جوال نوكيـا (N80) .... بالصور
مواصفات N80 الكاملة عرض الجهاز : 50 mm طوله: 95.4 mm الوزن : 134 g - ألوان الشاشة : 262,144 لون دقة العرض في الشاشة : 352*416 - الكاميرا : 3 ميغا بكسل الزوم: 20X مع فلاش تصوير الفيديو : Mp4 و 3gp زوم التصوير بالفيديو : 5X دقات التصوير للصور : 2048 x 1536, 1600 x 1200, 1280 x 960, 800 x 600, 640 x 480 pixels دقات تصوير الفيديو : 352 x 288; 176 x 144, 128 x 96 (pixels الألوان التي تصل إليها الكاميرا : 16.7 مليون لون . 24 بت مع خيارات عديدة و كثيرة للتصوير رائعة جدا - الكاميرا الأمامية :VGA مع زوم 2X - راديو FM - الذاكرة الداخلية : 40 ميغا - الذاكرة الخارجية : 128 (قابلة للتوسع) - مشغل الموسيقى و الفيديو يشغل جميع الصيغ _ الصوت ستريو - يركب عليه جميع برامج Symbian السابقة - التوصيل : USB 2.0 بلوتوث أشعة تحت الحمراء Infrared Integrated Wireless LAN (802.11g) and UPnP (Universal Plug and Play) - تعمل عليه جميع برامج و ألعاب JAVA - الملحقات التي تأتي مع الجهاز : البطارية ( تصل ل 3 ساعات تكلم و 8 أيام في وضع التشغيل العادي ) اترككم مع الصور :) http://www.al-amakn.net/up2/uploads/4b7339886c.jpg http://www.al-amakn.net/up2/uploads/a33b51b12e.jpg http://www.al-amakn.net/up2/uploads/15fc596060.jpg http://www.al-amakn.net/up2/uploads/d21febfdfb.jpg http://www.al-amakn.net/up2/uploads/1d904bc520.jpg http://www.al-amakn.net/up2/uploads/16ffb04430.jpg http://www.al-amakn.net/up2/uploads/aad230e1fc.jpg http://www.al-amakn.net/up2/uploads/7bb5d48f0c.jpg http://www.al-amakn.net/up2/uploads/b9e66275b8.jpg http://www.al-amakn.net/up2/uploads/abc0eec136.jpg http://www.al-amakn.net/up2/uploads/759d046211.jpg وسلامتكم :) |
العيار
يعطيك العافية اخوي واخاف يكون مثل N70 كثير من اللي أعرفهم ما يمدحونه وغير الزعيم لا تدور تحياتي |
صراحة رائع جداً كل مرة شركة نوكيا تتحفنا بنوع أروع من النوع اللي قبله مع مميزات أكثر.. بس ما توفي معنا بالمرة.. ياخي ما نلحق نشتري الحديث إلا ونازل الأحدث بعد يومين:027: نوكيا ارحمينا:060: تسلم العيار على ما روعة طرحت من صور ومميزات |
تسلم يالعيار على هالموضوع
لكن هالجهاز سميك زيادة شوي وانا اشوف ان هالشي عيب بالنسبة لي لكن مواصفاته وخاصئصه رائعة ****** الزير قل للي ما يمدح الـ n70 ماعندك سنع واذا كانت فيه مشاكل خله يركب السفتوير الجديد وراح يدعيلك تحياتي للجميع شمالي |
بصراحه مرررررره راااايق ... يسلمووووووووو العيار ويعطيك العافيه .. . . دمت بود .. تحياتي...عشق الليل |
هلا الزير عبيد
والله اني مدري لاني ماجربت n70 ماجاز لي ابد , لكن ان شالله انه احسن وحياك ربي :) كل الحزن والله انتس صادزه ذبحون كل كم شهر منزلين واحد والمشكله مايحطون كل المواصفات الزينه في جوال لازم ينقصون ميزه علشان يحطونها في جوال ثاني على العموم كل واحد عقله في راسه اللي بيمشي وراهم الله يعينه وياهلا وسهلا نورتي صفحتي :) شمالي والله اني مدري يمكن انه سميك بس انا شخصيا ماشفته على الطبيعه وبخصوص n70 مع احترامي لك زي وجهك :3yar: حياك ربي :) عشق الليل ياهلا وسهلا الروعه تواجدك تشاااوز للجميع :) |
شمالي
والله اني مدري يمكن انه سميك بس انا شخصيا ماشفته على الطبيعه وبخصوص n70 مع احترامي لك زي وجهك هههههههههههههههههههههه هههههههههههههههههه هههههههههههههههه ههههههههههههه |
