http://www.al-amakn.net/vb/uploaded/127_1227988278.jpg



أوقاتكم كلها سعادة :)


صفحة مختلفة هنا .. ستكون متنفس لي .. وبخط مغاير <<نسخ والا رقعه كح كح كح :052:>> .. ولكنها لن تختلف عني

ببساطة .. ستمتزج فيها الثرثرة والهمسة والابتسامة .. وغالباً من وحي الصورة


وأتمنى أن يجد كل من يتفضل بالتوقف في هذه المحطة .. ما يسرهم

وإن لم يرق لهم ما تحتويه هذه الصفحة .. رجائي ألا يأخذهم العتب أو "يتملكم الغضب"

فالمسألة لا تتعدى بوحٌ ذاتي .. يخص شخصي المتواضع


فضلاً .. لا أمراً .. من لديـ/ـهـا ملاحظة أو رأي .. سأتشرف بها برسالة على الخاص


خالص الود والاحترام

المصافحة الأولى .. نكته عجبتني


محشش .. يغش في الاختبار من مصري

قاله المصري : إنئل دي <<يعني إنقل هذي



كتب المحشش :

N. L. D

:D:D:D


لحد يكح :p

http://www.al-amakn.net/vb/uploaded/127_1227990075.jpghttp://www.al-amakn.net/vb/uploaded/127_1227990008.jpg



نهنيك ..
وإلا نهني الضفدعه؟!

بالنسبه لك
هذي لحظه ممتعه
وهو في عيونك ما أروعه
ولبعضنا
اللقطه مفجعه
لكن دامك انتي سعيده
والضفدع لقى له أحد (ن) يدلعه
ما لنا إلا نقول

الله يهنيك .. ويهني الضفدعه !!


ويخليكم لبعض :D

http://www.al-amakn.net/vb/uploaded/127_1227990121.jpg

http://www.al-amakn.net/vb/uploaded/127_1228071369.jpg



ذات لقاء
تفتحت الزهور
وغنت الطيور
وشع للشمس سناء
ونبض القلب
من شمس الصباح

وأصبح مختلفاً
ينعم بالارتياح

من ذلك اللقاء




بقلمي

موقف طريف :157:


اليوم في المكتب .. جاني واحد من الزملاء من قسم ثاني .. معه أوراق ومستعجل .. قال :

النيميل يشتغل عندكم؟!

أنا كلّجت <<عاد هي أول مره :052:>> يوم صمخني بالسؤال .. وقلت :

موظف جديد ذا وإلا وشو؟! :110:

قال لا يا شيخ :mad: .. تتريق انت .. النيميل؟ .. ما تعرفه وانت مسوي فيها تطقطق على الكنبيوتر :mad:

عاد أنا يوم شفته مطيّح الميانه بس بعصبيه .. ما خليت طبعي :D .. وقلبتها تريقه عليه مع إني لحظتها مدري وش يبي :052:

قلت ياخي عطنا اسمه الرباعي ونشوف لك الرجال يشتغل بأي إداره وأي قسم .. موب جايب لي اسم العايله وتقول يشتغل عندكم !!

قفلت معه زود :mad: .. قال لا تضيع وقتي .. ما فيه أحد غيرك اسأله؟! :110: .. وحسيت إني فعلاً تهزأت في مكتبي :09: .. بس عديتها له وقعدت اسأله وش يبغى بالضبط

آخرتها .. بعد التحقيق معه :p .. اتضح إنه يبغى يرسل " ايميل " :D .. وبيشوف النت كان شغال عندنا وإلا لا !!



