منتديات الأماكن - سعادتي في يدي...ممكن الكل يدخل ...

حياتي التي اعيشها...فكرت مره كيف حياتك صح ماشيه او متاكد ان فيها بعض التعرقلات وانت ساكت والحياه ماشيه اعتقد فيه ناس كثير فكروا اولاحظوا ان في حياتهم شي غلط بس سكتوا او حاولوا مره وفشلوا ليش نيأس من المحاوله وليش تسوي الشي مره او مرتين وماتوصل لهدفك وتقول خلاص حاولت وماقدرت تذكر دايم ان المحاوله اساس كل شي ......تدري ان توماس اديسون حاول في اختراع المصباح 9999مره :110:تخيل لدرجه ان الناس ضحكوا عليه بس مالتفت لهم وكانت كل محاوله فاشله له تخليه يتقدم للامام ...سبحان الله...بس ممكن تخليني اقولك شي وماادري راح تحرك فيك شي مثل ماحركت فيني اشياء.....
الحياه اقصر بكثير من انها تضيع في الالم والهم والزعل وضيقه النفس ليش ماتركز على الاشياء اللي انت تحبها فالحياه ...فالحياه هي المعنى الذي تضعه لنفسك .اجعل حياتك رائعه لان كل يوم عباره عن بدايه جديده وكل لحظه فيها نعمه من الله تعالى كما قال في كتابه الكريم..
{{ان الله لذو فضل على الناس ولكن اكثر الناس لايشكرون}}..فالحياه نعمه وهديه من الله اذا ناسي هالشي...
وتذكر قول الشاعر دااااااائما...
{مالحياه الا امل يصاحبها الم ويفاجئها اجل}...:)
عيش حياتك بالامل وتوقع الخير حدد اهدافك في الحياه وكن مؤمن بها ولاتياس من الحياه وبعد تذكر ان صاحب حياتك اهوا الالم والتحديات واتوقع حياتك راح تكون ممله بدون تحدي فكون مستعد لها وقابلها بقوه وعزم وصبر منك واهم شي توكل على الله فانه يحب الصابرين ولايضيع من احسن عملا...:)
وبما ان الحياه يصاحبها اجل كما ذكر الشاعر فهو الشي الوحيد الحقيقي في هذي الدنيا ومااعتقد احد يقدر ينكره فهو المصير المحقق لكل انسان فعش بالكفاح في سبيل الله واستعد ليوم اللقاء مع خالقك وتوقع موتك في أي لحظه فصلي واستغفر وادعي ربك وكانك تصلي صلاه الوداع ......:(:(عامل كل انسان وكانك راح تشوفه اخر مره في حياتك ...اعطف على خلق ربك وكن متسامح وكانه اخر عمل خيري تسويه في حياتك ....تقرب اكثر الى الله سبحانه اذا بعدك تارك هالشي للتوبه شدراك متى تموت يمكن الحين وانت تقرا الله لايقدر او يمكن تغص في شي وتموت.....:confused:
وقفه احبائي....:(مره صار لي موقف مستحيل انساه في حياتي وكانه اليوم وكل ماتذكرته ادعي ربي واستغفره كنت مره رايحه المستشفى وعندي موعد وانتظر متى ينادوني وانا اطالع اللي رايح واللي راد اقعد شوي واشوف بنت تقريبا عمرها 22 او مابين.. طلبت مويه انتبهوا مويه وشربت فجاه ماادري الا والبنت منغصه وترتجف ماادري شفيها بدت طيح شوي شوي قدامي وانا مو عارفه شسالفه مادريت الا وهي مغمي عليها وجاوا وخذوها بعد تجمع الناس طبعا ذهلت ماعرفت اسوي شي كنت مصدومه توها بخير وتكلم قدامي قعدت شوي قلقانه ابي اعرف شصار فيها ونسيت دوري الا وهما قايلين لي انها بغت تموت بس بمويه ضيق عليها النفس فوق مرضها لولا الله ثم هم لحقوا عليها او كان ماتت تخيل انها كانت في البيت ومااحد قدر يساعدها هذا من حب الله لها وانكتب لها عمر جديد ويمكن يكون لها درس يخليها متمسكه بالرحمن طول عمرها يالله ماكان نسيت شكلها....مافي شي احسن من تقربك لله وتاكد حياتك راح تكون سعيده بلا حدود وناجحه باذن الله فابدا من اليوم في تغير حياتك للافضل وساعد الناس واهم شي لاتنسى ان سعادتك بين يديك.....
اليوم حبيت انزل لكم هالموضوع وخذيت معلومات منه من كتب الدكتور ابراهيم الفقي يمكن البعض لاحظ علي اني دايم اتكلم عنه او اقرا له اللي جد حاب يغير حياته يقرا له كتب صدقوني راح تتغيرون مثل ماتغيرت انسان اكثر من رائع يجيب لك امثله وكلام قليل بس تقتنع بكل سهوله اذ جد حاب تغير من نفسك راح تحبه{اذااحد حاب يستفسر عنه او يبي ابين له شي راح اكون قد طلبك وراح احاول ابين لك افضل كتبه واحسن اصدراته واكثر مبيعاته وكلكم تهونون وعلى عيني وراسي بعد } وانا ماكتبت لكم هالشي كله الا لاني احبكم وراح احاول اعطيكم شي مثل ماعطيتوني الكثير برد لكم جزء بسيط وانشالله الكل يستفيد بس فيه هنا سؤال ممكن تجاوبون عليه....
انت مقتنع بحياتك وحابهاماتفكر تغير شي منها بس عشان تكون دائما الافضل...؟؟؟؟؟؟؟؟؟؟؟؟؟؟؟؟؟؟؟؟؟:confused:طولت عليكم ...
اختكم.... كــــبـــــريــــــاء الـــــــجـــــنـــــوبـــــــ*:oo9: