منتديات الأماكن - مواااااقف البنااات في شهر العسل

السلااااااااااام عليكم

يالله ان تحيهم نفر نفر :D<<<وين هنود :p

شخباركم وش علومكم؟؟

من زمان عن المواضيع في قسم الحياه الزوجيه :( قلت عاد يوم الله اراد بنزل موضوع غير شكل :D

اتمنى مايكون مكرر:o

ندخل في صلب الموضوع بس انتم اقروآ من هنا واخذوهآ عظه وعبره يالبنات :2b:

وحده تقول زياراتها للمطاعم مع اهلها كانت قليله
المهم اول ايام زواجها دخلت مع زوجها المطعم قال زوجها للجرسون جيبلي منيو وسألها وش تبين؟ قالت مثلك ابغى منيو < - الله يفشلْ العدو :081:
بس تكفى لايحط فلفل<<<طينتهابزياده:25: .. زوجها تسدح من الضحك:099: وهي تقول احسبها وجبه او طبق معين ههههههههههآي

--------------

ولآ وحده شعرها دايم يحتاجله سشوار مهو بناعم المهم السشوار اخترب مادري وش صار فيه عاد هي ذكاءها قادها لفكره جهنميه:j11:
وش سوت راحت على طاولت الكوي وانسدحت وهاتك يا كوي بهالشعر :D
وبرضه زوجها سوالها صادوه يوم دخل واختنا في الله تكوي منسجمه
الرجال انهبل على باله تزوج وحده ماهي صاحيه :العيار:

--------------

وهذا موقف لوحده بشهر العسل تقول كنت مسافره خارج السعوديه واشتهيت مطعم عربي الله لا يعيدها المهم لقينا مطعم لبناني ورحنا له وحطوا لنا طبعاا قبل ما نطلب زيتون ومخلل
وجا الجرسون واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه :العيار:
المهم مير تطير الزيتونه وتصقع وجه الجرسون وهو ياخذ الطلبات :p
قام قال عنا في لبنان ناكل الزيتون بايدنا
قالت غريبه حنا عنا بالسعوديه نصيدها بالشوكه :العيار:
وماسكها زوجها عليها للحين كل ما شاف زيتون قال هاه بالشوكه والا بيدك
هههههههههههههههههآيْ

-----------------

ولآ وحده تقول انا متزوجه ولد عمي
و أول ما تزوجنا رحنا بريطانيا منها شهر عسل ومنها هو عنده دوره
المهم تقول مره دخلنا المطعم واخذت المنيو وقعدت اناظر الكلام كله انجليزي وانا ما اعرف ولا حرف بالانجليزي
تقول هو اختار والجرسون واقف عند راسي يحتريني اختار قالي زوجي تبين اساعدك بالاختيار
قلت ليش طايحه من عينك انا اعرف اختار:mad: المهم تقول اخترت طلب محطوط في اطار وحركات
قلت اكيد هذا شي حلو وقلت ابي هذا قال زوجي متاكده:D قلت ايه اصلا من زمان اطلبه لما كنت اطلع مع أهلي<<<<حبل الذب قصير هع هع
تقول قالها طيب ابشري وهو يضحك:العيار: ويوم جابوا الطلب هو مكرونه وحركات وانا وجبة أطفال !!

وش جآيهم هالعآلم على هالفشآيل في هالمطآعم :D

---------------

ولا وحده تستحي من زوجها بالمرة تضايق الزوج وكلم خواته يكلمونها وكلم أم زوجته كذلك المهم أزعجوها امزحي مع زوجك واضحكي معه:mad: قالت ما أقدر المهم طولوا عليها بالكلام
وفي مرة من المرات وهي مع زوجها سبقها زوجها بينزل مع الدرج قالت فرصه امزح معه شوي علشانه مايشوفني:العيار: المهم دفته مع
الدرج الا وهو في آخر الدرج متشقلب :24:وقاعد يون ويصيح من الألم قالها وش فيك كذا جلست البنية تصيح:09: وتقول كله من أهلك
يقولون امزحي معه وهذي آخرتها :09c671a7d1:
طلعت البنيه جلفه:fgh: حبتين ههههههههههآي

-------------------

ولآ وحده اعرفها اول ايام زواجها تقول كنا طالعين واحتجت الحمام ((وانتم بكرامه)) مررررره بس مستحيه اقوله:796291e0b7: وهو شكله ماعنده نيه يروح لمكان فيه حمامات المهم تقول عجزت اتحمل وجلست افكر باسلوب حلو ما يخرب برستيجي عنده قلت خلاص بقوله
ابغى دورة المياه احسن من كلمة الحمام
تقول وانا ميته من الفشله قلت ابغى اروح لدورة الحمام:العيار: مادريت الا الرجال يضحك ويقول يا عيني على الاتيكيت:hh: هههههههههههههههآي أمحق اتيكيت :D

--------------

هذي وحده تقول اول ما تزوجت كنت ادرس وكان يوديني زوجي للجامعه وياخذني
المهم انا جالسه انتظره وكنت واقفه في الشارع واشوفه بعد كم سياره المهم جلست استـناه
يوم وصل عندي وانا امشي بغنج الا واطيح ذيك الطيحه طراااااااااااااااااااااخ :o
جلست على ألارض ما يشوف الا راسي من عند شباكي جالسه اناظره ولا اتحرك :D
وكان الشارع مليان رجاجيل وبنات
واركب في السياره وهو ميت من الضحك:081: واجلس اصيح:09: قلت ما تعرف تسمي علي
ههههههههههههههههههههه مالت يآنذلهم هالرجآجيل بدآل مايسمي ع حرمته يضحك عليها:0cf1a9ea43: -

-------------------

وحدة تقول اول ما تزوجت طحت عند باب المطبخ وانهبل زوجي وبسم الله عليك سلامتك:العيار: حياتي وبعد مرور سنة طاحت بنفس المكان قالها عمى ما تشوفين :j11:

-------------------

وحدة عزمها زواجها ليلة العرس في مطعم فندق المملكة وقال لزوجته آمري تدللي المطعم كله لك :rose:تخيري أفضل المأكولات وأحلى المشروبات

راحت ملح البنت بالدلع اللي ما مر عليها وقالت لزوجها : أبي حبة شاورما بدون مايونيز وعلبة بيبسي :0013: ؟؟؟؟؟؟؟؟؟

حدها مطعم الشراع وكثير عليها :العيار: خخخخخخخ

--------------------

وحده اتصل لها زوجها على اهلها وعطاها تكلمهم وقال بينزل لرسبشن شوي ويرجع :العيار:<<<عشان تكلم براحتها :)
اختكم في الله استانست وجلست تكلم امها وخواتها ونست الي حولها...ومندمجه في سالفه مع اختها ومن فرحتها بخبرقالته لها صارت اطامر وحالتها حاله :p والا ابو الشباب واقف ومكتف يدينه وفاطس ضحك عليها:65:<<<<ترا مهيب انا :931ee8eab2:

وبص :العيار:

اتمنى يكون الموضوع عجبكم

مودتي