|
شفتها يا سعود صدفه
السلام عليكم ورحمة الله وبركاته تحية طيبة للجميع وبعد ..., يقول الشاعر : شفتها يا سعود صدفه بعد ما غابت سنين عند قسم المختبـر وسط مشفى الجامعـه جيتها ثم قلت ممكن في سؤالي تسمحيـن ناظـرت فينـي بدهشه نظره متواضعـه قالت انته تـحسبني من بنات صايعيـن تـحسبني في زماني عن طريقي ضايعـه قلت انا ماراح اطـول كلبوها كلمتيـن وابعـدت عني شويه ثم جتنـي راجعـه قالت اسال واضح انك من رجال طيبيـن بس هرجك يالسنـافي كان وشهو دافعـه قلت انا حبيت وحده يـوم كنا صغيـرين ومن ثمان اسنيـن راحت للمواصل قاطعـه عقبهـا ماذقـت نـوم يهتنيـه النايميـن ساهر في طول ليلي لين شـمسي طالعـه اذكر انه فيه حبه فـوق ثغـره من يميـن واذكر انه لاجـرينا كـن شعـره تابعـه واذكر انـه عاشـق فـالورد الياسميـن صار قلبي بالـورود اللي عشقهـا زارعـه طابعا اسـمه بقلبي فيه سيـن وفيه عيـن وفيه الف وفيه دال وسط قلبـي طابعـه قاطعتنـي بقولها سبحـان رب العالميـن ورابعـه ومـرتيـن كـررتـها مـره قلت وشفيك وشبـلاك يابنيه ترجفيـن ليش عينك يابنيـه من كلامـي دامعـه قالت الموقف وقلبـي والمحبـه والحنيـن كيف اشوفك بعد ماكنـت عنك قانعـه قلت انا بسألك انكانك انتـي تذكـرين عن مواثيـق ثـمنها من حياتـي دافعـه قالت ظروف الزمان ماتطيـع العاشقيـن بيعونـي غصب حبك لو هو ماني بايعـه انا في دنياي حالي كنهـا حال السجيـن حتـى لو فكـوا سراحه فيه شي مانعـه زوجوني غصب واحد وحرموني حاجتيـن السعاده فـي زمانـي والحيـاه الرائعـه والحين انا ام لثلاثه عندي ريـم وياسميـن والولد ا سمه على اسمك والمشاعـر جايعـه |
مشاركة: شفتها يا سعود صدفه
صح لسان شاعرها بصراحه من اجمل المواضيع اللي قريتها لك يالحظه شوق تحياتي لك ولذوقك.... |
مشاركة: شفتها يا سعود صدفه
هلا بك اخوي كز كز نورتناا يالطيب
واتمنى ان القصيده نالت رضاااك اخوي ...,, تحيااتي لك .., |
مشاركة: شفتها يا سعود صدفه
لحظة شوووق صراحة هالقصيدة من اجمل القصائد اللي قريت فيها حس تصويري رائع فيها سرد قصة بصوره رائعة ومعانات يتخللها الابداع في العرض والقافية بكل صدق اقف امامها منبهر وما اقول الا ان ادارة المنتدى كانت مصيبة يوم اختارتك مشرف للرومنسية واقول مثل هالمشاركة يجب ان يتشرف بها منتدى المواضيع المميزة |
مشاركة: شفتها يا سعود صدفه
رووووووووووعه
يعطيك العافيه خيوووو على جمال مانتقيت..... بانتظار روائعك .... تحياتي.... عشق الليل |
مشاركة: شفتها يا سعود صدفه
اقتباس:
كن شعره تابعة ..!!! قصيدة رائعة رائعة رائعة .. صح لسان قايلها .. وتسلم يالحظة شوق .. وتستاهل المميزة :D بس من الشاعر ؟؟ |
مشاركة: شفتها يا سعود صدفه
تسلم سيدي على مرورك واطرائك وما سجلته من اعجابك وان كاان التميز دارا ً يحتظن تلك القصيده فما املك الا ان اقول ذوقك الراقي هو اساس التميز كل الشكر لك اخوي شمالي على مرورك الكريم تحياتي لك ..,, |
مشاركة: شفتها يا سعود صدفه
الرائع هو حظورك في جميع ارجاء المنتدى ويفخر هذه القسم بحظورك وتواجدك غاليتي ..,, تحياتي لك ولحظورك عشق الليل ..., |
مشاركة: شفتها يا سعود صدفه
ياااااااااااااااي تجنن
بس نهايتها محزنه..... |
| الساعة الآن 11:56 AM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.