عقبيتك اوي ياخويا :3yar:
|
هلا اخوانى
انا شكله ومواصفاته عجبتنى بس ودنا احد يقلنا سعره كم ؟؟؟ بس زى ماقال الاخ شمالى لما تركب السفت وير الجديد حق n70 راح يزبط مرررررره انا عانيت من مشاكل بس ارتحت لما غيرت السفت وير الشى اللى ما عجبنى بالنوكيا الحين كل وحده اقابلها معاها n70 انا ما احب كذا وما نلحق نشترى الجديد الا كلها شهر ويطيح سعره مرررررررره والله احترت |
الحمدله على السلامة توووفي
وسعدنا برجعتك وبالنسبة لسعره حتى هذه اللحظة 3000 ريال وكان قبل اسبوع الى عشرة أيام ما يقارب 4000 ريال وفيه مميزات أفضل من N70 وإذا كنتِ تفكرين به فانتظري قليلاً حتى ينزل سعره تحياتي |
الزير لو سمحت اعتذر اعتذار رسمي من جوالي ما اسمح لك تسبه
اجل n70 شين حراااااام عليكم وربي انه زي الحلاوة ويكفي انه يشبه شمالي :01001: اشتروا n70 وعلى مسؤليتي وربي انه روووعه هو صح كلن اشترى مثله بس لا حول ولا قوة بكرة n80بتشوفونه مع الكبير والصغير عادي اهم شي الاخلاق :0060: تحيااتي...دمووع |
زي ماقال اخوي الزير سعدنا برجعتس اخت توفي
بخصوص الجوالات زي ماقلت سابقن ان اللي بيقعد يلاحق وراها بيتعب انا شخصيا صرت قاعدتي اني ما اشتري الجوال اول ماينزل اشوف وش عيويه بعد نزوله بكم شهر وفي نفس الوقت ينزل سعره دوام التوفيق لتس اختي الفاضله ويعطيك العافيه اخوي الزير على توضح السعر تحياتي وتشاوزاتي لجميع |
دموع الورد
ههههههههههههههههههههه ههههههههههههههههه هو لأنه يشبه شمالي مو حلو وما شفتي رد حبيبنا العيار عليه يوم قاله مع احترامي لك زي وجهك |
السلام عليكم ورحمة الله وبركاته
يعطيك العافية أخوي العيار ... بالنسبة ل N70 من أول كان يهنج ويطفى معي بس بعد ما حدثت السفتوير طلع روعه.... أما N80 أنا شفته هو حلو بمواصفاته و حجمه... بس زي ما قالو صعبة تتابع الجوالات واحد ورا الثاني.... ومشكورين |
ههههههههههههههههههههه
انا لما اشوف الزير متصل علي بالجوال ويعلمني عن موضوع ادري انه مخبط بالكلام وخايف اشرشحه فيسبق ويلطف الجو لكن ما اقول الا الشرهه علي اللي معطيكم وجه ومخليك انت والعيار تشخصون معي وانا مبسووووط تدري ليش لأن العيار يحسبونه السواق وانت البدي قار المصري حقي لكن نرجع للموضوع انا انصح اي شخص يبي يشتري جوال جديد لازم ينتظر شوي لأن ربعنا يجبونه بسرعة ويعربونه تعريب اي كلام ويصير فيه من المشاكل قومه وقعده وكل الاجهزه التي تحتوي على برامج وتعريب تكون في اول ايامها متعبه ولكن بعد نزول البرمجه الجديده تعود وتكون من افضل الاجهزة والدليل على كلامي محور نقاشنا وهو n70 الذي اثبت وجوده والدليل سعة انتشاره في يدين العالم وبعدين يا استاز عيار فلكس انت اكبر المطبلين لـ n90 ووهقت بعض الناس ولم تُقدم على شرائه اتق الله في نفسك فالسهم مكرر ارباحه عالي وانت تصرف على النسبة <<<<<<<<< الاخ ذابحته الاسهم باي |
كلامكم واجد
بس بصراحه ما في احلى من مشهور يعني الخيال مطور او ان 82 روحوا شوفوه وقلوا عاشق ما صدق بكلامه بس غويلي شوي يعني بحدود الاربعه الاف بس يستاهل وانا شاريه شاريه ان شاء الله تحياتي عاشق سراب... |
وعليكم السلام ورحمة الله وبركاته
مشكور على الصور والمميزاات |
مهنـــا فرق نفس شكل n70 سعيـــد اخي مبــارك
اجل اقتباس:
<<< (( وجه حايمــه تسبـده)):060: انا وحده عني مااشــوف ازين من الدمـــعه << ياقدمتس :060: يسلموووووووو عيار يعطيك العـــافيه |
^
