الشهر عليكم مبارك مقدماً .. والله يبلغنا وياكم صيامه وقيامه .. ويعين الجميع على طاعته سبحانه


ما أدري وش في ربعنا .. كل شي لازم يحسسونك إن فيه أزمه :confused:

سمنت وحديد صاروا أزمة .. إيجارات البيوت صارت أزمة .. رز صار أزمة .. وآخرتها أزمة توت :110:

ما نيب أمزح .. ترى السالفه جد .. وأقولكم شلون

كل رمضان لازم يطلع لنا أزمة توت :09:


الخميس الماضي .. مدري وش لقفني وخلاني أروح أتقضى أغراض خفيفه بعد صلاة الظهر في أسواق كبيره موب قايل اسمها .. عشان ما أسوي لهم دعايه وعشان منقهر منهم :(

وأكيد عارفينهم .. هم حاطين عرض على التوت :D

تاخذ ثلاث قوارير عليها تخفيض .. وما زاد عن الثلاث كل حبه بالقيمه الأصليه يعني أعلى

وهالإعلان هو اللي سوى .. أزمة توت

المهم رحت لذا السوق على أساس أغراض بسيطه باخذها وأحاسب وأطلع .. لا لها علاقه بمقاضي رمضان ولا يحزنون

جمعت الأشياء في عربيه .. مع إنها ما تستحمل .. مفروض سله .. بس مسوي أتيكيك في التسوق :p << إلا عشان تدفدف العالم بعربيتك :052:

يوم جيت أحاسب .. يا دافع البلا .. وش الصدمه .. أنواع السرا والزحمه عند الكاشيرات :110:

المهم وأصف في ذاك السرا الطويل العريض اللي العالم والعربيات مكامخ في بعض من الضيق

ويريد الله على أخوكم .. ويقز له واحد من الكاشيرات كان مقفل وفتح .. قلت سو نفسك ذهين وإزرق قبلهم عشان تحاسب وتطلع من ذا الاختناق الآدمي ;)

وقدامي واحد قلت له وخر شوي والا ادخل قدامي في ذا الفاضي .. راح هو قدامي :09:


توني بأدف العربيه .. إلا زرقت قدامي شغاله لابسه نقاب .. ومحمله العربيه قوارير توت .. بتقولون وش دراك إنها شغاله .. عشان النقاب ساده جاي مسحه وحده متساوي .. يعني ما فيه خشم يدفه قدام .. والعيون صغينونات :D

وتقفل معي .. أدفها بذا العربيه الحين؟ :mad: .. قلت لنفسي اهجد .. وخلك اتيكيك وبرستيج وجنتل :p <<كلهن يالطماع>> واعمل بمبدأ .. ليديز فيرست .. يعني السيدات أولا ;)

شوي إلا تجي عجوز ومعها شغالتها .. برضه محملين توت في عربيه وفي سله مع الشغاله .. ونفس الحكايه يزرقون قدامي .. بغيت أصيح :09: .. بس كتمت العبره .. قلت حرمه كبيره خلها تروح :confused:

وكان فيه حرمه الله يجزاها خير .. موب كبيره مره .. يعني نصوف :o <<وين رطب>> ومعها بنتها الله يستر عليهن .. كانت تنتظر قبلنا .. عيالها كل واحد وحده معه سله وفيها توت

قلت تفضلوا انتم قبلنا كلنا .. قالت لا رح انت .. انا أنتظر ولدي راح يجيب أغراض .. شوي الا جا ولدها الله يخليه لها عمره في الأربع طعش تقريبا .. شايل سله فيها توت :110:

وكانت الحرمه أخلاق معي .. وبأدب وحشمه طبعا .. لين قلت كلمه شكلها زعلتها .. وأنا ما قصدت إلا احترام لها :akn55:

قلت شكرا يا خاله .. شكلها حست إني كبرتها .. مفروض أقول أختي لو تسذب :01001:

ما أدري وش مشكلة الحريم مع سالفة العمر خخخخخخخخ :052:

المهم شكلها تضايقت .. لأن البرقع تكرمش من فوق :p << يعني عقدت حواجبها :dtj:


وتأخرنا ذا الشغاله اللي زرقت قدامي .. لأنها مكثره قوارير التوت .. وحضرتها تبغاهم يحسبون لها بنفس سعر العرض .. وقال لها اللي يحاسب .. لا ما فيه زي كذا .. ثلاث حبات بس :mad:

قالت : استقفرو الله .. يقالها تستغفر .. ايس هادا :D

أما العجوز يا حليلها :157: .. مسويه حركه .. هي تحاسب على قوارير .. ومخليه شغالتها شايله سله وتحاسب على قوارير ثانيه .. يوم زاد عندها قاروره أخذها المحاسب وحطها تحت جنبه
وتروح العجوز وهو لاهي في الحساب وتدور من ورا المكينه وتاخذ القاروره وترجعها قالت احسب ذي عساك الصلاح :D

قايلكم .. أزمة تووووووت

عاد أنا من التعب في انتظار الحساب .. قسم بالله يمكن ساعه الا ربع تقريبا على ما حاسبت .. يوم جا دوري تعطلت مكينة الدراهم .. شكلها قامت تثاغي من كثر الفلوس :09:

وتعقدت من التوت وقتها .. وجتني غفوة مدري حلم يقظه .. وتخيلت كل الناس اللي حولي مزدحمين في السوق.. كل واحد منهم ماسك قارورة توت ويشرب .. ومن كثر ما قحنوا توتت .. صاروا يقوطرون دم .. وخدودهم تنز من الحمـَار (بفتح الحاء والميم) والعافيه :p


المهم ضفيت غريضاتي :D <<تأثر بالعجوز>> وهزأت نفسي عشاني جبتني ذا الحزه .. لدرجة إني صرت أعاني من كوابيس بالتوت


المشكله .. ما شفت أحد متقضي تطلي :confused: << يعزه بقوه :157:



السالفه صارت لي صدز والله .. موب أرنب وإلا تأليف





لكل من توقف هنا باقة من الود والورد :qlb: :ba3a27f267:

أخواتي الفراشات << الحين ترقـّع؟! ;)
بليز لحد يزعل ترى الدعوى مزح :) << عارف بيجيه أنواع المواعين :052: << بيحطن الحره فيه عشانهن في المطبخ :dtj:

لازلنا في أجواء رمضان المبارك :oo9: .. بروحانيته .. وأكلاته اللذيذه المختلفة :157: << لا تشهوي الصايمين ما يكفي التوت :p

محور أكلتنا اليوم عن الطرمبه .. وهي في معناها الحقيقي .. المضخّة :p .. أي ما يضخ الماء .. أو .. يتفخ الهواء << يمديكم على التعريف ;)

يعني بتتفخ كوره .. كفر .. لساتك مسبح .. بتقول وين الطرمبه :D

خزانكم فاضي بتشغل المضخه اللي هي الدينمو <<لا يا شيخ :052:>> .. كما تستخدم الطرمبه أيضاً في المكيفات الصحراويه :157:


لكن عندنا .. بقدرة قادر .. صارت حلا :09:


http://www.al-amakn.net/vb/uploaded/127_1251280858.gif


بصراحه .. أنا محتج على ذا الأسم مرتن بالحيل .. ولا يمتكن نصبر عليه .. يعني قلة أسامي؟!! :confused:

ما اختلفنا .. الأكله اوكيه حلوه :122: .. وتخلي سعابيل الواحد تقوطر من كثر الشيره :D .. واللي عنده سكر الله يشفيه .. بيضرب العداد ألف :(

لكن احتجاجي .. ما لقوا غير ذا الاسم .. الأشوام أهون منا .. مسمينها بلح الشام :01001:

وحنا ماسكين على طرمبه :akn55:


أتخيلني .. إذا دخلت محل حلويات .. أقول بالله عطني كيلو طرمبه :110: .. وش موقفي ساعتها ووش أحس فيه :confused: .. حشا داخل محل سباكه مو حلويات :o

ما صارت خشة واحد صايم ذا اللي بيحط فيها طرمبه .. صارت مكيف صحراوي :p .. شوي أحط عوامه عشان تتحكم في السعابيل :D

