|
سماجة المدونات !!
يالله حيهم من جديد .. بعد العيد :) موضوع هالمره أدري يمكن يزعل ناس واجد .. حتى أنا زعلتني مني قبل أبدا فيه :D .. ويالله أقنعتني عشان أنزل الموضوع ولا تقولون مكانه قسم تطوير المنتدى والا الهيئه الاستشاريه .. جبته هنا عشان يكون مطروح للجميع .. ولأنه هناك بيكون خاص وما يدخله الا عدد محدود من أهل الأماكن وقبل نبدا .. فيه حاجتين : الأوله .. حبيت نخلي البساط أحمدي ونتكلم بالعامي .. عشان فيه ناس يقولون ما نعرف نرد بالفصيح ;) وترى اللي بيرد بالفصيح بنقول الله لا يهينك .. مو أعرب اللي تحته خط .. الا أعرب كل ذا الحتسي اللي بنقوله :akn55: الشي الثاني .. حتى لا تفسر الأمور إن فيه اتهامات مباشرة لأحد .. راح استخدم صيغة المذكر في سرد مشاهداتي الخاصه حتى تكون بشكل عام .. ولكم الحريه تقيسونها على أخواتنا العضوات الفراشات ولا يعني هالموضوع إني مبري نفسي من المدونات وأهلها اللي هم محور حديثنا اليوم .. بالعكس اللي عنده شي عني ومدونتي يتفضل برايه .. أنا أول واحد معرض للشرشحه .. عادي قسم المدونات .. يمكن يكون هو القسم الوحيد تقريباً بالمنتدى .. اللي ما له شروط أو قوانين تحكمه .. سواء لفتح مدونه .. أو لعدد ونوعية المشاركات فيها !! إضافه .. لكثرة المنقول .. والنسخ واللصق بدون ما نشوف شي جديد .. إلا القليل .. وفي مدونات تنعد على الأصابع !! ما اختلفنا .. المدونات حق مشروع لأي عضو يرغب بهالشي .. ولا هي حكر على أحد عن أحد .. لكن بترتيب وركاده وتعب بشي يسوى ؟؟ اللي أعرفه في تصميم أي بيت .. أول ما تدخل يجيك مجلس .. مقلط .. صاله .. وغالباً تكون غرف النوم والراحه فوق منتدانا شكله عكس .. أجل فيه ناس يدخلون ويفتحون مدونات قبل حتى يسلمون؟! :confused: معليش .. عضو جديد على عيني وراسي .. الله يحييك ونورت المنتدى .. بس إدخل .. وسلم .. وخل نقهويك أول .. ونفرجك على المنتدى .. ونشوف وش عندك .. يعني نشوف لك مشاركات ومواضيع .. ونعرف أسلوبك ووش انت من قلم :052: بعدها عساك عالقوه .. افتح مدونه .. لأنك راعي محل :) اللي يسوي تسذا .. شو بنئولوه؟! .. سجلوا عندكم .. الأخ مدرعم وجاي يوسع صدره ولا فيه أحد وقفه وقاله اصبر شوي لين تستوفي الشروط المطلوبه لفتح المدونه !! ؟؟ واحد ذبحنا في المدونه .. بكثرة النسخ واللصق .. وسائط .. أبيات شعر .. الخ !! ما اختلفنا .. قلنا المدونه عشان الفضفضه والبوح الخاص .. بس موب تقلب الدعوى كلها أرشيف منتديات ثانيه بالنسخ واللصق اذا في الأماكن .. كثيرين منا يطالبون بإلغاء أقسام المنقول عشان نطور أنفسنا وطرحنا شوي .. نجي نلقى المدونات بقدرة قادر صارت قسم آخر للمنقول وبشكل تعدى المعقول !! طيب ياخي انت وياه اللي أدمنتوا نسخ ولصق .. فيه مواضيع زي .. عبر عن إحساسك بإم إم اس .. والا إم إم إح :D <<إح من إحساس :052: >> رح الله لا يهينك وحط حرتك هناك .. وانسخ وإلصق على كيفك وفيه بعد .. وش البيت اللي إذا ضاق صدرك صدمت فيه .. والا دخلته؟! :o .. قصدي تردده مدري يطري على بالك رح ولا عليك أمر .. واسدح أبيات الدنيا كلها .. محد يقدر يناقشك لكن أجي ألقى كل مدونتك .. صارت أرشيف للوسائط وأبيات الشعر المنقوله .. ما صارت فضفضه :090: اللي نعرفه الفضفضه .. الواحد يتكلم عن موقف صار له .. رؤيه معينه .. إبداع يخصه من إحساسه .. ذكريات صح يعجبك أحياناً بيت شعر .. حكمه .. رسالة وسائط .. وتحطها .. تصير مره من وقت لوقت .. بس ما تكون حلا يا دافع البلا تسن الواحد منكم قاعد يكد ليموزين بين مدونته ومنتديات ثانيه :110: .. حده بس يجيب شي ما تعب عليه .. انسخ وإلصق والحسابه بتحسب .. والمشاركات تزيد .. هذا الهدف بس؟!! اللي يسوي تسذا .. شو بنئولوه؟! .. سجلوا عندكم .. الأخ ما عنده شي سمع بالمدونات وفتح مدونه ونشب بعمره وش يحط .. قال أسهل شي ازرف وسو نفسك ما دريت ومتأثر وتفضفض !! ؟؟ فيه واحد إذا ما لقى شي يحطه بمدونته .. حط كلمه كلمتين زي .. برب .. والا فيني النوم .. والا واحشيني .. والا جاب خويه اللي صاف معه تحت ساعه عشان ينتظره يقول منور مدونتي يا فلان فديت خشتك !!باللهي عليك انت وياه؟! .. وش استفدنا طيب؟! يعني مخلينا .. نترك اللي في يدينا .. ونطلع من المواضيع والأقسام الثانيه .. ونضرب مشوار لمدونتك عشان نلقى تسذا؟! :( لا تقولي إحساس لحظه مدري ايش .. عسى الحساسيه ما تجي خشمك قل آمين :p .. اركد وأنا أخوك وخلك أعقل من تسذا .. وجب شي يسوى ذا المشوار اللي ماغطينه عشانك من ناحية النوم .. ياخي كل العالم تحس ذا الاحساس وما حطوا مدونات .. ولو كل واحد بدا يتثاوب والا ينعس وحس بالنوم يكبس عليه .. وإلا اشتاق لباقي خلق الله حط مدونه تسان علوم وبلاوي .. شرط إن يصير عندنا مدونات أكثر من عدد السكان :09: << عشان بعضهم بيتميلح بأكثر من مدونه طيب اللي يسوي تسذا .. شو بنئولوه؟! .. سجلوا عندكم .. الأخ من الفضاوه ما يدري إن ذا الحتسي متسانه موب هنا .. وان فيه شي اسمه شريط إهداءات وإلا بروفايل يسلم فيه ويستقبل ويودع ويسوي إعلان إنه بيروح ينوم وما له داعي التميلح ولفت الانتباه .. ترى الدعوى مكشوفه عشان تزيد عدد المشاركات .. ويمكن عشان تعلم بعض ناس يلاحقونك وش راح تسوي !! :01001: ؟؟ كم واحد قاعدين يجاكرون العالم بمدوناتهم .. الله يصلحهم يزاحمون تسنهم عند باب مقصف .. ابن أمه تصير مدونته قبلهم !! :110: يعني فيه ناس ما شاء الله عليهم .. كتاباتهم حلوه .. ومدوناتهم تستحق المتابعه :30: .. وما يكتبون كثير ومن وقت لوقت .. أحيانا مو بالأيام .. يمكن بالأسابيع .. يدخلون مدوناتهم ويكتبون شي يستاهل وما يمديهم سبحان الله يعطون أوكيه للمشاركه وتصير المدونه فوق .. إلا يجيك واحد من فرقة المجاكَر مدرعم بكل سرعته ويحط أي مشاركه .. حتى لو يكح .. بس عشان تطلع مدونته فوق عناد :confused: طيب .. شوي احترام لخويكم ذا اللي من زمان ما كتب في مدونته وجا وحط شي .. خلوه ياخذ حقه لو نص ساعه .. ساعه .. ساعتين .. وش حارق رزكم؟! ترى الناس ما تتابع المدونات .. عشانها فوق .. الناس اللي يقدّرون وعندهم ذوق .. وسبق وألقوا نظره على أغلب المدونات وقيموا صاحبها وطرحه .. صاروا يعرفون وش المدونات اللي يفضلون يدخلونها حتى لوفي الصفحه الثانيه من القسم .. مو أي مدونه صارت فوق يعني بتلقى متابعه !! اللي يسوون تسذا .. شو بنئولوهون؟! .. سجلوا عندكم .. الربع مطافيق .. وتصرفات أقل ما يقال عنها صبيانيه .. وما عطاهم الله من ثقل أهل قسم همس معتقل وشلون المشاركات راقيه وفيه احترام من كل عضو للثاني اذا حط مشاركه بمعتقله ما يجون ينطون عليه على طاري همس معتقل .. أو ما حطيت مدونتي الداجه هناك .. وأول ما فتحوا قسم مدونة الأعضاء ضحوا بي أنا وأختي برادايز اللي كانت صفحتها هناك بعد .. شالوا صفحاتنا وحطونا أول ناس في المدونات .. تصريفه ولا أقوى !! :D ؟؟ فيه واحد مسجل بأكثر من اسم عشان يكثرون اللي شافوا مدونته وعطوه تقييم !! أفا بس .. كل ذي عدم ثقه بالنفس واللي تقدمه يا حلو .. ليه تسذا بس؟! .. وبعد فتره ما عاد نشوف ذا اللي يزورونك .. لأنك بتتعب ما تدري من تشارك به .. وسويت زحمة أعضاء وبس !! انت اسدح اللي عندك بمدونتك .. واترك الحكم للآخرين .. ولا تستعجل على رزقك .. إذا انت تقدم شي يستحق المتابعه .. تأكد عدد المتابعين راح يتزايد مع الوقت أما إنك قاعد تسابق الزمن .. وتبغى تحطم الأرقام بالقوه .. وخويك الثاني قاعد يرسل روابط ودعوات .. تكفون زوروني بمدونتي وقيّموني ;) .. ما راح تفيدكم بشي طيب وبعدين .. دخلوا واجد .. وجاملوك وعطوك تقييمات عشان ما تزعل عليهم .. خصوصا اللي لاحقينك من اللاند ودايم تبشكون مع بعض هناك .. والا فالينها بالمسن .. وش الإنجاز اللي تحقق بداخلك .. بينك وبين نفسك؟! برايك إنك بهالشكل كبّرت صورتك ولمعتها؟! .. وهالشي لو تحقق هل هو بجهدك والا بمساعدة الربع خوياك وحبايبك اللي جوا يجاملونك؟! زي واحد مسوي ذكي مسجل بمعرفين تمساح وفراشه .. ومسوي ذهين وهو مكشوف :157: اللي يسوي تسذا .. شو بنئولوه؟! .. سجلوا عندكم .. عطوه جوّه .. الأخ يريّش نفسه ويدلعها .. وما ندري هو متعقد ووده يوصل لشي معين والا يحس بنقص ويحاول يكمله حتى لو بفزعات ربعه الصدزيين .. والغير صدزيين اللي هم هو ما غيره بس بمعرفات ثانيه !! الآن .. ولا عليكم أمر بعد اللي قريتوه فوق وبدون زعل .. اللي وده يشاركنا ويجاوب هالأسئله مشكور واللي عنده وجهة نظر يتفضل بها .. حتى لو ضد محاتسيكم .. باب النقاش مفتوح .. بس بدون زعل وطنقره :) 1) تأيد/ين انه تنحط شروط وتعليمات لقسم مدونة الأعضاء؟ .. وإن كانت إجابتك نعم .. وش الشروط اللي تشوفـ/ين إنها ضروريه تكون موجوده قبل فتح مدونه؟ 2) اذا انتـ/ـي من المتابعين للمدونات .. وش اللي يشدك أكثر فيها؟ 3) أي المدونات تتابعـ/ـين؟ .. وهل متابعتك عشان اللي ينكتب في المدونه .. والا عشان صاحب المدونه؟ 4) سبق لك وقيّمتـ/ـي أي مدونه؟ .. وتقييمك كان عشان الشخص والا محتوى المدونه نفسها؟ 5) رايك انه يتم تحديد عدد المشاركات في المدونه الوحده خلال اليوم؟ .. وكم أعلى حد للمشاركات تقترحـ/ـين؟ 6) برايك فيه نوع من التميلح والسماجه في بعض المدونات؟! .. وإذا فيه أشياء ما تعجبك ممكن نعرفها؟! 7) ملاحظاتك على المدونات : 8) اقتراحاتك لتطوير قسم مدونة الأعضاء أو حتى المدونات وأهلها بشكل عام : الموضوع عباره عن رؤيه خاصه لسعد الرجه وما يمثل أي توجه معين ضد أشخاص محددين .. فالاحترام يبقى محفوظ للجميع هي وجهة نظر تخصني .. وتحتمل الاتفاق أو الاختلاف .. ولكن إن شا الله بدون أي خلاف أو مواقف سلبيه :01001: رساله للأخ المانشستراوي .. بما إنك تفضلت بموضوع جميل يحتوي المميز بالمدونات كما تراه .. ولأنك طلبت من الأخت أم فهد .. إنها تفتح الموضوع للأعضاء فمن راي أخوك المتواضع .. تخليه زي ما هو خاص فيكم كإداره ومشرفين لأجل يكون فيه كنترول على الاختيارات .. وإلا بتشوف العجب لو انفتح الباب وأنا أولهم يا رجال تدخل قسم المدونات .. تحس بوحده من ثنتين .. يا إنك في مركبه فضائيه .. يا إنك داخل في اجتماع ضباط .. من كثر النجوم ذا اللي تلاصف :D دمتم بود |
رد: سماجة المدونات !!
ابي اجاوب على طول >>> قبل لايطير اللي براسي
1) تأيد/ين انه تنحط شروط وتعليمات لقسم مدونة الأعضاء؟ .. وإن كانت إجابتك نعم .. وش الشروط اللي تشوفـ/ين إنها ضروريه تكون موجوده قبل فتح مدونه؟ نعم الشروط: ان مو اي عضو يفتح مدونه يعني اللي مشاركاته فوق الالف تقريبا يقدر يفتح مدونه وان تحدد عدد المشاركات بالمدونه 10 مشاركات تقريبا حتى العضو لما يكون له عشر مشاركات يقول بينه وبين نفسه انه ماراح يضيعهم في شي مايستاهل عكس ماهو صاير ان يكون هناك رقابه على المدونات من المشرفين يعني بالعربي فيه مدونات فيها صور نسائيه وفاضحه وماحد يدري عنها وهذا عكس سياسة المنتدى وان يتم حذف المشاركات العشوائيه مثل برب & بروح انام & بروح للسوق >>> زين رح انا وش مدخلني هع هع 2) اذا انتـ/ـي من المتابعين للمدونات .. وش اللي يشدك أكثر فيها؟ والله بصراحه حاجتين الخواطر الشخصيه للعضو نفسه والسواليف اهم شي 3) أي المدونات تتابعـ/ـين؟ .. وهل متابعتك عشان اللي ينكتب في المدونه .. والا عشان صاحب المدونه؟ اعذرني مابي اذكر اسماء حتى مايقولون مجامل للي بذكر اساميهم لأنهم يعرفون انفسهم والله كذا وكذا يعني ممكن اتابع مدونه عضو/هـ عشان اللي يكتبه وممكن اشوف مدونة اي عضو/هـ اخر عشان اعرف اخباره ومن هالقبيل 4) سبق لك وقيّمتـ/ـي أي مدونه؟ .. وتقييمك كان عشان الشخص والا محتوى المدونه نفسها؟ نعم قيمت ويشهد الله ان كل التقييم للمحتوى فقط 5) رايك انه يتم تحديد عدد المشاركات في المدونه الوحده خلال اليوم؟ .. وكم أعلى حد للمشاركات تقترحـ/ـين؟ ذكرته سابقا >>>> زين لايطق لك عرق 6) برايك فيه نوع من التميلح والسماجه في بعض المدونات؟! .. وإذا فيه أشياء ما تعجبك ممكن نعرفها؟! والله فيه لكن مو بذاك الشكل الكبير >>> ممكن لأني مافرفر يوميا على كل مدونة 7) ملاحظاتك على المدونات : ان هدف اغلب الاعضاء المشاركـــــــــــــات مافيه شي جديد الا عند البعض 8) اقتراحاتك لتطوير قسم مدونة الأعضاء أو حتى المدونات وأهلها بشكل عام : والله اشوف الشروط اللي قلتها في اجابتي على السوعال الاول ممكن يكون لها تأثير كبير اخي سعد انا امتلك الجرأه واعترف ان بعض السلبيات التي ذكرت في موضوعك موجوده لدي ولكن ساحولها لـ ايجابيات بأذن الله سعد الرجه صدقت فيما طرحت وكنت جريئا كما عودتنا لأنك تبحث عن المصلحه العامه دوما حقا لن توفيك الكلمات حقك دمت لنا بحرا من الابداع مع حبُي وتقديري |
رد: سماجة المدونات !!
1) تأيد/ين انه تنحط شروط وتعليمات لقسم مدونة الأعضاء؟ .. وإن كانت إجابتك نعم .. وش الشروط اللي تشوفـ/ين إنها ضروريه تكون موجوده قبل فتح مدونه؟
ان يكون عدد المشاركات للعضو اكثر من 50 على الاقل 2) اذا انتـ/ـي من المتابعين للمدونات .. وش اللي يشدك أكثر فيها؟ كتابات الاعضاء واللي تلامس شيئا من الواقع 3) أي المدونات تتابعـ/ـين؟ .. وهل متابعتك عشان اللي ينكتب في المدونه .. والا عشان صاحب المدونه؟ اتابع المدونات التي تحتوي على مشاركات من كتابات الاعضاء اعتقد انها تكون اصدق...ولا فكرت في صاحب المدونه 4) سبق لك وقيّمتـ/ـي أي مدونه؟ .. وتقييمك كان عشان الشخص والا محتوى المدونه نفسها؟ لا ما قيمت احد 5) رايك انه يتم تحديد عدد المشاركات في المدونه الوحده خلال اليوم؟ .. وكم أعلى حد للمشاركات تقترحـ/ـين؟ لا اميل الى هذا الرأي الان المدونه خاصه بالعضو يكتب وقت مايشاء 6) برايك فيه نوع من التميلح والسماجه في بعض المدونات؟! .. وإذا فيه أشياء ما تعجبك ممكن نعرفها؟! نعم وبقوه والشي الذي يجعل من صاحب المدونه نكته والمدونه نفسها ممله الى حد كبير 7) ملاحظاتك على المدونات : بعضها يستحق التقيييم بكل جداره ولم يقييم والبعض لا يستحق التقييم ويقيم اعتقد ان هذا التقيم لصاحب المدونه وليست للمدونه نفسها 8) اقتراحاتك لتطوير قسم مدونة الأعضاء أو حتى المدونات وأهلها بشكل عام : اقترح ان يكون هناك رقي اكثر من قبل بعض الاعضاء اخي سعد موضوعك جميل وصريح جدا وكما قلت اختلاف الرأي لا يفسد للود قضيه ومن غيير زعل دمت بكل ود مرجوجه |
رد: سماجة المدونات !!
موضوع يستحق النقــآش
آنـآ عن نفسيـ واقول الصج ولـآ غير الصج انـآ صراحه كرهت فكرة المدونه بسسب هالنسخ واللصق وبعض الكلمـآت اللي مـآلها دــآآعي صراحه ياخي اذا تبي تنـآم نوم العوافي مدري ليش يكتبون صفحه خاصه وكـآمله فيها كلمتين بروح انـآم موب لو تكتب شي او على الاقل نكته وبعدين تقول تصبحون على خير موب احسسن صراحه المدونـآت صارت اكثر شي مجرد تفاهه سوري على هاللفظ بسس وربي ان في مدونـآت من غير تفكير ترووح لهـآ حتى لو تدور عليها دواره موب شرط انها تكون في المقدمه والله شاهد على كلـآمي اني مره افتقدت احدى المدونــآت بعد اجــآزتي وتميت ادوره لين مــآ لقيتهـآ واتوقع انها كانت في الصفحه الثالثه بسس لـآن تحس ان هنــآك مدونــآت فعلـآ تستحق القرآءه والمتــآبعه موب شرط انهــآ تكون اول المواضيع الـوآعي اكيد بيدور على الشي المفيد والرآئع واللي يستحق اني اضيع وقتي عششـآنه مهوب شي مــآ يستــآهل 1) تأيد/ين انه تنحط شروط وتعليمات لقسم مدونة الأعضاء؟ .. وإن كانت إجابتك نعم .. وش الشروط اللي تشوفـ/ين إنها ضروريه تكون موجوده قبل فتح مدونه؟ نعمـ وبقوه الشروط عدم كثره النسخ واللصق وان وجدت تكون قليله ان لـآ يكتب اكثر من صفحتين في اليوم او انه بين كل فتره وفتره ينزل موضوع في مدونته موب كل يوم ينزل موضوع مــآ صــآرت تستغرب من بعض الـآعضاء يا كثر مشــآركــآتهم بسس مــآ نعرفهم كل هذي المشــآركـآت منكثر مـآ ينزل مواضيع في المدونه 2) اذا انتـ/ـي من المتابعين للمدونات .. وش اللي يشدك أكثر فيها؟ يشدني فيها اني اقرأ الـآحدــآث اللي تصير للـآعضأء خلـآل يومهم وايضـآ الخواطر والقصـآيد اللي تكوون من مخيلتهم وابدـآع اقلـآمهم حتى يمكن اتعلمـ منهم يمكن في يوم من الـآيـآم اصير شـآآعره<<<<<اي هين =( وفي اشيـآء تكون حلوه اذا فيها ابتكــآر شي جديد 3) أي المدونات تتابعـ/ـين؟ .. وهل متابعتك عشان اللي ينكتب في المدونه .. والا عشان صاحب المدونه؟ اولــآ مب عشــآن صاحب المدونه لـآ طبعــآ صراحه اخـآف اذا ذكرة اسمـآء انسى احد الاسمـآء اللي تكون مميزه وفعلـآ تستحق الذكر ومـآ اذكرهـآ بسس بقول بشكل عــآم اي مدونه تكون فيهـآ المواضيع اللي ينزلهـآ جديده علي موب اني انسخ والصق فعلـآ هذي اللي اقرآآهـآ واستمتع فيهـآ 4) سبق لك وقيّمتـ/ـي أي مدونه؟ .. وتقييمك كان عشان الشخص والا محتوى المدونه نفسها؟ نعمـ .| عششـآن المحتوى اكييد 5) رايك انه يتم تحديد عدد المشاركات في المدونه الوحده خلال اليوم؟ .. وكم أعلى حد للمشاركات تقترحـ/ـين؟ يفضل انه يتم تحدييد عدد المشـآركـآت..... يفضل الـآداره لهـآ الـأختيــآر 6) برايك فيه نوع من التميلح والسماجه في بعض المدونات؟! .. وإذا فيه أشياء ما تعجبك ممكن نعرفها؟! للـآسف نعمـ .... ذكرت بعض الصفحــآت اللي فيهـآ كلمه او مجرد فيس حــآطه او احيــآنـآ نقطه يعني ابي افهم وشو هالنقطه او اي حركه ثانيه وهنـآك اشيـىء كثيره مــآ تعجبني ولكن اكتفي بالذكر 7) ملاحظاتك على المدونات : فكره المدونــآـت بشكل عــآم جمييله جدا ولكن يجب على كل عضو ان يستغل هذه المونه بشي رآئع ومبدع ومبتكر لـآنه المدونه تخصك انت ولـآ احد غيرك 8) اقتراحاتك لتطوير قسم مدونة الأعضاء أو حتى المدونات وأهلها بشكل عام : واريد ان اضع اقترآآح بسيط ان التقييم بالنجوم اللي مثل مــآ ذكرت تنشـآل لقسم مدونه الاعضاء احسس شكل القسم من كثر النجوم مدري كيف صاير شكله :( اتمنى ان تتقبلوا رأيي بصدر رحب واذا في اي كلمه بدرت منى ضايقة اي عضو ارجو منكم السسموحه ولكن هذا كله حتى نرتقى بـآفكــآرنـآ وعقولنـآ الـآخ القدير سعد}~ طرحت فاجدت في الطرح دآئمـآ مــآ تفـآجئنـآ بموآضيعك القيمه وحرصك على رقي منتدآنـآ الغـآلي وعلى رقي افكـآر وابدآآع اعضآئنـآ الكرآآم الله يحرسك بعينه التي لـى تنـآم ودمت بود ونقـآآء |
رد: سماجة المدونات !!
