقول اللي عنده (نيميل) :09: ويبغاني أضيفه يكتبه في ورقه ويعطينياه .. وخلوا خطكم واضح لو سمحتوا والا لن ينظر في الطلبات .. ولن يمتكن إضافتكم :mad: هو قايل تسذا عشان ما يتوهق في السبيلينق والحروف .. كتابته أوردو :D قلنا : إلا وش رايك يقدم كل واحد معروض على سعادتك عشان الإضافه؟ .. والله لو إنك بتوزع شرهات الحين :akn55: قال : والله ميب شينه .. عشان ما يصير فيه زحمه امسكوا سرا بعد !! :052: طنقرنا عليه زود :mad: .. واتفقنا نوسوس به :122: قلت : شف يابو الشباب .. تراك تعز علينا .. قاطعني هو قال : تعز وإلا صنعاء؟! :o << متعلم ذا الذبات منا :09: قلت المهم خل عنك ذا الحتسي ولا تمسك فيها خط .. ولا تقول رقعه وإلا نسخ الحين :( .. همن أطبق على أصابعك بلابتوبك :p حنا قصدنا عشان كذا بننصحك قبل تجيب العيد انت ما زد سمعت بشي اسمه (هكر)؟! قال : الا .. ذا المايعين اللي يشكشكون في حفلات الزواج؟! :c1bad6df50: كعيناها ضحكه كلنا :65: .. قلت : ياخي ما شا الله عليك .. كل مره تثبت لنا .. إنك من جنبها فعلا :076: نعنبو إبليسك .. المسن تسميه الشايب .. ماخذه من المسنين :idiot: ما تدري إنه اختصار ماسنجر .. والحين هكر فاهمهم ناس ثانين :o لا ياخوي .. هكر .. يعني شخص عبقري .. متعدينا وياك بمسافات .. وصل فيه الذكاء الإلكتروني إنه يقدر يخترق أي جهاز يحطه في راسه وانت وجهازك ما يحتاج أحد يحطكم في راسه .. لأنك مفتوحين على بعض .. تسنكم برحه :33: جهازك فيه كاميرا .. ولو دخلت مسن .. وانت مفصخ ماعليك الا فنيلة العلاقي ومطلع عضلاتك ذا اللي تسنها مطبات شوارع الرياض :09: <<اوب متناسقه>> ودخل عليك صدفه .. بيصورك وانت ما تدري :128: وينشر صورك بالنت كله وتنفضح :akn55: وتخيل بكره .. نلقى مقطع اسمه .. شاهدوا راعي النيميل يعرض المستخبي :0190: ويوم سمعني أقول تسذا .. ركز معنا شوي وشكله خاف.. قال : طيب وش أسوي؟ .. وش الحل؟ :025: قلت : سهل .. لا تستخدم الكام مع أي أحد .. وإلا تدري غطها بالمره وش تحتاجها فيه ومن حريص يحاتسيك مسن ويشوف خشتك؟! :o .. حط عليها ستكر وإلا ان شا الله لزاق جروح ;) .. المهم شي يغطيها قال : بس هذي؟! .. بسيطه .. أسهل ما يكون؟! :8b48593a21: اللوح قام غطاها بـ علك :110: .. لا ومطلعه من فمه :09: المشكله إنه كل ما انسجم في التصفح .. أخذ العلك ومضغه شوي .. ورجعه على الكام !! :( يعني خلاه اثنين في واحد خخخخ .. مره للكام .. مره بفمه :157: خلاص عاد .. كل واحد منكم ينتبه لكامه بس لا تفكرون بالعلك خخخخخخ أما لو تفكرون فيه .. خصوصاً أخواتنا الفراشات .. بيحطون صعرور :157: وبتمشي بضاعة راعية البسطه :o << براااا :052: عادي لو ما ضحكتوا .. أصلاً أنا ضاحك قبلكم مباشر :01001: |
استنتاج .. !!
كل إنسان ناجح .. له قصة حزينة ،،وكل قصة حزينة .. لها نهاية ناجحة !! :) |
داخل القلب ..!!
http://www.al-amakn.net/vb/uploaded/127_1265407263.jpg حبيبتي .. إذا إستيقظتِ في غرفة حمراء بلا أبواب أو شبابيك فلا داعي للارتباك لأنك موجودة بين جدران قلبي !! :01001: |
شكراً لقلوبكم .. !!
