![ رحلتي الى كولمبو Colombo .. ]!
http://members.abunawaf.com/fayezdh/.../colombo57.jpg
http://mexat.com/vb/attachment.php?a...2&d=1197624437 مساكم / صبحكم الله بـ الخير جميعـاً هذي اخر رحله في سيرلانكا طبعا الرحله مخصصه للعاصمه كولومبو في الحقيقه ان العاصمه لاتستحق الزياره وقد كان مخططنا عند وصولنا لسيرلانكا البدء من منطقة سيقيريا صائبا وبما ان مغادرة سيرلانكا لابد ان تكون من العاصمه كولومبو لذا يجب عليك العوده لها ولا مانع من التوقف يوم واحد فقط لاكتشاف كولومبو وزيارة مايستحق الزياره _____________________________ كانت رحلتنا اللي فاتت لنوراليا غادرنا فندق جراند بعد الفطور لان السواق ابلشنا يقول لازم نمشي بدري لان الجو مطر والطريق زحمه وطويل بس الظاهر انه نصاب لانه كان يوم جمعه ويبي يروح لاهله مدري وش مستعجل عليه كان الجو مطر والجو باااااارد http://members.abunawaf.com/fayezdh/.../colombo31.jpg طبعا فيه طريقين لكولومبو اما تسافر عن طريق كاندي وهذا الطريق اللي جينا معه قبل 5 ايام او طريق هاتون وهو اجمل بس متعب لانه ضيق وزحمه http://members.abunawaf.com/fayezdh/.../colombo30.jpg لقطة للطريق وواضح تعرج الطريق طريق هاتون روعه بس ضيق يعني بعض المرات اذا شفت قدامك تريله تجيك ام الركب ام الركب = قمة الخوف يعني ركبك تصافق ببعض ماتقدر توقف هذا والله اعلم مثلا هالنفق اللي بالصوره تتوقعون بنجي مسرعين وندخله ماااااااااافيه امل قلنا له وقف نروح نشوف فيه سيارات ولا لا اجل تبونا ندخل تحت باص والا قطار والا اقل شي تصدم لك بقره عاد من يفكك من الهندوس داعس رابهم مايكفي العجوز اللي بغت تموت في نوراليا http://members.abunawaf.com/fayezdh/.../colombo28.jpg مشينا وكانت سرعتنا ماتتعدى 40 كم عادي انزل والسياره تمشي واصور وارجع اركب http://members.abunawaf.com/fayezdh/.../colombo29.jpg لكن بعض المرات تتفاجأ بحادث قدامك مثل ابو الشباب اللي كان يقرا رساله بالجوال وطلع من الطريق http://members.abunawaf.com/fayezdh/.../colombo45.jpg كانت الشاحنه مسكره الطريق ونزلنا طبعا مافيه امل نفزع بس عشان نصور لكن راعي الشاحنه يحسبنا نبي نساعد جا يركض ومع حبل قلت خير ياخوي سيارتنا كورلا بس الرجال كان مصر اننا نساعده ويمد لنا الحبل بغينا نربطه بحبله ونمشي مااايفهم http://members.abunawaf.com/fayezdh/.../colombo46.jpg واصلنا رحلتنا لين وصلنا هالديره جلسنا فيها اكثر من ساعه بسبب راعي الباص موقف وسط الطريق وطالب شكشوكه من الكافتيريا وعااااادي عنده حنا طفشنا وقلت بنزل اشوف وش السالفه قال السواق اجلس ترى الدعوى عادي ماهي اول مره تصير قلت يعني مستانس انت لنا اكثر من ساعه واقفين قعد يضحك السواق قلت خيييييير قال مره جلست بالشارع 3 شهور >>>قويه صح http://members.abunawaf.com/fayezdh/.../colombo47.jpg الصراحه كان الطريق روعه جبال وانهار وغابات بس طويل الطريق http://members.abunawaf.com/fayezdh/.../colombo48.jpg باص مدرسات سيرلانكيات متعينات بعيد واصلنا رحلتنا لين وصلنا شارع كله زينات ولافتات وقطع قماش لونها ابيض قلت للسواق نزلنا هنا الظاهر انه عرس>>>جازت له عروسهم http://members.abunawaf.com/fayezdh/.../colombo34.jpg قال اي عرس انت هذا عزا يقول اذا في ناس عندهم واحد ميت يحطون قطع القماش الابيض عشان الناس تعرف ان عندهم عزا واصلنا رحلتنا ومرينا من عند رجال يبيع فواكه على الطريق