|
ابي جهاز جديد ؟؟
سلاموووووووو عليكم
كيفكم وش اخباركم ؟ الحين انا ابي اغير جهازي لانه صار من عهد لويس التاسع عشر وابي اشترى جهاز لاب توب جديد ويكون خطير وعملي وش راح تكون مواصفاته ونوع الشركه ومن وين وسعره من سته الاف الى ثمانيه او تسعه الاف تجاوزا ولان هذا الجهاز الجديد راح يجلس معى فتره طويله طويله يعنى طويله فلازم يكون قد المسؤوليه وبس والله يسعدكم اللى عنده معلومات او قد جرب اجهزه حلوه يقولى عليها لانى الاسبوع الجاي ابشترى لى واحد وسلامتكم |
مشاركة: ابي جهاز جديد ؟؟
هلا هموسه 00
والله كنت بنزل موضوع مثل موضوعك اليومين هذى استشير اعضاء المنتدى 00 انا بعد قررت اغير جهازى 00وخلال الاسبوع الجاى ان شاء الله راح اشترى الجديد انا محتاره بشده بين ثلاث شركات 00 وهم حسب الافضليه لدى كتالى 00 ديل 00 سونى 00 توشيبا 00 00 اللى عنده خبره يقلنا 00 انا مياله بشده لشركة ديل 00 بس اخواتى الاسبوع اللى راح شروا من سونى ويمدحونه 00 توشيبا كان عند اختى واستعملته ما عجبنى 00 ثقيييييل 00 البطاريه بسرعه تخلص 00 وللمعلوميه جهازى الحين من 00 ايسر 00 لا تبخلون علينا بأرائكم 00 محتاجين لها 00 والحيره ذبحتنا00 |
مشاركة: ابي جهاز جديد ؟؟
توفي حتى انا جهازي اايسر والله خطير بس خلاص صار قديم
وتوشبيا ترا مو حلو وديل ما اعرفه والله لكن سونى توقول وحده من البنات انه رااااااااائع وهذا اللى اعرفه |
مشاركة: ابي جهاز جديد ؟؟
اهلييييييين.... بالنسبه لي... اشوف ان توشيبا مو كويس بسبب حجمه ماكانه لاب توب....واكثر اللي اعرفهم معاهم هالجهااز يعلق كثير... ومايمدحونه... اماا اللي اشوفه كويس... سوني ...<<< مشكلته قطع غياره غاليه.... hp<<<جهازي :) دل <<<صبوور _ انا عندي اتش بي من زماااان وبصراااحه صبووور ورااايق.... والحجم والسرعه كويسه..... واستمر معااااااااااي فتره طويله... والحين لي شهر غيرته لانه خلاااص قديم....بس اشتريت نفس االشركه hp الجديد.... هذا اللي عندي...:) _وانتم اسالوا نفس المحل عن الميزات اللي تبونها وتاكدوا تواجدهااا فيه... واهم شي لاتنسون الضمان عساس اذا فيه اي خطاء بتصنيع تقدرون تردونه يتصلح... وتحياتي...عشق الليل |
مشاركة: ابي جهاز جديد ؟؟
مشكوره اختى عشق الليل لردك 00
ونبى نشوف باقى الاعضاء 00 نتمنى انهم ما يبخلون علينا بأرائهم 00 لان الوقت يمر 00 ولازم نقرر بسرعه 00 اختى همسات 00 وش اخبارك 00 ما بعد قررتى شى ؟؟؟ |
مشاركة: ابي جهاز جديد ؟؟
السلام عليكم ورحمة الله وبركاتة
معليش على التأخير لأني رحت اشوف لكم جهاز وان شاء الله بدعون لي بحكم عملي وشغلي في مجال الحاسب فإنا اقول للشخص اللي يبي جهاز حاسب تبيه ليش ؟ اذا انت راعي جرفكس وتهتم في االصور والفديو والاخراج (يعني محترف ) وتهمك ان الحاجات هذي تكون عااااليه الدقه فعليك بالسوني والله يعينك اذا تعطل لأن قطعه غالية واذا تهتم بنوعيه كرت الصوت والشاشه وهذولي الكروت اذا تبي شي كويس فعليك ان ترخي الدراهم اما اذا انت لست من المحترفين في هالاشياء وتعمل في مجال الانترنت والمواقع وتحمل منها وتضع فيها وعندك برامج الاوفيس وغيرها وهذولا اغلب مستخدمي الحاسب عندنا فإن جميع الاجهزة تفي بالغرض ولا