منهو يحبــك يانبيي هـــــلابه =ومنهو يسبك جعله لنار تصليه
حبك فريضة فوق حب الصحابه =يبقى على مر الزمان ولياليه
فداك عمري والاْهل والقرابه =يااْشرف بشر داست على القاع رجليه
اسمـــك رفيع ولازم إنا نهــــابه = يامنقذ الاْمة من الظلم والتيه
مالك على قاع الخليقه مشابه = شانك من الله يومه ارسلك معليه
واليوم ابسئل وارتجي للاْجابه = عساه تاتي مع بطا الوقت نتليه
اْليا متى نبقى عروش وخرابه = وايامنا ذل وهوان ومشـــاريه
اليا صار واحدنا يخرع ذيابه = ياكيف لو حنا على الجمع نرميه
اللي يسب الهاشمي بالكتابه = واللي على رسم الخرافات هاقيه
وحنا المهابه مازرعنا لبابه = نشجب ونستنكر ونلعن طواريه
الهاشمي لا ماسلم من ذبابه = اردى بشر قامت تحرف مباديه
عسى الولي يفرض عليهم عذابه = في يوم ماينفعك منهو تخــــاويه
وبالخاتمة عمري لعمرك زهابه = يااْشرف بشر داست على القاع رجليه

*△*△*




قصيدهـ تتلألأت بـ بريقاً من نور ,,
شـع لـ يضيء المتصفح بـ درر
في حبيبنآ ونبينآ عليه آفضل الصلاة
والسلآم ..

برق الشمآل
قصيده توجت بـ عذوبه المعآني
وسلاستهآ ..
صح لسآنكـ ,, وسلم بيآنكــ ..
قامة الشعر تنحني لكـ تقديرآ ..
دمت هكذآ .. :)

آم فهد
سلمتي يآرآئعه ع هالتقديم المبهر ,,
ودمتِ نقيه .. :)
.
وابل ودي..,