قلت للسواق وقف وقف بسرعه السواق مايدري وش السالفه وقف السياره بسرعه خويي كان نايم ورى ومع البريك جا عندي قدام قال خير وش فيكم قلت الظاهر اني شفت ابوبكر سالم يبيع فواكه http://members.abunawaf.com/fayezdh/...m/colombo3.jpg طبعا الرجال يشبه ابو اصيل والشبه واضح http://members.abunawaf.com/fayezdh/...m/colombo6.jpg الصراحه اللي ماجرب فاكه الرامبوتان لاتفوته والفاكهه هذي استوائيه يعني اللي راح ماليزيا واندونيسيا اكيد شافها http://members.abunawaf.com/fayezdh/...m/colombo5.jpg واللي يغطيها ترى ماهوب شوك http://members.abunawaf.com/fayezdh/...m/colombo2.jpg تفتحها بسهوله http://members.abunawaf.com/fayezdh/...m/colombo1.jpg طبعا اللي يوكل منها النوى الابيض وطعمه حلو مع شوي حموضه وفيه نوعين منه احمر واخضر بس الاحمر هو الغالب http://members.abunawaf.com/fayezdh/...m/colombo4.jpg وهذي فاكهة الجوافة واصلها مكسيكي وتزرع بكثره في البرازيل بس طعمها مايعجبني اكلتها مره وضاق صدري مدري ليه واصلنا رحلتنا واخيرا وصلنا كولومبو لاتتوقع انك بتشوف مدينة متطوره ولاتقارنها بعواصم شرق اسيا مثل كولالمبور اوجاكرتا http://members.abunawaf.com/fayezdh/.../colombo11.jpg بداية دخولنا كولومبو http://members.abunawaf.com/fayezdh/.../colombo32.jpg اعجبني هالبيت http://members.abunawaf.com/fayezdh/...m/colombo8.jpg كان حجزنا بفندق انتركونتنتال بمنطقة فورت http://members.abunawaf.com/fayezdh/.../colombo39.jpg هذا هو فندق انتركونتنتال وهذي منطقة فورت مع ان منطقة فورت تعتبر منطقة الفنادق الفخمه والقنصليات والمكاتب الدبلوماسيه والبنوك والشركات الكبيره لكن الافضل انك تبتعد عن هالمنطقه لانها منطقة مهدده بالعمليات الارهابيه وراح تشوف التفتيش بكل مكان وبكل شارع نقاط تفتيش دقيقه اذا مشيت على رجولك تتوقع انك وسط ثكنه عسكريه والتصوير ممنوع حتى غرفتك اذا فتحت الدريشه يرمونك العسكر والله ابتلشنا بهالفندق ما انصح بفندق الانتركونتنتال رغم انه 5 نجوم الا انه متواضع جدااااا الصراحه انهم اشغلونا يوم قالوا ترى هالمنطقه خطيره اذا شفنا واحد يركض ركضنا معه واذا واحد دخل يده بجيبه قلت بس حزام ناسف حط رجلك http://members.abunawaf.com/fayezdh/...m/colombo7.jpg صوره من خلف زجاج الغرفه طبعا الفندق يطل على المحيط الهندي http://members.abunawaf.com/fayezdh/.../colombo42.jpg اطول برجين في كولومبو واحد خاص بمركز التجاره والثاني بنك سيرلانكا http://members.abunawaf.com/fayezdh/.../colombo40.jpg التوك توك ياسلام احلا شي بالزحمه حتى الرصيف يمشي عليه http://members.abunawaf.com/fayezdh/.../colombo51.jpg احلا مافيه انك تعبيه فل بريال وربع وصلنا للفندق قبل الظهر واستلمنا غرفتنا المتواضعه بالنسبه لفندق 5 نجوم بس بما اننا بنجلس يوم ماتفرق معنا ولا نبي نضيع وقتنا ونروح ندور فندق ثاني نزلنا اغراضنا وقلنا للسواق يودينا للسوق قال السواق بنمر على بعض الاماكن المشهوره في كولومبو http://members.abunawaf.com/fayezdh/.../colombo12.jpg الصراحه يوم مرينا من هنا قلت لخويي والله اني اول احسب البيت الابيض بامريكا بس طلع بسيرلانكا حتى خويي نصاب يحلف انه شاف بوش يكلم بجواله مع الدريشه طبعا هذا مبنى الحكومه http://members.abunawaf.com/fayezdh/.../colombo36.jpg جامع الاظفر http://members.abunawaf.com/fayezdh/.../colombo37.jpg