سعد وه بس فديتك هههههههههههههههههههه هذا نقااااش ولا وسع صدرك ههههههه يارب يحفظك يالغالي
وجهة نظري بكل صراحه انا اشوف ان المدونه مالها اي داعي اتوقع فيه شي عندنا اسمه هَمْسٌ مُعْتَقَلْ يوفي بالغرض اخوي العزيز الثرثار سعد لك مني اجمل التحايا جنتل الرياض |
رد: سماجة المدونات !!
المدونات وما ادراك مالمدونات َ؟!
كانت الفكره بداية توجهآ من الإداره الكريمه بفتح مساحه خاصه للأعضاء سعيآ منها لتطوير المنتدى وخدمة الأعضاء بفتح المجال لهم للإبداع بالتعبير عما يخالجهم بحريه من جهه ..واكتشاف مواهب مدفونه من جهه أخرى ! لكن ماتوقعت له نتائج إيجابيه إنقلب سلبيآ !! فأضحت بعض المدونات قسم ( لاند ) آخر !! .. وماكنا نشتكي منه في اللاند انتقل الى المدونات ! حتى التواقيع لم تسلم منها !! نعود للمدونات .. فمن مما يدعو للعجب هو انك ترى التقييمات هناك توزع بالمجّان ..!! لدرجة ان هناك مدونات لم تتعد مشاركتين فقط وتم تقييمها !! .. فأقول في نفسي لا بد أن كاتبها قد كتب فيها شيئآ يستحق القراءه ! فأدخل لأجد المشاركه الأولى (اسمي .. فلان .. عمري علان .. بيتنا .. خلف الحزم من قدام !!!) (نقول الولد يبي يعرّفنا عليه ..ماعليه نمشّيها ونعطيه فرصه .. نروح للمشاركه الثانيه نشوف فيس أو بيت شعر !! وبعدها ماطب المدونه خير شر !! لابالله على هالنحشه .. تستاهل التقييم !! ) مدونه أخرى لاحظت انها لكاتب واحد فقط لكن العنوان يتغيّر في كل مره !! احترت .. قلت ربما لديه خاصّية التعديل أو أنه طلب من الإداره تغيير العنوان .. أو شيئ من هذا القبيل.. لم أزعج نفسي كثيرآ .. إلى أن اكتشفت أن الكاتب له ثلاثة مدونات !!!! ( حلا هو .. !!) أما عن حركة تصوير ( الذين يشاهدون الموضوع ) من أجل كلمة (نوّرت) فغدت موضه سامجه مع احترامي الشديد ! أيضآ أتفق مع الأخت ( نقاء) فيما قالته عن مدونات يقوم أصحابها بوضع فيسات فقط !! معقول !! مساحه فارغه ليس بها سوى فيس !! مالفائدة الجمّه التي خرجت بها الآن !! ليتها مشاركه واحده بل صفحه كامله !! ( معجبهم الوضع !!) حقآ سماجة مدونات !! كذلك افتتاح بعض المدونات لقسم ( ذائقه عذبه ) أخرى !! وهنا لم تدع لي مجالآ لأقول شيئآ عن هذه النقطه ..فقد كفيت ووفيت .. أخي سعد !! أقترح أن يمنع الاعضاء الجدد من فتح مدونات مالم تصل مشاركتهم .. لـ 100 مشاركه على الأقل .. وأن تحدد المشاركه في المدونات بثلاثه مشاركات في اليوم الواحد كحد أقصى !! كذلك تحذف المشاركات التي من قبيل ( برب – الفيسات .. إلخ ) أو أي شي لايدل على معنى !! هذه تقريبآ أبرز الإقتراحات .. سعد قد أكون قاسيه في تعقيبي .. لكن الحقيقه مرّه دائمآ وقد سئمنا السكوت !! (شرشحه) .. عفوآ .. طرح في منتهى الروعه .. ! :122: ومن مشاهده واقعيه في المنتدى لم تقصّر .. كفيت ووفيت ! شكرآ لك .. |
رد: سماجة المدونات !!
يسلموووو ع الطرح قمه ف الروعه
السرراحه ف البدايه قولت وه خليهم كل واحد يكتب الي يبغاه بس لمن كملت الموضوع سراحه عندك حق ف كل كلمه ههههههه اما الي يكتب كلمه ولا يكح وتكون مدونته فوق عناد خخخخخخخخخخخااااااااااااااي هادي المعانه كانت اول لمن كنت اكتب ههههههه بس تصدق كنت دايم افكر وافكر ليش يسو كدا او يسوا كم مدونه ماني عارفه كويس علمتني انه يتملحو خخخخخخخخخ ياويلي موت من الضحكhttp://www.al-amakn.net/vb/uploaded/...1260403743.gif والله حتي التميلح له اساليب بس احنا الفرشات ماعندنا هاد الشي هع هعhttp://www.al-amakn.net/vb/uploaded/...1260403618.gif والله ف حاجات كتيره كنت اجهلها وانت نبهتني فيها تيب بلاااه ابغا اعرف كيف تعرف الي داخل باسمين ههههههههههه عجبتني خصوصا اللي لاحقينك من اللاند ودايم تبشكون مع بعض هناك .. والا فالينها بالمسن الحمدلله ماادخل الاند خخخخخخ اما الفرنسي البناني اللي يسوي تسذا .. شو بنئولوه؟! احلى ) تأيد/ين انه تنحط شروط وتعليمات لقسم مدونة الأعضاء؟ .. وإن كانت إجابتك نعم .. وش الشروط اللي تشوفـ/ين إنها ضروريه تكون موجوده قبل فتح مدونه؟ السراحه لا هي مدونته يكتب الي يبغا فيها 2) اذا انتـ/ـي من المتابعين للمدونات .. وش اللي يشدك أكثر فيها؟ مو مرره بس الي يشدني الحاجات الواقعيه ولمن تكون بصور 3) أي المدونات تتابعـ/ـين؟ .. وهل متابعتك عشان اللي ينكتب في المدونه .. والا عشان صاحب المدونه؟ ايوه مثلا يقولي شوفي مدونتي اروح اشوفها لاكن انه اروح من لوحدي لا 4) سبق لك وقيّمتـ/ـي أي مدونه؟ .. وتقييمك كان عشان الشخص والا محتوى المدونه نفسها؟ ايوه قيمت بس مو عشان صاحب المدونه عشان عجبتني 5) رايك انه يتم تحديد عدد المشاركات في المدونه الوحده خلال اليوم؟ .. وكم أعلى حد للمشاركات تقترحـ/ـين؟ لا مو لازم يحدودو انا عارفه حتقتلني ف النهايه بس معليش هههههه انا بستغرب مثلا جديد ويجي يسوي مدونه تيب ليه اصلا مانعرفه مين حيروح يطالع ع مدونته حيتعب ع الفاضي 6) برايك فيه نوع من التميلح والسماجه في بعض المدونات؟! .. وإذا فيه أشياء ما تعجبك ممكن نعرفها؟! اي والله فيه ايش يسويه يكتبه برب يكح خخخخخخخخخخ اي شي يكتبه 7) ملاحظاتك على المدونات : لا يوجد 8) اقتراحاتك لتطوير قسم مدونة الأعضاء أو حتى المدونات وأهلها بشكل عام : لا يوجد ربي يخليك ويسعدك طرح رائع بروعتك كما عودتنا http://www.al-amakn.net/vb/uploaded/...1249671175.gif ،،شيطونه،، |
رد: سماجة المدونات !!
اقتباس:
هلا بك والله أخوي مجنون نظراتك لا بسم الله عليك .. كل شي الا إنه يطير اللي براسك :D شرفتني يا غالي كأول واحد يتفاعل مع الموضوع .. وأحترم صراحتك المعهوده واعترافك بوجود بعض السلبيات عندك ووعدك انك تتلافاها .. وهذا في منتهى الشجاعه والصدق مع النفس قبل الاخرين كلنا لنا سلبياتنا وأخطائنا .. ونحتاج نوضح لبعضنا عشان نظهر بشكل أفضل قدر الإمكان واقتراحاتك أغلبها تستحق انها تفعل من الاداره أو على الاقل النظر فيها وتعديلها حسب سياسة المنتدى وبالنسبه لذكر المدونات وأصحابها .. أوافقك الراي إن ذكر الاسماء راح يعتبر من البعض إنه مجامله ولأهداف أخرى زين إنك ما جبت طاري أحد والا تسان نشبت :D << انت اللي موهق العالم بذا السؤال :052: كفيت ووفيت يا جميل .. وما حبيت أعلق على كل كلامك بس عشان ما أخرب جماليته ;) كل الامتنان لك يا غالي على حضورك .. وتجاوبكم الطيب .. لا عدمت هالطله ربي يسعدك ويوفقنا وياكم في الدارين دمت بود وألف خير |
رد: سماجة المدونات !!
|
رد: سماجة المدونات !!
أخيْ : سَعدٌ بُوركِتْ وَبُورِكَ قَلمُكَ سَأختَصرُ الأسئِلَةَ بِتَعليقٍ عَابِرٍ ، فِيْ هَذهِ العُجَالَةِ : رُبمَا لاأجدُ مُتعَةِ المُدونَةِ ، بلْ قدْ لاأقرَؤوهَا سِوىْ للوهلةِ الأولىْ عندَمَا أجدُ مُدونهَا مِنُْ زُمرةِ النَاسِخينْ اللاصِقينْ لأنهَا لنْ تُعبرْ عنْ ذَاتِهِ ، بِقدرِ مَاهيَ ( سدَ رَمقِ جُوعِ الورقِ وَالفَراغِ ) أيضَاً ،، أختَلفُ مَعَ بَعض الأعضَاءِ فِيْ كَلمَةِ ( سَمَاجَةٍ ) ، فَالمُدونَاتِ ، مَاوُجدَتْ الإ كَـ مُتنَفسٍ ، يَكتُبُ بِهَا أربابُهَا مَايَشَاؤونْ لَستُ مُلزمَاً أنَا وأنتَ وَهُوَ بِقراءِتِهَا أو مُتَابِعتهَا ،، !! إذاً ،، فلمَاذَا ( أُحرِقُ دَميْ ) بِمُتَابَعتِهَا ، وَنقدِهَا ، وَ ( التَشهيرِ بهَا ) ، ليسَ كُلَ الأعضَاءِ يمَلكُونْ الرِيشَةِ الجَميلَةَ التِيْ يِملِكَهَا أربَابَ الأقلامِ . . ! حَتىْ يَفضفِضُونْ بِخوَاطِرَ نِزارِيَةٍ ، أوْ أشعَارٍ عَشمَاوِيةٍ . . !! لِذَالِكْ دَعوهَا تَجرِيْ كَمَاشَاءَتْ ، كِيْ لانُفسِدْ جَذلِ أصحَابهَا بِرأيٍ مَنقُوصٍ مُجردٌ رأيٍ أتمنىْ أنْ يجَدْ لدِيكُمْ صَدراً رحَباً فَوََخالِقِيْ مَا أردتُ الإ التَسدِيدَ مَا أستَطعتُ :) / أخيْ : سَعدْ شُموخٌ ، يَطَاولُ عَنانَ الغِيمِ سُمواً دُمتَ كَمَا أنتَ وأكثَرِ أخوكَ : عطرُ الرَحيلِ . :wilted_rose: |
رد: سماجة المدونات !!