تختلف اختلاف كثير فإهم شي ان الجهاز يكون له المواصفات التالية على الاقل Processor Brand Intel Processor class Pentium M Processor speed 1.6 GHz Mobile Technology Intel Centrino Installed Memory 512 MB Maximum Memory 2 GB Memory Technology DDR SDRAM Cache Size 2 MB Hard Drive Capacity 60 GB Included Drives DVD±RW وهذي المواصفات لجهاز ايسر موديل Acer 4101WLMi وفيه بعد موديل ايسر فيه كل شي ورائع وسعره روعه بعد اللي هو Acer 3214 او Acer 3210 كلها نفس الشي بس يختلف المسمى انا شفتها عند اكسترا في رمضان وكان سعره 4600 ريال اتمنى اني قدرت افيدكم لكن حذاري ترى فيه حاجات ومواصفات موجوده في الجهاز اللي نبيه وحنا ما نحتاج لها ولا نستخدمها وجالسين ندفع فلوس عليها على الفاضي انت حدد ايش تبي عشان تعرف ايش تشتري تحياتي للجميع شمالي |
مشاركة: ابي جهاز جديد ؟؟
عشق الليل شكرا على تفاعلك
ولك منى اجمل التحيات بالنسبه لك يا توفي انا اسفه تاخرت لانى كنت ادور على جهاز والى الحين ما لقيت شمالى يعنى حلو انا ابي اتعلم للجرافكس واصير محترفه لكن انا الحين مو حترفه الجهاز ابيه يكون صغير الحجم وخفيف عشان يكون معى وين ما اروح وبالنسبه ليه ابي جهاز مافي هدف معين يعنى ابيه يكون زين اذا اشتغلت عليه وبس ،،33 ولكم منى اجمل التحيات واطيبها وعلى العموم انا شلت الفكره من راسي لانه عندى مشروع سفر واذا رجعت انشالله ابشوف واكيد قبل ما اشترى اى جهاز لازم اقولك لانى ماعندى اى خبره في الاجهزه ،:9865 ولك منى جزيل الشكر على تفاعلك اختكم هموسه |
مشاركة: ابي جهاز جديد ؟؟
هلا هموسه
خلاص شريت كمبيوتر من سونى واخذته من وكيل سونى نفسه اللى بالفيصليه وهذى مواصفاته سوني فايو VGN-S58GP http://www.tw.com.sa/Products/w-vaio-s-ser.jpg سوني فايو سنترينو سرعة المعالج 2.13 جيجاهرتز، الذاكرة العشوائية (الرام)512ميجابايت، القرص الصلب 80 جيجابايت، الشاشة 13.3 بوصة، X-black WXGA, دي في دي ، كرت الشاشة 128 ميجابايت، بلوتوث،شبكة محلية، نظام التشغيل اكس بي للمحترفين. المعالج 2.13 جيجاهرتز الذاكرة العشوائية 512 ميجابايت القرص الصلب 80 جيجابايت الشاشة 13.3" X-black WXGA الوزن 2 كيلو نص نظام التشغيل ويندوز اكس بي للمحترفين الاضافات دي في دي ، كرت الشاشة 128 ميجابايت، بلوتوث،شبكة محلية، نظام التشغيل اكس بي للمحترفين 8999 ريال سعودي (2397 $) ------------------------------------ عجبنى فيه الحجم وخف الوزن وان شاء الله اختى هموسه تتوفقين بلاب توب يجى على كيفك ويخدمك تحياتى |
مشاركة: ابي جهاز جديد ؟؟
ما شاء الله تبارك الله
الف مبروك ياتووفي والله يجعل فيه كل خير لك وتكسرينه بالعافيه <<< ما دري هي تصلح والا لا وان شاء الله منك الاصابع ومنه الكتابه والابداع صراحة شي رائع والله يوفقك |
مشاركة: ابي جهاز جديد ؟؟
مبرووووووووووووووك توفي والله الف مليون مبروك
وانا ابشترى واحد بس مو الحين شوي كمان يالله انشالله تستمتعين فيه وعلى فكره انا حطيت في راسي فايو من زمان بس قلت انتظر شوي ولك منى اجمل التحيات واطيبها اختك هموسه |
| الساعة الآن 09:05 PM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.