|
|
|
][ أتـهـمـت في مـدرسـتـي بـالـكـفـر...؟][
http://img105.herosh.com/2010/08/03/349999789.gif حبيت ابدأ لكم قصتي من خلال موقف صار لي بمدرستي أنا.. وتفاجئت في اللي صار وماصرت أنام من كثر حرتي وصراحة صدمه لي..ابدأها لكم وبحاول اختصر لجل ماطول عليكم.. بسمه تعالى.. ثاني يوم دراسي كان من احد زميلاتي بالفصل تحتفل بيوم ميلادها عادي البنات ملتمين حولها ويقدمون هدايا ويهنونها.. عاد كان معلمه الدين عندنا وواقفه عند الباب ومادري وين بالها فيه.. فجأة دخلت علينا وقالت شقاعدين تعملون عاد البنات قالوا نتحتفل بعيد ميلاد ندى..قالت نعم عيد ميلاد...ماتعرفون ان اهوا حرام.. ماخلت شي إلا وقالته يالله كيف كان شكلها واهيا تهاوش...؟ عاد البنات ألسنتهم طويلة حرام لا عادي الكل يحتفل فيه..ووو...؟ أنا تفاجئت من هجومها وتميت ساكتة ابي اشوف لوين راح توصل.. واهيا تهاوش مادري علامها.. قالت تتشبهون بالكفار وتقلدونهم... البنات يردون..لاعادي مانتشبه بأحد حنا نحتفل لانها كبرت وصار عمرها 17 سنه وهالشي يسعدنا كأنه عيد وفرحته.....الخ.. ماقتنعت ابد وقالت..لا كأنه ولا شي كأنه هذي شيلوها..من بالكم.. وخليكم من الظلاله اللي انتوا فيه تبون تصيرون كفره قلدوا الكفار.. حسيت انها تجاوزت حدوها واسلوبها كان جدا سيئ وتعابير الوجه طبعا.. قمت من مكاني وقلت.. بعد اذنك استاذه..كنت حابه تحاولين تقنعين البنات بشكل افضل.. لان انتي تشدين واهما يشدون وبها السبب مافي احد منا راح يتقبل رأي الثاني.. ومعك حق بكلامك لكن بطريقتك كلهم بعاندون ويتمسخرون .. وبخصوص قولك ..نشيل كأن من القائمه ولانقول إن في ايام كأنها عيد امبلا فيه وأنا بقلك شنو اهيا... قالت لاتفتين من عندك ولا تطاولين علي وتقولين شي ماتعرفينه.. رديت قلت ولله الحمد طول عمري محترمه وافرض احترامي علي حولي.. وأنا ماتطاولت عليك حبيت أوضح لك شي بسبب اتهامك اللي أتهمتيه لنا واهوا الكفر ولظلاله..وهالكلام كبير توقعت كلمه وانقالت لكن اثنيتي عليها.. في 3 ايام عند المسلم وكأنها عيد..واهيا.. يوم..يتوب فيه العبد من ذنبه ويهجر معاصيه ويعود لرب العالمين.. ويوم..يلاقي فيه رب العباد على خاتمه حسنه وأعمال مبرورة.. ويوم..يقوم بجميع فرائضه في جماعه ويسلم نفسه من المعاصي... عاد ردت علي واهيا تصارخ.. وقالت انتي شقاعده تقولين كلامك هذا من وين جايبته.. البنات يرودن علي يا......لاتتفلسفين طيب ... تفاجئت وقلت عاد انتوا خليكم من النفاق وكونوا مع الحق مو قدامها تمدحون وبعدين تنهشون فيها لاحول ولاقوه خليكم من النفاق.. ردت علي طالبه وتقول..انتي دايم تدخلين غلط بعدين بكيفها خليها تقول اللي تبي وحنا نحتفل... تفاجئت وسكتت عاد المعلمه ردت عليها وخذت اسمها مع التهديدات أكيد.. ردت علي المعلمة وقالت خليك من الفلسفة وردي مكانك.. قلت ليش تقولون فلسفه والبنات بعد يقولون اتفلسف.. هذا كلام الفاشلين..وتبون تكونون بعقلياتكم المتحجره.. لامنطق..لااقناع..لاكلام صحيح..عاد شوي تثقفوا وحاولوا تتعمقون بالدين اهم شي هذي مو فلسفه...عاد سكت لاني ادري مافي فايده في البنات مهما قلت كله يحقرون..؟ مادري على شنو.. قلت لها..في مقوله تقول.{ قليل من الفلسفة يجعل الإنسان يميل إلى الإلحاد لكن.التعمق في الفلسفة يقرب عقل الإنسان من الدين..} وهذا أنا عاد شنو ردك... ردت علي وقالت مافي أي شي يثبت ان كلامك ونقاطك اللي قلتيها صحيحة اثبتي لي ..؟ قلت لها والله كنت ابي اثبت لك لكن الكتاب هذا صار لي فتره من وقت ماقريته وفي أدله دلت على ذلك لكن مو مذكرتها...ومادري الكتاب وينه الحين.. ابتسمت وقالت..شفتي كلامك كله ظلال ومو صحيح.. رديت..لاحول ولاقوه مصره على كلمه ظلال.. بعدين ماتدرين شنو معناها...ومافي احد يرضى تقولين له هالشي.. عاد كلن يحترم نفسه..صراحه نرفزتني..؟ قالت..انا مو محترمه انزين انا بعلمك... رديت ..قلت بعد اذنك ترى صار لي فتره ساكته وانتي تسبين في الكل والكل ساكت لجل لاتحطين احد ببالك وتظلمينا بالدرجات عاد انا مو خايفه من احد لاني واثقة من كلامي ولو احد يدري باللي تقولينه ماراح يسكتون لك ابد.. الله لايوريكم شنو أعملت فيني وماخلت شي الا وقالته عاد انا رحت مكاني وأعطيتها ظهري .. لاني جد ماطلعت معها بنتيجة.. جنت المعلمة وقالت انتي طالعيني اكلمك.. قلت نعم اسمعك..قالت شلون تمشين وأنا أكلمك.. قلت لها أنتي قاعدة تغلطين علي وأنا محترمتك وتقولين كلام كبير بحقي.. اجل تبيني اسمعك..لا والله.. هاوشتني وخذت اسمي وتخيلوا شنو قالت لي.. قالت درجاتك والله ماتاخذينها وكل حصة ابيك تكونين واقفة بحصتي او الأفضل مااشوفك..فيها.. عاد أنا صراحه مادري شقول ميتة ضحك عليها جد انها نفسيه.. قلت درجاتي لا لي حق اخذها باخذها ومافي احد يقدر يظلمني دام انا متفوقة واستاهلها.. اهيا احقرتني وطلعت وبديت أتناقش مع البنات ليش ماوقفوا معي.. جد ان أهما مو كفوا من قدام معها ويبتسمون ومن وراها لاحول ولاقوه بس.. ترا أنا قادره أرد عليها بنفس أسلوبها لكن ماحبيت انزل مستواي لمستواها خصوصا اني احاول احافظ على احترامي وصيتي بدراستي.. عاد هذي مو معلمه جد انها اهيا سئه جدا وماينفع تربي أجيال.. واجهت الكثير من الانتقادات من البنات ويقولون مااحد قالك تطاولي عليها...ربي يشهد علي اني ماكنت ابي ارفع خشمي على احد او اتطاول عليها او ابين لها اني فاهمه واحسن منها.. لاوالله كل اللي كان في نيتي انني اصحح غلطها وااسكت لها الشي واصحح لها كلامها اللي قالته بأسلوب غير لبق ابد.. عاد اعلنت الحرب معها والله يستر جد راح اتعب طول السنه لكن درجاتي وربي راح توصلني.. في النهايه حابه اطلع لكم بأسئله حيرتني.. 1ــ تتوقعون هذا أسلوب معلمه تعامل فيه طالباتها..من طريقه التعامل والألفاظ..؟ 2ــ ليش وقت نقول الحق الكل يعتبرها فلسفه او لعانه منا وما يتقبلها..؟ 3ــ تعتقدون كان معي حق في اللي عملته او كنت غلطانة..؟ اعتذر عالاطاله صارت أشياء كثير لكن حبيت اختصرها بقدر الإمكان وأتمنى تكونون حقانين وتعطوني أرائكم..بحق... تعبني الموضوع من كثر مافكرت فيه..مادري اذا راح ادفع ثمن كل اللي صار.. فقط لمجرد محاوله الدفاع عن نفسي وماحبيت اسكت عالغلط... اجل هذا الثمن اللي راح ادفعه..صرنا نسكت عالغلط وعن حقنا بعد.. لجل لانخسر اشياء بحياتنا..ليش وشنو الحل.. او البعض مايتقبل اراء البعض اللي مايكونو من المنطقه.. سالتني انتي من هنا رديت وقلت ايه قالت مو مبين من كلامك.. شرحت لها وقلت من هنا لكن قبل كنت بالكويت.. عاد تدرون شنو ردت علي.. قالت افكارهم هذول اكيد تعلمتي منهم وتبين الظلاله.. بالله عليكم الكلام هذا يرضي احد والله لو اني قلت لهلي مادري شنو كان صار.. ليش مايتقبلون الاراء.. حتى الاجانب مثلا ان ابدوا الرأي بشي مااحد يتقبل والاحظ بكثره الكل يطالعهم بنظره استحقار او اللا مبالاه.. كافي اني في ديرتي ويحصل معي هالشي..ليش عاد.. مو بشر مثلنا ولهم رأي مثلنا وحقوق او لانه مو من اهل البلد ويتم ساكت..؟ هالشي ماينسكت عنه واتوقع اني راح اشتكي لانها حاطتني براسها وواثقه انها ماعملت شي غلط..جد وقاحه..:mad: اعتذر لكن جد شي يقهر ..وين حقي...:( شلون اتعامل معها اجل..وليش الكل ساكت لها.. واهيا مو خايفه من اللي عملته معي.. ابي حل منكم..قبل لاتنتشر السالفه..:( ورودا على اسئلتي لجل تختصر ردكم عالموضوع.. اعتذر بعد عالمبادره مره اخرى.. تحياتي..كــبــريــا ء الــ ج ــنــوبـــ* http://img105.herosh.com/2010/08/03/768628599.gif |
رد: ][ أتـهـمـت في مـدرسـتـي بـالـكـفـر...؟][