^ انا بعد حامت تسبدي يوم قالوا يشبه شمالي برايف شمالي الحين العيار السواق وانا البدي قار أنت مصدق عمرك ترانا ناخذك معنا علشان تمسك سرى عن دكتور كيف ومطعم ماما نورة |
^
^^ ^^^ لوووووووول الله يفشلك يالزير الحين تحسب احسن الاماكن في الرياض د. كيف وماما نورة لعنبو شيطانك فشلتنا عند الاعضاء انت وسوالفك اها بس لا تقولهم وين تعشينا ذاك اليوم لأني ادري انك ماعرفت تهجاء اسم المطعم ورحت صورت بجنب المغاسل عشان توريها ربعك وتبز فيها فمان الله يالغلا شمالي |
مطعم ماما نور عزالله متوا جووع وموهوب هي صاحبة المقوله ما تاكلوا ما تشربوا ههههه فتحت مطعم اكيد كله اعشااب وحلبه وشعير وقمح ما شالله عليكم مهتمين بصحتكم يا الشيبان
بس تعالوا هنا وين يقع مطعم ماما نور لاني ناويه ازور الرياض بالاجازة وشو هي الاكله البست عندهم تكفون لا تقولون مندى لااااااااااااا ولا شورمه ولا كواارع وكله كووم واسم طبخه مدري من وين جايبنها مضغووط وش هو المضغووط تكفوون برافيت شمالي ما عليكم منهم ترااهم منقهرين من جمالك حتى مرة دخلت عليهم وهم جالسين يرسمون على صورتك شوارب ويحطون لك قروون يقولون حتى ولو شهونا صورته مزيون هههههههههه <== يا تسذبها تسذباااااااااه |
ماما نوره مطعم شاورما ومشاوي ومافيه عائلات
خليك من هالخرابيط اذا جايه الرياض روحي لمطعم روما وهذا في عماير السركون صراحة اكله شي خرافي بس لازم تحجزين وتراه غويلي شوي <<< لا تقولين ما قالي |
مطعم روما عندنا بالشرقيه
اممممممممم ابي غيرة ابي احلى <== ما تنعطى وجه ترى مشكوور شمالى على اهتمامك ولا يهمك بادبر حالي اعرف ناس هناك بالرياض يا حبي لهم بس |
شو السالفة؟
بعلمي كان الموضوع عن ان80 انقلب وصار عن المطاعم:060: |
والله ياخيتي سعوديا اريبيا اذا ماتكلموا فالمطاعم يجيهم نقص فالحديد
|
هههههههههههههههههههه الله يرجك
اوكي ترى جالسه انتظر n2006 اخلص على هرجك لا يكثر البارح رحت شفت الجوال الي عارضه مرررررررة دوووب وثقيل ما ينفع لنا يا النسوان هههههههههه ذكرتني بالنسوان مت على اخوي ضحك البارح واحنا نتمشى بالمجمع كان فيه واحد واقف اشقر وعيون زرق يجنن يبخ عطر ويعطي الناس الي تمر عاد صدفه مرينا من عنده قام اخوي وحط يده يبي يشم العطر ملقوف قاله اللبناني عفو هيدا عطر نسائي قام اخوي واشر علي انا واختي وقال عط النسوان ههههههههه انا مت ضحك وربي شكله يفطس من الضحك وهو يقول النسوان اي نسوان نسوان بعينك يا بعيد معليش عييروا حولنا موضوع لشات هههههههههههه تحملنا شوي مو احنا نسوان |
ههههههههههههههههههههههههههههههههههههههه
|
قدر الله علي وشريت واحد
والجوال حلو بس دبدوب شوي اخذته بــ 3000 الالاف ويقولون الحين ب 2700 عند مشاعل الخليج :mad: مافي هذيك المميزات الزايده عن الـ N70 اللهم التصوير اصفى بس الفديو اي كلام مهوب حلو ابد وفيه ميزة الواير لس للي يحبون يدخلون النت عن طريقه وبالعكس انا اشوفه يصلح للنسوان << ترى مهيب ذبه على احد :D لأنهم يحطون بالشنطه غالبا فما يبين حجمه :) |
هلا اخوي http://www.al-amakn.net/vb/image.php...ine=1148727367 الشان
بخصوص السعر فهذا شي طبيعي وراح تحصل سعره بعد كمن شهر 1500 وبخصوص الشكل واناخوك كل واحد ومزاجه فيه ناس مايهتم بالحجم وفيه ناس ينزعجون من الشكل يعني تختلف الامزجه بس ميزة الواير لس جديده وحلوه في نفس الوقت ونرجع ونقول اللي بيقعد يلاحق الجوالات بيتعب اشكرك على المشاركه تقبل تحياتي |
الساعة الآن 09:58 AM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.