منتديات الأماكن - !. ماجبتوا للكدش طاري ... وهو يطري على بالي.!

منتديات الأماكن (https://www.al-amakn.com/vb//index.php)

- ●{ الأماكن لاند ~ (https://www.al-amakn.com/vb//forumdisplay.php?f=10)

- - !. ماجبتوا للكدش طاري ... وهو يطري على بالي.! (https://www.al-amakn.com/vb//showthread.php?t=68277)

!. ماجبتوا للكدش طاري ... وهو يطري على بالي.!

:(في مرة من المرات تحاورت مع أحد الناس <<والذي ظن أني جدية جداً
وذات مزحه أصابته الدهشة.. حيث توقع أن نعناعة لا تعرف للبهلله طريقاً..
ولكني ولله الحمد أتمتع بها جداً..:090:
وارجو أن يعجبكم الدليل..

مدخل:
/لا تحاول لا تغش
تعبث وكل شي انكفش..
على بالك إنّا مانعرفش
ان شعرك ما يصلح كدش..!

الكتاب باين من عنوانه
وَسبب اختيار الموضوع.. معاناه بعض الشباب والبنات من نظرة المجتمع الدونية :العيار:
التعريف: !
"طبعا كلكم تعرفوا الكدش << وهل يخفى القمر خخخخخ
والي مايعرفوا انا اقولوا ايش يكون الكدش
تعريف الكدش : هو مخلوق يربى فوق الراس وياتي منه عده الوان حسب الطلب اسود بني اخضر ..الخ "
وفيه ناس تقول عنه [شعرك يصير زي الشجره].! وأصفق له وأحييه على تشبيهه البليغ

http://islamonaaflh.com/vb/image.php...ine=1255278004
معاناة:!

ماهو ذنبي وأنا مكدشة.؟.!
ربي خلق شعري طبيعته يكدش ..

مما أقترح أحدهم
وأغضبني فعلاً:095:
"بالنسبه للي ما عجبوا الكدش
هادي طريقه التخلص منو

تجيب حق العشب مادري ايش يسمو اظن الخنجر خخخخخخ

وتدبح الكدش بالطريقه الاسلاميه خخخخخخخخخ",!

أحلقه يعني وأقعد قرعا عشان خاطر محد يتضايق..

بعدين انذبحت وانا اصففه بالمجفف الكهربائي (سشوار/استشوار)
بيشكيني عند ربي.. من كثرة ما أصففه
وماعندي وقت أحطله زيوت وأخيلها وقت + يطلع لي أكياس دهنية فظيعة لمن أحط زيوت

طيب الحل.؟!

محد حاسس بمعاناتي ..:09:

نفسي كل الناس ربي يعطيهم شعور كدش عشان ينطمون..

مع إني أحيان أشوف ناس ممن [شعورهم سايحه سيحان]
ينفششششششششوا شعورهم وشكلهم يقعدون أيام عشان يزبطلهم هع.
وتغيب الوحده يومين وتجي بعد الخميس والجمعه وهي شكل أحد ملطّشها

شعرها مو مرتب << أبوك يا الكدش المرتب >>إي والله انه مرتب ع الأقل يعيش حياته في كل الاتجاهات
مو مثل بعض ناس يروح كدشهم في اتجاه عقارب الساعة أو العكس :العيار:

ونحنا يا حلوين نداوم وشعورنا مبلبلة من الاستحمام ويجي آخر الدوام ماشاء الله
وهي صارت (مظلات) تقينا أشعة الشمس الحمرفسجية

وهذي وحده من وظائفه المتعدده:
نذكر منها

"ومن وظائفه :
بالاضافة إلى حمايه الراس من الصدماااات الشمسيه والصقعات

1.اذا الام طلبت من ابنها يروح السوبر ماركت ولا اقرب بقاله
عشان يشتريلها سلك نحاس بدل ماينزل ويتعب نفسوا
ممكن يستخدم قطعه من الكدش سلك نحاس
وبكدا يكون وفر على نفسوا الذهاب للسوبرماركت والحلاق خخخخخخخخ