السلام عليكم ..
بداية اشكر لك طرحك فكرة المدونات عامة جميله للي عنده مواهب يقدر يقدم شيء يستحق .. مو كل من هب ودب فتح مدونه ولا اخفيك علما اني قررت خلال الايام اللي راحت اني ماراح اضيف للمدونه بعد اليوم اي شيء لاني ملييت واكتشفت اني مااقدر اقدم شيء عليه القيمه وصادف سبحان الله موضوعك وطبعا كان قرار اتخذته مع احد الاخوات بس احب اضيف نقطه مهمه وللمعلوميه مااحب اجاوب على الاسئله بكل المواضيع النقاشيه عندي رد زين اقوله ولا اتابع واسكت :D همس المعتقل رائع ويلغي فكرة المدونات بالنسبه لي ومتابعتي له اكثر من المدونات لاني اعرف الفرق بين اللي يكتب هناك واللي يكتب بالمدونه .. تبغى الحق ملييت من القسم >> اول مراحل اليأس :090: ياليت من اصحاب الاقلام الجميله يفتحون معتقل ويعتقلونا معاهم بفكرهم وابداعهم عشان نلغي فكرة دخول قسم المدونه :122: الحقيقه انا مشاركه بااحد المنتديات والمدونات على اسمها تستحق متابعتها عكس هنا ..! الحريه للعضو بالكتابه بكل مكان مو حكر على الاماكن لكن حسب المنتدى والاقلام اللي تكتب فيه ومواضيعه وانت اذا نظرت للاقسام العامه والحوار راح تتوقع المدونات تكون كذا ...؟! بس بالاخير لابد من وجود قسم للي يحب ياخذ راحته بالكتابه من فضفضه او غيره يمكن لعل وعسى يبدع بالمنتدى ممكن اضيف شيء بس مو ذحين :D احترامي لك ياسعد بحفظ الله :icon26: |
رد: سماجة المدونات !!
يعطيك العافية يا اخوي سعد موضوع مهم ويستحق النقاش .. اول شي فكرة المدونة فكرة جميلة للي يقدر انه يفتحها ويقدم فيها بوحه وابداعاته .. شي يستاهل ان تكون له مدونه يعني ؛ لكن اللي شفناه غير كذا وانت تفضلت بذكر حوالي 5 نقاط من اهم سلبيات هالقسم .. وتفضلت البريئة بذكر ملحوظة اللي هي اقتباس:
: نرجع للأسئلة .. 1) تأيد/ين انه تنحط شروط وتعليمات لقسم مدونة الأعضاء؟ .. وإن كانت إجابتك نعم .. وش الشروط اللي تشوفـ/ين إنها ضروريه تكون موجوده قبل فتح مدونه؟ نعم .. ان يكون العضو مش جديد - له فترة بالمتدى - بمعنى تتعدى مشاركاته الألف مثلا .. الانتباه للصور الموضوعه بالمدونه ما تكون مخلة بالآداب .. وضع حد معين من المشاركات باليوم الواحد وحذف المشاركات اللي مالها اي داعي مثل الفيسات وبرب وهالكلام الفاضي واذا تغيب صاحب المدونه عن فترة تحددها الادارة تنحذف مدونته بس هذا اهم شي .. 2) اذا انتـ/ـي من المتابعين للمدونات .. وش اللي يشدك أكثر فيها؟ يشدني سوالف الاعضاء والمواقف اللي تحصل معهم و حلوه الخواطر اللي البعض يكتبها مع بعض ابيات الشعر وفي مدونات يكون تنسيقها مره حلو برضو احب اشوفها .. 3) أي المدونات تتابعـ/ـين؟ .. وهل متابعتك عشان اللي ينكتب في المدونه .. والا عشان صاحب المدونه؟ انا ما اتابع اي مدونة الا اذا كانت شدتني وشدني اللي مكتوب فيها ؛ و اعتذر عن ذكر الأسماء :) 4) سبق لك وقيّمتـ/ـي أي مدونه؟ .. وتقييمك كان عشان الشخص والا محتوى المدونه نفسها؟ نعم ؛ عشان محتوى المدونه نفسها .. و عموماً تقييمي للمواضيع او وضع الستارز لها يكون دون الالتفات لصاحب الموضوع .. 5) رايك انه يتم تحديد عدد المشاركات في المدونه الوحده خلال اليوم؟ .. وكم أعلى حد للمشاركات تقترحـ/ـين؟ اكيد .. وهو من الشروط اللي ذكرتها فوق ممكن 2 او 3 بالكثير .. 6) برايك فيه نوع من التميلح والسماجه في بعض المدونات؟! .. وإذا فيه أشياء ما تعجبك ممكن نعرفها؟! ...... 7) ملاحظاتك على المدونات : في مدونات فوق الرائعة وتستحق الاعجاب والمتابعه ؛ والتقييم وفي مدونات صراحة ماله اي داعي فتحها .. مع الاعتذار .. 8) اقتراحاتك لتطوير قسم مدونة الأعضاء أو حتى المدونات وأهلها بشكل عام : وضع مشرفين عليه .. والشروط اللي اقترحها سبق وذكرتها .. .. اخوي سعد ابدعت بطرحك واختيارك للموضوع كفيت و وفيت واتمنى تكون النقاط المذكوره بهالطرح محل اهتمام اي عضو قبل ان يفكر بفتح مدونه .. شكراً جزيلاً لك ؛ اطيب المنى / |
رد: سماجة المدونات !!
اقتباس:
الله يحييتس أختي مرجوجه بشويش :D أبداً .. اختلاف الرأي ما راح يفسد للود القضيه والله لا يجيب الزعل .. نبقى كلنا أخوان متحابين في الله .. ويهمنا نعرف وجهات النظر باختلافها الموضوع حطيته عشان نشوف اراء بعض من ناحية هالأشياء اللي تصير بالمدونات ويبقى الاحترام موجود بإذن الله للأشخاص وآراءهم ومدوناتهم بعد :) اتفق معتس إن المدونه للشخص وله الحر يكتب متى ما بغى .. لكن زي ما قلتي إنه يكون فيه رقي أكثر من بعض الأعضاء بمعنى .. إن محتوى المدونه يكون شي له قيمته ويخص صاحب المدونه .. حتى لو كان فضفضه خاصه .. أفضل من النسخ واللصق اجاباتس حتى ولو كانت مختصره :) .. فهي وجهة نظرتس ونحترمها بكل تأكيد وأجمل شي انتس تكلمتي بتلقائيه وجبتي اللي بخاطرتس بشكل مباشر وجميل مشكوره أختي على الحضور والتفاعل بإجابة الأسئله .. وأسعدتيني بهالمشاركه يسعدتس ربي ويوفقنا وياكم في الدارين دمتي بود وألف خير |
رد: سماجة المدونات !!
اولا .. مساؤكم ورد وموده من الله ..
في الحقيقه الي زمان من هاالمكان .. والاماكن وحشتنا مثل ماتعبر الكلمات عن نفسها ..! امممممممممممم في الحقيقة الموضوع عن المدونه يقول نزار قباني ليت عندي قلم من خشب .. ولوحة من حديد حتى تكون لي المساحة فاضية ويكون فيها حرية اكثر . بعيد عن شطب الدول لقوانين الكتابة المدونه لو رجعنا في الاصل .. هي ثرثرة ذات .. كل ماهو جديد قديم تحبة يعني مساحة فاضية .. مو شرط اتطلع لجديد ويحدد قلمي ونوعي وشخصيتي من خلال مشاركتي للمنتدى يعني لو شاركة في المنتدى راح تكون المدونه حقي .. له معنى .. ولاتميل لسذاجه ؟ انا لا افضل ابد وضع لشروط .. واذا كان في مدونه سامجة صدقني صاحبة راح يكون بمثل .. يعني بين قوسين( سامج ) تحية لقلبك .. |
رد: سماجة المدونات !!
) تأيد/ين انه تنحط شروط وتعليمات لقسم مدونة الأعضاء؟ .. وإن كانت إجابتك نعم .. وش الشروط اللي تشوفـ/ين إنها ضروريه تكون موجوده قبل فتح مدونه؟
نعم اتمنى ذلك حقا تحدد المشاركه فيها كل يوم ولا تتجاوز العدد المسموح به يعني اذا كثروا باليووم خمس مشاركات 2) اذا انتـ/ـي من المتابعين للمدونات .. وش اللي يشدك أكثر فيها؟ اكثر شيء الخواطر والشعر والاحاسيس واحيانا السوالف 3) أي المدونات تتابعـ/ـين؟ .. وهل متابعتك عشان اللي ينكتب في المدونه .. والا عشان صاحب المدونه؟ احيانا من الفراغ امر ع كل المدونات حب فضول ولكن هناك مدونات اتابعها باستمرار واستمتع بها ويشدني محتواها دائما 4) سبق لك وقيّمتـ/ـي أي مدونه؟ .. وتقييمك كان عشان الشخص والا محتوى المدونه نفسها؟ لم اقيم اي مدونه الى الان واذا قيمت لمحتواها اكيد5) رايك انه يتم تحديد عدد المشاركات في المدونه الوحده خلال اليوم؟ .. وكم أعلى حد للمشاركات تقترحـ/ـين؟ كما قلت خمس مشاركات في اليوم 6) برايك فيه نوع من التميلح والسماجه في بعض المدونات؟! .. وإذا فيه أشياء ما تعجبك ممكن نعرفها؟! ليس تميلح ولكنها تعكس اهتمام صاحبها اكيد في اشياء ليس لها اي داعي مثل صفحه كامله ع فيس بس او برب او صباح خير ومساء خير 7) ملاحظاتك على المدونات : من خلال اجباتي ادخلت ملاحظاتي <<<<<< طيب لاتطقين احد 8) اقتراحاتك لتطوير قسم مدونة الأعضاء أو حتى المدونات وأهلها بشكل عام : احس السؤال مكرر <<<<<< خخخخخخخخخخخخخ سعد كما عودتنا مواضيع وقلم متميز لاعدمنا تواجدك ايها الطيب دمـــــــــــــت بخير ونقاء |
رد: سماجة المدونات !!