المسجد الكبير او زي مايسمونه قراند موسك ODEL رحنا لمجمع او محل اوديل وهو عباره عن محل كبير كل شي فيه المحل مرتب وهو عباره عن عدة محلات وماركات مختلفه لك الكاشير واحد واغلب بضاعته عاديه مع ان سعرها غالي والمحل هذا لهم فرع بالاسواق الحره بالمطار الصراحه مالقينا شي يستاهل الواحد يشتريه الا بعض التحف والملاعق التذكاريه وبصلح لكم تقرير كامل ان شاء الله عن هالهوايه المخسره http://members.abunawaf.com/fayezdh/.../colombo38.jpg http://members.abunawaf.com/fayezdh/.../colombo23.jpg هذا المدفع جنب الفندق واذا سمعوا العسكر ان فيه دريشه انفتحت لفوه جهت الفندق طلعت العصر على الكورنيش وكل ماشغلت الكاميرا جاني عسكري قال ممنوع التصوير قلت طيب للجهه الثانيه قال ممنوع قلت طيب بصور البحر قال ممنوع قلت طيب برجع الكاميرا قال ممنوع http://members.abunawaf.com/fayezdh/.../colombo49.jpg مسجد ديواتاقاها هالمسجد قديم جدااا ويرجع تاريخه لـ200 سنه بني المسجد عام 1820م والصراحه قصة بناء المسجد اعتقد انها من الخزعبلات اللي ماتدخل المخ قصته باختصار كان فيه بنت سيرلانكيه تبيع الزيت وكانت كل يوم تمر على هالمنطقه هذي تبيع الزيت وترجع ومره طاحت الجره اللي فيها الزيت وانكسرت وضاق صدر البنت ونامت تحت شجره وفجأه طلع لها شايب وقالها روحي جيبي جره جديده وتعالي قالت له من وييييين قال روحي كارفور من السوق يامال العمى المهم راحت البنت وجابت جره وضرب برجله الارض وطلع زيت قالها الشايب روحي وقولي للمسلمين بالبلده عن الزيت وجو المسلمين وبنوا مسجد وحطوا فيه فانوس وسط المسجد الى اليوم طبعا السالفه احس انها من الاساطير وياكثر هرج السيرلانكيين اللي مايدخل المخ اخص يالشايب لو يدرون عنك ارامكوا كان وظفوك http://members.abunawaf.com/fayezdh/.../colombo50.jpg تحسون ان المقاول كان مدرس فنيه http://members.abunawaf.com/fayezdh/.../colombo44.jpg مبنى البرلمان القديم طبعا واضح الطابع الاوربي على هالمبنى http://members.abunawaf.com/fayezdh/.../colombo20.jpg تمثال بوذا يتوسط احد الحدائق الصراحه ان سيرلانكا على صغر حجمها الا انها ارض المعابد والاصنام والتماثيل والخزعبلات والمهرجانات وش كثرها اصلا الموظفين والطلاب مايداومون الا شهرين بالسنه والباقي اجازات ومهرجانات اسمع بعض من الاعياد والمهرجانات طبعا مو كلها هذا بس اللي سمعت فيه عيد الكنيسه وهالعيد للمسيحيين وعيد الحصاد خاص بالهندوس ويسمونه مكراتا سنكرانتي وعيد الشفق خاص بالبوذيين ويسمونه فيساكا والعيد هذا رهيب يطلعون بالشوارع واي حيوان ناوين يذبحونه يعتقونه يمرون على المسالخ ويطلعون الحيوانات اللي مابعد انذبحت والله من الفضاوه وفيه عيد اسمه ايسالا وهو عيد القمر والعيد الاكبر واللي كل الناس تنتظره اسمه فيراهارا وتشارك فيه الفيله والعيد الغريب عندهم والخاص بالهندوس اسمه كفادي يقومون الشباب الفسقانيين يعلقون انفسهم بخطافات ويمشون على الجمر واي حدث يصير يسوون له عيد يعني لو هم عندنا وطاحت الاسهم سوو مهرجان الاسهم بالعربي ماينافس اهل الرياض بالاجازات الا السيرلانكيين واعيادهم تراني الحين افكر انقل للرياض والسبب كثر الاجازات بس اعرف حظي لو انقل للرياض كل المؤتمرات يحطونها بالشرقيه http://members.abunawaf.com/fayezdh/.../colombo21.jpg رجعنا للفندق وزي العاده خويي يبي ينام وانا مافيه امل انام طبعا سواقنا راح لاهله وقال اجيكم بكره