من السهل أن تنثر الحزن حروفاً تستثير أحاسيس الآخرين وتنهمر دموع التعاطف معك .. فيقتربون منك لمواساتك ولكن من الصعب جداً أن تستخرج الضحكة الصادقة من القلوب بسهولة كان الهدف .. ولازال .. من هذه المدونة المتواضعة .. وكما عنونتها أن تكون متنوعة .. إلى حدٍ ما .. تحوي احساس سعد بحرفه البسيط ما يعجبني .. وأجد فيه ما قد يفيد والأهم لدي .. المشاركة بالمواقف الطريفة .. أو الدعابة سعياً لرسم البسمة على وجوه قد تمر بهذه الصفحات .. وهي مرهقة من هموم الحياة وتبحث عن شيء يخرجها .. ولو مؤقتاً .. من حالة مزاجية معينة والحمد لله الذي جعل هذا الهدف يتحقق فما أجده من قبول وإعجاب .. يسطره أحبتي في الله من أهل الأماكن واستمتاعهم ببعض ما أطرحه هنا يسعدني جداً كما أسعد بتواجدهم ومتابعتهم الدائمة ولا تزال هذه القلوب الطيبة .. تغمرني بمشاعرها الأخوية وتهديني الأوسمة بكلمات جميلة .. أتشرف بها .. وبهم قبلها :ba3a27f267: :ba3a27f267: :ba3a27f267: :ba3a27f267: :ba3a27f267: http://www.al-amakn.net/vb/uploaded/127_1265936380.jpg أخوي سيف العشق / ما تفقد غالي إن شا الله .. والشر ما يجيك أبشرك الأمور تمام ولله الحمد .. بس خبرك أحياناً الزواله تزيد شوي :D .. فنركن إلى الفهاوه والابتعاد ;) أبد والله .. تقدر تسميها ملل .. تشبع .. استراحه فاضيه :p .. قصدي استراحة محارب :052: ومدونتي تنور دايم .. وتدّهر فيها الأكباس والكشافات .. بـ طلّتك وشرواك .. لا هنت سيفوه :01001: أخوي ...... أكمل فراغ :D / تسلم والله وأنا أخوك .. انتم اللي تضيفون التميز للمدونه بتواجدكم .. وإعجابكم :) الله يسعد قلبك .. ومشكور .. وثاني مره طلع بطاقتك :akn55: .. قصدي حط اسمك ;) أختي خجل / سلامتس من الموت وأنا أخوتس .. بعد عمر طويل إن شا الله :) الله يديم الضحكه بقلبتس .. ويوسع صدرتس بالعافيه أهم شي استانستي :157: .. وتسعدني متابعتكم والله .. لا عدمتكم أختي سندريلا / دوم الضحكه بقلبتس .. وتزيد الوناسه والانبساط اي نعم علك .. عندتس اعتراض قدميه؟! :8b48593a21: هو ما عنده يتصرف بأقرب شي يلقاه :09: خلاص ابشري بوصيه وأقوله .. تقولك سندريلا .. بق لي من العلك :p << وين برندا؟! :o ويسعد قلبتس أختي .. مشكوره أخوي جرح / ويسعد قلبك بعد .. ويديم عليك الوناسه والتشقق :157: أهم شي إنك فليتها .. ويا مال العافيه على الورده الحلوه .. لبى قلب حايل وأهلها ;) .. مشكور كلك زوء :D << بيسوي رومنسي امحق :090: على طاري حايل .. شفت الصور اللي بمدونتك .. اللي عن السيول روعه :122: .. تصدق إني من الانسماج والاندماج :D رفعت ثوبي على بالي بمشي في المويه :p << أرنب آخر الليل :052: لا خلا ولا عدم يالذيب شكراً لقلوبكم على هذا الكرم ولكم مني خالص الود والامتنان :soso: |
الدموع .. !!
http://www.al-amakn.net/vb/uploaded/127_1265998593.jpg قد نحتاج الدموع .. من وقت لآخر .. لتغسل عيوننا حتى نستطيع رؤية الحياة .. بشكل أوضح .. !! ولكن .. هل ستغسل معها .. همومنا ؟! :confused: |
آااه يالصبر .. !!
الصبر .. هو انعكاس للبال المرتاح فالبال المرتاح .. يمكنه التأقلم مع مختلف الحالات دون أن ينزعج .. أو يرتبك حيث يساعده هدوئه على تقبل الظروف وبهذا الصبر .. يحصل البال المرتاح .. على القوة المطلوبة للتعامل مع مختلف الظروف .. والعقول أيضاً .. !! يا صبر أيوب :) |
!.. Me
http://www.al-amakn.net/vb/uploaded/127_1266177571.jpg .. two people .. within me .. one happy .. one sad .. two sides .. of me .. one mad !.. one glad أنا : داخلي شخصان .. أحدهما فرِح .. والآخر حزين .. ولي جانبين .. جانب مجنون .. وآخر مسرور ..! الله يستر لا يكون انفصام شخصيه :D << يرقع لنفسه :052: |
أنواع البشر .. !!
مما قرأت / هناك ثلاثة أنواع من البشر في الحياة : 1) أشخاص يصنعون الحدث . 2) وأشخاص يشاهدون الحدث . 3) وأشخاص يتساءلون عن الحدث !! استنتاجي / يعني ببساطه : - فيه ناس يتسببون في الشي يصير :122: ويمكن يجيبون العيد :D - وناس ملاقيف بس يبققون عيونهم ويتفرجون :110: بس يسببون زحمه :09: << منقهر من حقين الحوادث :mad: - وناس من جنبها :o من الدجه يقلبون عيونهم ما يدرون وش الطبخه :052: هذا إذا قالك فلان يدربي دمجته :D معليش شطحه على خفيف :01001: |
نتيجة الألم .. !!
http://www.al-amakn.net/vb/uploaded/127_1266703424.jpg حين يُحمى الذهب يصبح حِليةٌ جميلة والنحاس المطروق يصبح أسلاكاً غالية والصخر المنحوت يصبح تمثالاً جذاباً إذاً كلها تبقى معادن ثمينة رغم ما تمر به من عوامل التغيير لذلك بقدر ما تتعرض للمزيد من الألم في حياتك تكون قيمتك أكبر !! :) |
ممتن لقلوبكم .. !!
قلوب ما أجملها .. وأرواح ما أطيبها .. أسعد بقربها وأخوتها كرم يفيض منكم .. إخواني وأخواتي .. ويغمرني لتأتي كلماتكم .. مبهجة لي ومحفزة تبعث في نفسي الارتياح نحو ما أجتهد في تقديمه كونه يروق لذائقتكم العذبة الراقية كل الامتنان لكم أيها الأنقياء .. فبدون دعمكم .. ليس للتواجد .. والطرح معنى !! http://www.al-amakn.net/vb/uploaded/127_1266779815.jpg عاد هالمره بعضكم توهيقات الله يهديكم .. وين الأسامي؟! ;) << ناشب :052: أخي/ أختي (أبو/أم) ضحكه جنان :D / الله يديم الضحكه بقلبك .. ويوسع صدرك بالعافيه .. تكفي هالضحكه الجميله اللي وصلت لآخر المنتدى :157: !! أخي / أختي اللي وده يصادق راعي النيميل / الغياب عنكم يخلي الشوق لكم أكثر من الأول .. عشان يفقدكم الواحد ويرجع :akn55: بعدين راعي النيميل يقول وشلون أضيفهـ/ا والاسم اوب مكتوب في المعروض؟! :o أختي أم عبدالرحمن / ويسعدني أن تجد كلماتي صداها لديكِ وأمثالك .. وتلقى الإعجاب الألم .. لا يتوقف في هذه الحياة والدموع .. قد يكون فيها شيء من الارتياح .. لتخفيف بعض ما بداخل النفس من هم وألم وقد تخفف وطأته ولو مؤقتاً .. ولكنها لا تغسله أزال الله الألم والحزن من قبلك والجميع .. وعوضك ساعات الهم بفرح وسعادة :) أختي مدري مين :D / ويسعدتس ربي إن شا الله .. ويعيد لتس الضحكه والفرحه بقلبتس الدنيا وأهلها ما تستاهل تعيشين مقتوله زي ما قلتي وأنا أخوتس .. أحيانا نتألم عشان نتعلم دايم خلي ثقتس بالله كبيره وراح يعوضتس خير بإذنه تعالى .. خليتس متفاءله :) أختي جنائن / وأوقاتس بأسعد ما تتمنين يا وافيه .. يكفيني منتس هالطله البهيه لزاوية أخوتس .. بعد هالمده الطويله والتوقف اللي في محله طبعا :157: وما راح أقول كان غياب .. لأنتس دايما بقلوب اخوانتس وأخواتس ربي يكتب لتس الخير بكل درب .. ويسعدتس بحياتس الجديده .. ويكفيتس شر كل حاسد :) << رح جب موية صحه ودر بها ع المنتدى :052: أخي / أختي ^_^ << يحسب هذا الاسم :D الشرف لي بمثل هالطله الراقيه .. ربي يسعد هالقلب ويوفقه :) الله لا يحرمني من قلوبكم الطيبه .. ولا يحرمكم السعاده |
ألوووووووو .. مين هنااااااك؟!
قصة على خفيف ;) http://www.al-amakn.net/vb/uploaded/127_1266964154.jpg كان يا ماكان .. في مرتن من المرارير :p .. ذات صباح <<غير اللي تغني :o>> وبدون تميس وفول :8b48593a21:.. وفي لحظة كرف .. فيه شابه <<موب على ضو :p >> متزوجه وعندها ولد .. ربة منزل يعني .. وقاعده تشتغل وتحورف في بيتها .. وفجعتن :D <<يعني فجأه << ما تشوف إنك مسكت خط سماجه :052: الا ويدق التلفون .. وتروح تركض بسرعة أمها وأبوها :f5218a5b37:.. يعني أقوى شي .. وتلقط السماعه ترد .. إلا سمعت صوت ارتاحت له على طول .. كان صوت حرمه كبيره بالسن :oo9: قالت المتصلة : " وشلونتس يا بنتي؟ .. ووشلون يومتس؟! " قالت : " آااه يا أمي !! :09: .. ولدي عجزت أعطيه أكل ما وده ياكل .. والغساله خربت .. وما قدرت أطلع من البيت أجيب أغراض محتاجتها .. وتو زلقت بغيت أطيح وألتوت رجلي .. وحدي بس أدور وأرتب في ذا البيت وفوق هذا كله لازال البيت حوسه .. تعبت .. والليله بعد بيجينا أخو زوجي يتعشى عندنا هو وعياله !! " قالت لها الحرمه المتصله : " الحين يا حبيبتي هدي أعصابتس .. واجلسي ارتاحي وغمضي عيونتس لين أجي .. كلها نص ساعه وأكون عندتس وراح أجيب الأغراض مع السواق .. وأنظف لتس البيت .. وأأكل ولدتس .. وأطبخ لكم العشاء .. ولا يهمتس بعد راح نجيب الفني اللي دايم يصلح فلاجاتنا :p وغسالاتنا عشان يصلح غسالتكم . وبصراحه عاد .. أنا راح أتصل على محمد في المكتب أخليه يجي بدري ويساعدنا لو مره !! " استغربت راعية البيت وقالت : " محمد؟! .. وش انت يا محمد ذا اللي بتنادينه؟! :110: " قالت العجوز : " بسم الله عليتس يا بنيتي .. وش فيتس مضيعه؟! .. محمد زوجتس .. نسيتيه من كثر الشغل؟!! ههههههههههههه " ردت البنت : " بس زوجي موب اسمه محمد .. بعدين هو هنا نايم ما داوم :confused: !! " العجوز : " الرقم هذا موب ........... 4 ؟! :016: .. رقم تلفون محمد الـ .........؟! " قالت البنت : " لا موب هو !! .. الظاهر انتس غلطانه في الرقم يا خاله !! :( " << بدري؟ وسكتت شوي تفكر .. ورجعت قالت : " على كذا أفهم إنتس ما راح تجين؟! :09: " << تبي أي أحد يفزع معها باللي هي به خخخخخخخخخخ ^ ^ ^ الاستنتاج مدري التساعول <<التساؤل ;)>> هو كالاتي : سين / هو صدز إن الحريم إذا سمعوا قرقعة تلفون نسوا أنفسهم وردوا ومسكوا خط بالوضع اللي هم فيه؟ وإنهم بس شكايات؟! << على وزن دفايات :D << برااااااا :052: جين :D / إذا تسان اللي بترد زي ذي .. عز الله إنها فاهيه بدرجة منتازه .. مع مرتبة الكرف .. وبتكع كل شي على طول !! لا تزعلن أيتها الأخوات وردن على التلفونات عادي حتى لو نايمات :01001: << أكيد .. أجل بيشاورونك :o اللي تسدحتوا هنا شوي .. مشكورين وإليكم عني بهذه الروز :D :soso: |
السعادة ..!!
لم نولد سعداء ولكننا .. نملك القدرة على صنع السعادة إذاً .. فليـُسعِد كل منا الآخر .. حتى لو بإبتسامة .. !! :) :) :) أسعد الله قلوبكم :050: |
مدير ممرور .. !!
هذي قصه واقعيه : مدير مدرسه ابتدائيه ممرور .. يعني حمقي .. عصبي << اختاروا الإجابه المناسبه :2c12405be8: المهم في طابور الصباح .. والمدرسين يفتشون الطلاب لقوا مع واحد من الطلاب .. أشرطة مسجل << قبل السي ديات :122: قالوا للمدير : هذا مسكناه معه أشرطه ! قال المدير : وقفوه على جنب لحاله برا الطابور :045: وينط مدرس يعرف إن المدير من جنبها ويطرطع بسرعه .. ويقوله : لا .. والأشرطه اللي لقيناها معه أشرطة مزعل فرحان << اسم فنان شعبي :0190: قال المدير : بعد ؟! .. طلعوه وقفوه .. خلوه يصف مع خويه !! :p<< يحسب مزعل طالب عندهم :D لحد يكح :22: |
من العمق .. شكراً !!
http://www.al-amakn.net/vb/uploaded/127_11268162210.jpg أختي الغالية بصيص الأمل / وكل الابتهاج يتملكني حين يجد ما أطرحه القبول منكمالروعة لا تكتمل إلا بحضوركِ يا طيّبة الروح .. وكلماتكِ وسام أعتز به كثيراً أسبغ الله عليكِ من نعمه .. كما تسبغين السعد دائماً على سعد :) .. بأخوّتكِ ودعمك الدائم أخوي مدري أختي لا تعيدها :D / الله يحلي أيامك/تس :p .. ويرحمكم اللهخلاص ما راح أعيدها .. بس هالمره طلعت ضحكه والا كحه؟! ;) الله يسعد هالقلب أياً كان راعيه .. على تشريفي ومدونتي بالحضور والتعليق :157: غزير الود .. وعبير الورد .. يغمركم :rose: |
في غيابك .. !!
http://www.al-amakn.net/vb/uploaded/127_01268162210.jpg في غيابك .. أغمض عيناي لأرى بهاء مُحيّاك وابتسامتك المشرقة بإشراقة قلب حنون يسكن قفصك أغمض عيناي .. لأراك لأكون معك لتتأجج المشاعر وتستجد في أعماقي ولأحبك بجنون كما كانت البداية وبلا نهاية أغمض عيناي .. وأملي أن أفتحهما وأجدك قد عدتِ إلى سُكناك .. إلى حضني .. يا وطن روحي !! |
الجمال الداخلي .. !!
حين تفكر في كل الألم .. الذي تعانيه أنظر إلى المرآة .. وتأمّل ملامحك جيداً تجاهل التعابير التي تكتسي محيّاك لحظتها وتعمّق .. حتى تصل إلى داخلك وسترى .. كم أنت جميلاً من الداخل .. !! أبعد الله الآلام عن أفئدتكم .. وكست وجوهكم الابتسامات :) |
أخوتكم ومحبتكم هي المكسب .. (1) !!
يالله حي قماعة الربع :D بما إن الدعوى صارت تقليد في تقليد :confused: بنغيّر اليوم ونبتعد عن التقييمات اللي صارت موضه :110: والأساليب اللي صارت استنساخ .. وفوضه << بس عشان يغنيها ;) قبل شهر ونص تقريبا رجعت .. بعد غياب لفتره المهم .. دايما ما يفقدك يالواحد إلا الناس اللي تحبك في الله .. وتحس بأخوتهم بدون ما تشوفهم :oo9: اثنين من حبايب قلبي في هالمنتدى .. لبى قلوبهم أول ما دخلت استقبلوني بمشاعرهم الأخويه .. برسايل خاصه كان لها أثر كبير في نفسي ويعلم الله حجم السعاده اللي كنت فيها وقتها بكلماتهم اللي أشبه بالورود المنثوره عليّ طبعا .. غير هالاثنين كثير الله يسعد الجميع ويديم المحبه والأخوه في الله بين الكل لكن أنا ضحيت بهالثنين وخصوصيتهم .. وجبت العيد فيهم وبحط رسايلهم هنا من الميانه طبعا << اي هين صرّف وجهز العصابه قبل الفلقه :052: أخوي الغالي مجنون نظراتك .. الجنون فيه مختلف .. كله رقي وطيب ووفاء :122: أول ما دخلت أرسل هالرساله اقتباس:
وعليكم السلام ورحمة الله وبركاته المهلي ما يولي .. الله يرفع قدرك ويغليك عنده وعند خلقه وانتم بعد والله لكم وحشه أهم شي عساك سميت بالله وما ارتعت يوم شفت المتواجدين وافي وأنا أخوك .. وراعي واجب ما تقصر لا هنت على السؤال .. ورسالتك أسعدتني وربي الله يسعدك ويوفقنا وياكم في الدارين ودي واحترامي وخلال رعصي للرساله عشان أدفها له .. كانت رسالته هذي في الطريدز : اقتباس:
هههههههههههههههههه عادي ولا يهمك تصير في أحسن الكيبوردات أبد الشر ما يجيك .. خبرك بسوي مباراة اعتزال وما بعد لقيت شركه ترعى المهرجان فشكلي راح أسويه في الحاره أرخص وأوفر وأقرب خبرك ظروف عمل وانشغال .. وتشبع مدري ملل كلها متجمعه بعدين العالم صارت تزعل من الصراحه قلنا نريحهم شوي لكن نقول ان شا الله اخر الغيبات الله لا يهينك يا غالي على السؤال والاهتمام .. من طيب ذاتك لا عدمتك يحفظك ربي ويرعاك طبعا .. هو ربي يسعده تحمس مع الفكره وكان رده : اقتباس:
ههههههههههههههههههه أما عاد قصدي ما تقصر ياخي أنا قايلك أبغى شركه ترعى المباراة .. موب أتعاقد مع بوفيه يجيب لي ترامس عصير خخخخخخخ شوي تخرب علي اللاعبين وتجيب شكشوكه ومقلقل ويوفقك يا رب ان شا الله إبشر .. بحاول أكتب وأحط أشياء تعجبكم إن شا الله ويسعدني متابعة مثلك وشرواك .. لا خلا ولا عدم بحفظ الرحمن ^ ^ ^ أخوي الغالي مجنون نظراتك .. أخجلت أخوك باهتمامك وسؤالك يا وافي والمعذره إذا كان يضايقك إني هليت السبحه هنا :D بس لا تخاف .. فيه واحد جاي بعدك يحبه قلبك :157: يمكن يهوّن عليك شوي إذا شفت قصة حياته :p القادم .. أخو ثاني .. الجميع يكن له التقدير والاحترام من رقيه وتعامله لكنهم ما يعرفون جانب حلو فيه .. ما طلعه إلا سعد الرجه هع سي يا ليتر .. أليقيتر :p << بدون محد يسأله ترى معناه تمساح بس أتيكيك :D |
أبو دحيّم هنا ..!!
http://www.al-amakn.net/vb/uploaded/127_01268601599.jpg هلا والله أخوي أبو دحيّم دوم الضحكه بقلبك يا غالي إن شا اللهخخخخخخخخخ لا تقردن .. الدور عليك .. انت جاي في الطريدز التقييم الحقيقي اللي أشوفه أنا بالنسبه لي هو إعجابكم .. ودعمكم يسعدك ربي أخوي أبو دحيمّ .. ولا يرحمنا تواجدك الراقي ;) |
أخوّتكم ومحبتكم هي المكسب .. (2) .. !!
طبعا زي ما شفتوا فوق .. الحبيب الثاني هو أخوي خيالك .. أبو دحيّم .. زي ما أحب أسميه ;) الله يسعده .. أرسل رساله .. خلتني أنسدح من الضحتس تخيلت شكله وأنا متفاعل مع القصه .. تعالوا نشوف إيه اللي حصل .. عشان نزيع :p << موب عاقل شبيه زكيه زكريا :8b48593a21: اقتباس:
عاد أنا .. ما أدري وقتها أواسيه وإلا أكمل ضحك على شكله وهو ممزوع وخوياه كاعينها ضحك عليه وهم اللي موهقينه ويمدحونه لين نسى نفسه :D المهم رديت بهالرد : ههههههههههههههههههههه هلا وغلا أخوي أبو دحيّم ما تشوفش وحش .. وما تفقد غالي يا رب أبد الغيبه خلاص .. أخوك بدوا يرجمونه الجمهور .. وشكل مباراة الاعتزال قربت بنعطي الفرصه للمواهب الشابه :01001: أخوي مجنون نظراتك متزهلن يرعى المباراة .. مسوي فيها شركة الاتصالات واخرتها يقول بجيب لك ترامس عصير :8b48593a21: قايله يكثر من سندوتشات القلابه والشكشوكه دام ذي رعايته خخخخخ ويالله انت شد حيلك وجب هدية في المباراة .. جب شي ينفع موب تجيب درع والا طقم أقلام :p ذا الهدايا ما تأكل عيش :D معليش والله .. اني ضحكت غصب على موقفك في البدايه .. مع إني متعاطفن معك وحاس بمعاناتك :D يالله .. والله تنرحم على ذا الموقف .. يا شينها إذا الواحد جنبه بكاشين وصدق كلامهم :09: لا والله ذا الملعب ما أعرفه .. خلاص من تركت الكوره تركت الدوران على الملاعب وطلعت ملاعبن ما هنا مثلها أول .. وإلا أول ما به دوري سداسيات خماسيات فريق كامل ان شا الله باب واحد إلا نشارك فيه .. وتلقى صورنا بكل متسان تسن الواحد يقدم على وظايف موب يشارك بدوريات أجل منتب عاقل مسوي أخطبوط .. وقالبها شقلبه وتعفط على ذا العوارض وتعنقط :157: ودي أشوف شكلك .. على ذا الحركات .. شكلك أكثر شي تمشخ مدافعينك وتلكمهم :o من كثر ما تطلع للكور بدون توقيت :p << ما وده يقول الشوف شجر سلامة إبهامك والله .. يعني أفهم إنك ما عاد تعرف تبصم مؤقتاً :D ما لك إلا ذا اللي مزعك بالكوره .. تروح له بموية صحه يحط لك فيها من سعابيله .. قصدي يقرا لك فيها والا تاخذ غساله عشان تطيب بسرعه انتبه تتعبث مره ثانيه .. ومعليش احتمال كبير أحش فيك انت ولعبك في مدونتي :dtj: من الميانه طبعا :oo9: والله أنا بعد مشتاق لكم بالحيل .. لكن ربك يعدلها مشكور يا وافي على السؤال وعلى هالرساله الحلوه اللي أسعدتني وربي الله يسعدك ويوفقنا وياك خالص ودي واحترامي طبعا شكله انبسط من الحش والمدح في نفس الوقت :157: .. فما تاب وأرسل يقول : اقتباس:
صح ما رديت عليك بعدها عشان ما أعكر مزاجك وانت خاش جو شطحات ;) بس بأكعها الحين .. تصدق أول ما شفت صورتك الرمزيه انت وذا الصقر .. قلت أكيد على ذا اللطمه شكلك راعي مقناص وطيور وحركات لكن ماش .. خليتني أراجع حساباتي :D .. من يوم قلت بتستاجر طقاقه وجبت طاري الخبز والتميس عرفت إنك وحده من ثنتين يا سواق جمس طقاقات انت ولطمتك :p يا راعي فان توصيل معلمات وكل صبح تمر مخبز تميس وفوال عشان الخط :o ههههههههههههههههه لا وتقول تلعب كوره وما قدرت تلحق اللي مزعك يوم انحاش :110: عشان تسذا مسكوك حارس :157: << لياقته دمار :D هههههههههههههههه أما الفيفا طالبينك تلعب معهم .. لا ومعيي بعد؟! :dtj: على بالك الفيفا فريق حواري .. ترى ذولي اللي يكدون على اللاعبين ويستقدمونهم .. يعني هم الكفلاء :p << وين شغالات؟ :052: الله يسعدك ويوفقك يا غالي .. والأماكن دايما متوهجه بأهلها ومثلك وشرواك وألف شكر يا غالي على السؤال والاهتمام وهالحب الأخوي النقي تجاه أخوك :) ربي لا يحرمني منكم وأخوتكم الطيبه :oo9: |
كلن على همه سرى .. !!
كلن على همه سرى .. وأنا على همي سريت ;) ذا الثنين اللي فوق فديت طخمة خششهم خشتن خشه :oo9: عشانهم مفهين مع الكوره وسوالفها يحسبوني يوم قلت قرب الاعتزال .. إني أقصد اعتزال لعب الكوره هذي منتهين منها منذو مبطي قبل يبدون يزرعون الملاعب :p اللي قصدته والله .. وكانت ولا زالت فكره قائمه .. ولا عندها نيه تقعد :confused: هو .. اعتزال الكتابه والمنتدى اللي تسبب في تأخر التوقف وبقائي لحد الآن هو يشهد الله .. طلب ناس يعزون علي كثير ولهم تقديرهم عندي وفيت لهم بالوعد في الرجوع .. لكن شكلي ما راح أقدر أستمر في وفاي وأبقى بس أخلص إلتزاماتي سواء مع أخوي الغالي العطشان في موضوع بالصراحة أحلى مع سعد .. اللي شرفني بوضعي بدايه له وبعض مواضيعي اللي تراكمت فيها الردود وواجب عليّ أعطي اللي شرفوني بالمشاركه فيها حقهم من التقدير ساعتها تكون الفكره استوت وجاهزه للأكل :( أدري قرار غير محبب للنفس بالتأكيد لكن النفسيه وأسباب كثيره يمكن تفرض هالشي الله يسهل الأمور للجميع :) |
حالة انزعاج .. !!
هدوء مزعج .. يخيّم على سكناهم في الفؤاد غابوا وتركوا ضجيج .. الآهات .. والضحكات صدىً يتردد في ردهات الأحشاء فـ تنهار القوى .. من الذكريات !! حالة انزعاج اللحظة لـ سعد :confused: http://www.al-amakn.net/vb/uploaded/127_1238960884.gif ™ تشاوو .. يرحمكم الله |
من الحياة .. !!
يقال .. أن الحياة تمنحنا .. ثلاثة أشياء : الدموع .. والابتسامات .. والذكريات الدموع .. نكفكفها .. نمسحها .. فتجف الابتسامات .. ترتسم .. نشعر بها .. فتختفي لكن الذكريات .. تسكننا .. تبقى معنا طول العمر .. !! |
شيء من الغبار .. !!