يا أنا ضحكت عليه ضحك .. فرصتي أرد التهزيئه :157:



لكن تبون الصراحه .. في مسميات التقنيه .. خذوا وخلوا .. يا كثرهم اللي يخبصون بالمسميات


أتذكر واحد يسمي .. الهاردسك .. هارديز خخخخخ .. شكله جايع :p

وواحد ثاني .. جاي يتميلح عندي .. يقول أبشرك صرت أشتغل على السنكرز .. قصده السكانر اللي هو الماسح خخخخخ .. والله

http://www.al-amakn.net/vb/uploaded/127_1228247240.jpg



يظل غيابهم
عندي
كالحضور تماماً
لا ..
إنه أكثر
فحين يغيبون
أفتقدهم
بشكل أكبر
حينها
أدرك فعلاً
أنهم حاضرون
في قلبي
ولم يغيبوا أبداً
إلا .. بأجسادهم !!

http://www.al-amakn.net/vb/uploaded/127_1228258120.jpg


حطمتني
حطمت قلبي
كل شيء
بداخلي
من حولي
وفي عيوني !!




بقلمي .. عنها :(

http://www.al-amakn.net/vb/uploaded/127_1228353362.jpg


خلوني مع الهم يبغاني ..... تعود على جوي ما يفارقني :(



حرفي

موقف عائلي بس موب للسيارات :D


http://www.al-amakn.net/vb/uploaded/127_1228606298.jpg


في اجتماع عائلي قبل ليلتين .. حدث موقف طفولي .. بدا برومانسيه وانتهى بنكد خخخخ :p


اللي حصل .. على العشاء .. كان فيه ولد أخوي عمره حوالي ثلاث سنوات .. وبنت أخوي الثاني بنفس عمره تقريباً

ثنينهم كانوا جالسين بجنب بعض على العشاء .. وش ملحهم كنهم كناري :56wat_7cc_0(24):


أبوالشباب اللي هو الولد .. كان مسوي فيها جنتل .. وأتيكيك :D .. مدري وشو .. أو إن قصده يسلك من بدري وراسم على البنيه :110:

فلأجل يوضح هالشي .. قام ياخذ من الأكل ويعطيها في فمها من زود الاهتمام .. وكانوا مبسوطين وأشكالهم تجنن :01001:

شوي .. مدري هي البنيه .. خقت معه وطاحت سعبولتها من الدلع والهنا اللي كانت فيه وصارت مفهيه :o .. وإلا طلعت النذاله :052:

المهم .. والرجال منسجم وهو يحط الأكل في فمها والابتسامه شاقه وجهه للاخر .. عضته بنت عمه خخخخخخ :110:

وتقفل معه الضعيّف .. ويدنها بتسوه :09: .. ويتنكد ويقوم من العشاء ما كمله .. بعد ما انسدت نفسه من ذا الحركه :(


ما عليها شرهه .. سحليه صغيره :p


بس شكله صرف نظر :157:

http://www.al-amakn.net/vb/uploaded/127_1229037438.jpg


قلبي كالزجاج
إن حطمته
سيجرحك !!

استكمالاً لكلمة " النيميل " وطقتها :D



من الأشياء اللي تخليني أضحك غصب .. وأنبسط إذا سمعتها .. إذا أحد ما قال كلمه صح .. يعني بدل أماكن الحروف وهو ينطقها :157:


http://www.al-amakn.net/vb/uploaded/127_1229040251.jpg


قبل العيد بيومين .. واحد من الشباب .. مسكت مع أهله قالوا بيغيرون فرشة غرفه عندهم .. قالي إلا تروح معي أشتري قطعه .. المهم لزم وخاويته

رحنا .. لمحلات الموكيت .. وقاعدين ندور بين المحلات .. وندخل محل ونطلع للثاني وعلى هالطريقه

في واحد من المحلات .. كان فيه صعيدي زي العسل .. استقبلنا كأي بائع في محل .. يحاول يغرينا بالنوعيات اللي عنده
لكن اللي بسطنا أكثر .. لهجته العفويه اللذيذه .. الصعيديه طبعا <<أحد قال إيطالي :052:


سأله خويي عن نوع موكيت عجبه .. بكم ووش نوعه .. المهم قالنا السعر .. ما عجب خويي وكان متردد

قال الصعيدي :

" انت اتفرد <<اتفرج>> وشوف إزا فيه حاده عادباك <<حاجه عاجبتك

وبرضه فيه عندنا ( التكلود ) كمان .. إزا انتا عاوز تتفرد عليه وتختار "