الفجر اوديكم للمطار نزلت للرسبشن وسألتهم عن الاسواق والمجمعات وقالوا لي احسن شي تركب توك توك يوديك بـ200 روبيه طلعت من الفندق ورحت امشي لين لقيت واحد وقلت له ودني ماجيك سيتي وبعد المكاسر وداني بـ150 روبيه طبعا يوم وصلنا قال عطني 200 روبيه قلت خييييييير انا متفق معك على 150 قال ابداااا ماهو صحيح المهم نزلت ورحت لعسكري وقاعد اشرح للعسكري السالفه وهو يضحك بغيت الفه بكف اطير سنونه قلت وش فيك انت اقولك الرجال بينصب علي قال انا مانيب عسكري انا سكيورتي بالمجمع واتركه واروح لواحد ثاني لبسه يختلف واكلمه قال انا مانيب عسكري قلت لاحوووول وارجع لراعي التوك توك واعطيه 200 قلت احمد ربك ان العسكر كلهم عند الفندق حقنا والا كان ما اعطيك 200 http://members.abunawaf.com/fayezdh/.../colombo33.jpg Majestic City مجمع مجيك سيتي في منطقة بامبالابيتيا يتكون من اربع ادوار وبعض المطاعم مثل كنتاكي وغيره والدور الرابع فيه سينما اللي يقدر قول اسم المنطقه ثلاث مرات بسرعه له جائزه مدري من وين يجيبون هالاسامي احس اللي يسمي المناطق والشوارع شايب بالبلديه منسدح وينصب عليهم the House of fashion محل كبير متخصص بالملابس والصراحه ان اسم المحل اكبير منه لان بضاعتهم من النوع الرخيص موقعه قريب من ماجيك سيتي اخذت توك توك مره ثانيه وقلت له ودني سوق بيته سوق بيته الشعبي عباره عن مجموعه من الدكاكين والاكشاك كل شي يباع في هالسوق واغلب المحلات يمتلكها المسلمين http://members.abunawaf.com/fayezdh/.../colombo24.jpg http://members.abunawaf.com/fayezdh/.../colombo27.jpg http://members.abunawaf.com/fayezdh/.../colombo52.jpg هذي فاكهة الدوريان http://members.abunawaf.com/fayezdh/.../colombo58.jpg اخذونا من المطار ودخلنا بهالغابه توقعنا بيسكنونا بكوخ لكن تفاجئنا بوجود منتجع روعه http://members.abunawaf.com/fayezdh/.../colombo59.jpg منظر من غرفتي http://members.abunawaf.com/fayezdh/.../colombo60.jpg هذي غرفتي يقولون اذا جا فيضان بهالمنطقه تطلع من غرفتك سباحه http://members.abunawaf.com/fayezdh/.../colombo61.jpg http://members.abunawaf.com/fayezdh/.../colombo65.jpg http://members.abunawaf.com/fayezdh/.../colombo62.jpg مناظر ولااااا اجمل بعد 11 يوم رجعنا مره ثانيه لسيرلانكا وكانت الرحله ترانزيت لمدة 10 ساعات طبعا كان الفندق على حساب الخطوط السيرلانكيه ويحجزون لك بالفنادق القريبه من المطار والفندق عباره عن منتجع على المحيط الهندي وكانت المناظر روعه http://members.abunawaf.com/fayezdh/.../colombo25.jpg مناظر ولااااا اجمل http://members.abunawaf.com/fayezdh/.../colombo26.jpg اليوم الاخير لنا في سيرلانكا مشينا للمطار والصراحه اذا كنت ساكن في كولومبو وعندك رحله لازم تطلع قبل الرحله بـ4 ساعات على الاقل لان المطار بعيد وفيه تفتيش قبل توصل المطار يفتشون السيارات تفتيش دقيق جدا http://members.abunawaf.com/fayezdh/.../colombo17.jpg وصلنا المطار الساعه 6 الصبح وكانت رحلتنا الساعه 9 طبعا مثل ماعبيت كرت الدخول لازم تعبي كرت المغادره بعد ماتاخذ البوردنج تروح للجوازات وقبل الجوازات بتحصل كروت المغادره ختمنا جوازاتنا وجلسنا ننتظر الرحله لكن اعلنوا عن تأخر الرحله 3 ساعات قلت اروح اتمشى بالاسواق الحره وفجأه شفت كل الناس وقفوا محد يتحرك منهم http://members.abunawaf.com/fayezdh/.../colombo14.jpg كل