المهم .. خلونا نحاول مع بعض نلقى اسم زي الناس غير طرمبه .. عشان نحس إنها فعلا حلا :)

فيه واحد قاهرني يتريق ويسميها مواصير :D .. مدري وش يبي .. يعني الأخ لازال في دائرة الحديد :09:
ما ينلام المقاول هو وخشته :p



يالله عاد نشوف وش يقولون محبي الطرمبه :052:




تقبل الله منا ومنكم الصيام والقيام :)

http://www.al-amakn.net/vb/uploaded/127_1251644784.jpg


شمعة الحب .. يجب أن تبقى متقـّدة

لتضيء بداخلكم .. في قلوبكم

فالحب .. ما هو إلا سمو مشاعر

يحتاج الرقة .. في الكلمة .. وفي السلوك

يحتاج الصبر على الحبيب .. والتفاهم .. ليبقى مضيئاً

فلو قدر لهذه الشمعة أن تنطفيء .. أظلم الكون من حولكم

ولن تستطيعوا إشعالها مرة أخرى .. بنفس قوة اتقادها السابقة


لذا .. ابقوا على شمعة حبكم متقدة .. تتوهج بما تكنه قلوبكم من حب

حافظوا عليها .. من الرياح .. وأغلقوا عليها .. في قلوبكم .. حتى لا تنطفيء !!



( جعل الله قلوب الجميع عامرة بالحب والوفاء ) :)

http://www.al-amakn.net/vb/uploaded/127_1252024673.jpg


أفتقدك

وكل شيء فيك

همساتك

لمساتك

ضحكاتك

عبراتك

دعاباتك

آهاتك


أفتقدك

بكل حالاتك


في غيابك

يعم الظلام

وأنتِ في قلبي

وفي حضورك

تتحقق الأحلام

وتتلون حياتي

بأزهى الألوان

ويصبح كوني

أجمل الأكوان


أفتقدك

فمتى تعودي؟!

يا أروع الأزمان

ويا أجمل الأوطان

يا حدودي .. !!

عنوان آخر .. من عناوين الوفاء

هنا


أختي الغالية شيزون


نشاركك في شعورك النبيل .. فلأختنا الغالية علينا أيضاً جووري افتقاد كبير في قلب كل من عرفها

وكل زاوية من زوايا الأماكن .. تفتقد لعبق حضورها الراقي

والصفحات .. أصابها كساد .. من غياب حرفها .. وروحها الأخوية الجميلة


نعم .. نشاركك الفقد أختي

وندعو العلي القدير في هذا الشهر الكريم .. أن تكون سعيدة وبخير حيثما كانت

وأن يكلأها الله بحفظه .. ويعيدها إلينا سالمة غانمة

:01001:

الدعوى موب استهزاء بخلق الله .. لكن استغراب من مسكات بعض الناس على شي :confused:

ندري أحيانا .. الواحد تمسك معه في الكلام لتغه معينه .. وإلا ينطق حرف ما بطريقته الخاصه

مثلا .. واحد أثرم يومه صغير .. ينطق السين ثاء .. ويقول الثلام عليكم إذا جا يسلم .. عادي .. الأثنان هي الثبب :D
ويمكن يكبر على هالشي من كثر ما تعود .. ويصير حتى وهو رجال كبير ما تطلع السين واضحه .. وإذا شد حيله وبغاها تضبط معه .. طلعت بين السين والثين .. يعني معها سعابيل ويمكن يطرطش على وجه اللي يسولف معه غصب عشان يطلعها صح :p
هذا نقوله معذور .. لا تشيل هم .. مسموح تستبدلها بالثين الله يثلمك .. بث يرحم والديك ارحمنا ولا تتفل علينا وانت تثولف :09:

لكن يجي واحد .. يلغي أم حرف بكبره من اللغه .. بدون سبب .. هذا اللي غريب :110:


هذا واحد عكس الأول .. مسوي دليييت لحرف الثاء من قاموس ثمه :o .. ومستبدلها بفاء

يعني مثلاً .. ينطقها مفلاً خخخخخخخ :157:
تناديه .. يقول طيب اصبر فواني .. قصده ثواني .. ويجيك معصب يقول وش تبي .. فاني مره لا تناديني