اقتباس:
يا هلا والله بأختي نقآء ويحرستس إن شا الله من كل شر وظالم والله محد يلومتس لو كرهتي فكرة المدونات بسبب الأشياء اللي ذكرتيها لكن مو معناتها الواحد بسبب هالأشياء مثلا يغير رايه وما يحط له مدونه وهو ناوي :D بالعكس أي واحد يقدر يفرض نفسه بطرحه وأسلوبه ومحتوى مدونته ودام الشخص يحس عنده شي يقدمه من نفسه أكثر من الاعتماد على الأشياء الجاهزه طول الوقت .. فصدقيني راح يتميز بمدونته ويكون له متابعين ويكفي المثال اللي جبتيه عن نفستس .. وإنتس رحتي تدورين مدونه في الصفحه الثالثه من قسم المدونات .. بس عشان حريصه على متابعة محتواها اللي شفتيه يستاهل بمعنى إنه موب شرط تكون المدونه في الصفحه الأولى عشان تنقري .. المتابع راح يدورها لو بعد كم صفحه بالمختصر المفيد .. كل متابع له اهتماماته اللي ترضي ذوقه .. ويلقاها في بعض المدونات والأكيد إن كل المدونات ميب سيئه .. حتى اللي فيها نسخ ولصق .. بيكون فيها أشياء طيبه بس ملاحظاتنا .. هي بخصوص بعض الردود الفارغه .. أو المكرره من كثر النقل .. أو التميلح اللي ما له داعي ببعض الكلمات :akn55: يعني لا يخلون العالم تضيع وقتها في شي .. أقل ما ينقال عنه .. يعني شوفوني وبس والا بس عشان تزيد المشاركات .. حتى لو على حساب الذوق العام ورقي المنتدى :( ياخي عطني موقف فيه نكته توسع صدر اللي يدخل .. شي من يومياتك .. أمنياتك وأحلامك .. إحساس خاص فيك لو بسيط وبأسلوبك .. أي شي بس لا تنسخ وتلصق 24 ساعه والا فيسات وتقول فضفضه :09: وما أنسى فيه ناس .. الله يجزاهم خير .. حتى لو ما لقوا شي حطوا آيه قرآنيه أو دعاء من باب التذكير وهذا شي طيب ومفيد .. أحسن من فيس .. والا كلمة بنام .. برب .. الخ على الاقل اللي يدخل تكسب أجره إنه يقرا الآيه أو الدعاء .. ويمكن يجيك منه دعوه في ظهر الغيب بدل ما يجي يفتح المدونه ويلقى شي سامج .. يقول الله يخلف على أمن جابتك :D والا الحمد لله على نعمة العقل :052: مشكوووره يا غاليه على الصراحه <<حاسها تتكلم من قلب :122:>> والاقتراحات الرائعه اللي أتمنى إنها تكون محل اهتمام الاداره وتنفيذ لو بعضها وكلامتس بحق أخوتس شهاده أعتز فيها .. لا عدمنا هالروح النقيه اقتباس:
وإن شا الله ما فيه أي مضايقه لأحد .. هدفنا كلنا الارتقاء للأفضل واللي بيزعل من كلمة الحق الله يسهل دربه يالله عاد وأنا أخوتس .. جربي بعد ما قريتي كثير من المدونات .. وحاولي تصيرين شاعره والا كاتبه .. خلينا نشوف أسلوبتس .. ترى غيرتس موب أحسن منتس :157: << ناوي يوهقها :052: يسعدتس ربي ويوفقنا وياكم في الدارين دمتي بود وألف خير |
رد: سماجة المدونات !!
هلآ والله بأخوي الـعود دآيم موآضيعك تــسذا :122: عـآد أنا أكرهـ ماعندي الأسئلة ورح جاوب :(<< بيختصر:p أتمنى من الأدارة حذف أي مدونه لأي عضو لم تتجاوز مشاركاته الألف..لآن الأغلبية ماخذين المنتدى كمدونه وبس ... أما الردود اللي من طقة أبو 3 حروف وإلا كلمتين ...وبأروح أرقد ..وإلآ جانا ضيوف ...<<وش دخلنا حنا :052:...المفروض تحذف ... والأهم من هذا كله ..يخصص مشرف لقسم المدونات ..عشان يتفاهم مع هالعالم والصور و(بأروح أرقد):p وبس اقتباس: المشاركة الأصلية كتبت بواسطة ][ سعد الرجه ][ http://www.al-amakn.net/vb/al-amakn-...s/viewpost.gif رساله للأخ المانشستراوي .. بما إنك تفضلت بموضوع جميل يحتوي المميز بالمدونات كما تراه .. ولأنك طلبت من الأخت أم فهد .. إنها تفتح الموضوع للأعضاء فمن راي أخوك المتواضع .. تخليه زي ما هو خاص فيكم كإداره ومشرفين لأجل يكون فيه كنترول على الاختيارات .. وإلا بتشوف العجب لو انفتح الباب وأنا أولهم يا رجال تدخل قسم المدونات .. تحس بوحده من ثنتين .. يا إنك في مركبه فضائيه .. يا إنك داخل في اجتماع ضباط .. من كثر النجوم ذا اللي تلاصف :D ههههههههههههههههههههههههه والله إني ماعاد إلآ أتشقلب من الضحك :D في هذي صدقت ... وأنا من رآيك ...بس لو يكون فيه مشرف للقسم ...كان إنحلت المشكله كلها .. نبي شوي إهتمام من الأدارة ...وحضور ..لأن حضورهم قل الفترة الأخيرة .. صحيح ماندري عن ظروفهم ..لكن ياليت يرجعوا زي الأول:052: يوفقك ربي ويسعدك سعد وكل شوي هات موضوع من ذا النوع :157: |
رد: سماجة المدونات !!
سعــــد نــا رآقي كما عودتنا عليه نتشوووق لمعرفه ماداخل هذا الموضوع من كلام جميل 1) تأيد/ين انه تنحط شروط وتعليمات لقسم مدونة الأعضاء؟ .. وإن كانت إجابتك نعم .. وش الشروط اللي تشوفـ/ين إنها ضروريه تكون موجوده قبل فتح مدونه؟ نعم وياليت يكون شرط اساسي المشاركات تكون 2000 وفالاسبوع مشاركه وحده لترك المجال للأخرين 2) اذا انتـ/ـي من المتابعين للمدونات .. وش اللي يشدك أكثر فيها؟ اذا كانت المدونه بقلم الشخص نفسه 3) أي المدونات تتابعـ/ـين؟ .. وهل متابعتك عشان اللي ينكتب في المدونه .. والا عشان صاحب المدونه؟ اتابع المدونات الي تعجبني واحس فيه شي حلو لا أكيد مو عشان صاحب المدونه الي جو ا المدونه 4) سبق لك وقيّمتـ/ـي أي مدونه؟ .. وتقييمك كان عشان الشخص والا محتوى المدونه نفسها ؟ نعم سبق لي أن قيمت أكيت عشان محتوى الشخص 5) رايك انه يتم تحديد عدد المشاركات في المدونه الوحده خلال اليوم؟ .. وكم أعلى حد للمشاركات تقترحـ/ـين؟ نعم مشاركه وحــده كل اسبوع مو يوم 6) برايك فيه نوع من التميلح والسماجه في بعض المدونات؟! .. وإذا فيه أشياء ما تعجبك ممكن نعرفها؟! ياكثرهم عد واغلط..!! بس مقدر احدد لعدم جرح مشاعر الاخرين 7) ملاحظاتك على المدونات : صارت كثيره لدرجه انو الكثير يهتم بالمدونه ويترك المنتدى ياليت يكون فيه رقي اذا مو للشخص نفسه على الآقل للناس الي تتابع 8) اقتراحاتك لتطوير قسم مدونة الأعضاء أو حتى المدونات وأهلها بشكل عام : أن يكون المحتوى بقلم الشخص كي لا نحس بالملل باللصق والنسخ وأن تكون فيه متابعه للأقلام السارقه ....... كل الشكر لك آرق تحيه لقلبك • http://www.lialiq.com/up/uploads/ade89a2c96.jpg . . • |
رد: سماجة المدونات !!
بصراحه موضوع صرييح واعجبني حييل
واسلوب مميز لي عوده باذن الله للتعليق عليه يعطيك العافيه وتسلم الايادي |
رد: سماجة المدونات !!
اخي سعد طرحت مالم يتجرأ احد بالكتابة عنه المدونات ليست مدونات بقدر ماهي مذكرات شخصيه احيانا...ذهبت ...رجعت...نمت...ما هذا ...وماذا نستفيد نحن القراء من مثل هذا.... اعتقد بأنه ليس من حق من هب ودب ان يجعل له مدونه ويكتب بها اي عبارات تخطر بباله ...او يجعل من النسخ زينتا لمدونته ... فالمدونه يجب ان يكون لها رونقها الخاص بمشاعر صاحبها ...وبخواطر وعبارات قد تفيد قارئها ولكن ما اجده في بعض المدونات جعلني اقلل من قرائتي للأخريات.. اخي لن اخفيك ان هناك من المدونات ما تريح النفوس وتجذب العقول قبل القلوب ...ولأصحابها التقييم والتقدير لدي...... كم كنت اتمنى ان يكون لي مدونتا خاصتا بي وانت تعرف مابي من مشاعر ولكن اخاف ان اظلم مدونتي بتقصيري فيها ...او اهمالها لذلك عندما احس انني كفوء لها سأطرح موضوعها... كم اتمنى ان يكون هناك مراقبين للمدونات على الأقل لمراقبة بعض المشاركات التي تسيء لهم ولمنتدانا وحذفها...لإنه لايوجد من المدونات الرائعه إلا القليل... وكم اتمنى ان لا تفتح مدونه إلا من كانت مشاركاته فوق الألف مشاركه واتمنى ان تتقبل اعجابي بموضوعك الرائع والذي اتمنى من الجميع الإستفاده من ردود اخواني المشاركين لإن بها من الفوائد الكثير تقبل كل التقدير اخي الفاضل واعتذر عن اسلوبي في الرد اذا اغضب احد |
رد: سماجة المدونات !!
اقتباس:
فداك اللاش أخوي جنتل :) ويحفظك ربي إن شا الله من كل شر يا رجال أهم شي إنك ضحكت :D منها توسع صدرك .. ومنها تثرثر وتناقش وتسان عندك راي تسدحه :157: وجهة نظرك على عيني وراسي .. واتفق معك فيها لو كانت الصفحات في همس معتقل متروكه للعضو يكتب فيها يومياته وتكفي عن صفحة المدونات لكن الواضح .. أو اللي فهمناه في البدايه إن همس معتقل للكتابات الأدبيه أكثر شي .. ومحاتسيك أول ما حط المدونه هناك كرشوه هو ومدونته لصفحة المدونات :052: ما أدري هي وجيهنا ميب وجيه طرح أدبي وإلا كيف الوضع بالضبط :( المهم شوفة عينك .. وما عندنا اعتراض على المدونات .. بس شوي تنظيم .. ويخففون علينا الكحه والعطاس نبغى شي جديد :09: لا هنت أخي العزيز على هالطله السريعه :157: .. ومشاركتك ورايك اللي أسعدني بالتأكيد دايم تعال :D يسعدك ربي ويوفقنا وياكم في الدارين دمت بود وألف خير |
رد: سماجة المدونات !!
اقتباس:
الا ياقارين كل ذا سعد انا موافق على كل الي قلته :العيار: لا من جد لي عوده بعد سنتين :p <<< فيذا عضو مدري عضوه وده يزنطه :mad: ياشين الي يسمع كلام الوراعين :( ابرجع لك ياسعد :( سعد انت وش شعورك يوم تكتب كل ذا :( |
رد: سماجة المدونات !!
هلا وغلا بأخوي (أبو سعيّد) الغالي بصراحه إبداعك اللامتناهي في طرح المواضيع بأسلوبك المبدع لا يستطيعه إلا (سعد الرجه) فقط من يستطيع أن يطرح المواضيع الجاده بشكل عفوي و منمق و محبب لكل من يقرأ أشكرك من صميم القلب لهكذا طرح رائع نجي يالحبيب لمحاور نقاشك و بالعام مثل ماطلبت 1) تأيد/ين انه تنحط شروط وتعليمات لقسم مدونة الأعضاء؟ .. وإن كانت إجابتك نعم .. وش الشروط اللي تشوفـ/ين إنها ضروريه تكون موجوده قبل فتح مدونه؟ أكيد أفضل تكون هناك شروط لفتح المدونات أولها إنه يكون عدد المشاركات مثلاً فوق الـ 500 ثانيها يكون فيه ضوابط لكل مدونه تفتح مثل أن لا يقل عدد الكلمات عدد معين ثالثها أن نربط المشاركه في المدونات بـ طرح مواضيع معينه أو مواقف محدده أو أي شي المهم مايكون الطرح مجرد كلام مصفوف لزيادة عدد المشاركات. 2) اذا انتـ/ـي من المتابعين للمدونات .. وش اللي يشدك أكثر فيها؟ نعم أنا من المتابعين للمدونات الرائعه اللي تطرح مواضيع جميله ثقافيه أو فكاهيه أو شاعريه و يشدني فيها كلام صاحبها اللي يدل على جمال طرحه و كذلك تنسيقه و ترتيبه لما يكتب 3) أي المدونات تتابعـ/ـين؟ .. وهل متابعتك عشان اللي ينكتب في المدونه .. والا عشان صاحب المدونه؟ أتابع مدونات كثيره منها مدونة أخوي الغالي (أبوسعيّد) و أكيد أتابعها عشان الكلام المكتوب فيها 4) سبق لك وقيّمتـ/ـي أي مدونه؟ .. وتقييمك كان عشان الشخص والا محتوى المدونه نفسها؟ أعتقد مره قيمت مدونه و طبعاً كان بسبب محتواها 5) رايك انه يتم تحديد عدد المشاركات في المدونه الوحده خلال اليوم؟ .. وكم أعلى حد للمشاركات تقترحـ/ـين؟ أعتقد إنه أفضل تحديد عدد المشاركات يعني تكون مشاركتين أو ثلاثه ماتزيد عشان لما يجي صاحب المدونه يكتب شي فيها يفكر أكثر من مره وش يكتب 6) برايك فيه نوع من التميلح والسماجه في بعض المدونات؟! .. وإذا فيه أشياء ما تعجبك ممكن نعرفها؟! بصراحه فيه كثير من السماجات في بعض المدونات مثل ماتفضلت كلمات لاتعني أي شيء للقاريء 7) ملاحظاتك على المدونات : انت والله ماقصرت و جبت كل الملاحظات اللي ممكن نفكر فيها و لو إني أفضل تكون المشاركات بدون صور عشان ماتثقل على الصفحات 8) اقتراحاتك لتطوير قسم مدونة الأعضاء أو حتى المدونات وأهلها بشكل عام : أفضل يكون فيه مشرف أو مراقب يختص بس بمراقبة المدونات و يحذف أي مشاركه ماتعني أي شي للقاريء تحياتي العميقه لك أخوي الغالي و شكري الوافر لشخصك الرائع و لطرحك الجميل أخوك خيالك (ابوعبدالرحمن) |
رد: سماجة المدونات !!
اقتباس:
اسمها مدونه مو بموضوع الواحد يشرهه منقول ولا !! اكيد اغلب المدونات منقول اذا مو كلها اي شي يعجب الشخص ابيات صور مقال انقله وحطه بمدونته اقتباس:
اقتباس:
مثل الاخوان والاخوات اللي قبلي اقترح مو اي شخص يفتح مدونه لازم يكون في شرووط اقتباس:
طيب اذا انا مااعرف اعبر مثلك ولاني بكاتبه ولاشاعره مايصير افضفض بابيات شعر مايصير افضفض بصور شعر حكمه .. رسالة وسائط مو كل شخص يحب يذكر المواقف اللي يصير معه ومو كل شخص يعرف يعبر عشان يكتب اللي يصير معه سواء كان موقف او رؤيه معينه تكفيه فضفضته بنسخ ولصق ابيات شعر حكمه صور اي شي يعبر عن احساسه بهاللحظه سعد اذا انت تعرف تكتب وتعبر ولك ابيات خاصه فيك غيرك مايعرف يحط كلمتين على بعض و اذا مدونته كلها نسخ ولصق بابيات تعبر عن حالته او صور اعجبته او اي شي من اللي ذكرت عمرها ماصارت سماجه بالعكس هالشي راجع لاسلوب الشخص اقتباس:
مو لهالدرجه عقولهم صغيره يمكن الواحد لاشاف خويه كاتب بمدونته اشتاق يكتب بمدونته بس السالفه مو مجاكر اقتباس:
المدونات فضفضه ماهي بموضوع ينطرح عشان استنى الاعضاء يقرونه وياخذ حقه من المشاهدات اقتباس:
واكيد بدون زعل باقي ارد على اسئلتك :) تأيد/ين انه تنحط شروط وتعليمات لقسم مدونة الأعضاء؟ .. وإن كانت إجابتك نعم .. وش الشروط اللي تشوفـ/ين إنها ضروريه تكون موجوده قبل فتح مدونه؟ اكيد .. تكون في مشاركات معينه لاي عضو يبي يفتح مدونه اذا انتـ/ـي من المتابعين للمدونات .. وش اللي يشدك أكثر فيها؟ الاسلوب ترتيب المدونه الصور الابيات واخر اخبار العضو أي المدونات تتابعـ/ـين؟ .. وهل متابعتك عشان اللي ينكتب في المدونه .. والا عشان صاحب المدونه؟ عشان صاحب المدونه سبق لك وقيّمتـ/ـي أي مدونه؟ .. وتقييمك كان عشان الشخص والا محتوى المدونه نفسها؟ اي .. لمحتوى المدونه رايك انه يتم تحديد عدد المشاركات في المدونه الوحده خلال اليوم؟ .. وكم أعلى حد للمشاركات تقترحـ/ـين؟ لا مااقترح هالشي برايك فيه نوع من التميلح والسماجه في بعض المدونات؟! .. وإذا فيه أشياء ما تعجبك ممكن نعرفها؟! اي موجود ملاحظاتك على المدونات : انا شايفه ان فكرة المدونه فكرة جدا رائعه ماانكر ان في مدونات مالها داعي بس محد مجبور يقراها لانها بالاول والاخير فضفضه لااكثر اقتراحاتك لتطوير قسم مدونة الأعضاء أو حتى المدونات وأهلها بشكل عام ياليت يكون في مشرف عليها ووضع شرووط اللي ذكرتها فوق اقتباس:
واختلاف الرأي لا يفسد للود قضية ودي :) |
رد: سماجة المدونات !!
سلام عليكم موضوع حساس .. وصدق أخوي العيار لما قال ( أنت وش شعورك وأنت تكتب كل ذا ) :D ههههه ع الأقل كان خليت الأسئلة ثلاثة أربعه .. ثمااااانية !! :confused: طيب أجي للموضوع وأذكر الجميع بجملة حلوة ومهمة قلتها في أول موضوعك أخوي سعد، وهي : اقتباس:
أولا أحس الموضوع والردود فيها قسوة شوي ممزوجة باستهزاء وسخرية وتجريح لبعض كتاب وكاتبات المدونات !! واحد يقول لا تكتب في مدونتك كل يوم !! وثاني يقول مشاركة وحدة بالأسبوع !! >>> سلامات !! والثالث يبالغ بالنقد والاستهزاء ويقول : هناك ردود من ( نقطة ) بس !! >>> والي يعرفه الجميع أن الرد لا يقبل أصلا إذا كان نقطه !! والرابع يقول المدونات مالها أي داعي !! :confused: >>> كن مالها قسم خاص وأعضاء ومهتمين ومتابعين .. ! وخامس ينقد تعريف صاحب المدونة بنفسه !! حتى فرحة صاحب المدونة بمتابعة الآخرين لمدونته لم تسلم من السخرية !! :confused: وسادس يقول مليت من المدونات !! >>> سبحان الله! هذا شي راجع لك .. أحد أجبرك تدخل طيب ؟! ومعليش وسابع وثامن .. إلخ صحيح هناك بعض الآراء متعقلة وراكدة .. ولكن لابد ندرك أننا في منتدى نتسلى ونتعلم وننفس عن بعض . فأنا لما أجي وأجتهد وأحرص وأشارك وتوج هالشي بافتتاح مدونة أوسع صدري فيها.. ثم أحصل هالكلام !! :( ضعوا أنفسكم في مكانه !! الواحد ينتظر شكر وتقدير صح ..؟ مو تندر وسخرية !! ومو مشكلة شفت غلط أو ملاحظة أرسلها لي عبر الخاص.. أو انتقد بشكل عام .. وبأسلوب راقي شوي :o . والشي الغريب أن كثير من المنتقدين لو تتبعت ما يكتبون في مدوناتهم لوجدت تناقض لما يقولونه هنا. فضلا عن المجاملة في الرأي !! لاااا .. والأغلب هنا عمل تقييم للمدونات، وبنفس الوقت ينتقد تقييم المدونة عشان للشخص .. ودي أعرف منو أجل الي قيم للأشخاص مو لمحتوى المدونة ؟!! عموما أنا أحب أشيد بالرأي الشجاع والصادق للأخت ( قمورة ) فقد اختصرت شيئا كثيرا من الي بقوله - مشكورة - . وأحب أأكد على بعض النقاط .. نعم يا أخوان مو كل شخص يقدر يكتب ويعبر .. ترا الكتابة مو بالأمر سهل .. ومو عيب لما الواحد يحصل شي يجوز لها ينسخه لمدونته . صحيح أنا مثلكم ما أحب النسخ واللصق .. إلا بحدود المعقول . وأيضا احنا نحتاج لمشرف على قسم المدونات، و مو مشكلة تضع شروط معينة للقسم.. مثل تحديد المشاركات للعضو الي يسمح له بافتتاح مدونة.. كـ ( 100 ) مشاركة مثلا أو أقل. أو أن تحدد المشاركات في اليوم بشكل معقول . مو باليوم أو بالأسبوع مشاركة وحدة :confused: ومثل ما قالت الأخت قمورة : هي مدونة خاصة بالشخص خله يعبر فيها على كيفه، خله وينفس، ويكتب الي يريحه . مو حلو نتحكم فيه ونحكره ونتدخل بخصوصياته !! مو مشكلة .. لو شفنا إساءة - أيا كانت - كلنا ضدها . يجب أن يكون هناك مشرف للقسم ويتدخل بأسلوب لطيف . أخيرا .. أقول المدونة الأجمل هي التي تكون بيد صاحبها وتحكي واقعه الحقيقي، وهي ما تستحق المتابعه والتقييم . :) وبالمناسبة لم أتذكر أن قيمت ، واليوم دخلت إحدى المدونات فعجبتني جمله مكتوبة فيها، حاولت أن أرسل تقييما ولكن - للأسف لم أستطع، لأني لا أعرف الطريقة !! أعيد لابد من وضع مشرف لقسم المدونات .. وكذلك وضع ضوابط وشروط وتكون بشكل معقول :) . أتمنى أن لا يغضب من كلامي أحد وكما قال أخي وعزيزي سعد : اقتباس:
ومشكورين .. والاختلاف في الرأي لايفسد في الود قضية . |
رد: سماجة المدونات !!
السلااام ..
اخوي سعد .. مشكوور على طرح الموضوع بالاسلوب الأروع .. طيب انا ماعندي حكي اضافي الا اني اايــد واشيد بردوود قمووره والمبتسم ... بعدين / اخوي بالله عليك وش معنى << مدونه >> هي تدوين مايحدث في يوميات العضو .. بعدين هالقسم متنفس للعضو .. مهما كان بخواطر والا شعر والا سوالف .. يعني الخواطر لها قسمها بعد ... والنسخ واللصق ماينسخه العضو الا اذا كان يحكي عن احسااسه >> وهذولي الاعضاء اللي ربي ماعطاهم مثل ما عطى غيرهم في التعبري وكتاابت الخواطر او الشعر ... اخير / اشكر لك حماسك وافكاارك المجنوونه في الطرح ... دمت متميز |
رد: سماجة المدونات !!
