بسم الله ببدا صادق القول واثني= عللي لهم فالقلب حشمه ومقدار
وارفع له اسما حب والحب جارح= لاعاد من تبغاه تقفل به الدار
دار السجون وسجننا ذاع صيته= في داخله نار وبحرق بها العار
عبدالله عبدالحي شديد العزايم=تاج على راسي وراسك ولو غار
منك دني النفس واصبح يعاير= في كل مجلس وراعي الهرج ثرثار
السجن ماهو عيب ان كنت قاصد= العيب ندريبه وندري بمن دار
وابن ادم يخطي والخطا فينا طبيعه =فطره عثت فينا وكل بها سار
ومن انت حتى تحتكم عالخليقه= لاتكون فينا نبي وعالم وسيار
الله غفر لادم بعد الخطيه= رحمته توسع كل مذنب وجوار
وانا بعلم كل منهو يغني= على جروحك واحرق العود بالنار
وباقولها والله يشهد ويعلم= ويسمعبها الوادي ومن هو لنا جار
عبدالله عبدالحي على كل شادي= هو الامير الحر والمذنب البار
كريم ماتبخل يمينه لطالب= لاحاتم الطائي ولا الشيخ لاشار
يعطيك روحه ان بغيت الشكيمه= ويحطها فالكف ويجعلك تختار
ويفزلك فزه تقص العطيبه =مثل الصقر لافز من كف صقار
وان كنت تبغاها غبار وغبيره =هو الشجاع الحر بل سيد الاحرار
ماله على مسرى الذراقه مساري=وماله مع الشينات فالوزن معشار
جلمود مافتته سلك الدناميت=يذوب منه السلك ويسيح معصار
وانا اشهد انك عالمراجل تأدب= كل ذيل مايل شذ عنكم ولازار
والناس تحسد كل فارس وغاير= يبغونك مثل الثور تحرث وتندار
لكن بسفههم بساس القمايم= بساس لاتاخذ بهم كلمه ولاثار
وتبقى في عين اهل الكرم والعوايد= دليل للشيمه ولو صار ماصار
ياخال تسوا في عيوني قبيله= وسيرتك تكفيني اذا الهم بي جار
سيرتك سيرة فارس اعتزيبه= الله يصبرني على بعدك الحار
وياخال اصبر والاماني قليله= العفو جايك ولابطول فالاعذار

المشاركة الأصلية كتبت بواسطة آآآسر القلووب (المشاركة 786226) ماشاء الله عليك قصيده وافيه في غاليك وأسيركم والله يرجعه لكم ويفك أسره ,, وبالنسبة للقصيده ماشاء الله وافيه وممكن لو كانت بالتشكيل توضح لنا أكثر من ناحية الوزن لكن بصراحه شاعر مبدع وننتظر منك غيرها دام عرفنا موهبتك ,, , , لا تحرمنا ياعز غامد ماعندك من ابداع دمت وافي لأحبابك

المشاركة الأصلية كتبت بواسطة بندر نجد (المشاركة 786856) صح لسانك الله يفك اسره بس عندك بعض الابيات يبيلها وزن وعندي ملاحظه على حاتم الطائي من دون تقليل في حق خالك بس انت مااعطيت حاتم الطائي حقه وهضمت حقه يالطيب !!!!!!!!!!!! امدح خالك بس لاتقلل من شأن حاتم الطائي,,,,,, حاتم يوم لفوه الضيوف وماكان عنده شي من الغنم والابل ذبح فرسه وهي وسيلة النقل عنده وجلس بدون راحله,,,,,,, واعتقد ذاك الوقت ماحد يضحي براحلته مهما كان؟؟؟؟ وهذي مجرد وحده من ضمن افعاله رحمه الله واعتقد حتى الرسول اللهم صلي على محمد مدح حاتم الطائي وتجي انت تطمس حقه؟؟؟؟ انا هنا مااجاملك واللي مايعرفك مايثمنك ولكن اقول راجع كلامك واعتبرني اخ لك لااكثر,,,,,, اتمنى تقبل ردي بكل صدر رحب

المشاركة الأصلية كتبت بواسطة أبو أسيل (المشاركة 787621) صح لسانك يالغاامدي والقصيده وزن وقاافيه احد الابيات فيه زيااده احرف من ناحية الوزن وهذا لبيت وابن ادم يخطي والخطا( فينا )طبيعه**فطره عثت فينا وكـل بهـا سـار وهي كلمة فينا والزياده النون والالف لو استبدلتهاا (هو) استقام الوزن هذا من ناحية الوزن اماا القافيه:: ليس فيهاا التزام في صدر البيت وهي ليست على الطرق الصخري والهلالي فهماا لابد من تطابق صدر البيت الاول وعجزه بقافيه واحده واختلاف بقية قافية صدر الابيات الاخرى والالتزام بقافية العجز في كل الابيات كما في قصيدتك اتمنى ان تتقبل نقدي وردي وننتظر جديدك دمت بخير

المشاركة الأصلية كتبت بواسطة فاقد الحنان (المشاركة 787739) مــسـ آلــكــآآآدي ـــــــاء صح السانك ان شاء الله يخرج بالسلامة ابيات جميلة ، ، :):) أرق تحيهـ