مره يسأله أخونا مصري .. ترتيبك كام ع الدفعه بتاعتكو؟!
قال : فلافه وفلافين (33) هههههههههههههههههههه .. بغيت أقول خلها ساده بدون بيض وبطاطس .. على بالي يقصد فلافل :8b48593a21: << برا يالمشفوح :052:

عاد ذا المصري .. لقاها فرصه بيشخص عليه .. قاله : ايه إكلام ده؟ .. بتئولها ازاي يابني؟ .. كدا غلط .. مش معئووول اللي بتعملو ده :110:
اووول معايه : ثلاستون وثلاسون هههههههههههههههههه .. شوفوا من بيصحح له عاد .. يلعن بليسه الدافور .. حتى هو ما ضبطت معه :(

قلت يا دافور بيه .. فكنا من فزعتك .. لا تخرب ولدنا الله يدق ثمك :D .. خله على الأوله أزين .. على الأقل بنفهمه
موب لين حتسى زيك تسنه في مسلسل إسلامي .. ما هازا يا فتى سكلتك أمك؟ :p
هع .. أتدري يا هازا .. يابن الأقرع :p .. إني أشعرو بداخلي بإختراشتون اوب طبيعيه .. ويدي تأكلني عشان اومردغكا انتا ويّاهو <<ياهو والا هوتميل كح كح يا قدمك :052: << بس ما يمنع إنك خشيت جو المسلسل مع الدافور :o << معليش شطحه :01001:

عاد خوينا مسوي يطقطق قلينزي .. ومره بيتفلسف يوم عطيته شي .. قال : فانكيو .. قصده ثانكيو :D
قلت متأكد إنها تسذا؟! .. قال : آي فينك سو I think so :09:.. يعني الظاهر :p

قلت يرحم والديك .. لا يطري على أمك تروح تختبر قلينزي .. ولو حصل حاول ما يكون فيه محادثه .. عشان ما يحوسون مرير درجاتك .. كل ما صار كتابه ترى أبرك لك من إنك تحتسي قدامهم

أزين كلمه عنده واللي يجاكرنا فيها هو صح وحنا غلط .. فمك .. كلنا نقول ثمك :confused:

مره متضايق واسأله .. سلامات يابو فلان وش مكدر خاطرك اليوم؟! :110:

قال : ياخي متأفر بشي شفته خخخخخخخخخخ قصده متأثر :D


خلاص .. تعبت .. وشكل لساني بدا يخرب من ذا اللي أماشيهم ويعكسون الكلام


المرة الأخرى فيه سوالف عن منسمين ثانين .. كلامهم من جنبها .. يتكلمون عربي هم زينا .. بس الفرق إنهم يقرون من اليسار لليمين :D
يقلبون راس اللي ما ينقلب راسه من كثر ما يخبصون إذا حتسوا


اللي ما استاسع صدره .. يشرب توت عشان يصير ريلاكس :01001:



لكل من تسدح هنا قليلاً :D .. :ba3a27f267: وردة حب أخوية تحمل الود من القلب :050:

حين يمنحك الله مثل هذه القلوب الطيبة .. المحبة لك فيه .. فلا تملك إلا أن تشكره على هذه النعمة

وفي هذه الصفحة المتواضعة .. المتنوعة الطرح .. في محاولة لإرضاء كل ذائقة جميلة تشرفني بالتوقف لبرهة
وجدت أوسمة عديدة .. هي قلوبكم أحبتي .. وشعور الإخاء فيها
فأنتم مكتسبي الذي أفخر به


http://www.al-amakn.net/vb/uploaded/127_1252723475.jpg
http://www.al-amakn.net/vb/uploaded/127_1252723618.jpg


http://www.al-amakn.net/vb/uploaded/127_1252723688.jpg


http://www.al-amakn.net/vb/uploaded/127_1252723755.jpg


ما أجملكم .. بمختلف ألوانكم " ألقاباً " .. وبتشابه قلوبكم " حباً " :)

حضوركم .. مضيء لصفحتي .. مبهج لروح أخيكم المحب لكم في الله

فمن الأعماق .. خالص الود والتقدير .. وامتناني لكرمكم بالتواجد من وقت لآخر .. فأنتم دائماً أصحاب دار