ياخوي انت تخمر اصابعك في قدر سبانخ قبل لاتنام !! اخر موضوع طويل قريته عقد تمويل من البنك الامريكي قبل سنتين :p لي ثلاث ايام فاتحن الموضوع وقاعدن اقراه على دفعات تقل مسلسل تركي لا وداخلن جو كل يوم اطلب ديلفري من بيتزا هت خخخخخخخ اقتباس:
شف وانا امك مدري واناخوك تذكر ذيك الي اذا جات فالتلفزيون تغني خفنا منها تسنها ديناسور الي تقول ( قول لزمان ارجع يازمان ) هذا حالناالحين , الجيل الاول تغيروا الله يذكرهم بالخير , كانت الكتابه عفويه الواحد اذا جاء يكتب المووضوع يتعب عليه قبل ماينزله تقل تسنه يحضر لأختبار والي يقراء تقل تسنه يتابع مسلسل من كثر مايندمج مع الموضوع . الجيل التالي جيل (تيكاوي) وناخوك . جيل قص ولزم وزبرقه اذا دخلت الموضوع تسنك داخلن محل تغليف هدايا :العيار: اوكيه شكله حلو بس ماتدري وش مكتوب من كثر التشكيل الي على الكلمات لا وياليتها يم جاده !! وكل ذا كوم والتواقيع كوم عيونك تحول اذا شفت توقيع ..... جمله يمين وجميه يسار احولينا ياقدعان :09: حبيبي وينك فقدت حبيبي معرفتك غلط لعنبوا ذا المشاعر والاحساس حب ذا ولا غميمه كل سطر في جهه على العمومز انامعك في الي قلته المدونه هدفها ( انها تعبر عن يوميات العضو وغير قابله لنسخ والزق ) لكن المسأله وانا اخوك مسألة تثقيف سوا فالمدونه او اي قسم ثاني .. وسبق ان كتبت موضوع عن الهدف من تسجيل العضو في المنتديات وهل التسجيل فالمنتديات اضاعت وقت او كسب مهارات ؟ والقليل واناخوك الي يفكر انه يكسب مهارات . ما اطول عليك <<< الا قل مليت :العيار: حنا كأداره ننتظر وش يكون راي الجميع بعد الرد على اسألتك وان شالله راح نعتمد على الاجوبه الاكثر عقلانه وفايده وربك يسهل الامور واهم شي انت ريلاكسيشن :) يخليك ربي :) |
رد: سماجة المدونات !!
رسالة .. للتوضيح : الموضوع .. لم يطرح للاستهزاء بأحد .. أو السخرية منه .. أو التندر عليه وأيضاً .. ليس لحشد الآراء .. من مع من؟! .. ومن يختلف مع من؟! هي آراء فقط .. في نقاط معينة .. قد نتفق عليها أو بعضها .. وقد نختلف أمر طبيعي .. وصحي .. لأي طرح للنقاش فالاحترام .. يبقى محفوظاً للجميع .. أصحاب المدونات وغيرهم وأحترم كل المشاركين بردود .. حتى وإن اختلفوا معي .. فلن أنظر إليهم نظرة دونية أو استهزاء لكن أن يتم تأليب الأعضاء .. وإيهامهم أن هذا استهزاء بهم وجر الموضوع جانباً إلى مهاترات نحن في غنى عنها فهذا ما لا نرضاه هنا .. ولن نعطي المجال لمثل هذا التعاطي أن يحدث قسم المدونات .. يبقى كالأقسام الأخرى .. معرض للنقد وكل ما يطرح فيه .. ولم نتجه لمهاجمة الأشخاص في ذواتهم .. أو نحو أسماء معينة هي تسليط ضوء على أشياء تحدث في بعض المدونات .. التي نرى أنها خارج الهدف من وضعها .. ولم نتدخل في خصوصيات أحد !! نقاط نناقشها .. كل منا يدلي بدلوه .. ويعطي رأيه .. واقتراحاته إن كان لديه شيء يضيفه وفي النهاية نلفت نظر الأحبة في الإدارة إلى أن هذا القسم يحتاج وضع مشرفين وضوابط لفتح المدونات والمشاركات فيها وكذلك نخرج بمحصلة قد تساعدهم في تطوير القسم وسآتي فقط .. لما وضعته الإدارة الموقرة كعنوان لقسم المدونات http://www.al-amakn.net/vb/uploaded/127_1265815376.jpg لاحظوا .. (( تهتم بشؤون العضو )) ولم يذكروا أنه قسم للمنقول والمنسوخ !! ومع ذلك .. فمن يقرأ موضوعي جيداً .. سيجد أنني لم أصادر حق أحد في النقل أو النسخ واللصق .. هذا ما قلته بالتحديد : اقتباس:
وإن كان العذر .. أن العضو .. لا يستطيع الكتابة أو التعبير .. فهذا منافِ للحقيقة فنفس الأعضاء .. نجدهم يردون ردوداً جميلة وراقية .. ويطرحون مواضيعاً تستحق .. حتى وإن كانت أفكارها مقتبسة أو منقولة في نهاية الأمر .. لديهم القدرة على التعبير ولو بشكل بسيط وتلقائي .. إن هم أرادوا فلم نطلب أن يكون صاحب المدونة كاتباًَ مرموقاً .. أو بليغاً وضليعاً في الأدب والطرح أكثرنا .. تمرسنا على الكتابة في المنتديات .. وطورنا أنفسنا تدريجياً .. فبداياتنا كانت عادية .. وربما لا تذكر جميل أن يكتب العضو ما يريد .. بأسلوبه هو .. دون تكلف أو تنميق .. وسيجد أن ما يضعه مقبولاً ومستساغاً .. طالما هو يحكي شؤونه بطريقته الخاصة للمعلومية .. حتى أصحاب المدونات الخاصة جداً .. أو ما تسمى صفحة blog يضع أصحابها قسماً لتعليقات الزوار وملاحظاتهم .. حتى يرى الانطباعات حولها .. من أجل أن يطورها إلى الأفضل إذاً .. لا يعقل أن تكون صفحات في المنتدى .. ضمن خصوصيات الشخص .. وأننا تدخلنا في خصوياته وصادرنا حقه .. فالخصوصيات تختلف عن صفحات المنتدى .. ولا نعطي أنفسنا الحق في التدخل فيها أو الحديث عنها !! في الختام .. هو موضوع طرحته بأسلوبي .. عن بعض الممارسات التي نرى أن من الأفضل تلافيها ومن يعرف سعد في هذا المنتدى منذ سنوات .. يعرف أسلوبه وماذا يقصد !! هي لغة طرح .. أو أسلوب لا يستسيغه البعض .. لأي سبب يخصهم .. ولكنه يبقى مقبولاً عند كثيرين ومن يرى أن هذا الطرح تهكماً عليه شخصياً أو تجريحاً .. فأنا أملك الشجاعة لأن أعتذر له أمام الملأ وبالمناسبة .. أخي العيار .. جاء ووضع ردين جميلين .. بدعابة معروفة عنه وهل كان يقصد .. الاستهزاء بـ سعد أو السخرية منه؟! سأجيب أنا .. لأنني أعرف أن هذا هو أسلوب العيار .. ضحكت كثيراً في الردين .. وفرحت بتواجده وتفاعله .. حتى لو يختلف معي ولم أعتبرها استهزاءاً بي أو موضوعي .. ولأننا نتعامل في هذا المنتدى كأخوة نحترم بعضنا .. و " نمون " على بعض !! شطحه / الحين تعال يالعيار على جنب بأتفاهم معك : وش تطول عليّ؟ .. شايفني تلفزيون ;) كح كح << يا قدمكم :052: إلا راعي محل وتمون يا طخيمان أفندي :oo9: .. بعدين أوكيشن .. أنا ريلاكسيشن ونص .. وشفني أشرب نيمون :122: كويس إنك رجعت مره ثانيه .. وإلا تسان ناشبن لك لين تجي .. إن شا الله بعد عشر سنين إذا الله عطانا وياك عمر << ريضين بالدنيا :8b48593a21: قلت ذا الأطخم وين راح .. كنت ببلغ عنك شريطية حراج بن قاسم :p إن شافوك يركبونك بأقرب حمالية مع شقلة دواليب وكنديشنات خربانه .. ويرجعونك للمنتدى خبري فيك زول متى بتجي ترد :D .. بس قلت منتظره منتظره .. وراح أسمع له كل ذا الحتسي اللي هو ناسخه :akn55: وكنت بسوي لك توصيه عند مدرس في خنشليله .. تاخذ تقويه ليلي :o خبري فيك متى تحفظ .. قلت كوده يدفك << وين موتر طافي :p << ما تشوف إن كلمة كنت تساثره عنده تسنه واحد توه مبطل يدخن أبو بس :العيار: والله شعوري وأنا أخوك وأنا أكتب هذا كله .. زي شعور أي مواطن .. دابج في مثلوثه بايته من مطعم أبو يمن توه فاتح وما مشى سوقه << وش تبي أكثر من كذا بغثرة تسبد ومِرّ :09: ويكون في علمك .. ذا الموضوع فيه طلبات ومعاريض .. عشان يحطونه في دفتر الخال جينيس .. بس قلت بدري عليكم والأماكن حيتن ترزق << وين جدتك وبارن بها؟! :D ههههههههههههههههههه يا مجنون .. والله إني داري :115: من يوم اللي صمصم لي الصوره الرمزية فديت انيملاته عطانياها .. وأنا قايل إنك بتذب علي بسبتها عاد تصدق إني حشيتني قبلك .. قسم قلت على ذا اللطمه بذا الشماغ اللي تسنه تجليده مدري سماط قديم ما ناقصني إلا كيس سمنت والا بلكتين راقي بها درج بيت يرمم :25: وانت لين الحين بازن بصورتك <<عود عليه>> يا جون سينا الدخل المحدود مفقش على العالم .. حاط عضلاتك .. وخبري فيك عصل .. إلا تسانك مسوي تفخ بسليكون :052: هههههههههههههههههههه أما تسانك مسوين تسذا .. بتذكرني بخويي راعي النيميل .. لعب حديد فتره .. وحبّلت يديه :D << طلعت عضلاته ميب زي بعض تسنها لساتك في مسبح :65: موب تسني مسكت خط <<بدري :052: الله يذكرك بالخير ياخوي كحيلان11 .. كنت أذب عليه في مسكات الخط .. وشكلي تعديته بمسافه .. يالله الخيره :h025: البقية من الأحبة .. سآتي على ردودكم تباعاً .. وسيأخذ رد كل منكم حقه من المناقشة .. وهي كما أنتم .. موضع تقدير واحترام .. وشكري الخاص على طرح آراءكم !! دمتم بألف خير .. وسالمين :ba3a27f267: << سالمين يعني طيبين موب حضرمي ;) دمتِ بود وألف خير |
رد: سماجة المدونات !!
وضحت كثيرا أخوي سعد في تعقببك الأخير .. شكرا لك
وثق تماما أني ما كنت أقصد أي شي سيء . لا جر ولا مهاترات ولا حشد آراء ولا شي من هالقبيل .. بالعكس .. أنا ناقشت الموضوع بشكل كامل .. وهدفنا الرقي بالمنتدى والاحترام المتبادل فيما بيننا .. وهي آراء تحتمل الصح وتحتمل الخطأ .. وأنا أيضا أعتذر لكل من حس من كلامي أني أخطيت عليه . أكرر شكري على أسلوبك الراقي . وبالتوفيق للجميع .. |
رد: سماجة المدونات !!
