|
يوم قلت لامي ابي حبوب منع حمل
السلام عليكم ورحمة الله
ثانكس لكل من دش موضوعي ابعلمكم سالفه صارت قدام باب بيتنا يوم الثلاثاء 27/10 بعد ماطلعوا اهل البيت لمدارسهم وحيث اني انا ماوراي شيء هالايام قاعده في البيت المهم سمعت اصوات حديد واشياء تطيخ وتخبيط مدري وش هو المهم انا احسبه احدن يكسر باب الشارع بيدخل علي <<<<<لو يطب احسن له وشوله يكسره المهم انا نقزت من مكاني ورحت اطل الغرفه الثانيه وطليت على باب الشارع لقيت الوضع تمام..اجل وش اللي صاير؟؟؟؟؟؟؟؟؟؟ صار حادث سيارتين في الشارع وحده فيها سواق وثلاث بنات ثانوي وهذا واضح من مراييلهم والثانيه رجال عادي صدمهم وقال كل واحد يصلح سيارته وراح وسيارة السواق وقفت مرررررره ماعاد تمشي انا عاد للحين وانا اطل والسيارات تجيهم وتروح محد يوقف الا سياره وحده مظلله كامل تدور عندهم مره ومرتين وبعد الثالثه سويت موقف بطولي فتحت باب الشارع وناديت البنات وقلت تعالوا ودخلتهم الملحق ودقيت على الشرطه وسئلتهم عن السالفه المهم الشرطه طولوا ماجوا ماهيب عوايدهم <<<< بلاه من زين وصفتس لهم ووصلت الشرطه الساعه سبع ونصف صباحا وابشركم ضيفت البنات مويه وقلت اجيب فطور ونقعد قالوا ورانا اختبارات فاتتنا <<<<<<البنت تبي تفلها وبعدها وداهم الشرطي لمدرستهم وانا رحت اغط في نومن عميق وانتظ اهلي الظهر عشان اعلمهم جاء الظهر........ ويوم اجتمعوا قلت عندي لكم سالفه قالوا وش هي وقلت اليوم الصبح .......... وانا انظر لعلامات التعجب في ذا الوجيه حسبت انهم بيقولون شجاعه شمريه <<<<كني البزران يحسبون الشمري عنده قوه خارقه المهم وبدت الهوشات تتوالي علي احد يقول وشلون دخلتيهم ماخفتي احد يدخل عليتس واحد يقول ليش مادقيتي علي اجي من المدرسه قلت انت توك رايح اخاف تقولي ليش تجيبيني طبعا هو مدرس قال ايه كان دقيتي اجي بسرعه مو هم قدام البيت ومتمشكلين وبنات بروحهم المهم عصبوا علي وانا اقول حرام عليكم بنات وخفت عليهم وربي وماش ماعجبهم وسكت انا والله يوم جوا البنات بيطلعون كان نفسي اهاوشهم واقول لين ناداكم احد لاتدخلون عنده في البيت انا طيبه وش حليلي لكن غيري مدري عنه:) واللي صار الاربعاء نكته جاء البابا قال معك مفتاح باب الشارع قلت ايه قال عطيني اياه وعطيته اياه وقفلوا البيبان علي الصبح وراحوا وخلوني قلت طيب لين صار حريقه لاسمح الله وش اسوي قال الدفاع المدني بيكسرن الباب وانتي اطلعي في السطح ومعك جوالك اخاف نجي الظهر ومانلاقي شيء في بيتنا ولا انتي بكيفتس انتي فاتحتلهم 8 8 8 8 8 تحطيم صح؟؟؟؟؟؟ ================================ يوم الاربعاء في الليل قلت لامي ابي حبوب منع الحمل حسيت انها تتلفت تدور شيء حولها بس مدري وش هو؟؟ ونادت البابا وقالت له قلت يمه هذا بيني وبينتس وش دخل البابا عاد هو ماعنده تفاهم وشو؟؟؟؟؟؟؟؟؟ امس تفتحين الباب واليوم حبوب منع حمل قلت انا ابي خمس حبات بس عشان احطها في علبة الشامبوا يقولون انها تطول وتكثر الشعر لاحتوائها على البروتين طبعا قالوا لا ومليون لا وشعرتس خليه لاتقصينه وبيطول 8 8 8 8 وهذي هي السالفه والقصه اللي صارت لي من يومين ابي تعليقاتكم عليها وتراها قسم بالله صدز مازدت ولا حرف مايستفاد من الموضوع 1/(المهم )<<<ذكرت اكثر من مره في القصه لحاجتن في نفس وطنزتن في احد ما 2/لاتفتحون بيبان الشارع الصبح لاحد حتى لو كان ابوتس 3/حطي زيت وحلبه في شعرتس ويطول بسرعه<<<مجرب 4/ملحق بيتنا دومه حوسه مدري ليه 5/هاليومين برد لاتنومون الا لابسين قبوعه اللي فيها حرف بالانجليزي |
مشاركة: يوم قلت لامي ابي حبوب منع حمل
هههههههههههههه
والله شر البليه ما يضحك (اجل حبوب منع حمل) الله يهديتس ما قلتي الا للوالده لا وبعد ما عزمتي راعين الحادث بالبيت على هالصبحيه زين الا ما كفختس ++++++++++++ اما مناحية موضوعك الاول شوفي يا فروووحه انا من وجهت نظري ان اللي سويتيه يعتبر شئ ايجابي من ناحية استضافتك للبنات وذلك بعد ما شاهدتي تفاصل الموضوع من اولها واعتقد ان اهلك الله يهديهم حرصين حييييل وبزياده اما استضافت البنت لأي احد ما تعرفه وخاصه اذا كان البيت مافيه الا هي فإعتقد انه شئ سلبي وخاصه اذا كان هالشخص المستضاف طاق الباب من دون احم ولا دستور ولا تعرف عنه اي شي اما ما فعلتيه انتي فلا اقول لك الا برافوااا يافروحه وكثر الله خيرك يابنت الاجواد |
مشاركة: يوم قلت لامي ابي حبوب منع حمل
<<<<ولد عمكم ,,خخخخ
8 8 تجمعوا الشمامره ,, هع كفوو والله ,, والله زين اللي سويتيه للبنات بالعكس يمكن حميتيهم من شي كبير ,, أما حبوب المنع مع الشامبو هههههههههههه,, مهبوله انتي ! لا تصدقون كل ما ينقال الوحده شوي وتحط على شعرها زيت فرامل عشان يطول ,, ,, بس تماااااااام اللي سويتيه ,, والله يحفظ بناتنا وبنات المسلمين ,, بالنسبه لتسكير الباب وتقفيله احسه غلط ,, ولو طعتي شوري حاولي ما تقعدين في البيت الحالك الا للضرورة القصوى << والله لو انا في العراق ,,هع ما ودك والله بتقفيل البيبان جد مشكله ,, تحياتي لك ,, بايوو |
مشاركة: يوم قلت لامي ابي حبوب منع حمل
هلا فروحه 00
بالعكس اللى سويته هو الصح 00 انتى كنتى شايفه كل شى قدامك والبنات ضعيفات ما بيدهم شى 00 وما منهم خوف 00 انا اقول موقفك يدل على شهامتك وغيرتك وحبك للمساعده بالنسبه لحبوب منع الحمل مع الزيت انا سبق سمعت كذا بس خفت اجربها تحياتى |
مشاركة: يوم قلت لامي ابي حبوب منع حمل
ماشاء الله عليك
جريئه وقويه :D عن نفسي لو كنت بمكانك وربي مافتحت لهم ومايردني الاباااااب غرفتي ان انثبرفيها واقفل علي ليييييين يجون اهلي........ :p وبالنسبه للبنات اتصل على كل من هب ودب واحسه ممكن يساعد ..ومن ضمنهم الشرطه <<< اتحدى ان اتصلت ،،،2 الجد بتصل على اهلي هم يتصرفون .... لان هالوقت الوااااحد يخااااف من كل شي ومايأمن اي احد....:( _ اما سالفه الحبوب ههههههههههههههههههههههههه ياحليلك بس...و زين ماتصطرتي عليهااا..... وعلى قولتك في الخلاصه من تبي شعرها يطول تحط ثوم وحلبه قصدي زيت وحلبه <<< صار حقل لتجارب :العيار: تشكرااااااااااااات خيتووووووو تحياتي...عشق الليل |
مشاركة: يوم قلت لامي ابي حبوب منع حمل
السلام عليكم ..
هههههههههههههههههههههههههههههههه ياحبي لسوالفتس بس :cool: موقفتس الأول .. اقتباس:
والله شي صراحه شجاعة وراعيه واجب لو أنا من البنات كان قمت حبيت راستس :D يعني أهنيتس بصراحه . بس دايماً كوني حذره , فيه سالفه صايره عندنا مدري هي صدز ولا خرطي يقولتس مره في مجمع وحده مع امها تمشي .. فجأه جو بنااات كثااار وتجمعوا على البنت اللي تمشي مع أمها وقامول يجغفون ويلمون ويحبوون فيها ومشتاقين ومدري وشو الأم على بالها صديقاتها يعني .. المهم يوم وخروّا البنات عنها ولا البنت طايحه ومكتوب على معصمها الإيدز ((أعوذ با الله الله يكفينا شره )) ومشممينها مخدرات ((أعوذ با الله الله يكفينا شره )) عاد مدري صدز ولا خرطي 8 8 أحس السالفه مالها دخل بس أقولتس يعني وبا النسبه للخلطه الصراحه أول مره أسمع بها , ولو أقول لأمي كان يصير آخر يوم في حياتي :p فروحه الله يسلم دياتس يارب .. |
| الساعة الآن 06:31 PM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.