لا حرمني الله .. أخوتكم .. ودعمكم .. ووفاءكم :oo9:


أسعد الله قلوبكم .. ووفقنا وإياكم لكل خير

دائماً
.
.
ليكن غيابك .. بشكل يجعل من يحبك .. يشتاق إليك

ولا يكن غياباً طويلاً .. فتجعله يعتاد العيش بدونك !!

http://www.al-amakn.net/vb/uploaded/127_1253154239.jpg


لما أنتِ .. أيتها المستوطنة في الفؤاد؟!
لما أنتِ .. أيتها المهاجرة من العناد؟!

لما أنتِ .. أيتها القريبة كنسمات الهواء؟!
لما أنتِ .. أيتها البعيدة بحدود السماء؟!

لما أنتِ .. يا ساكنة الروح؟!
لما أنتِ .. يا بلسم الجروح؟!

لما أنتِ .. يا رقة الزهور؟!
لما أنتِ .. يا أصدق الشعور؟!

أنتِ .. يا أهزوجة الفرح
لقلبٍ ينبض صدقاً
أنتِ .. يا من يحمل المرح
لروحٍ تفيض عشقاً
أنتِ .. يا عذبة المزاح
أنتِ .. يا دعوة للإنشراح

لما أنتِ .. من ينفي روحي
المقيّدة بروحك؟!
لما أنتِ .. من يهدم صروحي
المشيّدة داخل صروحك؟!

لما أشعر بالاغتراب حين أقترب؟!
ولما أحن للاقتراب حين أغترب؟!
ولما روحي تشعر بغربتها
حين تقبل إليكِ بلهفتها؟!

وهل لهذا الانتفاء عنكِ .. من انتهاء؟!



حرفي ولا حلل الله اللاطشون :confused:
تراتيل روح / الأماكن 27/9/1430هـ

رحماك ربي

يتغير الزمن .. والأعياد .. متشابهة
يحضر الحزن .. ويغيب الفرح .. ويحتفل الأسى لإستئثاره بالمناسبة


رباااااه

اسألك .. عيدٌ واحد .. أشعر فيه بالعيد


وإلى كل من غاب عنه الفرح .. دعوة مماثلة برجاء استجابة من الخالق سبحانه

ومن يعيشون فرحتهم .. أدعوه تعالى أن لا يغير عليهم ويزيدهم من فضله


كل عام وأنتم بألف خير .. وقلوبكم فرحةٌ سعيدة .. وكل أيامكم أعياد :)



وداعاً .. مع رحيل للفرح .. قد يقصر أو يطول .. وإلى لقاء في عودته !!




أحبكم :ba3a27f267:

الفرح .. بداخلنا .. يحضر إن استحضرناه .. ويغيب إن غيبناه

ونحن من نجعله .. يرتبط .. بأشخاص .. وزمان .. ومكان !!

عـقب الغـياب اللي تـبرره اللـيالي والظــروف
ســلام تسلـيـمة وفــاء من غايـب عـذره مــعه

البعد جابر والزمن يجري على عكس الشفوف
والا مواجـه الأوفـياء شفّ الخـفــوق ومطـمـعه

والوقـت لو يقسى على القاسـين لا بده يـروف
وأنا ما أطيـع الوقت مثل النـاس لو قالـوا طـعه

سلام يا أغلى من عرفنا عد ما صف الصفوف
وعداد ما سجت نـفـوس طـيور شلوى فـ السعه

وعداد ما هبت هـبوب النود في روس الطفوف
وعداد ما الـوضـح تــرزم للـخــيـال وتــتـبــعه


حفظك الله ووقاك من كل شر .. ووفقك .. أينما كنت أخي وصديقي الحبيب
فكما عهدتك دائماً .. البعد يزيدك وفاءاً ولا ينسيك

أزال الله همك .. وفرج كربتك .. وجمّل أوقاتك

كن دائماً بخير .. لأخ يحبك في الله



ولكل من توقف هنا .. دعوات مماثلة من القلب :qlb:


لا حرمني الله إياكم :01001: