ابرحل
أبرحل والله العالم وش اللي بداخلي مـن شـوق
وبطوي صفحة ٍ عّيـا زمـان الجـور يطويهـا أبرحل تايه بغربة وطـن مالـي عليـه حقـوق وطن وحـدوده عيونـك ودمـع ٍ حايـر ٍ فيهـا أبرحل دمعة ٍحارت من ادنى الموق لاقصى الموق خذلها الوقت يوم انـه حرمهـا مـن هقاويهـا أبرحل واجمع آلامي وابرقـع ثوبـي المشقـوق وابفهق عن دروب الشك رجلـي قبـل تمشيهـا أنا ادري ان الزمن قاسي واعرف اني بليـا ذوق ونفسي يوم ودعتك رمـت فـي النـار رجليهـا عمر هالحب مايفنى مدامه في الحشـا مخلـوق ولـو دنيـا العنـا جـارت وورتنـا بلاويـهـا أبنسى آه كيف انسى وانا اللي من زمن محروق اكّذب كاني قلت اقـدر انسـى بعـض ماضيهـا ألا ياحظي المقفـي علامـك للشقـى مطفـوق انـا طالبـك لاتفتـح لعينـي ســدّ واديـهـا أبنسى كيف والذكرى وسط قلبي تسوقـه سـوق وهـذا طيـف عاتقهـا وهـذي رجفـة يديهـا انا في ذمة الله ما علـي مـن الشقـا والعـوق انا في ذمـة اللـي لاقبـض هالـروح يحييهـا جعل عين ٍ بكت للحب ابد ما تنحرم مـن مـوق ولا تفقـد ولوطالـت ليالـي الهجـر غاليـهـا وابرحل والله العالم وش اللي بداخلي من شـوق وبطوي صفحة ٍ عيّـا زمـان الجـور يطويهـا |
يعطيتس العافيه اختي ملاك كلمات جدن رائعه في انتظار جديدتس والى الامام :) |
السلام عليكم ورحمة الله وبركاته
مرسي العيار |
الساعة الآن 03:33 AM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.