عزف الاوتار
. . . السلام عليكم كيفكم يالغالين ان شاءالله بحسن حال نود ان نترككم مع هذه الابيات وهي موجهه لصديق لي ..ماعليه قاصر ..لكن شفت منه بعض التقصير في ايامنا الاخيره وهاضت القريحه بهذه الابيات من باب النصح ونتمنى ان تنال اعجابكم
امسن مع الهوجاس ياما طرالي=مشاكل الدنيا وقسمين الاخيار واخذت اردد ماطرالي في بالي=ونظمتها وابدعتها ضمن الاشعار مرسى رواسيها رساة الجبالي=وفيها نغم تعزف بها عزف الاوتار عزفتها والقلب ماهوب خالي=من جور هالدنيا ونكبات الاشرار مرخص رخصنا بعد ماكان غالي=وغالي فرض فينا غلاته بالاجبار ياصاحب الوقفات خلك قبالي=لاتبتعد تكفى ترى دمي انهار اسمع وصايا صاحبك فالتوالي=لك الوصايا طيرها اليوم لك طار رفرف جناحه لين رام المعالي=ورجم المعالي مايجيها بمعسار هذي عوايد طيري لاهب بالي=باصم عليها وتارك البصم تذكار حافظ على اللي فيه ربك يسالي=عمود دينك لو يصير اللي ماصار واوف ابوعودك لاعطيت المقالي=من لا وفى بوعده يسموه غدار واحشم خويك لافهقوه الهزالي=لاتلطم ترى الخوي موقفه حار افده براسك يابعيد المدالي=خابرك حر اليا جزلنا فالاحرار لاتبتلي بالبوم لو جاء مجالي=خلك عقيد وقايدن كل الامهار وخل النظر لالد .. لدة معالي=منهو تدنى مات ولاشاف الازهار زهر المراجل لاسقته الفعالي=يبقى شذاها لين قصاف الاعمار القول مايحسب في كل الرجالي=فعلك هو إثباتك ليا جات الاخبار واوجب ضيوفك ياكريم السبالي=لاترتخي بواجبك وتبدي الاعذار ولا تنبهر من كل شخصن يلالي=ماكل من لا لا يماري بالاشعار ولاتنحمس في كل قافن يبالي=بعض البشر تكتب ولافيه معيار ولاتنخدع في قول خلت الخيالي=يم المراجل خلتها لك بالامطار لاتقتنع الا بفعل الجزالي=مايثبت افعال الرجل غير الابصار ولاتامن الدنيا بخضر المفالي=ولاتامن احدن لو بعزن ومقدار هذا الزمن لويطعمك كل حالي=لابد يسفط ياولد عذب الامرار وش تنفع الدنيا بقيلن وقالي=رم لك ميامن مدها مد الاخيار وسلامتكم |
رد: عزف الاوتار
مرخص رخصنا بعد ماكان غالـي
وغالي فرض فينا غلاتـه بالاجبـار هـ البيت يوزن ذهب ^^^^ <<<< جا ع الجرح والقصيده بكبرها سبائك ذهب الحر صح لسانكـ لاخلا ولاعدم |
رد: عزف الاوتار
اقتباس:
ماتجيب الا السماااان ياعنك انك مدرسه حفظك الرب برق |
رد: عزف الاوتار
لاتـقـتـنــع الا بـفــعــل الـجــزالــي
مايثبت افعال الرجل غير الابصار ولاتـامـن الدنـيـا بخـضـر المفـالـي ولاتامـن احـدن لـو بعـزن ومقـدار هـذا الزمـن لويطعمـك كــل حـالـي لابـد يسفـط ياولـد عــذب الامــرار وش تنـفـع الـدنـيـا بقـيـلـن وقـالــي رم لـك ميامـن مدهـا مــد الاخـيـار الحر القطاااامي ************ صح لساااانك وعلا شاااانك ليس غريب عليك الابدااااع فأنت بنظري للتميز في قصاااائدك عنوووووان ******** لا عدمناااااك |
رد: عزف الاوتار
صح لسانك يالحر
قصيده خطت باجمل الكلمات واروع المعاني لاهنت يامبدعنا تحياتي لك |
رد: عزف الاوتار
صح لساانك
و دام نزف قلمك احساس رائع وذوق مميز هنيئا لي وجودى بمتصفحك فتقبل مروري دمت بود |
رد: عزف الاوتار
اقتباس:
صح لسااااااااااانك..قصيده غنيه بالنصائح ربي يعطيييك الف عافيه..ومو جديد عليك الابداع ودي ووردي |
رد: عزف الاوتار
حِكَمْ يالحر .. حِكَمْ
لايجِب أن نحكم على المرأ من موقفٍ .. واحد .. ! . . صح الساانك .. ولاهنت اتقنت أخي " عزف الأشعاار " !! بارك الله فيك |
رد: عزف الاوتار
صح لسانك يا اغلا من الغالي وجعل الطيب فالك وفالي وفال الجميع انشاء الله وطول عمرك كبير من ربك والنصايح ذهب ومحد يشوف الذهب ويخليه بيض الله وجهك |
رد: عزف الاوتار
اقتباس:
صح لسانك وعلى شانك لاتحرمنا جديدك ياالغالي لك كل الود |
رد: عزف الاوتار
اقتباس:
هلابكـ ياهلولهـ صح بدنك والله يسلمكـ شرفتينا دمتي ودام وجودكـ |
رد: عزف الاوتار
. . .
هلابكـ مرحبابكـ يابرق وفيكـ الخير والبركهـ الف شكر لكـ على هذا المرور الغالي تحياتي |
رد: عزف الاوتار
اقتباس:
ولوجودكـ عنوان مرحبا حييتي يابنت الاجواد صح بدنكـ وتسلم لي هالطلهـ لاعدمنا وجودكـ المشرق بمواضيعي المتواضعهـ دمتي كما عهدناكـ |
رد: عزف الاوتار
اقتباس:
هلا وغلا يابخت صح بدنكـ ولاهنتي الاجمل من القصيدهـ وجودكـ ونثر حروفكـ لاعدمتكـ |
رد: عزف الاوتار
اقتباس:
هلابكـ يـ أغلى حبيبهـ هلابكـ صح بدنكـ ولاهنتي على الطلهـ في متصفحي المتواضع لاعدمناكـ |
الساعة الآن 04:22 PM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.