|
|
|
تكـتــسي بالزين والزين هوهـ ساسهـا!!
السلاآآأإآآم عليكم ورحمة الله وبركاته
قبل ان ابدا في القصيدة بصراحة كان سبب اشتراكي في المنتدى هو علمي بوجود كوكبة من الشعراء في الاماكن فأنا شويعر وأطمح بأن أكون شاعر واريد الاستفادة من كوكبة الشعراء وخاصة ان هذه القصيدة هي تجربتي الثانية في الغزل ولا اود الاكثار من غرض الغزل حتى لا ادمن عليه.. ولي تجاارب اخرى في كثير من اغراض الشعر(مدح-هجاء-رثاء-فخر-اشعار الحماسة) واود الاستفادة من ارائكم فلن اعتمد القصيدة حتى ارى ارائكم.. تحياتي,, **عــزيز النفــس**:01001: رفرفت في خاطري واعتلى لي شانـــها,,,,غيرها مارضيـتها وغيرها ما أرضى بها يا بختها..ياحلـــوها..وش زين طباعـــــها,,,,ستر وحياء..حتى الحــــياء يخجل منها الجادل اللي أغلـيتها بالغلا سميتـــــــها,,,,مـــــا كــنــها في قــفـيها إلا إقــبالهــا جيت اناظرها وهمي كل همي اسعادها,,,,جيت احاكيها وابين كيف شوقي جالها تكـتــسي بالزين والزين هـوهـ ساسها,,,,والحلى مأخــوذ من صــــلبها وأعماقها قالوا شــهــــد قـــلــت أطــعــــم قـــالوا شـــمـــس قـــلـــت تـــشـــبــــه لـــهـا فـي دفـــــاهــا...قــلـــت إيـــه ...فـــي ضــــــــيـــــــاها...يعــــــنــــي زيــــــها تســتمد الشمس ضَـيـهَـا من ضــيـاهـا,,,,والقمــر مـــرهــــون بـــصــبع بــيدها من توازيها؟من تساويها؟من تعادلها بحلاها,,,,من تبي ملخص للجمال لازم تمر تشوفها لو لفــفـت الأرض وين بلــــقى نــــدها,,,,ما مثـــلها ما بعدها هذا شوفي وشوفها يا حـروف الشوق لمي من ضلوعي دارها,,,,وانثري ورد المحــــبة في عوالي راسها تحياتي,, |
رد: تكـتــسي بالزين والزين هوهـ ساسهـا!!
|
رد: تكـتــسي بالزين والزين هوهـ ساسهـا!!
والله انا ما اقول اني شاعره بس بعطيك رايي تستفيد منه
الكلمات والفكره ماعليها كلام وتصويرك وخيالك ممتاز بس الوزن هو اللي يبي لك تتمرن عليه .. هو سهل مع الممارسه بتضبطه .. لما تكتب شطر او بيت حاول تلحنه اذا ضبط معاك كمل باقي الابيات بنفس الطريقه .. طبعا مو شرط بالتلحين تعرف اذا هو موزون بس كبداية اضبط التلحين والباقي بيجي بعدين .. بس انت عندك بعض الشطور موزونه تقريبا .. مثل : رفرفت في خاطري واعتلى لي شانـــها تكـتــسي بالزين والزين هـوهـ ساسها,,,,والحلى مأخــوذ من صــــلبها وأعماقها يا حـروف الشوق لمي من ضلوعي دارها,,,,وانثري ورد المحــــبة في عوالي راسها الباقي حاول تمشي فيها على نفس الوزن وان شالله بتضبطها .. موفق ياعزيز |
رد: تكـتــسي بالزين والزين هوهـ ساسهـا!!
صح الساانك ياعزيز
بقولك راي بصراحه .. افكارك دائما ً رائعة ماشاءالله عليك لكن تجربتك الأولى (شامخة) كانت أفضل بمليون مره من حيث الوزن والقافية ! أول شي القافية ياخوي في كل بيت جايه شكل .. عندك مثلا ً : غيرها مارضيـتها وغيرها ما أرضى بها هنا القافيه ( آبها ) وجيت في البيت الثاني وقلت ستر وحياء..حتى الحــــياء يخجل منها هنا تحوّلت القافيه لـ ( إنـّها ) وفي البيت اللي بعده صارت القافية ( آ لها ) يوم قلت مـــــا كــنــها في قــفـيها إلا إقــبالهــا لا مايصلح كذا .. لازم تلتزم بالقوافي فيه بيتين ضبطت القافيه فيهم اللي هم الثالث والرابع مـــــا كــنــها في قــفـيها إلا إقــبالهــا و جيت احاكيها وابين كيف شوقي جالـها هالبيتين ممتازين من ناحية القافية ماعليهم اشكال نفس الكلام لـ نهاية الشطور الأولى .. ماهي موّحده انواع واشكال ( آنها ) ( آعها ) ( إيتها) ( آدها ) ( آسها ) ( آها ) ( إدّها ) ( آرها ) شطرين منهم فقط كانوا موّحدين اللي هم الثامن والتاسع واحد انتهى بـ ضيـاها والثاني بـ حلااها واثنينهم انتهو بـالــ (آها) ثانيا ً من ناحية الوزن .. خل نشوف في البيت الأول لو تلحنه بتلاحظ إنك مقطعه بهالتقطيع رفرفت في خاطري // واعتلى لي شانـــها ... غيرها مارضيـتها // وغيرها مارضى بها فـ بكذا لازم بقية الأبيات تتلحن وتتقطع بنفس التقطيع تعال نجرب عالبيت الثاني .. يا بختها..ياحلـــوها.. // وش زين طباعـــــها ... ستر وحياء..حتى الحــــياء يخجل منها يابختها ياحلوها << ماتحس انه أطول شوي من (رفرفت في خاطري) ؟! نخليها بختها ياحلوها وش زين طباعها << ننطقها (ويش زين اطباعها ) عشان تمشي على لحن البيت الأول هذا الشطر الأول وضبّطناه .. اما الشطر الثاني حق الستر والحيا مافيه مجال يتقطع ولا يتلحن ولا يترقّع لازم نشيله ونعيد صياغته بطريقه ثانيه ! خذ هالمثال عالسريع عشان يتوّضح لك طريقة الوزن والقوافي الموّحده رفرفت في خاطري // واعتلى لي شانـــها ... غيرها مارضيــتها // وغيرها مارضى بها بخــــــتها ياحلـــوها // عــز منــهــو زانــــها ... والحجاب اللي على// راسهــا ماعــابـها اتمنى اكون افدتك .. وصح السانك مره ثانيه على فكره احيي فيك هالروح الرياضيه اللي تتقبل النقد البناء وتطمح لتطوير مواهبها ماهو بس همّها تجمّع مدح ومجاملات !! ماقول الا الله يسعدك ويوفقك لمبتغاك وكل عام وانت بخير |
رد: تكـتــسي بالزين والزين هوهـ ساسهـا!!
