منتديات الأماكن - من راح من كيفه وكيفه يوديه

منتديات الأماكن (https://www.al-amakn.com/vb//index.php)

- ●{ وٌزنً وَقآفِيِه ~ (https://www.al-amakn.com/vb//forumdisplay.php?f=9)

- - من راح من كيفه وكيفه يوديه (https://www.al-amakn.com/vb//showthread.php?t=48690)

من راح من كيفه وكيفه يوديه

السلام عليكم ورحمة الله وبركاته

أخواني/أخواتي أعضاء ومشرفين وإداره جبت لكم هالقصيده

بدال القصيده اللي نزلتها وحذفتها البارح لأن فيه نااس يحسبوني

أقصدهم وحذفتها ونزلت هذي بدالها وأتمنى تعجبكم.....

وخلال هاليومين بتسمعونها صوتيه بإذن الله....

من راح من كيفه وكيفه يوديه=خله على كيفه وكيفه يجيبه
<<البيت معروفن ولكن بجاريه=عله تطيب جروح صارت عطيبه>>
حبك بقلبي يالغلا عشت مخفيه=محدن نشد عنه ولحدن دريبه
أنا وعدتك والوعد لازم اوفيه=ولو تطلبين سهيل والله لجيبه
وانا اذكر إنك قلت حبك بداريه=ومنساك لو الشمس تنسى مغيبه
كذا إتفقنا والبقى مالنا فيه =حتى ولو صرنا بعز المشيبه
واليوم اشوف الصد بانت مواريه=يلعنك ياخلن تنكر حبيبه
ياصاحبي بنشدك ياصاحبي ليه؟؟؟=أقفيت دون اسباب والله مصيبه
وتدري كلام الناس محدن براضيه=ولجلك تقبلته بنفسن رحيبه
واللي تغلى يحسب إني براضيه= يبطي وانا ماقلت يالله تجيبه
معروف درب الحب هذي مباديه= أول بدايه للنهايه قريبه
لكن ياغالي والبقى بالمشاريه =مثلك مثل غيرك ولاهي غريبه
يعني على قول المثل يامطريه=روحي مراح مقيط ولا اقتديبه
لاتحسبين الحب لعبه وترفيه =والظلم والله صاحبك مارضيبه
الحب ماله طب محدن يداويه=كون الحبايب وصلهم هو طبيبه
ولا تحسبين اللي تخلى أبرجيه=اللي خذاه اليوم بكرى يجيبه
من عافني عفته ولو كنت مغليه=وحده بوحده والمصيبه مصيبه
ولو كل من يحلم تحقق أمانيه =ماراح أبو عداي لبوشن ظريبه
وماكل من يضحك بوجهك تخاويه =وبالك ضعيف النفس لاتنتخيبه
اللي ليامن غاب بانت خوافيه=هذاك حتى اخته فلا تعتزيبه
إحرص على اللي بالشدايد تلاقيه=رجلن فعوله باللوازم رهيبه
اللي ليامن رحت عاني وناصيه=يفز لك لاجيت من زود طيبه
مثل الدبل للقير لاقلت تشبيه=إليا اشتغل وداك راس الرقيبه
ودايم صدوف الوقت هذي هقاويه=كلن يجي يومه وياخذ نصيبه
لكن براسي بيت ودي تعرفيه=وترى المقاصد فيه ماهي قريبه
<<لو المحيط الأطلسي جف شاطيه=يبقى المثلث سر محدن دريبه>>

وسلامتكم,,,

بـــــدر الـــشـــمري