●● صبـآحكِ عـآبق بـ أريج الكـآدي لـجين طرحتي موضوع إن وقفنـآ عند كل نقطة أصبحت موضوعـآ لـوحدهـآ ربمـآ مـآ ألومك عليه فقط هو منـآقشتك مع المعلمة حتى وإن كنتي على حق في ذلك فـ إن الجدآل إن حـآد أو مـآل أوصل لـ السبـآب ... وفي ذلك أحـآديث عن المصطفى صلى الله عليه وسلم تختص في المرآء أي الجدآل. وإن كنتي تجـآدلين بـ صوت خـآفت وعقلآنية عندمـآ يزدآد و يرتفع الصوت من الجـآنب الآخر يجب التوقف حتى لآ يتجـآوز الحديث أكثر من اللآزم. أمـآ بـ خصوص تنبيهك لـ زميلآتك فـ معك حق في ذلك و الكل يعلم موقف الشرع في تلك المسميـآت و غيرهـآ. إلآ أن الأغلب لآ يتحرج و يرى ذلك عـآدي إمـآ لـ تقليد أعمى أو لـ جريـآن خلف من أقـآمهـآ. و تصرف المعلمة أرى أنه خـآطئ سوآء مع زميلآتك أو معـآك .. لأنهـآ لم تأخذ جـآنب اللين و المنـآقشة بـ أسلوب يقرب لآ ينفر بـ الإحتوآء و البشـآشة والقول الحسن. أعود لـ الأسئلة التي دآرت في خلدك 1ــ تتوقعون هذا أسلوب معلمه تعامل فيه طالباتها..من طريقه التعامل والألفاظ..؟ لآ ... وقد ذكرت ذلك في ردي الأعلى 2ــ ليش وقت نقول الحق الكل يعتبرها فلسفه او لعانه منا وما يتقبلها..؟ إمـآ لأنهم يعرفون أنهم على خطأ ويستمرون عليه دون الإلتفـآت لـ أي نصـآئح تطرق آذآنهم. أو التمسك بـ رأيه ولآ يريد سمـآع غيرهـ. أمـآ الفلسفة ... لهـآ جوآنب جميلة ومنهـآ طريقة طرحك لـ الموضوع بـ أسلوب جميل و فريد وكثير من العلمـآء و العبـآقرة والفلآسفة كـآنت لهم موآقف من إستهزآء و ضحكـآت والتقليل من الطرف الآخر. 3ــ تعتقدون كان معي حق في اللي عملته او كنت غلطانة..؟ أن قلت أنكي مصيبة في ذلك ... فلآ أرى جـآنبي الذي إن كنت عليه سوف أقوم به. لـ ذلك كـآن يتوجب منك الإنسحـآب من الجدآل معهـآ حينمـآ وصل الأمر لـ ألفـآظ لآ يستحب قولهـآ في أي حوآر وأنني لـ أستغرب ذلك من معلمة في المقـآم الأول ثم أنهـآ معلمة الدين وهذآ يزيد إستغرآبي أكثر. وعلى كل حـآل الكل غير معصوم من الزلل أو الخطأ ... فـ إن حملنـآ كل شخص بـ أي خطيئة يقوم بهـآ عن جهل أو عمد ... فلن يبقى أحد إلآ وعليه علآمـآت من الأخطـآء. عزيزتي ... لـجين من حديث الرسول صلى الله عليه وسلم : واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك , وإن اجتمعوا على أن يضروك بشيء لم يضروك إلا بشيء قد كتبه الله عليك , رفعت الأقلام وجفت الصحف " رواه الترمذي وقال : حديث حسن صحيح لـ قلبك أنفـآس الكـآدي {.. غَسْق ! |
رد: ][ أتـهـمـت في مـدرسـتـي بـالـكـفـر...؟][
. . .
تبين الصدق يا لجين ! كلكم موقفكم غلط !! البنات مطولين لسانهم .. وما احترموا المعلمه اللي واقفه قدامهم حتى لو كانت مسوية أو قايلة شي غلط ! الشخص الكبير له احترامه دائمآ .. المعلمه موقفها في الإنكار عليهم صحيح لكن اسلوبها كان غلط ومنفّر بشده ! انتي يا لجين برضو موقفك كان قوي وجريئ مع معلمتك اعجبني انك ماسكتي وحبيتي توضحين لها .. لكن بديتي بأسلوب غلط .. اقتباس:
لأنها حست بالإستفزاز .. وعصبت أكثر من وجهة نظري انك لوماقلتي لها قدامهم احسن ..! يعني كان اخذتيها على جنب و خليتي الكلام هذا بينك وبينها .. لأنه مو حلوه ان الطالب ينتقد استاذه على مرأى الجميع اول شي بتطيح هيبة الآستاذ .. ثاني شي انتي احرجتيها وهي ماتحملت فكرة ان طالبه تعلمها الصح والغلط .. وتقوم بدورها ! يعني الصغير يعلم الكبير ! ثالث شي أسلوبك كان فيه نوع من التحدي لها .. وهالشي مو في صالحك يا لجين ! اذا انتي خايفه على درجاتك منها .. وانها ممكن ماتنجحك بمادتها وماتبين تفقدين احترامها لك ارجعي لها وافتحي الموضوع معها مره ثانيه وكلميها بأسلوب هادي وبإحترام .. ! اعتذري لها اول شي على اللي صار وانك شديتي شويتين عليها .. وبعدين وضحي لها موقفك واش كان قصدك وان شالله رح تتفهم .. اذا هي انسانه طيبه رح تكبرين في عينها ورح تجبرينها على احترامك وتحرجينها !! واذا بقت على موقفها فخلاص انتي سويتي اللي عليك .. وبرّيتي ذمتك ! |
رد: ][ أتـهـمـت في مـدرسـتـي بـالـكـفـر...؟][
حبيبتي لجين :
أتمنى أن تكونون حقانيين وتعطوني آرائكم بحق << جمله ذكرتيها وما ادري يمكن ما تتقبلين رأيي بحكم كوني معلمه لكن ما يمنع اني اشرح لك وجهة نظري في البدايه انا ما اعفي المعلمه من الخطأ .. بالعكس يطولها جانب من الخطأ انها كانت فظه شوي معكم وهذا اللي كان سبب في عدم تقبلكم للنصح منها لكن اجد كثير من الأخطاء ماهو أكبر من فظاظة المعلمه وهو بعض السلوكيات اللي صدرت منك ! اولا المعلمه ما اثار عصبيتها ماهو آتي : 1- حكم عيد الميلاد وهذا ما يختلف عليه اثنين ... وهو فعلا تشبه بالغرب .. يا لجين مو علشاننا نبي شي وعاجبنا ننكر بداخلنا وايضا امام الناس انه شي احنا نبيه وانه ليس تشبه بالغرب ! هذي حكمها صريح عند المشايخ والنبي صلى الله عليه وسلم بين ان المؤمنين لهم عيدين بالسنه فقط ! ترا عيد الميلاد ما يفرق عن عيد الحب بشي ! 2- انكم خالفتوا نظام من أنظمة المدرسه وانتي عارفه انه الشي اللي سويتوه مخالف لقوانين المدرسه صح ولا لا ؟ 3- اكيد انكم باحتفالكم سويتو ضجه (( لا تقولين ما سوينا ترا البنات ما يحسون بارتفاع اصواتهم )) << نقطه نعاني منها (( المعلمات )) وهذا الشي اكيد هو السبب الرئيسي اللي خلاها ترفع صوتها عليكم ! نجي لتصرفك : قم للمعلم وبه التبجيلا ..... كاد المعلم أن يكون رسولا أنتي تقولين أنك احترمتي معلمتك -- طيب لجين بكون شوي قاسيه عليك بس تحمليني (( صدقيني لمصلحتك )) تعتقدين يا لجين انك احترمتيها لما قمتي ووقفتي وقعدتي تناقشينها قدام جميع الطالبات !!!! حتى لو كنتي على صح وعلى صواب ما تقللين من قدر المعلمه وتطلعينها أنها على خطأ أمام الطالبات مهمااا كان ! لانها لها احترامها وهيبتها وانتي بتصرفك هذا قاعده تحاولين تهزين هيبتها قدام البنات وتخلينهم يضحكون عليها او حتى تفتحين الباب لباقي البنات في التطاول على المعلمه ! لو كنتي فعلا محترمتها يا لجين وكنتي بقناعتك انها فعلا على خطأ كان سكتي وشفتي اي حصه انتظار اننتي فاضيه فيها وتروحين لها وتكلمينها على جنب وتناقشينها بينك وبينها على هدوء اما هي تقتنع منك او انتي تقتنعين منها ! (( انصحني ولا تفضحني )) نسويها للجميع ... فما بالك بمعلمه المفروض تكون لها احترامها ومكانتها قدام الطالبات تخيلي معاي يا لجين أن اختك الصغيره جايه قدام صديقاتها وانتي اكبر منها بكثير وتجيك تنصحك قدامهم وتقول لك انتي خطأ واسلوبك غلط ! ثانيا كلمتك لها : عاد كلن يحترم نفسه !! بصراحه يا لجين الكلمه هذي ما توحي باي ذرة احترام منك للمعلمه أخطأتي بحقها خطأ كبيييييييير كبيييير !! حتى لو نرفزتك ما تتكلمين عليها ! عندك اعتراض كلميها بعدين - او قدمي شكوى او خلي امك تجي تتفاهم معها بس ما تتلفضين على معلمتك بالكلام هذا وتقولين انها نرفزتك ! اذا تشوفين ان النرفزه سبب يشفع لك بالتكلم بالطريقه هذي اذن ما نعتب على المعلمه في اي كلمه أخطأت بها عليكم لانكم (( نرفزتوها )) ! وغيره تصرفات كثير منها لما قالت لك ناظريني ورديتي قلتي اسمعك << ايضا بصراحه اسلوب خاطئ صدقيني يا لجين المعلمه انتم باعماركم يمكن ما تتقبلونها لكن خليك تتعبين او تدوخين بالفصل او تمرين بظروف او حتى تحس المعلمه ان مستواك متدني راح تلاقينها اول من يفزع لك ! اما مسألة الدرجات فأنا اقول لك (( ترسيب ما راح ترسبك )) لكن ممكن تنقصك درجتين لانه بعض المعلمات يحطون درجتين على سلوك الطالبه معهم -- ايضا ممكن انها بشكواها ضدك تخصم من علامات السلوك وبالتالي تحرمين من شهادة حسن السيره والسلوك - وبدون هذي الشهاده ما اعتقد راح تنقبلين في اي قطاع تعليمي آخر ! أنتي أخطأتي خطأ أكبر من خطأ المعلمه بكثييييييير فلذلك أرى أنك تقدمين لها أعتذارك وأسفك وبعد ما تقدمينه لها وشفتيها تقبلته ذيك الساعه ادخلي بالموضوع معها واشرحي لها وجهة نظرك وشوفي وش عندها معليش اسمحي لي يمكن قسيت عليك حبتين - او بتقولين اني معلمه شي اكيد اني بوقف معها لكن انا ابقول لك اني قسيت عليك لمصلحتك وانا هنا اعرف لجين ما اعرف معلمة لجين علشان اوقف معها يعطيك العافيه |
رد: ][ أتـهـمـت في مـدرسـتـي بـالـكـفـر...؟][
، * يعْطِيَك آلعُآآَفِيْه لُجَيْن :) مَآَحَبِيْت آقْرَى مَوْضُوُعِك ومِآآرد.. :01001: بَس بَّصَرَآحَه آُنْآ مَع نَفْحَه عُوَوِد بِكَلامهّآ آَلِكِل تَصْدُر مِنْه آلاخطَآء لَكِن .. حَلَوِو آَنْك طَرَحِتي مُشْكِلْتَك.. وَلَقِيْتِي نَآْس يُوَضّحوون لَك آَلْصِح مِن آَلِخَطَآ صَدِّقِيْنِي آَتِوقِع آَي شَخَص ثَآنِي مَآَرَآَح يُبَيِّن لَك بِوُضُوْح مِثْل هُنَآ.. وبُآلِنَسْبِه لِلدرجَآت ..لِلّاسسف هِي نُقْطَه ضَعُف آلتِلْمِيذِه آَلِلِي تُسْتُغِلِهَآ دَآِئِمَآ آلْمُعُلمِآآت لَكِن بِرآيي تتَرْجِعِين لِلْمُشرِفَه آلاجْتِمآعُيْه ..عَشَّشَآِن لَو صِآَر شَي بَعَّدَيْن تَضُمُّنِي حُقُوْقَك بُدرِجآتُك وَيَكُوْن عِنْدَهَآ خَبَر ..وَتَوَقَّف بِصَفِك وَآَن شَآَء آَلَلَّه تَنْحَل آلامُوّر.. سِنِّه درَآسيَه مَلِيْئَه بِآِلَتَوَفَّيَق وآلفَرّح آتَمُنَآُهَآ لَك ..:095: . |
رد: ][ أتـهـمـت في مـدرسـتـي بـالـكـفـر...؟][
اممم بصراحة يا لجين كلكم غلطتوا .. بس غلطك انتي اشوفه كان اكبر من غلط الاستاذة معلمتكم كل غلطها اسلوبها و اسلوبها هذا كان نتيجة ان البنات طولوا لسانهم و انتي بعد تجرأتي عليها شوي انا معك انك تناقشينها و توضحين قصدك لكن مو بهالأسلوب يا قلبي حتى لو هي أخطأت وانتي صح اسلوبك احسه اسلوب تحدي بينك وبينها وكلامك كان فيه تقليل من قدرها و سخرية منها و اللي قلته هذا واضح بكذا جملة ذكرتيها الشخص الكبير له احترامه مهما كان حتى لو هو غلط لازم نحترمه مابالك ان هالشخص الكبير معلمتك ! تخيلي نفسك مكانها ! تخيلي انك معلمة وجيتي تنصحين البنات بشي و جوا البنات طولوا لسانهم و وصلوك انك تتكلمين باسلوب خاطئ و جات وحدة ردت عليك مثل مارديتي على استاذتك ! ترضينها ؟؟ عاد الحل انك تروحين للأستاذة اعتذري لها و وضحي وش كان قصدك كلميها بهدوء حتى لو شفتي او حسيتي انها ما راح تتقبل كلامك و ان شاء الله بتتفهم و مايصير الا خير يعطيك العافية عيوني :) |
رد: ][ أتـهـمـت في مـدرسـتـي بـالـكـفـر...؟][
http://www.ruoof.net/albom/data/thum...yef.net_22.gif غاليتي غسق..} اهلا بتشريفك لمتصفحي ومن كل قلبي اشكرك عالمبادره الطيبه.. بالفعل كانت مبادره رائعه وحبيتها ويكفي ان المنطق موجود بكلامك واستدلالك بنبينا عليه افضل الصلاه والتسليم.. عاد كلامك كله كان توجيهات لي ونصيحتك وتقبلتها.. لكن حابه اذكر لكم شي..انا قلت لكم ان السالفه كانت طويله وحبيت اختصرها لجل لاتملون من الطرح.. وكلامي هذا ليس دفاع عن النفس لاابد اكيد انا بعد اخطيت.. وصراحه ماقدر اسكت عن الغلط... وطريقه نظرتي للبنات وليش ماوقفوا مع الحق مو لاني ابي ابين لها ان البنات بصفي.. لانها تطاولت علي وقالت كذا كلمه تقلل من شاني وانا ساكته ..لاكن شفتها تعدت حدودها عاد ماقدرت صراحه اتحمل.. حاولت احترمها لكن اجبرتني مااحترمها.. اشكرك عالمبادره الرائعه واشكرك بعد لانك اعطيتيني من وقتك.. وبأذن الله راح اتكلم بشكل اوسع عن كل اللي صار من خلال ردي للاعضاء..وتأكدوا مابي ادافع عن نفسي كل اللي ابي اوضحه ان الكل كان غلطان واهيا اجبرتني اغلط عليها السبب راح اذكره واوضحه من خلال ردي لكم.. مشكوره وماتقصرين حبيت ردك عالاسئله...^ــ^.. تقديري واحترامي لك.. http://www.ruoof.net/albom/data/thum...yef.net_22.gif |
رد: ][ أتـهـمـت في مـدرسـتـي بـالـكـفـر...؟][
http://up.rabe7.com/uploads/ecad88d683.gif البريئه...هلا فيك يالغاليه نورتي متصفحي.. اشكرك عالمبادره الرائعه لكن حابه اوضح لك شي بعد اذنك.. قبل كل شي مابي ادافع عن روحي ابد ادري كنت غلطانه لكن ابي اوضح.. كلامك صحيح لكن البنات تطاولوا عليها لانها ماتحترم احد كله تصارخ ورافعه خشمها وحنا نعرفها من السنه اللي مضت.. عاد اتحدى لو في معلمه محترمه وتحب طالباتها ومايحترمونها الا يشيلونها شيل لكن هذي اجبرتنا نتطاول عليها... واكيد هالشي غلط مهما كان هذي معلمه ولها احترامها.. ويتوجب علينا نعمل القدر والقيمه لها.. اما اسلوبي ماكان تحدي ولا شي كنت بس ابي اوضح لها لان اسلوبها كان سيئ وتصارخ علينا وكأن احد عمل منكر قدامها.. عاد اذتني وقلت لها اللي قلته.. صدقيني واهيا تهاوش فكرت اكلمها بهدوء ومو قدام البنات لكن هذي مااحد يتفاهم معها لاحول ولاقوه مادري ليش ادرس دين او شلون صارت معلمه دين.. ماهدت ابدت وكل الوقت تتلفظ طبعا مو مبالغه ولا شي قلت القصه لخواتي لكن بعد هاوشوني .. وانا محتره منها.. وبالعكس ماكنت اتمسخر عليها كل اللي كان في نيتي انها تعاملنا بهدوء لجل نتقبل من كثر ماصارخت اذتنا وماصرنا نلحق معها.. انا قاعده افكر في الموضوع وقلت بروح لها لكن ليش اعتذر منها واهيا اللي غلطت علي وانا ماقلت شي غلط.. بعدين مااعتقد راح تقابلني او تسمعني لاني ماراح اتحمل لو تغلط علي ثاني.. عاد شنو اعمل مادري..واهيا بعد ليش ماتعتذر يكفي انها تهمني بالظلال واتهمت اهل ديرتي ان اهما معلميني افكار ظاله ليش عاد والله لو يدرون اهلي مادري شنو راح يعملون...؟ مابي الخبر يوصل لهم لان جد راح تكبر السالفه.. عاد هذا اللي عندي.. وعادي بروح لها ماعندي اي مشكله لكن متأكده ماراح تسمعني.. مشكوره عالمبارده الطيبه واتمنى فهمتي علي وقدرتي موقفي شوي.. يعطيك الف عافيه.. تقديري واحترامي.. http://up.rabe7.com/uploads/ecad88d683.gif |
رد: ][ أتـهـمـت في مـدرسـتـي بـالـكـفـر...؟][
http://up.rabe7.com/uploads/ecad88d683.gif نفحه العود هلا وغلا فيك.. عاد تعبتيني جد صار لي فتره اقرا كلامك وقريته كذا مره لجل جد استفيد منك.. وقبل كل شي مابي ادافع عن روحي لا ادري كنت غلطانه وماكان لازم اني اعمل اللي عملته وماطرحت هالشي الا لجل اخذ وجهات نظركم واتعلم منها...وتساعدني بعد عحل الخربطه اللي عملتها ببدايه الدراسه مالت علي..؟ مثل ماقلت راح اكون صريحه كالعاده وماراح ابرر روحي.. كلامك ماكان قاسي بالعكس تقبلت النصيحه ولو ماتبين مصلحتي ماقسيتي علي.. عاد الاحتفال انا ماكنت مشاركه فيه مثل ماذكرت كنت اسولف مع البنات ومالي شغل بحفلتهم..واكيد هالشي مخالف ولله الحمد عمري ماخالفت بالمدرسه لاني احاول اكون طالبه متفوقه محافظه عالانظمه .. ومابي احد يمسك علي اي شي.. طبعا كلامك صحيح لكن ماتلفظت ابدا عالمعلمه البنات ماانكر ان اهما نرفزوها اهيا اساسا ماتخلي احد يحترمها ونعرفها من سنه بمدرستنا لكن مهما كان معلمه ونحاول نحترمها اذا ماكانت محترمه احد.. كنت محترمتها ومو من طبعي اتطاول على احد.. لكن نرفزتني وبدت تشتمني وانا ساكته عاد ليش اهيا اللي بدت تغلط.. قلت لها ..بعد اذنك استاذه..كنت حابه تحاولين تقنعين البنات بشكل افضل..الخ.. لكن مافي فايده..وسكت ثم بعدها اشتمت اهل ديرتي وتقول ان اهما معلميني الظلال.. عاد ليش حدها هنا..ثم قلت اللي قلته.. عاد لو تشتكي علي ماتقدر تشتكي تدرين ليش..؟ انا بقلك ليش..طلبت مني اروح معها للادراه عاد انا وافقت وقلت ماعندي مشكله لكن اهيا كانت تدري ان البنات ماراح يسكتون لها بعدين ياكثر الشكاوي اللي تجي منها فمااعتقد راح تتجرا وتشتكي عاد الكل بيوقف معي والكل يدري بأسلوبها.. وهالشي ضامنته..مو معناته اني اقلل تعاملي واحترامي مع احد ويكون هالشي سند لي ويالله اطقطق على كلن.. لا والله ماتربيت عا الاستغلال والتقليل من شان احد.. اما بالنسبه لو اني خذيتها على طرف وتفاهمت معها عاد هذي صعبه ومااعتقد ابد راح تسمعني فكرت اعتذر لها لكن متأكده راح ترفض اعتذاري..