هو قال التكلود .. كعيتها ضحكه لا إرادياً .. أدري إنه يقصد الكتلوج خخخخخ

بس غصب ضحكت .. وضحك خويي مع ضحكتي لأنه عرف السبب .. والرادل .. قصدي الراجل <<شكله تأثر من اللهجه>> طالع فينا باستغراب :(

وعلشان ما نحسسه إننا ضاحكين على كلمته .. طلعت لي بسؤال ما لأمينه داعي .. يقالي بأغير السالفه

سألته : إلا انتم متى تقفلون؟! خخخخخ .. سؤال ما له دخل .. بس نفع :D


عاد اللي زي كذا كثيرين .. يعكسون الكلمات .. مثل اللي يقول تنكلوجيا .. وإلا كنبيوتر

أعرف واحد يلخبط أبو الجنسيات

يسمي الإندونيسي .. اندلوسي ... والباكستاني .. باسكتاني <<ما فيه أمل يشتغل سفير خخخخخ

http://www.al-amakn.net/vb/uploaded/127_1229124938.jpg



الحب

يبقى مجرد كلمة
إلى أن تلتقي بمن يعطيك معناها !

http://www.al-amakn.net/vb/uploaded/127_1229124975.jpg


إن كنت تحبها
فأخبرها
لأنها لن تنتظرك .. للأبد !!

أسباب الغياب


من أسباب الغياب في الفترة الماضية .. وعكة صحية .. وطبعا بعض المشاغل :akn55: << مشاغل والا خياطين كح كح <<يا قدمك


http://www.al-amakn.net/vb/uploaded/127_1230403210.jpg


يالله إنك تحييه .. وين الغيبات؟ :)



أبد والله .. الشر ما يجيكم مع إنكم ما قلتوا سلامات .. بس بأريّش نفسي نيابتن عنكم :122:


ذا البرد كسافه .. وما خلا الواحد يتحرك .. من كثر اللبايد اللي علينا <<تكلم عن نفسك>> والملابس اللي متغمغمين فيها الواحد يالله يلتفت .. صايرن كنه ضبعه :p .. ويا ليتنا على كذا دفينا

الواحد طقطقة ضروسه .. تنسمع من بعيد .. كنها قرقعة فناجيل قهوة في طوفريه شايلتها سحليه رفلا بتدخل على عريسها التمساح لزوم الشوفه الشرعيه :052: <<أم التشبيه ومسكة الخط اللي ما لها داعي


المهم .. إن ذا البرد طرت عليه .. وقدر الله إنه يدخلني <<وين جني>> بعد العيد على طول ومع بداية الدوام تمسكني ذيك الحمى .. وحدي أنا وياها نتجادل أقولها فكي وأفك و هي ملزمه في مسكتها .. ومير أصير طريح الفراش << على الأقل أحسن من طريح الحب خخخخخخ

وبعد مداولات مع النفس .. وإصرار الأهل والأصدقاء .. قررنا بعون الله .. أن أروح للتختور :D

استعنا بالله ورحت .. وبعد تقليب وتفحيص وتمحيص .. وشقلبه على السرير .. وكمان كح وأخواتها .. ومن ذا الحركات .. تعصر التختور وقال : انت فيك برد !! :confused:

من زود الغثا اللي فيني والغلقه والتعب .. بغيت أتعنقط في سماعته .. وألفها على رقبته .. وأعضه من القهر :mad:

الحين انت وصلعتك .. ذا اللي أجهرت عيوني كنها كبس استراحه .. يقالك جايب شي جديد انت ودمجتك .. أنا جاي وداري إن فيني برد <<الأخ ثلاجه؟ :p

عودت قلت يا ولد تعوذ من ابليس .. وطنش .. لا يتهور الحين ويعطيك إبره :052:

ويريد الله إن اللي خفت منه يصير .. مدري وش فيه تسلط حزتها وكتب لي في الوصفه .. مغذي بكبره مع أربع إبر أخرى :09:

والله إن هذا اللي صار .. أنا ما همني ذا المغذي .. لكن باقي الإبر وين بيكون مكانها! :052: .. سؤال أرهقني وقتها أكثر مما أنا منرهق

وسألته : يا تختور .. ذا الأربع إبر إذا له فعلا داعي .. وين بتكون؟!

على طول جاوب زي الطلقه .. قال : في العضل !! :110:

بديت أفكر ثانيه .. أي عضلات بالضبط يقصد ذا المتهور؟! :052: .. وطبعا ما خليته .. حجرته بالسؤال اللي سدح نفسه بجنبي لحظتها .. وقال :

العضلات السفلية أكيد !! :09:

هو قال تسذا .. على طول جاني شد عضلي وهم ما بعد سووا شي :dtj:


عاد وابدا في مفاوضات مع التختور .. وأنواع القردنه .. ود أبوك .. رد أبوك .. يا حبيب .. يا لبيب .. دور غيرها

وفي الأخير .. حسيت إني أول مره أفوز على تختور :157: .. بعد ما أقنعته إن ذا الأربع إبر .. أفضل لي ولهم .. تكون مع المغذي .. وإلا رحت أتقضى من تخاتره غيرهم في مستوصفن ثاني

عاد هم خافوا يخسرون زبون <<منتب عاقل يالتاجر>> عشان تسذا .. وافقوا يحطون المغذي .. ويصبون باقي الإبر في الجيك اللي فوق وتدحدر مع الانبوب حقهم في الوريد <<أحلى يا مثقف ياللي بديت تعرف وريد وحركات :p



وعلشان ما تفهمون غلط .. وتقولون وش ذا الناعم خواف .. وصاجنا بذا السالفه عشان إبره .. وصاير خكا في آخر أيامه :akn55:

لزومن لزوم .. أوضح لكم إني ما تهمني لا الأبره .. ولا العضلات .. ولا التختور نفسه << اقعد يالقوي :o


المشكله وشي .. ببساطتن بسيطه :

إني أول شي ما أحب سحليه ممرضه .. تقوم من الباب للطاقه .. ترز خشتها وتلمس عضلاتي :o <<من زينك انت وعضلاتك

الشي الثاني .. ما أدري وش يجيهن ذا الممرضات .. من يوم يقربن عند عضلاتي يصيبهن بلا .. مدري هن يتنافضن عشانها عضلات تمساح .. لأجل تسذا ما تضبط الإبره في المكان الصحيح في العضل
وإلا هي بس من قل الدبره اللي فيهن ومن زود الرفاله .. وشكل هذي أقرب شي :052:


لأن آخر مره عطوني إبر في العضلات .. كانت في رمضان .. مع إنها كانت إبرتين بس في العضلتين اليمين واليسار .. لكن ذيك السحليه الممرضه اللي نفذت العمليه .. خلتني أحس تسنها حافرتني بدريل موب إبره :mad:

أتذكر إني طلعت من عندهم وقتها .. وأنا أمشي غلط .. تسن أحدن يمشي وراي ويلحطني بسلسله .. حدي أبترم يمين ويسار .. كني سيارات التصادم ذيك اللي في الملاهي :p

فهذا الشي .. ما سبب لي عقده من الإبر .. أبداً .. لكن خلاني أزيد في الحذر والحيطه <<وين بتشوت فاول؟>> من الممرضات السحالي .. خصوصا الرفلا منهن ;)



شكلي طولت في الهذره .. صح؟! << ناسي إنها صفحة الدونات :D حقته

http://www.al-amakn.net/vb/uploaded/127_1230667864.jpg


تساءلت ..
هل نكره الحب؟!
هل نقوى الحياة بلا قلب؟!
فقلت :
بالطبع لا ..
ما هذا الهراء؟ !!

ثم عدت .. وتساءلت ..
إذاً لما نقسوا
على من نحب
أليكرهونا؟!
أم ليكرهوا الحب؟!


تساؤلات أرهقت فكري وقلمي :confused:

دكتور قلب .. تقاعد .. وفي حفل تكريمه حطوا صورته داخل قلب كبير

واحد من الحاضرين ميت من الضحك .. سألوه : ليش تضحك؟

قال : أنا دكتور نساء وولاده .. وبأتقاعد الشهر الجاي .. وين بيحطون صورتي؟!!

:D:052::D

الإبتسامة .. مرضُ معدي


http://www.al-amakn.net/vb/uploaded/127_1230924688.jpg


الإبتسامة .. حالة معدية .. قد تصيبنا بسرعة .. كالإنفلونزا مثلاً !!

كيف؟

اليوم .. عندما ابتسم في وجهي شخص عابر .. بادلته الإبتسامة .. وبكل أريحية

وفي مكان آخر .. رأى شخص آخر أيضاً .. ابتسامتي .. ثم ابتسم هو بدوره

حينها .. أدركت أن للإبتسامة قيمة كبيرة

رغم أنها لا تكلفنا شيئاً .. سوى تحريك عضلات الوجه

واقتنعت أيضاً .. أن الإبتسامة قد تعم العالم بأسره .. حين نتبادلها

وتنتقل عدواها بيننا .. من شخص لآخر .. فماذا سنخسر من رسمها على وجوهنا؟!


وقبل كل هذا .. وبعده ..

أليست الإبتسامة في وجه الآخرين " صدقة " ؟!!


http://www.al-amakn.net/vb/uploaded/127_1230924736.jpg


يعني على بلاطه :akn55: .. فكوها شوي .. وبلاشي تكشيره .. موب الواحد منا يناظر العالم بربع عين .. كنه يكد عليهم :(

ولو يبتسم في وجهه أحد .. خزه بنظره :110: .. يا دافع البلا .. زي اللي يقول .. خييييييييير وش تبي؟ :052: << ياخي اركد والله لو إنه قايلن سلفني :D

http://www.al-amakn.net/vb/uploaded/127_1230924819.jpg


همت وحيداً
كسحابة تسوقها الرياح
بلا اتجاه
لم أكن أبحث عنك
فكيف لي ..
وأنا لم أجد نفسي بعد؟!

http://www.al-amakn.net/vb/uploaded/127_1231099967.jpg


الحب كالزلزال
لا يمكن التنبؤ به
مخيف حين يأتي
وإن أتى يكون مفاجئاً
يرعبك
يهزك
ولكن ما أن ينتهي
وتصحو من هزاته
تنظر حولك
تتحسس آثار الدمار
ثم تشكر الله الذي أنجاك منه
وتدرك أنك محظوظ
لأنك نجوت
حتى وإن .. تكبدت بعض الخسائر !!

نكته .. للكحه :D



حوطي تعرف على بنت اسمها زهره ... سألها :

وش اسمتس؟!

قالت : اسمي تلقاه بكل حديقه !!


قال : مراجيح؟! :052:



بدون ضحك لو سمحتوا .. كحه ممكن :o << أشوى إن ذا الغبار في دوناتك وإلا تسان علوم :p

رسالتي إلى .. كل من حُـطّـِمت قلوبهم :


http://www.al-amakn.net/vb/uploaded/127_1231525915.jpg



ستبقى قلوبكم محطمة .. بقدر ما تريدون أنتم .. باختياركم

وستتعمق الطعنات بداخلها .. بقدر ما تسمحون لها ..

ويبقى التحدي الحقيقي ليس في تجاوز الحطام .. الذي خلفه أشخاص رحلوا

ولكن في الاستفادة من الدروس!!



كفى الله قلوبكم شر الغدر

http://www.al-amakn.net/vb/uploaded/127_1231525988.jpg



تعالي
لامسي قلبي بحنانك
واهمسي له
واملأي فنجان حرماني
بحبك
لأرتشفك
وأنعم بلمسة بنانك

تعالي .. ولو في الحلم
لنعانق النجوم
لتنقشع الغيوم
وظلام الحرمان
بعذوبة أنفاسك
بقربي !!



ثرثرتي .. ولا حلل الله اللاطشون

صور استفزتني .. فثرثرت مداعباً :


http://www.al-amakn.net/vb/uploaded/127_1231699525.jpg
http://www.al-amakn.net/vb/uploaded/127_1231699007.jpg


يعني كل هذا حب؟!
وإلا طيبة قلب؟!
وإلا عقول تعبانه؟! :confused:

يا هوووه ارحم :D
ترى فينا ناس
محتاجه لفتة حب
لقلوب عطشانه
وإلا يعني ما لنا رب
أو حنا ناس كحيانه؟! :052:

يا هي عقول ما لها طب
ويا هي أخلاق منهانه
وإلا أجل ذا التسلب
يعيش أجمل أزمانه؟! :(
وحنا من الحرمان
والتطنيش
فينا الأشواق ذبلانه !! :09:

وإلا تدرين عاد
ياللي مسويه حنونة قلب
وقهرتينا علشانه
يا عسى ذا التسلب
تقفل معه
وتقل خاتمته
ويمزمز عليتس بأسنانه !! :mad:




ثرثرتي وأدري من جنبها :o .. ومع هذا لا حلل الله اللاطشون !!

http://www.al-amakn.net/vb/uploaded/127_1231976642.jpg


فقدت الحب بطعم الحياة
دون شعور بجوع البقاء
أمضي ليلتي بشمعة واحدة
تشع بالأمل
تسقط دموعي بلهيبها
وكلما ذابت
وأوشكت على الإنطفاء
بدأت روحي تفقد جماليتها
وبدأ قلبي يترنح
فتشرق الشمس
لتزيح الفجر
بعد ليل ثقيل
وعناء طويل
وأنا
أنزف بلا توقف
وسأظل أنزف
حتى موتي
وإلى تلك اللحظة
سأشعل شمعة ذكراك
كل ليلة
وسأبكي نزفي
وسيبقى قسمي لك
بالوفاء
يهمس لروحي
في كل لحظة
يؤنبني على رحيلك
بلا ذنب إقترفته أنا
ويحتم عليّ بقاءك
بداخلي
لذا
لن أدعك تتركيني
حتى وإن رحلتِ
فقلبي سيبقى يحتويك
وأنا
كل مساء
سأشعل شمعة ذكراك
وأسامرها !!




ثرثرة عشوائية لإحساسي .. فلا حلل الله اللاطشون

http://www.al-amakn.net/vb/uploaded/127_1232138024.jpg



أسعد الناس في الحياة .. ليسوا أولئك الذين ليس لديهم مشاكل
ولكنهم
أولئك الذين يعرفون كيف يعيشون بـأقل الأشياء !!

والسعادة تبدو دائماً صغيرة حين نعيشها لوحدنا
ولكن
حين نعرف كيف نشرك الآخرين معنا .. فيها
سندرك .. عندئذٍ .. حجم قيمتها ومعناها الحقيقي !!

عن الحب !!

http://www.al-amakn.net/vb/uploaded/127_1232143647.jpg



الحب أجمل من الورود
وأعمق من المحيطات
وأقوى من الأعاصير
لكنه خجول
كالنسيم العليل

حقيقي كأنه صورة
ومع ذلك لا يمكن رؤيته !!

الحب أكثر جمالاً من أي شيء
ملموس .. لكنه كالحلم
محسوس .. لأنه يجلب الألم
ثمين .. كجوهرة نادرة
طاغٍ .. كموجة هادرة
رابط بين قلبين
اندماج روحين
سيمفونية مشاعر

الحب مشاركة في كل اللحظات
وتخطي لكل المنغصّات
سوياً

يجعلك تنظر إلى نفسك في المرآة
كأنك شخصين بروح واحدة

ويجعلك تنظر إلى من تحب
وكأنكما روحٌ واحدة في جسدين

إنه لملمة الشتات
وأروع ما في الحياة

إنه الحب !!

شعوري .. هذا المساء !!


http://www.al-amakn.net/vb/uploaded/127_1232220442.jpg



خليطٌ غريب من المشاعر

نقيضٌ .. لم أعتده .. إلا نادراً

بين .. اكتواء جرح .. نكأته الذكرى .. فبكى القلب .. بلا دموع

وفرحةٌ .. تنتظر رقصة الانتصار .. فقتلها الألم

حزنٌ نصب خيمته على شاطىء الاشتياق .. للحظات العناق

فرحلت الابتسامة مجبرة .. بعد أن تبدّل الأمل يأساً

صرخةٌ مدويّة .. تختلج بين أضلعي .. تبحث عن مخرج .. علّها تـُسمع

لتبوح بمكنون تكتظ به الروح .. من كبت أصابها وصدمات

فيتوقف النزف قبل أن يبدأ .. لجفاف أصاب العروق


تباً لك .. يا هذا الشعور .. لما أتيت هذا المساء؟! :confused:





الثرثرة تخصني .. كهذا الشعور نفسه .. فلا حلل الله اللاطشون !!

روعة الصمت !!

http://www.al-amakn.net/vb/uploaded/127_1232220521.jpg



الصمت يهدئ من روع قلبك

فهو كالكف الحنونة التي تعالج جراح الروح

يقوي روحك .. ويأخذك إلى عالم آخر .. يسوده الهدوء .. والسلام !!


إذاً .. فلتسمح لي أيها الصمت .. كوني سأركن إليك .. لبعض الوقت !!

أميرة القلب والحب

http://www.al-amakn.net/vb/uploaded/127_1232480827.jpg

لها قلب متوهج
كلهيب نار في ليلة شتاء
ترفرف بحنانها
كفراشة في روضة غناء
لها مشاعر جامحة
حد السماء
تعشق الضحك
وتختال بالغرام
ولا تخجل البكاء
تسلب القلب
والنظرات بلا عناء
تترك لجسدها
حرية التعبير بجنون
للمكنون
وبهمسات حالمة
أرق من الهواء

إنها أميرة القلب .. والحب !!




ثرثرتي .. ولا حلل الله اللاطشون

http://www.al-amakn.net/vb/uploaded/127_1232666770.jpg



الكلمات القاسية لا تكسر العظام ..

ولكنها تحطم القلوب !!

http://www.al-amakn.net/vb/uploaded/127_1232666722.jpg



طريقتك مجنونة
وأحبها
حين تأتين في الحلم
وتخففين الألم
عن قلب أعياه الصبر
وجفن أظناه السهر
من غيابك !!

اليوم صار موقف طريف <<طريف وإلا عرعر كح كح<<من أولها غبار؟ :052:>> وقلت لازم أهذره عليكم .. هو ينرفز شوي .. بس يوسع الصدر لأنه يدل على دلاخة الطرف المقابل في بعض الحالات :p


واحد من الزملاء في العمل .. اتصل عليّ بالمكتب .. رديت عليه .. سلام وعليكم السلام .. ووش الأخبار ووشلونكم ومن هالمشوار اللي مخسرن السعوديين في المكالمات ومكسبن شركات الاتصالات <<مسكة خط دائمه في السلام :09:

المهم بعد حوالي دقيقه أو أكثر من هالحتسي .. طلع بسؤال من جنبها .. زيه طبعا <<أمحق ميانه>> حسيت انه شق جبهتي بذا السؤال وفكرت أرزع بسماعة التلفون وأصكها بوجهه :mad:


قال : انت فيه؟!!!

قلت : لا .. لحظه بأروح أدورني في المكاتب الثانيه .. وأناديني علشان تكلمني :110:

نعنبو قلبك من اللي رادن عليك ويحاتسيك من اليوم .. انت مهبوول وإلا دلخ؟ .. وش ذا السؤال؟!

عاد هو تفشّل وحسيت انه طاح وجهه وراح يلقطّه :D .. بتقولون وش دراك؟ .. لأني سمعت صوت شي ثقيل ينشال عند التلفون خخخخخخخ :p <<وجهه كبير :o

ويقاله بيصرفها .. قال :
لا أنا قصدي انت موجود .. لأني بأجيك؟! :dtj:

طلع نصاب .. وفعلا مصرّفها .. لأنه قضى الدوام ما جا :110:



ما علينا .. هذا بأتفاهم معه بعدين <<يا ويله ماسك عليه شي الحين ;)>> .. لكن ذا السؤال يذكرني بأسئله غبيه .. نسألها لبعض بشكل يومي .. بدون ما نحس إنها قمة الدلاخه :confused:

زي مثلا .. الواحد إذا دخل على أهله وإلا ناس يعرفهم .. وقالوا له : انت جيت؟!! :110:

أجل من ذا اللي قدامكم انت وياه .. أنا وإلا شبح <<شبح وإلا بانوراما كح كح <<يا قدمك :p

http://www.al-amakn.net/vb/uploaded/127_1232826240.jpg


الشخص المبتسم دائماً

لا يعني أنه بلا مشاكل أو جراح

ولكنه .. يملك القدرة على تجاوزها

لذا فهو يبتسم !!

http://www.al-amakn.net/vb/uploaded/127_1233006858.jpg


كي أستمتع بيومي
أحاول القيام بدوري
لأعمل الفارق
أسعى بقلبي
لألامس قلب جريح
وفي الحزن غارق
فهوايتي
أن أرسم الابتسامة
على وجه جميل
وغايتي
أن أجلب الضحكة
لقلبٍ عليل
من همٍ فيه حارق

إذا ركلت من الخلف فاعلم أنك في المقدمة !!


وأيضاً


كثرة حسادك دليل نجاحك !!

لا كذا عاجب

ولا كذا عاجب

فـ كل الاحوال

ظلم وتجني

لا .. وفيها بعد

رفعة حاجب !! :j11:


:D

لا يمكنك أن تجبر شخص ما .. في محيطك .. على محبتك

وكل ما يمكنك فعله فقط هو أن تكون شخصاً يُحَبْ .. أما الباقي فيعود للشخص الآخر نفسه

وحين يرزقك الله نعمة حب الآخرين .. فإما أن يحبك مثلهم .. أو .. أن يكرهك لأنهم أحبوك

وفي كلا الحالتين ستربح بالتأكيد .. فإما أنك ظفرت بقلب محب يضاف إلى رصيدك من الأحبة

أو اكتشفت كره عدو آخر عليك أن تتجاهله وتنأى بنفسك عنه


وفي نهاية المطاف .. تدرك أيضاً أن المشكلة ليست لديك أو بينكما .. وإنما مشكلته هو مع نفسه !!

المصدر : جريدة الرياض ، الأثنين 7 صفر 1430هـ

http://www.al-amakn.net/vb/uploaded/127_1233606553.jpg



معلومة مهمة .. لفتت نظري اليوم .. وأنا أتصفح جريدة الرياض

مصححو اللغة في الجرائد

فتساءلت .. إذا كانت الصحف الرسمية الكبرى وهي تضم كتابات لكتاب ومحررين كبار في مختلف المجالات .. تخصص أقسام خاصة للتصحيح ،

فماذا نقول نحن هنا؟! << يابن الحلال لا تدقق :D

ثنين مسوين يحبون بعض .. قفلت معهم في يوم .. قرروا ينتحرون سوا <<سوا وإلا موبايلي خخخخخخ <<لا زين كح كح :052:

المهم راحوا بيرمون أنفسهم من فوق جسر .. قام الولد ورمى نفسه قبل البنت

من المنظر خافت البنت وغمضت عيونها وتراجعت وهي تقول : فعلا الحب أعمى !! :110:

قام الولد وهو نازل في الهوا .. فتح برشوت كان لابسه وقال : الحب لا يموت أبداً !! :D


ايه خلوا عنكم المهايط .. وامسكوا أرضكم .. بلا حب بلا وجع قلب :01001:

http://www.al-amakn.net/vb/uploaded/127_1233796824.jpg