ادورك كل يوم وبدمع عــيني آجود
ياســـاكن الروح ما عاد بعد اداري

وارفع كفوفي بركوعي والسجود
واطـــــلب مرادي من كريم باري

اشوفك واقف جنبي يا ندي العود
واضحك لعينك وهي لعيني تباري

لا قلت وينك لبى القلب موجـــود
حولك لا تلفت يمــــــيني ويساري

اريدك تحتضني بعــــــينك والزنود
وانثر على صدرك ورودي وازهاري

ان كان لك عندي دين تراه مسدود
وان كنت بايع الود بالروح انا شاري

اعذرني ان قصرت من غير مقصود
ابغي السموحه واقدم جل اعتذاري