, دآيم دآيم آفكر بهالناس مدري يآآنهم صاحين يا انهم صاحين <مآتسب :العيار: ,, بس جد احس اني مو بالسسعوديه لا قريتهآ يعني كل وآحد حبيبه خاينه , كل وأحد يتمنى قرب حبيبه هو عندي حبيبين غير المعرسين <شطحت :fe2664003d: ,, بعدين المدونه نفس المذكره اليوميه يعني انت تكتب مب تنقل كلام خلق الله :p77: الله لا يبلانا / :060: المهم نجي لم الاسسئه بعيدا عن هذرتي الجارحه :0118: ,, :wilted_rose: 1) تأيد/ين انه تنحط شروط وتعليمات لقسم مدونة الأعضاء؟ .. وإن كانت إجابتك نعم .. وش الشروط اللي تشوفـ/ين إنها ضروريه تكون وجوده قبل فتح مدونه؟ نعم نعم , :110: مآيجي فيه منقول ( آكثر ماابغض) , يآخي نبي كلآم اعضائنآ http://www.al-amakn.net/vb/images/icons/2009/gah.gif , مايكون فيه موسيقى مافي صور فآضحة وكذا واللي بينقد او بيثني على صاحب المدونه يرسل له مو يجي بمدونته يحوسهآ < متعقده :88: . 2) اذا انتـ/ـي من المتابعين للمدونات .. وش اللي يشدك أكثر فيها؟ آي عضو يكتب او يسولف يعني من كلامه المدونه تششدني و تشوفني كل يوم عندهم < بثره :060: , 3) أي المدونات تتابعـ/ـين؟ .. وهل متابعتك عشان اللي ينكتب في المدونه .. والا عشان صاحب المدونه؟ المدونات اللي فيها ششي من الكاتب / و لآآتابع آحد لشخصه بل لمدونته , .. 4) سبق لك وقيّمتـ/ـي أي مدونه؟ .. وتقييمك كان عشان الشخص والا محتوى المدونه نفسها؟ قلنآ المدونه وش ابي بالشخص , اصلا عيب اظهار المششاعر :060: , مير اني ماقد قيمت آحد آبد آبد , 5) رايك انه يتم تحديد عدد المشاركات في المدونه الوحده خلال اليوم؟ .. وكم أعلى حد للمشاركات تقترحـ/ـين؟ آجل يتم يتم , مدري على حسب تفحيطه بمدونته :060: , 6) برايك فيه نوع من التميلح والسماجه في بعض المدونات؟! .. وإذا فيه أشياء ما تعجبك ممكن نعرفها؟! آكثر مآآكره , الصور الخليعه و الاغاني بالمدونات , وكلآم الحب الفاضح <مرآهقه :060: ماعليشش محنآ ناقصصين ذنب :( و ثلاث ارباع المدونات ششآمجه , كل آبوهآ آيقونات , ممكن الايقونلت تنفع احيان لكن الحتسسي آبلغ :060: 7) ملاحظاتك على المدونات : مابه جديد / النسخ واللصق آقرفنآ :( 8) اقتراحاتك لتطوير قسم مدونة الأعضاء أو حتى المدونات وأهلها بشكل عام : الالتزام بالشروط اعلاه ,, :060: ^ آحس آني بمجلسس شورى ,, :D , ششكرآ علاموضوع يآصاح http://www.al-amakn.net/vb/images/icons/2009/fdhtb.gif |
رد: سماجة المدونات !!
اول شي :2b:
السلام عليكم ورحمة الله وبركاته ثاني شي :2b: اخونا العزيز سعد وربي انك تعجبني بس احيانا تصير صريح بقوهـ المهم والله انا اعترف ان مدونتي فيها من ذا السماجهـ على قولتك بس احاول قدر المستطاع اني اتسنع :052: واذا على التأليف والخواطر ومدري وشو وربي دايما احاول بس مايطلع معي شي :( المهم خل نجاوب على ذا الاسئله 1) تأيد/ين انه تنحط شروط وتعليمات لقسم مدونة الأعضاء؟ .. وإن كانت إجابتك نعم .. وش الشروط اللي تشوفـ/ين إنها ضروريه تكون موجوده قبل فتح مدونه؟ ايه يعني يعني زي ماقال الكثير من اخواني وخواتي مايصير يسجل ودايركت يحط له مدونهـ يعني لمن نتعرف اول ويصير له كمن مشاركه ثمن يحط له مدونه 2) اذا انتـ/ـي من المتابعين للمدونات .. وش اللي يشدك أكثر فيها؟ انا احب السواليف وبعض الخواطر 3) أي المدونات تتابعـ/ـين؟ .. وهل متابعتك عشان اللي ينكتب في المدونه .. والا عشان صاحب المدونه؟ انا اتابع للمدونه نفسها وبعض المدونات خشيت فيهم علشان صاحبهم:2b: 4) سبق لك وقيّمتـ/ـي أي مدونه؟ .. وتقييمك كان عشان الشخص والا محتوى المدونه نفسها؟ بصراحه ماقيمت لان ماعرف شلون اعبر هع 5) رايك انه يتم تحديد عدد المشاركات في المدونه الوحده خلال اليوم؟ .. وكم أعلى حد للمشاركات تقترحـ/ـين؟ يعني مدري عادي 6) برايك فيه نوع من التميلح والسماجه في بعض المدونات؟! .. وإذا فيه أشياء ما تعجبك ممكن نعرفها؟! في احيانا بس موب قايلهـ :D الاخوان والخوات كفوا ووفوا 7) ملاحظاتك على المدونات : انا بصراحهـ معجبتني فكرت المدونات بس ودي يعني انوا مو اي حد يسوي له مدونه ووشسمونه زي ماقالوا النجوم مخربه هع 8) اقتراحاتك لتطوير قسم مدونة الأعضاء أو حتى المدونات وأهلها بشكل عام : هع اقترح يصير فيه هذا اذا احد حط يعني مشاركه اقل من 10 حروف ماتنحط بكذا نتفاادا ذا اللي تقولون اللي يحطون برب وبروح انام ومدري وشو وبس:090: اتمنى ماحد يزعل من الموضوع بحد ذاته لان هو ابداء رأي واللي يبي يزعل لاا يدخل هنا :p |
رد: سماجة المدونات !!
اقتباس:
يحييتس ربي خيتو البريئه الإداره ما قصروا .. حطوا هالقسم عشان يكون بمثابة المتنفس للعضو .. يكتب عن نفسه ويومياته عادي يحاول يألف إذا عنده موهبه في شعر .. أو قصه .. أو حتى أرانب :p أي شي يمكن البعض يكون عنده كتابات قصيره أو محاولات معينه .. ويكون مستحي أو متردد يحطها في موضوع مستقل كخاطره أو قصيده مثلاً .. فتكون مدونته زي الكشكول الخاص .. لكن مو أرشيف منقول .. ويقولون نتنفس :110: كلنا ندري .. الأشياء المنقوله لها أقسامها .. سواء أدبيه أو غيرها .. وفيه بعد المنفى يا هو بيفيض علينا لو طبقوا حذف المنقول من المدونات :confused: شرط يا أغلب المدونات إن تنحف بقوه .. موب تسنها مسويتن ريجيم وبس .. إلا بتختفي .. قصدي بتفضى عشان أغلب اللي فيها إذا موب كلها .. مزروف من متسان ثاني :akn55: أنا مره شفت أحد فتح مدونه .. بعدها إلا يفتح مدونه ثانيه والأولى توها ما بعد وصلها الماء والكهرب :09: مدري هو النسيان خلاه ينسى إنه فتح مدونه قبل تسذا .. أو عشانه ما يدل في المنتدى ضيع الحاره اللي سكن فيها أول ما وصل وحط مدونته :052: فقال مالي ومال الدوران ومتى بألقاها خل أختصر الوقت وأفتح غيرها .. أو إنه يحسب نفسه في مدرجات الملعب وحاط بجنبه سجاده يحجز لخوياه محل بجنبه :p << قديم ما لحق على الكراسي في الملاعب :confused: بس زيهم بصراحه ما تلومينهم .. دام ما فيه أحد يتفاهم معه عند باب القسم .. أكيد بيسوون اللي يطري عليهم يعني لو كان فيه قوانين وشروط لفتح المدونه تحكمهم كان ضبطت الأمور وصار فيه تنظيم شوي أما التقييمات .. أشوى إنها توقفت من الإداره :122: .. وأكيد إنهم بيحطون لها تنظيم معين وإلا أول الله لا يوريتس .. الواحد إذا جا يمشي بين المدونات حده بس يلفلف عشان ما يتوطى ذا النجوم من كثرها على باله عيون قطط :D ههههههههههههههههه أما اللي حاط تقييم وهو مشاركتين .. شكله يحسبها صوره شمسيه وضروريه مع العنوان .. شوي ويكتب عمل الطالب مدرعم :p لا تلومينه .. هو شاف ذا النجوم تلاصف وتلمع يمينه ويساره .. قال بدل ما أروح لشارع الغرابي وأخسر زبرقه على مدونتي .. خل أصكها بتسمن نجمه عشان ما أصير مطب بين باقي المدونات وينتبهون لي العالم :110: وانتي الصادزه .. موب نحشه وبس .. بعضهم حتى ما سلم ولا رحبوا به في قسم الترحيب .. جا حط مدونه وديور لمنتدى ثاني .. وإلا أهله خذوا لابتوبه وما عاد قبّل على النت :( الفيسات وما أدراتس مالفيسات .. هي الأكيد محطوطه في أي منتدى كتعبير أو تعليق على كلام معين .. يعني غالباً تكون بعضها في آخر جمله .. وإلا بين كلمات لكن زي ما قلتي .. بعضهم صفحه كامله كلها فيسات .. والسبب بسيط جداً .. زيادة المشاركات زيها زي .. برب .. باكل .. بنوم .. بغسل خشتي .. بقوم شغالتنا :p << ما وده يجيب باقي الاختيارات :052: وكل فيس .. وكلمه زي كذا .. بزيادة مشاركه والحسابه بتحسب .. بغض النظر عن المحتوى والمضمون .. والفايده للي ضارب مشوار وداخل المدونه الله يقطعك يا ذا الإحساس اللي طول الوقت مرتبط بفيسات ساده .. بدون أي كلام .. وش ذا؟ .. والله لو إن الإحساس نفسه أطرم ما عجبه فيسات تنوب عنه :confused: اقتراحاتس في محلها .. ورايتس متوافق تقريباً مع أغلب بقية الآراء .. بخصوص شروط فتح المدونه .. وعدد المشاركات اليوميه في المدونه الوحده وأيضا منع المنقول .. أو على الأقل التقليل منه قدر الإمكان .. لأنها زي ما قلتي صارت قسم (ذائقه عذبه) آخر .. وبشكل عام ( أرشيف متنوع للمنقول ) أبداً أختي .. ما كنتي قاسيه .. قد ما كنتي البريئه الجريئه في اراءها زي ما عرفناتس وحنا هنا أخوان ونمون على بعض .. ولو مزحنا أو كان الطرح فيه ذبات شوي .. فهي من باب الميانه وإن البساط أحمدي بين الكل .. وإن شا الله محد ياخذها على محمل ثاني وانتي بعد كفيتي ووفيتي وما قصرتي في صراحتس اللي أتمنى ما تزعل أحد ألف شكر يا غاليه على حضورتس واتحافنا بآراءتس الصريحه دون مجامله يسعدتس ربي ويوفقنا وياكم في الدارين دمتي بود وألف خير |
| الساعة الآن 06:29 PM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.