|
ألييييييًييًمَهْ ...حَــدْ الاخْتــِـناق. ]
طفل مسكــين ,, أنولد أعمــى .. طفـل مسكين .. ما يدري شنو يعني بصيص النور .. ! طفل بيعيش سنين العمـر بظلمه .. . . ومضت الأيام .. وكبر " غريب " برمشة عين .. وفي وهله .. بسنينه الخمس .. يتسائل .. ؟! ينادي بصوته المبحوح : يا ماما .. منو آنا .. ؟ سمعت الناس تتكلم .. تقول " أعمى " ما يدرون أسمي " غريب " .. ! قوليلي .. أنا يا ماما أسمي " غريب " ,, مو " أعمى " .. !! .. تكتمها , وتبتلع " أمه " آهات مختنقه .. تجرَ الدمعه بالدمعه .. وتجي يمه وتضمه .. حبيبي " غريب " .. أنت " غريب " مــو " أعمى "أهي هالناس ما تدري .. حبيبي لا يهمونك .. يكفي أكــون أنا عيونك .. . . ... وتمر الأيام ... . . وبسنينه العشريـن .. يتسائل .. ؟! ينادي بصوته المبحوح .. نفس الصوت .. ما تغير .. ينادي بحزنه المكتوم : عيدي لي , وصف هالدنيا يا يمـه .. ؟ شنو فيــها .. ؟ شنو الألوان .. ؟ شكل وجهك يا يمـه وصفي لي ؟ وأنا وشلون أوصافي .. ؟ .. أنا أدري , سألتك مره ومرات .. ولكــن كنت أتمنى , تقولي لي .. وأشوف الدنيا في حلمي ولو مــره .. ! أشوف الدنيـا بالألوان .. أشوفك جنبي وأضمك .. وأرسم في العقل وصفك .. أبــي يا يمه تعيدي لي .. وتعيدي لي .. وتعيدي لي .. .. تجي يمـه , بجسم منحول وبشعر أبيض وظهر محني , وقهر الأزمان مرسوم في تجاعيد الوجه .. لوحـة .. " بعمــر خمسين " .. !!! تقول بحب : بحكي لك .. عن الدنيا حبيبي " غريب " أنا عيونك .. لآخر لحظة في عمري .. أنا عيونك .. ياوليدي السمــا زرقه .. والأرض خضره .. وشعر أمك , بياض الثلج .. .. يقطعها بسؤاله : شنو يعنــي السما زرقه .. ؟! شنو الأخضر ؟؟ شنو يعني بياض الثلج ؟؟ ليـش أنـا يا يمــه .. ؟؟ ليـش أنا , أنا المظلوم .. !! لوني في هالزمن أسود .. !! ليش ألواني .. محصورة ! ليش ألواني .. بس أسود .. !! مو أزرق .. ولا أبيض .. ولا أخضر .. ؟! ليــش الناس تتهامس .. وتقول بعطف : ترى " أعمـى " ! .. مو قلتي لي أسمــي " غريب " مو " أعمى " !! - ونفس الصورة تتكرر - تجر الدمعة بالدمعة .. وتجي يمه وتضمه .. حبيبي "غريب" .. أنت " غريب " .. مـو " أعمى " أهي هالناس ما تدري .. حبيبي لا يهمونك .. يكفي أكــون أنا عيونك .. . . وتمر الأيام .. بعض أيام .. وصوت الطيبة يتكلم : " غريب " يمــه .. بروح أشوي أنا مشوار , بقضي لي بعض الأشغال .. تبي أي شيء .. ؟ بس آمر .. حبيبي " يا قبل عيني " يقول بصوته المعتاد : أبي بس نور يا يمــه يا ضوى عيناي .. أشوفك منه مبتسمة وتحلالي بهالزمن دنياي .. .. شنو يعني بيكون الرد ؟! دمع يحرق جفون العين كالعادة .. وكتم الآهات .. وتحفر في القلب حسرات .. . . .. وأنقضى المشوار .. وجا بكرى , ورنين الهاتف من الصبح .. هز قلب الأم بخوف .. - أي نعم .. " أم غريب تتكلم " .. نعم يا وليدي عرفتك .. بشرني .. شنو صار بأمرك ! يعني أقدر أجي عندك .. قل لي , صار الأمر مقدور .. روح يـاوليدي .. درب الخيــر يا عسى دربك .. بنجي لك بعد الظهـر على خيـر .. غريب يسمع , تسائل : * مين يا يمــه .. شنو صاير , وشنو عندك .. ؟ - أبشر ياولدي بسعدك .. بتشوف السما الزرقه , بتشوف الأرض خضره , وقبل كل هذا بتشوف أمك .. سكت مصدوم .. !! أنا " الأعمى " .. بشوف النــور .. ؟! . . ومضى الوقت .. كنــه دهور .. وبعد الظهـر راحوا .. وشافت " أحمد الدكتور " - بلهفة قالت : ياوليدي , متى تبدأ .. ؟ - ياخاله .. الحين الحين .. بس صلي على النبي أنتِ .. وما يصير إلا الخير .. .. مضت ساعه .. ثلاث ساعات .. وسبعه .. وجا " أحمد الدكتور " .. ينادي" غريب" بسك نوم .. شوف الدنيا يلا قوم .. تحرك " غريب " .. وحاول يفتح عيونه .. يااربي , شنو هاللون !! غشاوه لونها ثاني .. ! يحاول" يفتح عيونه " بعد أكثر وأكثر .. شنوو هذا .. ؟! أكــيد الحلم ,, ( تذكر أمنية عمره .. يشوف الدنيا بالألوان .. ) نعم أحلم .. أكيد أحلم .. وجا له الصوت .. ما تحلم .. حقيقة وواقع اللي تشوف .. * منو أنت ؟ - أنا " أحمد الدكتور " .. * تقسم لي .. حقيقة وواقع أني أشوف .. ؟ أنا يعني مو " أعمـى " ؟ لا تلعب بأحاسيسي .. ! - أقسم لك , صرت تشوف .. بفضل أمك .. ياعزيزي .. * صحيــح قل لي .. وين أمــي .. أبي أكحل نظر عيني بشوفتها .. - .... * شنو ماتدري وين تكون .. ؟ أرجوك أتصل .. كلمها .. قل لها " غريب ولدك" صار يشوف .. ... ... ... . . ومضت الأيام .. بعد الأياام .. بسنينه الخمســين .. يتسائل .. ؟! * يمـه الناس تتكلم , يقولون : هذا الولد قاسي .. ضيــع شباب أمــه .. أخذ نــور عين أمه .. غــريب هالـ " القاسي " بس أمــره .. .. يمـه مو قلتي أسمـي " غريب " مــو " أعمى " ولا " قاسي " ؟! .. ببسمة وضحكة مخفية .. تمد إيديها وتضمة و تقول بكل حنية : حبيبي " غريب " أنت " غريب " مـو " قاسي " ولا " أعمــى " أهي هالناس ماتدري .. حبيبي لا يهمونك .. يكفيني عيوني في عيونك.. آلييييييييييييمه وربي :4240c5bb0c: |
رد: ألييييييًييًمَهْ ...حَــدْ الاخْتــِـناق. ]
الغاااالية / شموخ أنثى
يقف كحيلان11 تقديرآ وإحترامآ لتلك الكلمات ويقف لكِ إجلالآ وإكبارآ وجدت عيناي غرقت بمدمعها وقرأت كلماتكِ كثيرآ ووجدت حزن تلك الأم بداخلي ووجدت دمعاتها وكأني أنظر لها تذرف على وجنتيها كلماتكش درر انسكبت من بين اناملكِ حاملة معانة احبة لنا نخالطهم ونتعايش معهم ولم نشعر بما يدور في خلدهم وبين جوانبهم ولو تأملنا حال كثير من هؤلاء الأحبة لوجدنا أن ربنا جل في علاه قد عوضهم بأمور كثيرة ومن اعظمها وعده لمن صبر منهم ورضي بقضائه أن يمنحه رضاه في الأخرة ولا اظن أن هناك اكثر من ذلك جزاء عزيزتي لنكن معهم دائمآ ولو بالدعاء لهم كما يجب مساعدتهم في جميع شئنهم لا تعلمين مقدار ما انتابني من حزن حين قراءة كلماتكِ فقد ابدعتي كثيرآ وكأنكِ تصوري لنا حال احدهم هسمة في آذنكِ اراهن على أن لديكِ الكثير من الإبداع فلا تبخلي علينا به وسحائبكِ ملئ ننتظر قطرها اهنئكِ كما اهنيئ كحيلان11 أن نظر لهذه الصفحة الجميلة وينحني قلمي لذلك القلم الذي تمسكي به هنا اصطفت تحايا قلب يكن الخير لكِ اعلكِ أن تقبليها ويكفي أنها محاطة بدعوات صادقة لكِ لكِ ووووووووودي وباقاااات وووووووردي وخاااالص شكري |
رد: ألييييييًييًمَهْ ...حَــدْ الاخْتــِـناق. ]
وهنا وقعُ المطر يُورث الدهشة و الانبهار ..
رائعه أنتي و جداً .. طبت يا روح الطهر http://www.mlame7.com/vb/images/smilies/14.gif |
رد: ألييييييًييًمَهْ ...حَــدْ الاخْتــِـناق. ]
شموخ أنثى
اثبتِ بهذه الكلمات أن الشموخ لكِ بالذات حقيقه في بدايتها جرحتني حيل هدتني ولكن في نهايتها يم الفرح ودتني مصافحه اولى جميله فيها قصه أصيله شموخ ياسيدة الذوق تعليتي بالاماكن فوق واصلي في العطاء يارمز الوفاء تحيتي صادق وعد |
رد: ألييييييًييًمَهْ ...حَــدْ الاخْتــِـناق. ]
أشكر تواجدكم وكلماتكم العطره التي زات متصفحي شذاً ونوراً
الله يبعد عنكم الحزن يارب ولا يغير عليكم كل سع ــــاده دمتم بحفظ الباريء.. |
| الساعة الآن 06:27 PM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.