الناس واقفين http://members.abunawaf.com/fayezdh/.../colombo15.jpg طبعا كان فيه اغنيه بسماعات المطار وانا اقول وش السالفه مايتحرك الا انا ومعي كم واحد جيت عند واحد اقوله وش فيه والرجال مايرد علي بس يأشر بعيونه يعني اقلب وجهك عاد انا جازت لي الحركه قعد استهبل عليه يوم شفته مايتحرك بس خفت الاغنيه تخلص ويمردغني انا توقعت انها اغنيه خاصه بالهندوس يوم خلصت قلت له خير وش السالفه قال هذا السلام الوطني حقنا قلت يعني هذي سارعي حقتكم ههههههه قلت عاد بالمطار قال مو بس بالمطار قال كل يوم الساعه 9 يعزف السلام الوطني بكل سيرلانكا ولازم نوقف .. يتبع .. |
http://members.abunawaf.com/fayezdh/.../colombo16.jpg
هالشايب فالها هو وولده وبنته ومرته وقاعدين يلعبون بلوت قلت لهم بصوركم قالوا اوكي يوم خلصت علمت الولد والبنت قلت ترى الجوكر مع امكم وزعل الشايب بغى يصفقني وانا قاعد انتظر رحلتنا كانت الرحله اللي قدامنا جايه من الرياض وطبعا ينزلون الركاب اللي جايين من الرياض ويطلعون الركاب اللي بيسافرون الرياض ولفت نظري شي http://members.abunawaf.com/fayezdh/.../colombo18.jpg طبعا كلهم سواقين وشغالات اللي بيسافرون شوفوا شناطهم كل واحد معه شنطه صغيره وبعضهم ما معه شي http://members.abunawaf.com/fayezdh/.../colombo19.jpg وهذولي الركاب اللي نزلوا يالله يشيلون شناطهم عادي فضاوة واحد متأخره رحلته http://members.abunawaf.com/fayezdh/.../colombo63.jpg لقطه اثناء الاقلاع http://members.abunawaf.com/fayezdh/.../colombo64.jpg واخيراً : بختصار سيرلانكا تستحق الزياره ولكنها تفتقد لبعض الخدمات الضروريه والبلد رخيص جدا ^_^ منقـــــول اتمنى ان الرحله تعجبكم .. !{ سندريلا }! .. |
ألف ألف ألف ألف ألف مليون شكر معليش تعبناك بهالرحله يخليك ربي دمتي بروعة وتميز رحلاتك |
الف الف الف العفـو :D
تعبكم راحهه خيو بس اهم شي انكم تنبسطون تسلم والله ومشكور ع طلتك الحلوه منور |
... رحلة مُمتعه زآخرة بِ معلومآتــْ ومنآظر لِ طبيعه خلآبه وسآحرة بِ خضرتهآ وجمآلهآ ، :: سندريلآ تسلمـ الأيآدي ع الرحلة الممتعة وطريقة الطرح الأكثر من رآئِعه ، متألقة دآئِمآ ، بِ شغف لِ جديدكـ ..! .... لكـ ودي |
قمه في الروعه
مشكوره اختى الغاليه على هذا النقل الرائع تحياتي جنتل الريااااض |
شى خياالي من جد :)
رحله كانت راائع واائعه جدا بعد ... تسلم يدك لنا .. محبتي لكـ |
ماشاء الله عليك سندريلا متعه لا محدوده الله يهنيك ويوفقك الف شكر لمجهوداتك تحياتي وتقديري |
اقتباس:
والاروع مرورك وطلتك الحلوه ومشكوره ع مرورك منوره |
اقتباس:
والاروع مرورك ونورك ومشكور ع طلتك الحلوه منور |
اقتباس:
الاروع مرورك ونورك ومشكور ع طلتك الحلوه منور |
اقتباس:
واهم شي المتعه الله يسعدك ......[ آمين وياك ]. ومشكور ع طلتك الحلوه منور |
" رحله استمتعت بجمال مناظرهـا وثراء معلوماتهـا ... سندريلا سلمت آناملكــ عـ آنتقائكـــ المميز .. ولاحرمنـا جديد رحلاتكـــ .. :) . وابل ودي.., |
الصــرآآحه ماتوقعت كولمبو كذآ ابدآآ
خآآصه المنتجع أعجبني كثييير بس يبلها شويآآآت ترتيب ووراهم مانعين التصوووير بمنطقة فووورت سندريلا ... } الله يـ [عٌ] ـطي ک إألفـ [عٌ]ـآفيـہ لاعدمنا جديدك يالغلاااا . . . } |
بصراحة رحلة جميلة وسيرلانكا فيها مناظر رائعة وجميلة مشكورة علي النقل بأنتظار روائعك |
الساعة الآن 07:54 PM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.