مبطين عن الغبار .. صح؟! ;) حوطي أول مره يركب طياره تسددت إذنيه من نقص الضغط الجوي نادى المضيفه .. وقال : إذنيّ تسددت .. وراسي بدا يوش .. معاد أسمع شي !! :09: راحت المضيفه وجابت له علك .. وقالتله : هذا راح يساعدك شوي ويفك إذنيك المهم راحت .. وبعد شوي رجعت تسأله : هاه .. كيف إذنيك الحين؟! قالها : تمااااااام :122: .. تسنها خفت شوي .. بس عجزت أطلع العلك :110: << الذكي سد إذنيه بالعلك بدل ما يمضغه :p ^ ^ ^ شوفوا ترى عادي اللي بيكح منكم ويقول غبار .. لأني داري إنها تفحيط :D بس قلت مونكن :p يمر من هنا ناس ضايقه صدورهم .. وتعجبهم ويكحون :052: بعدين هي وقفت عليّ أنا وغباري؟! :( لنا أسبوع والجو غبار يعني ما فرقت :akn55: << ماودك تكتب قصه ثانيه :o يسعدكم ربي |
الحب .. !!
الحب .. سيد المشاعر .. بل كل شيء فيها فالحب يسودني .. ويسود قلوباً أخرى .. !! |
بالصراحة .. أنتم الأحلى .. !!
شرفني أخي العطشان مشكوراً بوضعي كأول الضيوف في موضوعه بالصراحه أحلى مع سعد الرجه هنا http://www.al-amakn.net/vb/showthread.php?t=68370 كما تشرفت بحضور بعض الأخوة والأخوات الذين منحوني شيء من وقتهم .. وتركوا كلمات تعبر عن مشاعرهم ورؤيتهم لسعد وما يطرحه .. وكم ابتهجت نفسي لذلك ولكن .. لم أستطع حينها إلا الرد على بعض الأحبة وهم : هاجر ... المتلألأه ... اتقهوى عذابك ... سندريلا ... نفحة العود وغبت بعدها خمسة أيام تقريباً لظروف .. وعدت ووجدت أن الموضوع قد أغلق .. مع أنه لم يتم تحديد عدد الأيام التي يغلق بعدها عموماً .. لا يهم .. يكفيني أن حظيت بهذا الشرف .. ولكن كنت أتمنى أن أعطي البقية حقهم عليّ في نفس الموضوع .. نظير ما أبدوه من مشاعر وملاحظات .. ولإيضاح بعض ما ذكر من آراء أحترم أصحابها وأتقبلها بكل أريحية فوجدت أن تضيء مدونتي بأسماءهم .. وحرفي لهم .. ببعض مما يستحقون . . . . |
мš. ấหốŭď .. !!
أختي мš. ấหốŭď (هلاليه والفخر ليه سابقاً :akn55:) / والنعم بحالتس أختي .. ولا تهونين شهادتس وسام أعتز فيه .. وأخوتكم بالنسبه لي هي التقييم والمكسب الحقيقي خاطرة (جهل وإلا خجل) .. هي رسائل مباشرة لمن لا يفهمون ما يقرأون .. أو يتجاهلونه .. لأولئك الذين أعيانا الكلام عنهم دون فائده ويسعدني رغم بساطتها أنها وصلت لكم بسهوله .. وأعجبتكم وبخصوص الردود سواء على مواضيعتس أختي .. ومواضيع كثير من الاخوان والخوات .. أعترف بتقصيري الكبير مع كثيرين .. والعذر منتس والجميع قلة التواجد .. سببت لي إحراج كثير .. حتى في كثير من مواضيعي تأخرت ما عقبت على الردود فيها .. لدرجة إني نسيت ان لي مواضيع أصلاً .. تصدقين؟ هههههههههههههههه كلامه كثير هاه؟! .. قصدتس هذرته واجد :D خلاص بحاول أخفف وما أكون قرقر كتيييير تشااوو .. صارت أساسيه عندي لأنها من سنين وتعودت عليها .. وجاي في توضيح سبب استخدامي لها في ردي على أخوي كحيلان بعد شوي ألف شكر يا غاليه على الوقت اللي خصصتي من وقتس لتشريف أخوتس بهالكلمات والدعوات الطيبه اللي اسأله تعالى إنه يجزاتس عليها خير ويجعل لتس منها نصيب |
صديق روني .. !!
أخوي صديق روني :D (المانشستراوي) / الله يعز مقدارك .... الروعه منكم وفيكم .. الله لا يروعك بـ شر :p حضرتك مبسوط عشان سعد مختاره العطشان أول شخصيه .. يا كثر ما تنحاش ما ودك تصير في أول السرا؟! :110: << وين تفتيش؟ :o شف بالنسبه للتواجد لك حق .. تواجدي في الفتره الماضيه والحاليه صاير زي قلته .. ووالله موب ثقل ولا شي .. لكن أحيانا يجيني عجز مدري وش يبي .. وأقوم أدف نفسي دف عشان أجي أدخل << بداية تخبيط :D أما من حيث الصراحه ياهي دهورتنا .. لأنها تزعل أحيانا حتى لو تحاول ما تجرح فيها أحد .. وتتكلم بدون تحديد أسماء للصالح العام للمنتدى .. ما تسلم من بعض النفسيات الابتسامه .. هي محاوله من أخوك لإخراج البعض من جو الرسميه .. وأحيانا يكون أحد جاي ضايق خلقه من شي بدنياه فيلقى شي يوسع صدره ويفلها لو لحظات .. يعني ببساطه من باب سعة الصدر نحاول نمزح ونضحك ونمون على بعض .. حتى لو اعتبرها البعض سماجه وإلا ثقل طينه .. عادي وعلى قولتي يوم درعمت مره واستشعرت .. طلعت بذا البيت اللي من جنبها تعبيراً عن الوضع : ناس (ن) خلقها الله تحب الوناسه :157: ...... وناس (ن) ماعندها الا عقدة حجاج :mad: على طاري مواضيعك ومن كثرها .. انت لو تترك الشخبطه على ذا الجدار اللي انتي مستلمه في اللاند وتركز في شي .. بتطلع لك بمواضيع تستاهل :8b48593a21: بس شكلك مثلي .. فيك عرق زول :p ههههههههههههههه بالنسبه لتشااوو .. ليه كلكم تحسبونها عطسه؟ :110: << بلاهم لاعبه فيهم الحساسيه :052: والا تدري .. ايه أعاطس <<بيعانده :akn55: >> عشانك إذا دخلت الموضوع فحطت وغبرت علينا << بدا يتمنذل شوي ويبلغ عنه إنه يدور بين السيارات ;) لا هنت يا غالي على حضورك .. وكلامك شهاده أعتز بها .. لا خلا ولا عدم يوفقك ربي ويرعاك |
أبو دحيّم .. !!
