قالوا تحبه قلت ماهو بالحيل=بس انه اغلا شوي من نور عيني
يسوى جميع الجيل الاول وهالجيل =واحبابي الماضــــين والمقبلــــين
شوقي له اعظم من ظما الارض لسيل=واشفق عليه اكثر من ام الجنيني

أنا حبيبي بسمته تخجـل الضَّـي=يكسف سنا بدر الدَّجى من جبينه
راعي العيون الناعسه رمشها فيَّ=لا سلهمت ذاب الهوى من حنينه
له نظرةٍ لاهي سـراب ولا مـيَّ=راعي الهوى تِفنى وراها سنينـه
نور الصَّبا يابسمة الدَّار والحـي=نوره على شمس الضَّحى مستبينه
دامه معي كل القرايب فأنا حـيَّ=بالروح أضُمَّه يوم قلبي ضنينـه
ياصاحبي لاتِنشد الرَّوح عن شيَّ=أنا حبيبـي نـور كـلَّ المدينـه

ياضايق الصَّدر بالله وسِّـع الخاطـر=دنياك يازيـن ماتستاهـل الضَّيقـه
الله على مايفـرِّج كربتـك قـادر=والله له الحكم فـي دبـرة مخاليقـه