2.وكمان من فوائده انوا ممكن يكون بيت لبعض المخلوقات الحيه
((طبعا مافي داعي للاحراج وذكر الاسامي ))<< الله يقرف اهلك خخخخخخ
واذا كان عندك شي تخبيه ومنتا عارف فين ؟
ليه التفكير اقرب مكان كدشك بالذات الأولاد في المدرسه ايام التفتيشات <<مايحتاج نهرج

3. وكمان ادا كنت في طلعه شباب وكذا ونسيتوا المناديل
وتبغى تمسح ايدك من اي شي افركها في الكدش وهوا يؤدي الوظيفه على اكمل وجه"

http://vb.ml7-alswalf.com/image.php?...ine=1252581336

ويقعدوا يحسدوا فينا من جواهم خخخ (ذوي الشعور الناعمه طبعاً)
ويتمدحوا شعورهم اللي قللك ناعمه ويتعبوا الين يكدشوها
وآخر المطاف يقولوا احمدوا ربكم ان شعركم يصير كذا من ربي..
<<ايوه ياحبايبي طلعوا اللي جواكم.؟! بعدين كذا الظواهر الطبيعية.!;)

يعني المفروض لمن (يا أبو /أم شعر ناعم :D ) لما تشوف شعراتنا الطايرات تفرح
وتقوووول :سبحان الله.. أبدع الخالق في التصوير.. << ولاتقولوا فيه ناس يعملوها وشعرهم ناعم:mad:
عشان اللي خَلق فَرق..ويبان خلقة ربي من المصطنع..!

:110:<<زي ماتشوفوا بنت تتمايع وتعرفوا إذا دلعها هذا فطري أو مصطنع
<<أوو تشوفوا رجال كذا عضلنجي (بابا عضلنجي وبيحمل أثقالlol)<<مشوا لي :p شفت لها مناسبة وقلت نذكرها..

المهم انكم تعرفوا الطبيعي من الصناعي..
وتسبّحوا وتكسبوا حسنات+ ترفعوا المعنويات
أحسن لكم من الضحك والكركره اللي تجيب الحزن وتعتبر نوع من الإحباط..

عشان كذا اللي تلاقوه يهفهفه الهوا.. ويقدر يدخل بين أجزاءه فهو غير طبيعي البتّه
لأن بُنيَة الكدش الأصلية التي أبدعها الخالق
لا لا لا يتخللها الهواء ولا الماء ولا أي شيء ييقدر عليها <<:D

http://fc07.deviantart.com/fs18/f/20...by_norah_m.jpg

وأخيراً:! نصائح قد تهمك
"شروط لازم تعملها وتسويها والي هيا :

1. اول شي لازم تكون فلااااااوي زي << ثقه خخخخخ
وتكون ماتزعل من المزح يعني تتقبل المزح لانك رح تنحش كتيررررررر لليل

2. ولازم ماتكون (مثقف) وماتلبس نظاره
لانو رح تمسك في كدشك وتتكسر ولازم نظاره جديده
وذا الكلام ماينفع كل يوم حروح اشتري نظاره مايسير

3.وكمان لازم كل الامشاط والفرش وكل شي يمشط به الشعر يتكسر او يترمي
لانو مارح تحتاجها فـ ليه تخزن عندك اشياء مالها داعي

4.وطبعا اخيرا لازم يكون عندك اطواق للشعر لفصل الصيف
عشان الجو فيري هوت << اموت على الكولنه خخخ"

وبهذا أعتبر نفسي أقمت عليكم الحجّة بإني بلغتكم بعض معلومات مهمة
ونصائح لو اتبعتموها سيصلح حال المجتمع وتقل الشحناء والبغضاء
ويعم العالم السلام والتكافل والتعاون والترابط والتكاتف..

مخرج
/يللي شايف كدشي..
شايف وماشافشي..
لاتضحك ولا تجرحشي..
خليك ساكت وامشي..

نعناعة معكم..قلماً وتجربةً LoL
وما بين الـ " " هو المقتبس فقط من منتديات أخرى.!