يوم اقبلـت نادى لها القلب وانـزاح =عن خاطـري همن ثقيلـن مقيمي ..
ويوم اقبلت صوت لها جرحي وصاح =تكفين لا تفتحي جرحـن قديمي ..
جرحك برى وانا جروحي بها رماح=وجرحك مضى وانا جروحي تقيمي ..
وقلبك هدى وشطون قلبي بها رياح =تعصف بها في هجعتي عند نومي ..
تكـفيــن خلينــي مـن الهـم أرتـاح = قلبـي بـرى لـو كان قلبـي عزومـي ..
ماينـفتـح مغـلاق سـري بمفتـاح =ولحـدن درى باللـي مضى من همومـي ..
أغـض عنـه الطـرف لا جـا ولا راح = واسكت اذا طريـاه صـارت تحـومـي ..
والقلب يخفـق عند طـرياه بجنـاح = والعيـن ان اغـضـت هـدبهـا يحومـي