مادري ليش يعتذر اهيا بعد تعتذر مني الكلام اللي قالته مو شويه.. لعلمك موقفي هذا مو معناته اني ابي ابين اني قويه وماافي احد يعرف يرد الا انا لكن الساكت عن الحق شيطان اخرس.. واللي قالته كان تقليل من شان كل البنات عاد كل شي ولااحد يغلط علي احترم الكل ولااحد يحترمني عاد ليش...؟مو عدل..؟ راح احاول اكلمها ومتأكده راح ترفض وتحطني براسها على مدى السنه .. يالغاليه..عاد ليش انا غلطت غلط كبير مااعتقد غلطي كان اكبر من غلطها..اما ذكرك لو اختي الصغيره تصنحني بشي قدام احد او...فهمت شنو تقصدين.. عاد راح اتقبل ولا تستغربين..لاتصدقين المقوله اللي تقول اكبر منك بيوم افهم منك بسنه صار في اصغر منك بيوم افهم منك بسنين.. ومو عيب ان احد ينصحني حتى لو كان اصغر مني بسنين مايهم العمر اللي يهمني يكون الكلام صحيح والمنطق موجود ويبي مصلحتي.. هذا اللي صار وماقدرت امسك اعصابي..للاسف ومادري اذا راح ادفع الثمن..؟ عاد بأذن الله تنحل المشكله بأقرب وقت والسالفه انتهت لااحد يقلي لو..؟ تزعجني بجد وتخليني احتر اكثر ليتني عملت وو..؟ تعبت وانا ارد عليك وعل كل نقطه اتمنى فهمتي شنو اقصد.. ومن كل قلبي اشكرك عالمبارده.. تقديري واحترامي.. http://up.rabe7.com/uploads/ecad88d683.gif |
رد: ][ أتـهـمـت في مـدرسـتـي بـالـكـفـر...؟][
http://up.arab-x.com/Feb10/pJK84925.gif انسكاب.. هلا فيك وبطلتك لمتصفحي.. مبادره رئعه كحضورك.. ان كنتي فعلا واقفه بصف نفحه العود عاد انا وضحت لكم سبب تصرفي واكيد الغلط موجود ماراح انكره.. اتمنى تردين لها لو تبين توضيح اكثر.. مابي اكرر كل اللي قلته لاني تعبت...^ــ^... وصحيح المعلمات كثير يهددون بالدرجات لكن حقك راح يوصلك.. وماراح تنظلمين ان كنتي تستاهلينها وحقك.. وبأذن الله اكلم المشرفه وتقدر تساعدني عاد.. وتحاول تتفاهم معها او انا اكلمها اذا وافقت تسمعني.. بشرط ماراح اعتذر الا اذا اعتذرت لاني ارفض اي احد يقول ان غلطي كان اكبر من غلطها بعد كل اللي قالته ومااقول اللي اقوله..؟ جد كنت غلطانه لكن ماتحملت..؟ وبأذن الله اتوفق بدراستي هالسنه وربي يوفق الجميع.. يعطيك الف عافيه.. تقديري واحترامي.. http://up.arab-x.com/Feb10/pJK84925.gif |
رد: ][ أتـهـمـت في مـدرسـتـي بـالـكـفـر...؟][
http://up.arab-x.com/Feb10/pJK84925.gif هلا وغلا فيك ورد البراري.. عاد ليش انا غلطي اكبر من غلطها.. تذكري انا مابي ادافع عن روحي ومابي ابين اني كنت على حق..اكيد غلطت لكن مو اكبر من غلطها.. فكره اني اروح لها مو مرفوضه لكن مااتوقع راح تسمعني ابد.. لاني اعرفها من فتره وادري ماراح تتقبلني.. عاد اسمحي لي الحين.. ماقدر احط نفسي بمكانها لاني راح اكون اكثر احترام بكثير من اللي عملته وقالته.. اهيا ماكانت تنصح والبنات صحيح تطاولوا عليها كل اللي كانت تعمله تصارخ وتتهمنا بالكفر والظلال عاد هذي احد يرضاها.. البنات سكتوا وانا ماحبيت اسكت عالغلط موقفي ماكان بطولي او ابي اوضح ان مافي احد قدي.. لكن ليش الغلط قدامي وانا ساكته والساكت عن الحق شيطان اخرس.. اعتقد اهيا غلطت علي ويعد كل اللي قالته صعب اسكت لها.. كنت غلطانه صحيح لكن اذا اعتذرت اهيا بعد تعتذر مو ابيها تردها بالمثل او لاني مثل مايقولون امثل ماتعملين اعمل.. لا لكن هذا حق كل البنات لانها قلت من شانهم.. اتمنى تفهمين علي.. لاني ماقدر اوضح اكثر من كذا تبين تفهمين اي شي ردي لكل اللي قلته الله لايهينك..^ــ^.. لاني بجد تعبت وانا ارد.. واشكرك لانك اعطيتيني من وقتك.. تقديري واحترامي لك.. http://up.arab-x.com/Feb10/pJK84925.gif |
رد: ][ أتـهـمـت في مـدرسـتـي بـالـكـفـر...؟][
حبيبتي لجين
اشلون ماكان أسلوبك تحدي وانتي تقولين : اقتباس:
و اقتباس:
حتى لو انك ضامنه انها ماتقدر تظلمك مو حلوه في حقك تكلمينها بهذي الطريقه ولا فيه احترام لها ! احنا ماندافع عن المعلمه ونقول ان الغلط راكبها بس احنا نبي لك انتي الخير عشان تصلحين موقفك معها مو تزيدين الطين بله ! اقتباس:
حفله عيد الميلاد ماتسمينها منكر ؟! وهالحفله شنو ؟! مو منكر ؟!! واذا كانت من النوع اللي مايتفاهم .. السكوت أفضل في هذه الحاله .. لأنه شوفي وش صار بعدين لما تكلمتي وتناقشتي معاها وانتي متنرفزه ! صرتي غلطانه أكثر منها .. وهي كانت تمارس دورها كمعلمه يوم تكلمك ! ولما اتهمتكم بالضلاله .. المفروض ماتاخذين عليها لأنها ماتحترم أحد يعني المفروض كنتي عارفتها وعارفه اسلوبها كيف مع الكل مو انتي لشخصك .. هذا اول شي! ثاني شي اتوقع بغت تخوفكم من الشي اللي قاعدين تسوونه وانقهرت من برودكم .. فلمست وتر حساس ( الكفر - الضلاله) ! كمحاولة لفت إنتباه لخطورة الشي اللي قاعدين تسوونه ! واحتمال من العصبيه خانها التعبير وبغت تعلمكم ان هالشي خطآ فإستخدمت تعبير نرفزك وانا متأكده انها ماكانت تقصد .. وتجهل معناه الحقيقي ! انتي هدي الموضوع من طرفك ولا تسوين فيها قبايل عشان ماتكبر السالفه ويعرفون اهلك وهو الشي اللي ماتبينه ! نيتك تعلمينها اوكي .. بس الطالب لما يوجه نصيحه لآستاذه لازم يحرص على انتقاء الألفاظ والكلمات المناسبه .. لانه الموقف حساس شوي ومو بسهوله يتقبل منه ! بعدين لاتتوقعين انه شي سهل ان الكبير يعتذر للصغير فما بالك بمعلمه !! روحي لها ولاتستعجلين النتايج اهم شي كلميها بإسلوب محترم .. وتنازلي عن كبريائك اذا تبين الموضوع يهدى .. عشان مصلحتك و دراستك وسمعتك ! موفقه .. |
رد: ][ أتـهـمـت في مـدرسـتـي بـالـكـفـر...؟][
هلا عيوني غلطك اكبر لأن اسلوب حوارك مع معلمتك ما كان فيه احترام لها و قد قلت لك ان هالكلام واضح بكذا جملة ذكرتيها بطرحك انا ماقلت انك تبين تدافعين عن نفسك او تبين تبينين انك على حق بالعكس قلت اني معك لكن كان اعتراضي على اسلوبك في الكلام معها خصوصا انك ادرى بمعلمتك و تعرفين طريقتها انتي قلتي اقتباس:
مو صح انك تكلمينها بهالطريقة قدام البنات هذا اللي قلت عليه تخيلي نفسك مكانها مو قصة ان هي مو محترمة وانك اكثر احترام قصدي تخيلي احد اصغر منك احد يرد عليك بهالطريقة اتوقع ماترضينها لو احد كبير كلمك كذا فما بالك لو صغير بمراحل ؟ اقتباس:
يا قلبي وين الغلط باللي قالته ؟ اقتباس:
كان بيصير حرام عليها وكان بتصير هي الشيطان الأخرس :090: ارجع واقول ان المعلمة غلطت لكن غلطها في اسلوبها و انا على ثقة ان طولة لسان البنات هو اللي خلاها تعصب و تتكلم بهالأسلوب وخلاها تقول هالكلام وترد بطريقة سيئة خانها التعبير مثل مايقولون :) اقتباس:
يعني واضح ان طريقة رد البنات تخلي البارد يحترق اقتباس:
الكلام اللين يغلب الحق البين لا تنتظرين منها تعتذر لأن صعبة الكبير يعتذر للصغير روحي لها واعتذري عن اسلوبك في الكلام معها بهدوووء :) و ان شاء الله بتتفهم تفاءلي بس بالتوفيق عيوني |
رد: ][ أتـهـمـت في مـدرسـتـي بـالـكـفـر...؟][
مساء الخير
لا تصل لحد التكفير أو الإعتقاد ب الجزم ب ذلك . و ب خصوص من المخطئ في البداية المدرسة ليست مكان ل أعياد الميلاد ومن حق المعلمة أن تعاقب جميع من كان في الفصل حسب القواعد و الأنظمة وتستطيع أن تخصم من السلوك والمواظبة إذا أصرت في عقابهم وقد أكتفت ب الحوار معهم ومع ذلك يتطاولون عليها ب ألسنتهم قد تكون المعلمة على خطأ وللجد لا ألومها فلم يعملوا لها أي أحترام حتى في حصتها ما يتوجب عليك أختي الفاضلة أن تسارعي في الإعتذار منها حتى وإن كنتي لا ترين أنكِ مخطئة ف المعلمة لها إحترامها في حرم المدرسة فما بالك في وقت حصتها وأكد لك إن شاء الله أنها سوف تتقبل الإعتذار منك ولكي يرتاح الضمير حتى وإن كان الخطأ منك بسيطاً سعيك وراء ذلك هو إحترام ل شخصك قبل أن يكون إعتذاراً ل معلمة دمتي بود فارس |
رد: ][ أتـهـمـت في مـدرسـتـي بـالـكـفـر...؟][
|
| الساعة الآن 07:32 AM. |
|
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.