|
النظرة الشرعيه ومواقف الاحراج
إن من حكمة الله عز وجل في أن شرع النظرة الشرعية بين الرجل والمرأة عند الخطبة وتكون برؤية الرجل للفتاة وهي مظهرة لما يظهر منها غالبًا كالشعر واليدين والوجه والقدمين ولبعض العلماء أقوال أخرى ( والله أعلم لكن كيف النظرة الشرعية في وقتنا الحاضر أقول لكم مواقف طريفة حصلت مع بنات اعرفهم يوم النظرة الشرعية لهم. الموقف الأول وحده من صديقاتي تقول أول ما دخلت إلا ذا يرحب ويهلي كنه يعرفني من زمان حتى خوفني وصارت رجولي تصك في بعضها ومن زود الدرابة يقول بصوت عالي كاملة ما شاء الله والله أنها جميله وبيضاء تقول فجل مقشر إلا وأنا يلوع كبدي من الألفاظ وطريقة المدح حتى قمت أتخيل كيف يتقشر الفجل أو شكله واهو متقشر وتقول بمجرد ما رفعت بس عيني أشوفه إلا اهو أنواع الحوسه بس يحوس بمكانه ويتحرك مره يتكي مره يحط رجل على رجل مره يأخذ نفس عميق مره يهز رجولة وكل ذا واهو يلمس السكسوكه وكأنه يتفقدها بعد ما طلعت قالت والله ما أتزوجه ذا أنواع الهباااال وأبوها يحاول يقنعها ويقول الرجال مصلي صايم وجيبه مليان وما يعيبه شي شوفوا طريقة أغراء الأب الموقف الثاني تقول أول ما دخلت إلا وذا مرتز ويسوي نفسه ما يناظر وعيونه تحت حتى جلست وبعدها بدأ القز أكلني بعيونه أكل إلا اهو يقول لأبوي خليها توقف وت دور حاشا بضاعه ما هي زوجه والأب المسكين يبي يخلص من بنته فقال قومي خليه يشوفك وخذيلك لفه ولما ناظرت في أبوها قال شرع الله شرع الله وسكتت وسوت اللي يبونه واهي حاقدة على العريس من قلب إلا وشوي طلباته تكثر شاف الأب متساهل يبي يخلص على خير ( تخيلوا ايش طلب ) قال لها ارفعي ثوبك عن ساقك أبي أشوفها عشان ما أنغش فتحت عيونها فيه على بالها يمزح إلا الرجال يعيد الكلام بكل ثقه ويقول هذا الشرع لا تستحين ارفعي عن ساقك ومن كثر قهرها ردت بسرعه ارفع عن ساقك وانا ارفع وطلعت واهي زعلانه وأبوها يناديها وما ردت عليه حاشا هذا تخلف اموووووووووووت واعرف ايش الغرض من الطلب الأخير الموقف الثالث قالت دخلت المجلس والا هذا الانتوكه جالس شكله يهبل الثوب مكوي والشماغ عليه زايده حلا وافتح عيوني بدل ما هو يشوفني صار منزل رأسه تحت بس أنا جلست واهو بدأ دوره والأدهى والأمر انه قام من مكانه وجلس بالكنبه اللي جنبي وياليته ما جلس وقعت عيني على رجوله إلا وأظافر رجوله تلوع الكبد شكلها مقرف ومليانه وسخ الدنيا أنا فتحت عيوني ما قدرت أشيل عيوني عنها واحلف انه من يوم بلغ ما عمره نظفها او قصصها واهو على باله أني مستحيه ويقول لا تستحين أنا انشاء الله أبعوضك وراح اوفر لك كل شي تحتاجينه واخليك اسعد انسانه وانا ماشلت عيوني عن رجوله وطلعت وقلت لأخواتي الموقف وصار يضحكون من قلب على موقفي ويعيروني فيه الى اليوم الموقف الرابع قالت خطبني ولد عمي وكان مستعجل وأبوي عشانه اخوه الكبير ويحب ولد أخوه انبسط مره عشان ابن اخوه خطب بنته وأصر الا تكون النظرة في نفس اليوم اللي اتفقوا فيه من زود الفرحه وشوي يجي وانا في المطبخ ويقول يالله عريسك يبي يشوفك لانه عرف اني موافقه من امي ويسحبوني عشان البس ومن زود العجله دخلت المجلس وسوسته التنورة مفتوحه ما احد انتبه لها لا العروس ولا اخواتها الا امها بعد مادخلت المجلس انتبهت وحطت يدها على وجهها من الفشله وشدة الاحراج وسبحان الله اول شي انتبه له العريس اهي التنوره وفتحتها وماقدرت اقوم من مكاني بعد ماانتبهت حتى العريس طلع من المجلس وانا باقي جالسه وانا نسيت الموضوع كله وبعد الزواج صار يسألني ويحلفني ايش كنت قاصده بالحركة وماهو مقتنع انها من جراء الصدفه والعجله الموقف الخامس تحكي وحده من البنات عن موقف صار لها مع انها ما فيها اي عيب وما اقول ملكة جمال ولا اقول انها شينه او عاديه دخلت ليراها زوجها واهي في غاية اناقتها وجلس العريس يتأملها بكل دقه وهو ما نطق ولا كلمة وبعد ما طلعت قال انا راح اتصل عليكم اذا اقتنعت وارد لكم خبر تخيلووووو امانه هذا التصرف ماهو نوع من انواع الوقاحه والغرور والمشكله المسكينه تأثرت مره بالموقف اللي مر عليها والله انا يا كرهي للي مثل كذا او يتقدم لخطبتها وبعد ما يشوفها تتصل اليوم الثاني امه وتقول ولدها ما وافق على الزواج وبكل برود تقول هذا قسمه ونصيب منقول |
طيف نجد صباح الخير حكيتي لنا قصص من الواقع وبعض الشباب من جد مستهتر بس مو كلهم لكِ كل الشكر على الطرح الرائع |
يعطيك العافيه اختي على هيك مواقف وبيني وبينك مهو كل الشباب زي كذا دمتي بخير |
اقتباس:
منونه لزيارتك خيوووووه |
اقتباس:
اهلين زعيم منونه لزيارتك تحيتي |
** طيف نجد ** يعطيكِ العافيه عزيزتي على النقل .. بس بقولكِ شغله .. وربي ان الشباب يهتمون بنفسهم وخصوصاً يوم الشوفه مثل البنات .. بس يمكن البنات يدققون بشغلات كثير ويفكرون الشباب مثلهم .. باهتمامتهم .. طبعاً انا اعرف انه مو كل الشباب مثل ما ذكرتي فيه كذا وكذا .. وفيه الل ييسون انفسهم عادي وهم كل هالحوسه اللي تسمعين عنها من الربكه والحيا :) عن الموقف الاخير هذا .. هو فعلاً قسمه ونصيب .. مو شرط ان البنت حلوه يعني لازم يخطبوها .. ربي ما كتبه من نصيبها ياما بنات ملكات جمال بكل شيء بس ما حصل لهم نصيب .. عموماً الف شكر لكِ على هالنقل *** ** لا عدمناكِ يالغاليه دمتِ كما تُحبين شيزون http://www.asmilies.com/smiliespic/brides/0072.gif |
هلا وغلا شوشو
بالفعل كما ذكرتي غاليتي واصابعك مو سوى ومنونه لزيارتك |
يعطيك العافية طيوف وكثيراً ما نسمع عن المواقف المحرجة أثناء تلاقيهم دمتي كما تحبين http://www.al-amakn.net/up2/uploads/a84bc62362.gif |
يعطيك العافيه
ابصراحه مواقف فعلا محرجه وتضحك قمة الاستهتار والوقاحه عن جد وقاحه واكثرها وقاحه الموقف الاخير طبعا مع احترامي للجميع لك كل التحايا المحاجر |
مواقف أكيد راح تكون مربكة ومحرجة نظراً لأنها أول مرة تشوفه ويشوفها.. يسلموووو طيف نجد ما قصرتي |
ان بصراحه ما احب اتكلم في هالمواضيع
دخلت اقرا المواقف قلت ارد لا تزعل علي |
أشكر لسعادتكم
هذا الموضوع الراقي الذي يعكس مدى إهتمامكم ورعايتكم بالأعضاء دمتم في حفظ الله ورعايته |
اقتباس:
بالفعل مواقف محرجه وتسلمين غناتي على المرور |
اقتباس:
هلا وغلا الماجر شاكره لك مرورك يعطيك العافيه |
اقتباس:
شاكره لك مرورك ويعطيك العاقيه |
اقتباس:
اميرة شاكره لك مرورك يعطيك العافيه |
[QUOTE=طيف نجد;129270][font=Arial Narrow][size=3]
الموقف الثاني تقول أول ما دخلت إلا وذا مرتز ويسوي نفسه ما يناظر وعيونه تحت حتى جلست وبعدها بدأ القز أكلني بعيونه أكل إلا اهو يقول لأبوي خليها توقف وت دور حاشا بضاعه ما هي زوجه والأب المسكين يبي يخلص من بنته فقال قومي خليه يشوفك وخذيلك لفه ولما ناظرت في أبوها قال شرع الله شرع الله وسكتت وسوت اللي يبونه واهي حاقدة على العريس من قلب إلا وشوي طلباته تكثر شاف الأب متساهل يبي يخلص على خير ( تخيلوا ايش طلب ) قال لها ارفعي ثوبك عن ساقك أبي أشوفها عشان ما أنغش فتحت عيونها فيه على بالها يمزح إلا الرجال يعيد الكلام بكل ثقه ويقول هذا الشرع لا تستحين ارفعي عن ساقك ومن كثر قهرها ردت بسرعه ارفع عن ساقك وانا ارفع وطلعت واهي زعلانه وأبوها يناديها وما ردت عليه حاشا هذا تخلف اموووووووووووت واعرف ايش الغرض من الطلب الأخير صراحة اختي استوقفني هذا الموقف واكثر ما استوقفني رد الفعل الخاطيء من الفتاه الاشياء التي يكون بها مساس بعقيدتنا يجب ان نحذر منها فالاسلام شرع للخاطب ان يرى ساق المخطوبه تمر اختي بالانسان مواقف مضحكه لكن يقولون اختي (((( لا تضحك الا من صايم مصلي )))) وتذكري كلامي اختي طيف نجد اشكرك على موضوعك تقبلي التحيه اخوك السحاب |
هلا وغلا سحاب
شاكره لك مرورك وتعقيبك تحيتي لك |
طيوووووووووووووفه موضوع رائع ذكرتيتي بواحد من الشباب قليله بحقه اذا قلت مسبوه راح يخطب وموصوف له بيت اهل البنت في مدينه قريبه من الرياض الرجال من العصر لبس طق التشخيصه والزين وحط العطر وراح حسب الوصف لبيت اهل البنت ووصل وبعد ماضرب الجرس فتحله راعي البيت الشايب وقلطه والشايب يحسبه واحد من اصدقاء عياله وسواليف وشاي وقهوه الى اذان المغرب والرجال توه يدخل في الموضوع وقال للشايب ودي بالنظره الشرعيه ؟ قال الشايب والله يولدي توني ادري انك جاي تخطب وما عندي الا عيال ما رزقني الله ببنات هههههههه اخينا في الله حمر وجه وطلعت خدوده طماط وتفشل وطلع مع الباب صار غلطان في البيت هههههههههه تحياتي للجميع |
شكر الك
على هدا الموضوع بارك الله فيك يعطيك الف الف عااافية اجمل تحياااتي |
بسم الله الرحمن الرحيم
السلام عليكم ورحمة الله وبركاته يا عمي منيا الى الزواج يفرجها ألف حللال مشكوووووووور طيف تقبلوا خالص تحياتي أخوكم(سمسم العنزي):icon_biggrin: :icon_wink: |
http://www.al-amakn.net/up2/uploads/cd315136b8.gif http://www.al-amakn.net/up2/uploads/720615e8ea.gif «°•¸.•°•طيف نجد•°•¸.•°» سلمت يمينك يا أختي بصراااحه مواقف محرجه و دمتي بكل الووود http://www.al-amakn.net/up2/uploads/346a2f7860.gif http://www.al-amakn.net/up2/uploads/3adbca8166.gif http://www.al-amakn.net/up2/uploads/ab6109253c.gif |
مراحب انا قمرهم
وشكرا لك على المرور ويديك العافيه تحيتي |
طيف نجد
لا يخلو موقف طريف أو محرج في مثل هذه المواقف وانا أشوف إن الواحد يعقلها ويتوكل ونصيبك حيصيبك تحياتي |
| الساعة الآن 11:35 AM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.