عزيز نفس ~~ فلسفتك في آلغزل جميله .. وحرفك عذب ,, مشاعر جميله ومعآني رقيقه شفآفه ,, أحببتُ عفويتهآ .. تغنآ بك الغيم إنتظآر إبدعآتك بشغف |
رد: تكـتــسي بالزين والزين هوهـ ساسهـا!!
مشالله انشهد انك شاعر
كلمات تعبر عن مافيك من صدق احسا س واصل بشعرك وسوف تصل الى القمه بمشيئه الله تقبل ردي ووودي لون المطر |
رد: تكـتــسي بالزين والزين هوهـ ساسهـا!!
اقتباس:
اشكـركـ على تواجدكـ العـذب واشكـركـ على هالثناء اللي يخجل,ومن ناحية العين كلٍ يخاف منها وعسى الله يكفينا شرها.. وعسى لسانـكـ سالم وغانم تحياتي,, |
رد: تكـتــسي بالزين والزين هوهـ ساسهـا!!
اقتباس:
اشكــركـ على تـعلــيقكـ وتــعــقــيبكـ ع الموضوع ومن امثالكـ نسـتفــيد شكـراً على النصح العفوي والتوجيه البريء مثلكـ ووفالكـ التوفيق دنيا وآخــرهـ تحياتي,, |
رد: تكـتــسي بالزين والزين هوهـ ساسهـا!!
اقتباس:
بـصــراحة تــعــبتي يدكـ وانتي تكتبي لكن عسى الله مايضيع لكـ تعبكـ ويعطـيكـ ألف عافية على مروركـ الاكثر من رائع الممتلىء بالتوجيه والخبـرة. حــســســتيني بأنكـ شاعرة جبارة<<من اللي لهم تجربة كبيرة مع الشعر.. ألف ألف شكـر على توجيهكـ الرائع ونقدكـ البناء..ولن اعتمد القـصـيدة بعد رأيكـ لكن سيجري التعديل والتطوير فيها وقد أبدل القافية,, شكـراً لمروركـ المضيء وكثـري من زيارتكـ لموضوعاتي حتى نــســتـفـيد من خـبـرتكـ العريقة عسى الله يوفقكـ دنيا وآخرهـ.. تحياتي,, |
رد: تكـتــسي بالزين والزين هوهـ ساسهـا!!
اقتباس:
حياك يا سمو الروح مروركـ هو الأجمل وتـعلــيقكـ هو الأعــذب مـنـورين.. تحياتي,, |
رد: تكـتــسي بالزين والزين هوهـ ساسهـا!!
اقتباس:
افتخر بشهادتكـ ويكفــيني منها انكـ وصفتها بأنها<<كلمات تعبر عن مافيني من صـدق احساس<<هذي لحالها فخر شاكر لكـ تنــويرك صــفــحتى وشكـراً على تعليقكـ تحياتي,, |
رد: تكـتــسي بالزين والزين هوهـ ساسهـا!!
وفقك الله أخي وعزيزي عزيز النفس أنت مبدع وعما قريب إن شاء الله سأراك شاعراً متألقاً وفقك الله وأنا ترى ملاحظاتي من ملاحظات أختي البريئة وفقك الله.
|
رد: تكـتــسي بالزين والزين هوهـ ساسهـا!!
كلمات جميله ولها معاني رائعه
ابدعت يالغلا بما طرحت لاعدمنا جديدك تحياتي |
رد: تكـتــسي بالزين والزين هوهـ ساسهـا!!
كالعادة مصافحة جديدة مع جمال البوح و صفاء المشاعر يشرفني أن اتجول بين نبضات احساسك المحملة باعذب المشاعر كل الشكر لنزف قلمك و بانتظار كل جديد لك جووود |
رد: تكـتــسي بالزين والزين هوهـ ساسهـا!!
صح لسااااااانك
|
| الساعة الآن 01:18 PM. |
|
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.