أخوي أبو دحيّم :D (خيالك) / ولا عليك زود يا غالي .. ما به روعتن بدونكم .. انتم الروعه كلها وأنواع التخويف :p قصدي الواحد يخاف ما يجيب شي يعجبكم ;) << يمديك على التصريفه؟ :8b48593a21: المرح .. جزء من نشر الفرح .. فنحن نأتي هنا ونلتقي .. وكل منا قد واجه في يومه ما واجه من تقلبات الحياة .. فيكون هناك من يحمل الحزن بداخله مثلا ويبحث عما يخرجه من جو الكآبه ولو قليلاً .. وقد يجد منا ما يرسم الابتسامة في قلبه قبل محياه ولو للحظات صدقني .. نضحك أحياناً .. وفي القلب ألف جرح وعلة .. فقط لنخرج من تبعات الحزن .. وعذابات الهم إن كنت لا ترى في أخيك .. سوى سلبية واحدة بقلة التواجد .. فهذا كرم منك .. وإلا أخيك بشر لا يخلو من العيوب التواجد .. هي الظروف النفسية والاجتماعية .. التي قد تحد من الحضور .. وإن حدث الحضور فهناك ما يجعلني حذراً في التعاطي مع البعض .. بعدما أصبحت الصراحة مكروهة .. والصدق منبوذاً .. والأمور تؤخذ بشكل شخصي حتى وإن لم تستهدف أحداً بعينه .. غير ذلك .. يبقى في فمي ماءاً عن أشياء لا تسر الخاطر ولن أنفثه :01001: أما ما يخص أمنيتك بأن يكون لك ربع قلمي .. فرجائي أن لا تقسو على أخيك بهكذا إطراء لديك قلم جميل يحكي أحاسيس أجمل .. وتعرف أن لكل منا أسلوب يخصه .. لذا تختلف الأطروحات كما هي الذوائق باختلاف أصحابه .. وقلمك يبقى ذو بصمة لا تخص إلا خيالك كل الامتنان يا نقي على فيض مشاعرك الأخوية .. وكرم كلماتك وإطراءك .. والكلمات مني أيضاً لا تفيك حقك ولكن يكفي أن تعرف أن لك مكانة عند أخيك لا تقل عن مواضع النجوم أسعدك الله في دنياك وأخراك ووفقك |
وهم الشمال .. !!
أخي وهم الشمال / جميل أن نقرأ بعضنا من خلال ما نطرح .. قرأتك مراراً في مدونتك الأنيقة بمحتواها :122: .. وأتذكر أنني قرأت لك ذات مرة وفي عبور سريع من خارج المنتدى .. رائعة بعنوان "لعل الحروف أصابها الصمم" .. ولم يكن قلمك فيها صغيراً .. قرأتها وأعجبتني وعزمت حينها أن أتواجد فيها برد بسيط عند أول دخول لي .. ولكنني أطلت في العودة حينها ولا أعلم ما أشغلني عنها بعد ذلك .. ويشهد الله أنها ليست مجاملة ولكن ها أنا .. أتشرف برأيك وكلماتك وتقييمك .. من خلال قراءتك لسعد من خلال أطروحاته البسيطة بالنسبة للإطراء الزائد كما تراه أخي .. لا أخفيك أنني أشعر بالإطالة أحياناً .. ويعلم الله أنه ليس تملقاً أو شعوراً مزيّفاً نحو من يكونون موضع الإطراء لكن هو في نظري شيء مما يستحقه كل من شرفني برد في أي أطروحة لي وإن كان رداً على خاطرة أو موضوع لأي عضو .. فهو ليس إلا تفاعلاً حقيقياً مع ما قرأت .. فأنا وأعوذ بالله من هذه الكلمة .. لا أحب الردود المختصرة ولا يهمني عدد مشاركاتي بقدر اهتمامي بما أكتب ومع هذا .. لن أتجاهل ملاحظتك .. وسأحاول قدر الإمكان كبح جماح حرفي من الإسترسال :D ممتن لروحك الطيبة على ما تفضلت به واسأل العلي القدير أن ييسر لك أمورك ويوفقك لما تحبه وترضاه .. ويوفق نصرك الذي تحبه ;) |
| الساعة الآن 12:50 PM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.