السلام عليكم ورحمة الله وبركاته . .

جبت لكَكم قصيدةة رائععةة لَ [ حآمد زييد & نآصصر الققحطآني ] .. ( ملذآت الحيآةة ) || ~

تفضـلوا /

YouTube - ‫ظ‚طµظٹط¯ط© ظ…ظ„ط°ط§طھ ط§ظ„ط*ظٹط§ط© ظ„ظ€ ط*ط§ظ…ط¯ ط²ظٹط¯ ظˆ ظ†ط§طµط± ط§ظ„ظ‚ط*ط·ط§ظ†ظٹ‬‎


كَكلمآتهآ /

الله يا زين الليالي كل ما نرجع ورا
شان الزمن ياهل ترى .. والا يا عالم وش جرى
لا طعم للضحكه ولا اللقمه ولا حتى الكرى
والعمر ينقص مثل ما تنقص ملذات الحياة

ما فيه صدر الا وفاح ولا كلام الا انحكى
واللي شكا واللي بكا .. واللي على الحزن اتكا
واللي خذا له بندق و دور خويه و ارتكى
حتى افلس وضاقت عليه الأرض من كل الجهات

كلن يجود بنيته ولكل مؤمن مانوى
الكره داء بلا دوى .. واصابعك ماهي سوى
العين تتبع ما هوت والقلب يتبع ما هوى
وان قوّم الله القيامه نسأل الله الله الثبات

مايجرحك غير الصغير اللي يحسب انه عظيم
لاهو بشهم ولا كريم .. ولا سراطٍ مستقيم
تعامله مثل الخوي ويعاملك مثل الخصيم
ان كانها من باب غيره ما يغار الا البنات

إلا على طاري النسا .. قل للنسا عل وعسى
تذكرون اللي نسى .. وتدلهون اللي قسى
وإلى تردى بعضنا .. تكفون يا جمع النسا
اخذوا الغتر والثوب واعطونا الغطاوي والعباة

يمارس الهاوي هواه من المهد لين اللحد
حتى اكثر العالم جحد .. واصبح مااحد فاضي لاحد
من قدم السبت احسب انه دايما يلقى الأحد
لاواحلالاه سنتين من العصور الماضيات

صحيح لي قال المثل : ما كل حاجة بالفلوس
المال مايجمع نفوس .. ان عز روس يذل روس
من صار للدرهم قدر والناس تنداس وتدوس
جمع الرجال الاوفياء يغنيك عن جمع الفتات

كن مبتسم واحذر يقال انه عبس والا بسر
حتى ولو جاك العسر.. تلقى مع العسر اليسر
اجبر خواطر وانتبه ينقال خاطرك انكسر
وارسم حلومك في البياض مربعات مربعات